. 一如所料，喺我收到嘅PM之中，8成嘅男同學2018年嘅目標都係追到女神，而9成嘅女同學都係純粹想入U，男女大不同，哈哈！😂 . 第一屆DSE，我有個男學生，好鬼冧佢個女同學，冧到似乎係做緊觀音兵，當我發現咗之後，有次我將所有數學題都加插佢女神個名，例如：「XXX is struggling on making a the subject in the formula ... Can you help her?」本來呢條友好討厭做數，但畀我捉到佢心理之後，佢每次都超專注做曬啲題目。佢同我講： . 「我下一次數學考試，一定要高分過我女神。」🔥 . 結果佢成功咗，拎咗80幾分。後來考完DSE，佢都仲有keep住搵我，幫下我手，我又說服下佢睇多啲書、講好啲英文、學多啲嘢，增值下自己，令自己成為一個更值得被愛嘅人。 . 喺入U之前幾個月，佢睇咗好多哲學書、喪煲美劇、研究健身，越睇佢越靚仔（唯獨是唔算好高，無計😂）。 . 後來有一日，佢同我講，佢向佢女神表白咗。 . 亦都失敗咗。😌 . 不過唔緊要，佢失去女神，但佢已經成為咗男神。（入到U成日向我炫耀畀好多女仔約，好快就拍咗拖） . 有啲人，佢唔重視你，你幾重視佢都只係嘥時間。正如買利物浦攞英超冠軍，唔得就唔得，你越投入得多，就越嘥得多。倒錢落海都會泛起漣漪，但係，同溫數學一樣，如果目標唔啱，你幾搏老命做都好，都可以連渣都無。 . 與其求人，不如求己。才華就係最保值嘅嘢。 . 應承咗各位，我會分享我新一年嘅目標，依家就講下啦，集氣祝我成功： . 😍家庭：好多同學唔知，其實我老過譚詠麟了。喺2018年，我要組織自己嘅家庭。有人重視自己，係福氣，並非理所當然，我會好好珍惜。另外，我都會盡力令所有屋企人活得更加好，最緊要開開心心。 . 😎事業：好慶幸杜氏數學喺SKX嘅online速效課程，已經極速上咗軌道。喺2018年，作為一個愛書之人，我都要過作家嘅癮，出版教數學考試嘅書，喺2018或2019年於書展出現。 . 🙄健康：曾幾何時，我係乒乓波校隊，最近見新垣結衣打乒乓，我都打返了。年輕嘅時候，打得唔叻，與獎項無緣，依家我嘅目標係元老比賽冠軍。祝我成功！ . 🤓學業：其實一直都有自習高等數學，喺2018年我要讀更多，希望喺未來幾年，完成出版書籍之後，可以全情投入於數學研究，逐步貢獻於大眾數學/普及科學。 . 係咁多，越嚟越近倒數了，你準備好未？唔單只係準備大嗌321，我係問你準備好你2018嘅目標未？😘 . 祝你2018大計成功！😄 . 杜氏數學 Herman To Math 官方網站: www.HermanToMath.com 網絡課程: http://hermantomath.skx.io . 🏅Herman To是杜氏數學Herman To Math的始創人 🏅全港唯一「完爆」【DSE Core+M1+M2】、【AL Pure+Applied】和【CE Maths+A.Maths】的數學補習導師 🏅YouTube Channel超過200萬Hit Rate、超過18000 Subscribers 🏅全港唯一數學補習YouTuber獲YouTube官方邀請出席首屆FanFest Creator Camp 🏅全港唯一於2017年以手機App開Live授課 時薪過萬 的數學補習導師 🏅DSE 2018 我們一起加油吧 ! . 真‧完美戰績 . 新制中六DSE: (2016 M2 + 2017 M1) . 🏆數學必修 (Mathematics) 一take過 奪5** 🏆數學延伸M1 (Calculus and Statistics) 一take過 奪5** 🏆數學延伸M2 (Algebra and Calculus) 一take過 奪5** . 舊制中七高考: (2011) . 🏆純粹數學 (Pure Mathematics) 一take過 奪A 🏆應用數學 (Applied Mathematics) 一take過 奪A . 舊制中五會考: (2009) . 🏆數學 (Mathematics) 一take過 奪A 🏆附加數學 (Additional Mathematics) 一take過 奪A . 國際高考International Advanced Level: (2017) . 🏆Core Math 1 2 一take過 奪A 🏆Core Math 3 4 一take過 奪A 🏆Further Pure Math 1 一take過 奪A 🏆Mechanics 2 一take過 奪A 🏆Mechanics 3 一take過 奪A 🏆Statistics 1 一take過 奪A 🏆Statistics 2 一take過 奪A