《可惜我是雙魚座》
原文轉載自ig：hamuwolf
呀輝晃著啤酒杯，眼神迷離，似乎是醉了一樣，兩眼半睜半閉。我知道他沒醉，他從來都沒醉過。
.
他常說「男人唔可以醉，醉咗，呢個場啲女你冇份；到你醒咗，你條女可能已經同其他男人食完早餐埋緊單。」
.
他心裡有些話想發洩，我也不去阻止他，只是把他這個...
《可惜我是雙魚座》
原文轉載自ig：hamuwolf
呀輝晃著啤酒杯，眼神迷離，似乎是醉了一樣，兩眼半睜半閉。我知道他沒醉，他從來都沒醉過。
.
他常說「男人唔可以醉，醉咗，呢個場啲女你冇份；到你醒咗，你條女可能已經同其他男人食完早餐埋緊單。」
.
他心裡有些話想發洩，我也不去阻止他，只是把他這個樣子拍了下來，準備呃LIKE。
.
「千錯萬錯，就係錯在我係雙魚座。」呀輝罕有地翻了個白眼。
.
我愣了一下，我也是雙魚座，你什麼意思？
.
「佢話雙魚座花心喎，成日send啲星座性格分析過黎，然後就開始鏟我。」
.
「我同你慢慢分析佢個邏輯。」呀輝的指節骨重重地敲在桌面上發出沉悶的「咚咚」聲。
.
「因為我係雙魚座，所以我花心。因為我花心，所以我出去飲酒嘅目的就一定係媾女，然後我就會同人搞一夜情。總結，我係一個唔專一嘅渣男。」
.
我啞然失笑「全世界雙魚都應該去死係咪…..」
.
呀輝爛玩是人所周知的事，但若告訴別人呀輝是專一好男人，那麼大家定會嗤之以鼻。怎麼可能！歡場無真愛的嘛！恰恰無巧不成書，呀輝就是這種內外反差極大的人，他要是談起戀愛來，那就是百分百專一。
.
「所以一飲酒咪出事囉！一定分手冇情講。」
.
聽到這，我有點坐立不安起來，原來還有這麼一段故事。
.
「如果佢知道你今日係同我飲酒......」我沉思道。
.
「咪話分手囉！有冇聽書！」呀輝又翻了一個不擅長的白眼。
.
「咁……我頭先Po上IG，你……唔阻止我嘅？」
.
呀輝聽完渾身一震，顧不得裝醉「哇….我DLKH….del咗佢喇望！」
.
兩人分工合作，我del post，他也在whatsapp上試探女朋友。
.
「佢已經block咗我……」呀輝呆住了。
.
不過他已經迅速反應過來，手指一遍飛速在電話上滑動，一遍還有心思安慰我「唔使驚，上帝關你一扇門，一定會留返一扇窗俾你；條女block你WhatsApp，一定會留返Facebook俾你。」
.
語畢，呀輝還向我風騷地眨了眨眼，「呢啲係過來人嘅經驗。」
.
我心裡不禁感歎，嫂子對你果然是訓練有素。
.
但接下來的幾分鐘，呀輝的臉色逐漸變黑。
.
「睇黎佢今次真係好嬲，ig、wechat、fb全部都block曬。」呀輝皺著眉頭。
.
情況聽起來很嚴重，我也很是著急，畢竟這不是我做了一萬件對的事之後才犯的一件小錯事。跣了自己的好兄弟，雖然不是「四面受敵」，卻也足以令我滿腹愧疚。
.
「咁……上帝有冇話，條女block曬啲嘢之後，仲留咗咩俾你？」
.
呀輝聞言拍了拍自己大腿，「有，仲有Plan B。」
.
「咩係Plan B？」我好奇。
.
呀輝湊到我旁邊癡癡地盯著我
.
「你，咪就係我Plan B🖤」
.
「埋單唔該！」我毫不猶豫。想起網絡上的一篇潮文為兄弟會獻出「菊花」，我就一臉嫌棄。
.
「講笑講笑！但今次一定要你幫手呀！」呀輝大力拍著我的大腿，一邊向我投以信賴的目光。
.
「有屁快放。」我奮力阻止他對我肢體上的「侵犯」。
.
「好簡單！開個whatsapp group add我同條女入去，然後你quit group，之後交俾我就得啦。」
.
這次輪到我癡癡地盯著呀輝看了好久。
.
呀輝像是知道我的想法「唔好咁望我，個陣激嬲條女，都咁啱係見到咁多common group先靈機一觸，我都覺得呢個方法秒絕，條女都係咁讚我！」
.
呀輝又拿出電話炫耀著「你睇下，之前開咗好多『二人group』架！不過依家全部都係得返我一個咋嘛。」
.
「喂？太狼？回魂啦喂！等緊你救命㗎！」
.
「我係度諗，耶穌話要原諒人七十個七次，你有冇打算一次過開490個二人group？就算條女嬲極，見到咁L多group，都冇心機逐個咁quit掛？」
.
我這番話好像一言驚醒了洛克人，呀輝搶走我的電話開始「默默」耕耘起來。
.
不到半小時的時間，他女朋友就已經親自打電話來叫他「收手」，停止一切智障行為。
.
呀輝一邊被女朋友教訓一邊向我舉出大拇指，彷彿在說「大佬好嘢！」
.
我擺了擺手，叫他馬上滾蛋慰妻。事情就這麼告一段落，但呀輝走得匆忙，並沒有在開群之後用我的手機退群.....
.
這導致了我後來經常可以「live」他們的吵架內容........當然這又是另一個故事了。
