< 英文點搞呀？>🌝🌝🌝🌝🌝 話說我細個讀中文小學 之後升左上間英文中學 一開始連數學加減嘅英文 ie addition / subtraction 都唔識HAHAHAHAHA 嗰時用左唔少時間搞搞自己啲eng 雖然宜家啲英文已經退步左好多 不過大家都可以參考一下我啲小秘訣(￣▽￣) - 1。睇書 中三開始唔記得點解突然對英文小說產生強烈嘅興趣xd 我連搭車都睇書:3 推薦大家可以先睇啲有改編成為電影嘅書 睇完書再睇電影 or調返轉 滿足感+motivation會大啲 我睇書嘅時候無刻意查字典 個人認為咁樣好影響我睇書嘅心情lol 我prefer估估下用自己嘅能力嘗試理解本書嘅內容 睇得書多對閱讀速度+寫野嘅fluency都好有幫助!! - 2。睇youtube / netflix 記得我一開始係睇zoella 佢啲accent 係超級british 之後有睇其他diy / 美妝youtuber 總之就自己有興趣嘅野 聽得多覺得自己講野好似native 左 esp 啲pronunciation!!!! 睇netflix推薦先開英文subtitle 睇兩集之後熄字幕 咁先唔會掛住睇個字幕而唔係聽套劇入面嘅對話/enjoy緊套劇~ - 3。 聽英文歌 聽歌嘅時候為左想知首歌咩意思會上網查 一來可以學到新嘅vocab 仲可以學埋點用個字 記得我嗰時好鍾意聽一首叫clarity 嘅歌 clarity/ remedy/ tragedy 呢啲字全部都係喺呢首歌學翻黎!!! 推薦慢歌呀可以聽得清楚啲啲字 eg taylor swift / lauv / LANY - 4。轉思維 平時試下用英文諗野 而唔係用中文諗完譯番做英文 (lol so hard to explain dk daiga get mm get) 就好似宜家你睇緊一本書 imagine突然有個外國人走黎問你本書好唔好睇 你個腦應該會轉左做英channel 然後直接開口答xd 平時出街其實都有好多機會練習 睇少啲電話多啲觀察身邊嘅事物 周街見到啲咩可以叫自己用英文描述下佢 ~ - (亂up完，希望幫到大家:p)

#DIY中文字形結構表 #分享下載 #認寫中文好幫手 #小一常用300字 突發：教育局今日25/2表示全港學校會進一步延長停課，直至學校復活節假期結束，但確切復課日期仍有待進一步評估。😓 大家又要繼續加油💪🏻！ 正題： 認寫「中文」，對於時下好多小朋友都係一大難題，尤其依家讀國際學校/英文學校嘅小朋友越嚟越多，令佢哋可以接觸中文嘅機會相對減少咗好多！ 英文來來去去26個英文字母組合，反而感覺仲易學！ 「中文」 #字字不同 ，每個字形同意思亦不同，所以中文嘅「 #認 、 #讀 、 #寫 」實在要花更多時間去學與教！ . 小朋友認字嘅能力亦各不同，就好似我哋3個咁🧒🏻👦🏻👧🏻，一個認字好快、一個疑似有讀障、一個唔肯記，咁樣點教好？！ 又唔能夠一味只靠「寫」！ 所以一定要先教識佢哋點樣「認」字，透過認識文字結構，拆開續少部份俾佢哋認清字形，自然一步步輕鬆記住。😎 . 就正正因為歌c拉媽媽👩🏽好需要一個字形結構表幫佢哋👧🏻👦🏻🧒🏻認字。網上面又無咩呢方面嘅分享，所以決定自己 #DIY一個「 #中文字結構表 」每次同佢哋寫字前先同佢哋一齊喺「文字結構表」上搵配合到嘅拆字結構，慢慢、慢慢佢哋加深咗對字嘅認識，從而強化記憶同了解文字中嘅特徵，自然就記住啲「字」啦！🤩 另外，上網搵資料嘅時候見到有一個小一常用300字嘅字表非常適合幼稚園或者初小 參考，歌c拉重新整理過，由簡單字開始排😆方便佢哋3個👦🏻🧒🏻👧🏻睇！👀 . 今次歌c拉媽媽👩🏽 分享 「DIY中文字結構表」PDF file、小一常用300字表同埋加多個 20 頁5字短句📝習字紙，因為上次K1-P1工作紙分享時，有好幾位媽媽pm表示希望有多啲生活化短句俾小朋友寫吓😆，咁所以又諗咗20頁嘅5字短句俾大家！😆 可能大家都俾我上次嗰句「買米和廁紙」吸引咗！😂 如果想要可以 1. Like 👍🏻 歌c拉。3年抱3。1湊3 fb page 2. Like and Share 呢個Post(設定為公開） 3. 留言 「 #我想要DIY中文字結構表同埋5字生活短句！」, tag 2位或以上可能都想要嘅朋友仔 👭（轉粗體） . 歌c拉媽媽👩🏽收到留言後，2-3天左右續一pm大家！😊 🙏🏻 由於歌c拉咩都一腳踢，所以請大家耐心等候，一齊加油！💪🏻 . PS: 白板筆、透明膠套，文具店有得賣，大家可以睇吓！套入去之後用白板筆寫完可以擦，好方便！😁 . . 🌼🌸🌼🌸🌼 記得 「 LIKE 」👍🏻同「追蹤」定 歌c拉。3年抱3。1湊3 www.instagram.com/threekids.gloria . 歌c拉媽媽👩🏽稍後將會有更多不同類型嘅資訊分享，同埋好快又會有唔同嘅禮物🎁 giveaway咖啦！🙂 . . . . . . . . . . . . . . #學校停課 #香港人齊防疫齊抗疫 #香港媽媽 #媽媽博客 #本地媽媽 #親子博客 #親子blogger #在家學習 #全職媽媽 #繼續停課 #hkiger #momlife #hkkids #hklife #happylearning

#bfmurmur1241 我依篇文好長，希望你有耐性睇完，Thx。 我同前女友都係90後頭，年紀差唔多，大家係讀大專既時候，去歐洲交流團既時候相識。佢屬於15Xcm嬌小可愛型，我覺得佢份人夠真同爽，所以第一眼就對佢有好感。我自己就高瘦型，同佢相差2Xcm。當時去左歐洲兩個星期，可能朝夕相對，而我又特別照顧佢，所以大家漸漸互相吸引。直到番到香港，大家先正式起埋一齊。 我同佢都一齊左兩年幾，佢係我初戀，而我係佢第二任。當我向佢表白既時候，佢都擔心我會介意佢既過去。但對我黎講，當你愛一個人，好多野都可以包容，更何況已經過左去，介意黎都無意思。如是者，我地正式開始拍拖，平時我會帶佢去唔同地方玩，一齊食好野。 雖然我係第一次拍拖，但我明白愛情係要付出心意同關懷，所以我都盡量做到最好，將對方當係家人咁照顧。例如每次食飯既時候，我會問佢想食D咩，佢通常都揀唔定，咁我就會order兩款佢想食既食物，等佢唔洗煩。如果食物有骨頭，好似雞翼豬扒，我就會順手幫佢起骨。因為佢經期既頭一兩日都會好痛，所以平時我會留意同用App記錄佢生理期，我亦都買左個紅豆袋(放入微波爐叮熱就用得)俾佢熱敷。前後日子亦唔會俾佢食生冷野同飲凍飲。如果係紀念日或者節日，我就會DIY整禮物俾佢，立體卡、羊毛氈、shadow light box(唔知中文係咩)。如果佢有想要既野，我都會盡力買俾佢。佢都知道我好錫佢，所以佢都成日痴住我，對我都好好。爭吵唔多，但點都會有，有時可能唔係我錯，但我亦會反省同係佢角度諗，通常我都會主動認錯解決問題先，係朋友眼中我地好恩愛。總而言之，依兩年黎我自問做到100分。 我以為大家可以一直咁樣幸福落去，但所有野係依兩個月咩都無哂。我地兩個都升左上大學，大家都係九龍塘番學，不過我就係"商場大學"，佢就"醫院大學"。我依一年要朝九晚六番實習，夜晚就番學，我一直努力做野同兼顧學業，為將來作打算。因為我知道如果要組織家庭，生活支出係好龐大，所以我對理財亦愈黎愈嚴謹，所有支出都儘量以未來生活作考量。但我從來沒有因為咁而忽略佢，禮物我仍然會親手做俾佢，佢要既我依然會買俾佢，節日期間仍然會同佢慶祝。 四月既時候，佢要趕FYP同準備考試，所以提出減少見面次數，我都非常贊同，畢竟我亦要應付實習同考試。不過我地平時夜晚都會FaceTime，而佢亦表現得一切如常，只係明顯有D攰同壓力大。不過有時佢話要做功課比較夜先番到屋企，或者好耐都無應我Message，同佢過往有D分別。不過我都知佢趕住交FYP，所以比較忙。而我都信任佢，所以都無刻意去作無根據既猜度，咁樣只會傷感情，但好明顯一切都係我太天真。 五月頭既星期五夜晚，我同佢都放工，相約左去食佢最鐘意既壽司。佢早放工過我，所以去攞位先。當我去到餐廳門口，見唔到佢，原來佢入左隔離鋪頭睇野。我見佢同人講緊電話，而當我行埋佢面前，佢神色慌張咁同對方講"唔傾住啦"就收左對方線。我純粹好奇問佢邊個黎架，佢就支支吾吾咁回避我既問題。其實去到個一刻我都知道出左事，當時我好嬲亦好傷心，但我好平靜咁話”走啦，唔食啦，我送你番屋企。”佢一路拉住我衫尾，火車上全程無對話，當時我心痛得誇張，腦入面亦一片空白，但男人老狗無可能係街到喊，唯有一路忍住。 去到佢屋企樓下，我問左佢好多野。對方係佢大學另一個系既同學，幫佢手做左一少部份FYP。佢既解釋係，因為我地少左見面，而對方會係放學後帶佢去唔同地方，俾到新鮮感佢。另外，佢覺得我平時同佢都係講番工既野，共同話題少左，所以導致佢一時迷失左，對對方產生好感。對我黎講依D藉口都太過牽強。雖然當時心情好複雜，但全程我都好理智，同佢分析左好多，不過最後我都同佢講左分手。依兩個字我從來唔敢諗亦唔會亂講，但最後都係講左。我之後送左佢上樓，摸左佢塊面一下，佢喊得更加犀利，而個一刻亦係我對佢既最後印象，之後大家都無再見面。其實我既故事未完，只係寫得太長，驚Post唔到。 多謝你真係睇哂。投入太多，放低太難。雖然好老套，但都想講句珍惜眼前人，家人又好，伴侶都好，有時話無就無。如果可以我可能會將後續投稿。 -- #hkig #couple #murmur