【#Like健康生活網店推介】免費氣能掃描檢測！約10分鐘了解能量、經絡健康狀況 疫症期間，很多人都承受着不同的壓力，從而影響精神和身體健康。想了多更多自己的健康狀況？賽雅媞有機美康站提供一個方快捷的檢測方案──GDV(Gas Discharge Visualization)氣能掃描，只需約10分鐘，即可檢測到你的能量、脈輪、經絡之健康狀況，緊接列出詳盡分析報告，幫助你了解更多個人的身體及情緒健康所需，協助對抗亞健康問題。 GDV氣能掃描透過指尖氣能掃描儀的光電相機攝下檢測者的十根手指頭圖像，來收集檢測者的氣場能量，數據再即時經過雲端傳送到技術總部進行分析。約10分鐘，一份有關全身能量分布、情緒及壓力分析、十二經絡健康狀況、七輪能量平衡狀態、各器官的能量值等的Bio-Well檢測報告便隨之誕生。 賽雅媞有機美康站的專業美容導師會依據這份精準的檢測報告，為顧客作出各種健康建議。其中會因應脈輪位置分布推介Jayanti 7種針對性的脈輪精油：海底輪精油、臍輪精油、太陽神經叢輪精油、心輪精油、喉輪精油、眉心輪精油及頂輪精油，並教授適當的使用方法，使皮膚、身體、思想、情緒的健康重復正軌，持續發放正能量。 經過量身訂製的治理，檢測者可於約1個月後可再次進行GDV氣能掃描，便可即時與上次的檢測報告比較，以雙圖表展示方式了解身體狀況，令檢測者更一目了然。持之以恆，針對問題根源使出有效的治理對策，定必能擊退都市病，重拾活力精采！ 賽雅媞有機美康站現更為讀者提供一次免費GDV氣能掃描*，詳情：https://jayantihk.com/gdv/gdv/ INFO 賽雅媞有機美康站 地址：銅鑼灣怡和街1號銅鑼灣地帶117舖 電話：3460 4657 Whatsapp：9255 8202 Facebook: www.facebook.com/jayanti.hk.shop 網店: www.bioangelorganic.store *服務受條款細則約束，詳情請參閱登記網頁 *此項服務並非醫學檢測，結果只供參考，並不供作診斷、治療或預防任何疾病之用。如有任何有關健康及醫療的問題，應諮詢醫生專業意見。 *以上資料由Jayanti Organic Beauty & Health 提供，#Like小編特約分享

⠀⠀⠀⠀⠀⠀⠀⠀⠀ IQ題一條：樂曲由一隊三十人樂團演奏，需時三十分鐘。如果用一隊六十人團，請問需時幾耐？ 其實大家一聽到「醫院爆煲」就唸「人手不足」，係相信「人多好辦事」嘅道理，可惜呢樣並唔係一切。 一個間隔六張床，你加到十張。醫生巡房要爬山、姑娘派藥要涉水、姐姐執嘢要飛天。你加多啲人比我係做乜呀？搭人肉橋定空中飛人表演派藥呀？ 大家怕醫院派錯藥，護士理論上奉行 3 Checks 5 Rights，是為啱病人、啱時間、啱藥、啱份量、啱用藥方法。點對？官方考試答案係用兩個姑娘，一個要望住病人手帶同藥紙「病人陳小明、病人陳小明；身份證 A1234567、A1234567；無敏感、無敏感；Panadol、Panadol；而家八點未食；500克、500克...」，咁為「1 Check」，我地要 3 Checks。無錯，係簡單如 Panadol 都要咁睇。係喎，仲有個姑娘做咩架？佢係望住第一個姑娘睇佢有無做錯。我就算識 Rap，一隻藥都要講分幾鐘，一個病人四五隻藥，即係一個病人要 Rap 5分鐘；一個姑娘負責十個病人，派一次藥係唱足五十分鐘。你加多啲人比我係做乜呀？我要打氣團定一齊唱會快左？ 你知唔知住院、出院其實有咩程序？我係門診首先打個電話搵病房護士長攞位，病人就要去登記處開紀錄，護士長就要係病房搵位比姐姐變張床出黎。上到病房，姑娘要寫齊收症紙、Care Plan、Standing Treatment、I/O Chart、MEWS、Progress Note、Pre-Discharge Form先整理好一本排板，再要搵藥房攞藥，搵實習醫生收症，先叫做開好一個症。出院啦喎，請搵下十幾個鐘無瞓嘅 Houseman，打 Char Sum (Discharge Summary)、出藥紙覆診紙抽血紙，再出繳費單，病人如果需要特別照顧，仲要致電 NEATS 約救護車、搵人黎接，最後教佢攞藥出院。你加多啲人比我係做乜呀？每人寫一張鬥快寫？你要快定係一個姑娘跟住你症呀？攞藥要等，我好唔好請香港運動員黎做兼職，跑返上病房好似會快啲？ 夠啦，人手不足係一個問題，唔係整個問題。有人話請啲高級醫生巡多次房，加快病人入院出院，你其實知唔知佢一句「出院」之後係要幾多人做幾多嘢？ 好啦，多謝哂啦，十幾年前竟然天才到話香港「太多醫生」，而家發覺唔夠啦加返啲醫學生。由醫學生到畢業到專科，係十三年時間，計下數，哎呀，剛剛好。你而家平空變多幾百個醫學生出黎唔係唔好，但你望下醫院病房啦好嘛？我地小島學堂六年級，大家睇電視都見過，有時巡房成班一齊巡，加埋教授醫生，下下都半百人咁行黎行去。病房又唔係大，你仲要加床，你塞五十個人落去，都已經爆滿。你加醫學生？得呀，配套呢？有無咁多醫生教書？有無咁多病房教書？我地有名你叫做病房腫瘤，大家體諒我地嘅存在話我地黎讀書幫人，實際上係只會阻住地球轉，我點怪得姑娘咁憎我地？而家你憑空變大左粒腫瘤呀，大一倍呀。而家好多病人都已經覺得比醫學生煩到唔想入公立醫院，你再加係覺得點？ 其實而家根本設施不足、人手不足，個問題根本同流感無關。早幾日先見到朋友做嘅外科病房都爆到 150% 啦已經。 通常講完「人手不足」就叫人引入「外來醫生」。我唔反對架其實，但大家唔好亂劃等號。「醫院爆煲」並不全等於「人手不足」，「外來醫生」亦不等於「考試太難」。我支持引入高質素醫生黎香港，教育水平同醫療水平都會提高。九七前，英聯邦國家嘅專科資格係流通嘅，回歸後先斬斷左。其實全世界，大把醫生嘅專科試都係考英國嘅皇家學院，連香港嘅資格都係同英國掛勾，有高質醫生返黎又有咩問題？ 另一個亂劃嘅等號就係「醫生反對」同埋「醫醫相衛」。我反對嘅係降低門檻，無論邊個國家黎都好，未達標就係未達標。只不過咁啱西方國家黎嘅考生平均分數係高啲，內地黎嘅考生人數多、質素參差、比較多人係合格線邊沿，所以咁啱如果我降低合格線，係會有某啲地方黎嘅考生有大啲嘅得益。有無政治含義，我唔想猜度。 認真，認清個問題啦好嗎？我只不過係半隻腳入左呢行，連業都未畢嘅人，都知道呢啲嘅道理，我相信高層們都清楚明白，始終佢地當初都係前線出身。我只係希望大家記住呢啲嘢，係為病人好嘅就逐一擊破，唔好事無大小就出黎叫「醫醫相衛」同「引入醫生」。 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ #次次見親就火都黎 #搵求其一個前線員工都可以講三百個問題出黎 #大家就只識講人手人手人手 #IQ題答戴好簡單 #六十人樂隊係需要同樣時間 #六十人唔係夾開嘅話時間甚至更長 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ 🔻🔺🔻🔺🔻🔺🔻 IG: DrWho.HK (instagram.com/DrWho.HK) FB: DrWho.HK (facebook.com/DrWho.HK) 🔻🔺🔻🔺🔻🔺🔻