「廚房對我來說非常重要，每天有四份一時間在廚房，我很喜歡做菜給街坊和家人吃。廚房不一定要很奢華，但一定要乾凈整齊，要有陽光照進來。我在這裏有很多美好回憶，做飯之餘同時欣賞香港的四季。」三十年前從台北嫁來香港，落地生根，從事醫療用品生意兼家庭主婦的Melody以流利廣東話說。

【#登堂入廚房｜台灣闊太九肚山獨立屋 200呎廚房特製麵枱 天台曬手工麵條 金門菜刀用足20年：係家傳之寶】
一click即睇： https://bit.ly/3rYDiuy

#飲食男女 #九肚山 #廚房
=============================
《蘋果》18區分區小廣告，免費推廣小店，立即登記： https://bit.ly/33yiSNt
=============================
全新酒鬼專用Facebook Group「#酒鬼男女」，立即加入： https://bit.ly/339jatS
=============================
為你的住家飯帶來一點不平凡，即上《三餸一湯》： http://bit.ly/2OWx8va
==============================
收集各區良心食店，齊上齊落，食得安樂～傳送門： http://bit.ly/2HKuHXx
==============================
【北角Café新出Deluxe Dirty咖啡 每日限量10 杯】👉🏻👉🏻 https://bit.ly/2JfFegB
【屯門美食餃子 特色香荽餃最清新 椰子豬骨雞湯清甜】👉🏻👉🏻 https://bit.ly/3rzGk8h

［西洋鏡］仲有En passant，不過用文字有啲難解，唔解算。

一盤國際象棋，係可以有9隻黑王后的，理論上。

TLDR：本文講西洋棋四大怪雞（相對於中國象棋）棋例（唔包括基本點行之類）：王車易位，升呢，將軍，同埋En passant。En passant用文字實在有點難解，從略，只講另外三樣。至少學咗唔會出醜，唔好亂咁話人錯，唔好同人打交。

其實原本想寫另一樣嘢，但寫咗呢篇先，不喜勿鬧

1. 呢期興講西洋棋（或曰國際象棋）。我相信百份之九十九嘅人，之前都唔知咩叫The Queen's Gambit。國際城市喎。照計知咩叫炮二平五或者重炮將嘅人多好多。都係開局啫。

2. 埃汾冇Netflix（但張家輝啦，遲下會有，因為在台灣14日，寫文都寫唔到咁多）所以一集都冇睇，但棋倒係識捉下。呢篇文講棋。可能Netflix都有介紹呢啲例？但我估佢冇講廣東話。

3. 又返返去，好多時咩叫做「識踢波」「識捉棋」「識寫文」甚至「識吹蕭」，都真係睇你咩context 下用，亦睇對住咩人。斷估唔係識得用腳踢個波就叫識踢，亦唔係落過場踢就叫識（否則我都識）。咁有時我地會用啲quick and dirty嘅方法去判斷。埃汾屎棋，很屎，但應該都算「識捉棋」，但我唔算「識踢波」。

4. 例如我唔明做乜見工會有人問「你識唔識Excel？」，唔通答你唔識？但在我心目中，「識」，咁至少睇你識唔識用Pivot Table Value Look Up，你可以話「下？好基本咋喎，識寫VBA先叫識」，甚至話「邊有人用Excel？」，隨你。你亦可以話「喂我覺得識用SUMIF已經算識」（＊），隨你。我只係講我工作請新仔嘅量度。

5. 咁同樣地，咩叫「識捉西洋棋？」，咁我估，都至少你識晒啲基本規則。「即係最基本嘅擺皇后就唔使講啦」「亦都唔好問到底西洋棋有冇撓馬腳，仆街，人地鬼佬啲馬先進啲，況且嗰隻係騎士，唔係馬，雖然都係騎馬」

6. 包括你要知道王車易位Castling（其實嗰隻係Rook，或者叫城堡，但是但）。留意王車易位十分常見，八九成棋局都會用。因為十分有用，一方面將隻王縮埋一角去冷氣房指點江山，另一方面開咗隻「車」出嚟中間大殺四方。

7. 當然你應該係識埋所有Castling嘅規矩（唔好講到要郁邊隻先咁複雜啦，正式比賽有規定郁王先，然後仲要用同一隻手郁「車」，當然不能雙手齊用）。首先，兩邊嘅「車」都可以做，但只能做一邊（下面解）。另外，隻王同隻「車」都係由頭到尾未郁過嘅（亦所以每人只能用一次），中間亦不能有其他棋（不能穿牆，不論敵我），另外，你用完後，隻王當然不能被將軍（很基本吧）。呢幾個好多人都知。

8. 不過，我發現唔少人唔知仲有呢條規矩：你車王易位，隻王穿過中間嗰堆空格，全部唔可以有敵軍攻擊緊，一格都唔得。你當人地會中途截劫老笠你個王啦下。留意人地有皇后好易可以封晒你兩邊，令你做唔到Castling（附圖嘅右邊）。仲有，被將軍時，你係不能出呢招大逃脫解圍的。王走佬要郁趁早

9. 仲有一條好奇怪，看似多餘嘅rule：Castling只能kingside，或queenside。左邊或右邊．你心諗，既然兩隻嘢都要冇郁過，仲有第三種玩法？有！就係，唔打橫，不如打棟？我如果有兵仔升呢（下面會講），變多隻「車」，就在王正前面，咪符合晒以上條件！兩隻都冇郁過喎（隻兵變車後冇郁過！）！又冇嘢在中間，可唔可以vertical castling？係唔得的。呢啲東西我就真係冇見過有人做，但當然前人有玩過。

10. 但留意有啲人矯枉過正，明明得嘅情況都有人話唔得。首先，你隻王畀人將過軍，冇問題的，冇郁過就得（例如你搵人頂住中間，或者食走攻擊你隻棋）。仲有，隻「車」被攻擊時，一樣可以用Castling甩身—唔係隻王被攻擊緊就得（附圖左邊）。仲仲有，之前講過，Castling時，你隻王郁中間嗰堆格，不能被敵方攻擊中，一格都唔得，但，隻車郁嘅格就冇呢個限制，甚至郁完你隻車畀人食走都得，你肯咪得。

11. 係咪好複雜呢？係！

12. 另外，當然包括你知道十分麻煩嘅兵仔升呢，以及更麻煩嘅En passant。En passant實在不能三言兩語解，自己查維基，唔少人連有呢樣嘢都唔知。可能因為法文難讀（大約讀做安趴桑，冇T音，法蘭西文）

13. 但兵仔升呢就值得一講。亦好多人知有呢樣嘢，兵仔踩到最底可以變身，但亦有唔少誤解。

14. 首先，可唔可選擇唔升？weirdly，係唔得的，隻兵一定要變第隻嘢，佊得定律，冇得唔升。另外，當然不能變多隻王出嚟啦，雙辦事人咩，點將死？

15. 咁除咗唔變，同埋變王外，係變乜都得。基本上任何人都會叫你變皇后，因為係最勁嘅棋子，冇得傾。一般rule of thumb，「車」5分，皇后9分，一隻頂兩隻。事實亦係，97%嘅賽局，啲友都係變皇后（但，剩返嗰3%先有趣，陣間講！）

16. 但，如果我先後有兩隻兵達陣呢？可唔可以兩皇后？答案係，可以！話唔可以嘅係錯解。理論上幾多隻皇后都得，regardless of 你原本嗰隻死咗未，亦regardless of 你之前有冇其他變咗后—唯一條件當然係對手未將死（唔好笑，你變幾隻后仲唔整得死人，都唔易，人地亦可能投降）。

17. 我記得教電腦有最基本嘅8皇后問題，咁理論上，一盤棋，黑子可以有幾多隻皇后？係9隻！一隻原本，8隻升呢。

18. 咁你話，喂，冇棋喎，邊度變多隻畀你？如果正式比賽，就要停鐘，然後個主持人搵隻皇后畀你，幾多隻都有，應該一定要有8隻後備。但一般衞生玩法，咪求其搵隻棋打橫放當係，或者自己拎個銀仔落去啦。

19. 頭先講過，因為皇后最勁，97%嘅賽局啲人都係咁升。實際上唔止97%，有時啲人係玩嘢，或者係因為反正一升呢就會畀人食，所以升乜都冇所謂，求其。但，都真係有啲情況會唔升皇后，特別係啲理論殘局（實戰更加少）。

20. 最常見，唔升后，升乜？應該估到，係「馬」（騎士）。因為騎士嘅行法獨特，同皇后唔同，係唯一唔升皇后嘅理由。個別解殘局要用到。

21. 但更加神化，有冇人唔升皇后又唔升馬，將佢升做「車」（城堡）或者「象」（教士？）？感覺係咪完全唔make sense？因為后已經係「車」同「象」加埋喎。實際上，除咗玩嘢，咁做嘅動機近乎冇。但理論賽局呢？都有啲用，畀你估下有乜情況有實際需要要咁做？唔易估

22. 就扯到落去最尾嘅一樣嘢，將軍

23. 點解有后唔升，要變「車」或「象」？答案係，唔好迫到對方stalemate。有時你變咗隻后出嚟，對方會即時冇棋行（但你冇將軍），stalemate，但當和！唔係當佢輸！所以要變「車」或「象」。呢個stalemate係一個同中國象棋好唔同嘅地方！

24. Stalemate，官方叫做「欠行」（總令我諗起「五行欠打」甚至「五行欠X」）

25. Stalemate係乜？就係「冇棋」。留意「冇棋」唔同將死！「冇棋」即係我冇將你軍，但迫到你冇棋行，你再行就會畀我食咗隻將軍。捉中國象棋都知，迫到對方冇棋，自己就贏。日本將棋亦都係（都打過下機）。但，朝鮮將棋就唔係（冇玩過，但在韓國博物館有講），因為朝鮮將棋可以趴時，唔郁，踢返個波畀你，咬我丫。西洋棋呢？人地「冇棋」，當和，切記！

26. 仲有最後一樣，我都唔100%肯定，但中國象棋，還原基本步，縫拆拆縫拆拆嘅長將，當負。但西洋棋，長將當和（不過唔係自動，要提出）。

27. 講左一輪，其實依我睇，西洋棋嘅規則係真係比較複雜的。當中有好多歷史原因。所以啲友捉西洋棋好易出醜，亦都令到唔少人唔敢玩。中國象棋相對係易上手。但係咪易學難精就好難講了，反正人人都會話自己玩嘅嘢易學難精。

（＊）真人真事，舊公司（唔好講邊間）個HR同我一齊見驚跌地，真係問人識唔識用SUMIF，而個驚跌地都算係某名牌大學讀數學。我諗佢嘅表情一定係希特拉式：「仆街，我今次真係吹鳩脹。」

-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bityl.co/4RBj

-------------------------------------------------
Instagram @ivanliresearch．七成金融（短打）兩成嘢食一成其他嘢。

A #dirty magazine 色情雜誌，a dirty movie 三級電影，一句 give her a dirty look，或會誤解為「色迷迷的眼神」，這是錯的。 A dirty #look ，係 #𥇣死你。
————
A dirty look 「𥇣」死你
明報英文 | 毛孟靜

一日，在家偷拍家狗動靜，狗兒回眸一瞪，明顯不高興的眼神，用廣東話表達，就是：「影咩影，『𥇣 』死你吖嗱。」用英文講「𥇣 」死你，第一個想到的是：Give you a dirty look。

要留意，我們說 a dirty magazine 指色情雜誌，a dirty movie 係三級電影，一句 give her a dirty look，有人或會誤解為「色迷迷的眼神」，這是錯的。句子是說：給她一個憤怒 angry、表示反對 disapproving 、反感 disgusted 的眼神；簡單一點，就是怒視、「𥇣 」或矋。

· The other passengers gave me dirty looks for taking up too much room on the bus. 因我霸佔了太多空間，巴士上的其他乘客都向我怒目而視。

若在網上一查 a dirty look 的中文翻譯，會出現「骯髒的外觀」，這自然也是錯的。要記得，dirty 除了解作不潔、憤怒，亦可解作「不可接受、令人反感的事物」。

像 dirty word(s) 髒話，好像就代表粗口，就與性有關？不一定呢，看以下 dirty word 的用法：
· For environmentalists, "disposable" has become a dirty word. 對環境保護者來說，「即用即棄」已變成一個髒詞。

· "Quarantine" is quite a dirty word among business travellers amidst the pandemic. 在大流行病期間，商務客視「隔離」一語如髒話。

回說 a dirty look，若要進一步形容憤怒，可說：
· Getting increasingly annoyed, I decided to give her AN EVIL EYE. 我益發惱怒，決定向她惡狠狠地瞪眼。

· He had a dark look in his eyes, AN EVIL STARE. 他眼睛裏閃過一份陰沉，散發敵意。

這個 evil，固然也解作邪惡，但一般是指「不懷好意」；當中確也包含仇恨 hateful、惡意 malicious 以至恐嚇 threatening 的味道。
· I saw him giving me the evil eye, so I turned around and walked the other way. 看到他用敵意以至恐嚇的眼神瞪過來，我於是掉頭走另一條路。

或問，不管 a dirty look 或 an evil stare ，平鋪直敘說 an angry look、an angry stare 不就可以了嗎？當然可以，但文字就少了色彩。還有，不喜歡用不等於不用知道 —— 尤其是 a dirty look 是常用語，聽人家說了，不要誤解意思也就好。中文同樣會形容一個人「眼放飛劍」，是說眼神之凌厲如有殺意。英文用短劍 daggers，眾數。

· Daggers were coming out of her eyes. 她眼放飛劍。
. He obviously hates me. He stares daggers at me. 他一定是憎恨我，他向我眼放飛劍。
· He saw her sour and angry face. He was getting daggers from her. 他看到她一臉惱怒，一直在向他發放飛劍。

———-