My Diptyque Collection + 簡單介紹💓 (下) . 我好少寫到爆字爆到要分開兩個post架，喜歡嘅記得俾個like❤️ . 尋日講咗Rose, Olène, Do Son同埋L'Ombre，今日講埋剩低嘅💁🏻‍♀️未睇嘅話快啲睇返我上一個post! . • Eau des Sens Eau de Toilette 感官之水淡香水 ☞ 香調：Orange Blossom橙花、Angelica root白芷根、Patchouli廣藿香、Juniper Berry杜松漿果 睇圖都應該估到係我嘅愛將🤣佢個名真係改得好，因為佢係一枝明顯感受到香味轉化嘅香水！帶果香嘅花香味，但冇乜水果嘅甜味🧐噴嘅第一下係好濃烈嘅白花香，慢慢會轉化做柑橘嘅果皮味，好清新好好聞🥰到最後會有少少樹葉+木質味，成件事好有畫面！！！我覺得呢枝都係大眾適合，係diptyque入門嘅好選擇💓 . • Philosykos Eau de Toilette 無花果淡香水 ☞ 香調：Fig leaves無花果葉、Fig tree sap無花果樹汁、Fig tree wood無花果樹木、Black pepper黑胡椒 Diptyque嘅其中一枝經典熱門味，真正無花果味嘅香水，睇佢成份都知🤣佢有種好溫暖，厚身嘅感覺，唔會過分濃郁嘅木質植物香，又帶輕微嘅甜味，好適合秋冬噴。好可惜我係比較鐘意花香，呢枝我仲未識得欣賞😩 . • Eau Mohéli Eau de Toilette 依蘭之水 ☞ 香調：Ylang-ylang依蘭依蘭、Pink peppercorn粉紅胡椒、Ginger薑、Vetiver岩蘭草 第一次聞嗰陣我覺得佢好似層相識，好柔軟溫和嘅感覺。初頭係淡淡嘅花味，冇幾耐會轉化做柔和嘅木香。呢枝嘅變化唔太大，亦都比較淡口味，噴上身有少少輕熟女嘅感覺💁🏻‍♀️舊年我好想買點知冇貨，但我一定會買返貨size! . • Ofrésia Eau de Toilette 小蒼蘭淡香水 ☞ 香調：White freesia白色小蒼蘭、Carnation康乃馨、Guaiac wood愈創木、Black Pepper黑胡椒 呢枝我都幾鐘意，因為係我細個喺屋企會聞到嘅味道🥰第一下會聞到好短暫嘅辛香料味，我諗應該係黑胡椒嘅味(我個鼻唔係好分到辛香料味sor😂)，好快就轉做小蒼蘭香，但花香味唔太持久，好快又出現木質香。花香配上刺激嘅黑胡椒其實都幾特別，又有木香帶點中性味道。不過佢轉味轉得太快，加上木質味比較低調，香味嘅持久度麻麻地，我諗同rose差唔多～ . 最後講下喺邊度買啦，兩枝full size都喺Times Square連卡佛買，嗰度啲ba幾nice，講解得幾好，我噴完想行個圈先買都冇黑面(當然最後有買啦😂)至於5枝嗰set就喺selfridges度買，我覺得幾抵玩，$6xx有五隻味，每枝7.5ml都有排噴，香水呢家嘢唔易用得晒架嘛你懂的，重點係肯寄到香港！不過而家好似加咗價🤔 . 終於寫完了，希望幫到大家💓 . #perfume_herine #popdaily #populzzangmag #presslogicgirls #好物分享 #好物推介 #用後感 @fashionguidecorp