Headhunt搵人不外乎幾個途徑，包括喺求職網站登招聘廣告、喺社交網站好似LinkedIn呢類直接聯絡、透過朋友介紹，仲有自己嘅network，至於最後係咪可以成功做到placement仲要睇好多因素，你以為手上嘅offer好好咩？其實唔一定吸引到人哋跳槽，有時個offer普普通通，又反而有人願意一試，當中存在好多未知數。

某次我幫一個美容行業客人搵Sales & Marketing Manager，人工真心唔錯，結果有朋友介紹佢嘅舊同事Flora畀我，打去道明來意之後，佢請咗我食檸檬……

「據我理解你而家份工都幾辛苦，睇晒咁多間分店，幾乎日日都要去唔同區巡舖，Oversea出差又密，好似話要同廠夾埋期呢樣嗰樣，然後店舖營業額又關你事，今個月做到50萬，下個月老細又會set高個target去到70萬，最慘係要做磨心去push前線同事，當中為數不少係妹妹仔，太友善當你冇料到，太強硬就有人即刻劈炮，兩面不討好，有苦自己知。」

Flora：「係，你講得冇錯，而且我公司雖然好多分店，但係back office唔算多人，所以都係要自己落手落腳跟，好人角色係我，壞人角色一樣係我，唔怕老實同你講，真係寶寶心裡苦，但寶寶不說。」

「咁老老實實喇，而家我介紹呢份人工高啲，又冇咁辛苦，仲係14個月糧，大假跟manager grade有成21日，你而家都係得14日，咁仲考慮啲咩先？」

Flora：「你做headhunt，beauty呢行競爭有幾大，我諗你清楚過我，不過喺呢度雖然係辛苦，但畀到好大成功感我，加上自己又真係鍾意呢行，唔想跳黎跳去吖嘛，再浸下先囉。」

我當然知道有時錢唔係代表一切，不過都盡最後努力游說，可惜佢仍然係拒絕，輾轉兩三年之後佢已經喺beauty呢個界別做得好成功，有時同呢一行嘅其他求職者傾計，原來都有唔少人聽過佢大名，只係早排又講起Flora呢個人嘅時候，竟然收到風佢已經離職，吓！有咩好路數呀？呢隻fit馬如果肯跳槽，我點都match到喎！打去問問先！

「轉工唔講聲呀？係咪已經有著落？邊間公司咁幸運請到你先？」

Flora：「哈哈，你headhunt呢行收風真係好勁，不過我唔係最近先走，都一段時間㗎喇。」

「坦白講，行頭有幾大吖，你仲要係領袖級人馬，跟過你啲妹妹仔都傳開晒啦！」

Flora：「過獎，不過我唔係跳槽，係搞咗個自己嘅brand，真心問，如果想搵你幫我請人得唔得先？」

原來Flora當時撬極都唔撬唔郁，目的就係要做到專一專注，尋求佢事業上嘅突破，若然唔係從每個細節去了解，佢根本唔會識得咁多，就係要第一身出嚟面對客戶同埋供應商，先可以知道市場需要，並藉此建立到自己嘅地位，口碑，仲有人際網絡，佢而家對內對外都八面玲瓏，真係唔到你唔服。

不斷創新求突破，Flora最終成功喺beauty行內分到一杯羹，媒體上都開始見到關於佢嘅訪問，起碼證明咗一樣嘢，就係我嘅眼光絕對有保證。

因為經常要搵beauty界別嘅求職者，加上Flora嘅例子，我的確留意多咗呢個行業，當見到Dermes嘅宣傳中提及「專一專注激光脫毛20 年」，領先整個行業都繼續尋求突破，今年仲獨家引入新一代 HPD 雙波長激光脫毛技術，可以為客人做到極緻無瑕嘅永久效果，我先發現原來有好多人同埋品牌無論走到幾前都唔會自滿，仲係好想做到極致。

雖然我哋每個人嘅職業都唔一樣，但至少有一件事應該係相同，就係尋求突破嘅心，希望大家都可以喺自己嘅範疇獨佔鰲頭。

立即登記，免費體驗「雙波長激光脫毛療程」 http://bit.ly/DKOLA0619F

#dermes #尋求突破 dermes激光脫毛專家