/// My Handbag Collection (1) ♥ 手袋分享 (一) /// . ▸ Delvaux Brillant Mini S Rodéo Surpiqué ▸ Color: Tourterelle ▸ Size: W-20cm, H-16cm, D-11cm . 第一次做分享手袋嘅主題，如果唔鍾意睇哩類型嘅野可以skip。其實我一路都猶豫緊做唔做好，雖然會有人問我可唔可以做哩個topic，但我知有人會覺得反感，所以諗左好耐。首先要講番絕無炫富嗰d嘅意思，純粹分享💕 . 我和手袋的背後故事: 點解會選擇以Delvaux Brillant Mini做我第一個手袋分享呢，係因為佢係哥哥第一個送俾我嘅手袋，今年嘅生日禮物🥰 之前你地都有提過我哥哥好好，會買野俾我，確實佢係幾好嘅。 不過我地嘅相處模式其實並無大家想像咁和諧，相反係差唔多每日都會嘈交😂🤫 不過打者愛也嘛～相反有d人成日會將愛你哩d說話掛係嘴邊，但到頭來係傷害你最深的。 老哥，比心心❣️ ▸ _Background: 1829年創立的比利時老品牌，比起Hermès (1837)/ Chanel (1910)等開始得更早，係奢侈皮革品牌嘅始祖。有別於其他品牌嘅宣傳手法，佢係行低調路線，係1883年被比利時皇室認可，授予”Purveyor to the Court”名譽。 ▸ _Size: 對細袋情有獨鍾嘅我當然揀mini size，啱啱好，裝到好多嘢！放完cardholder/external charger/粉餅/唇膏/潤唇膏等等之後個袋只係滿左一半。我本身出街帶好少野，片中已經算多，平時應該係無粉餅無差電器，所以哩個size對我黎講好夠用！ ▸ _Color: 佢出過好多色，我本身想要淡粉紅，但諗起屋企都有粉紅色袋，同埋淺色好容易污糟，我又唔錫袋，所以最後要左哩款外縫大象灰，特別又襟用d。全白款都好靚，係正白色，好少見到d真係咁白嘅袋，不過會好易污糟。 ▸ _Material: 我哩個係100% calfskin，袋身係挺但唔重。敗筆就係個扣位好難用。開閂左幾次接駁位就有紋，但扣好之後會遮到，所以都ok嘅。 ▸ _Price: 哥係米蘭買嘅，應該比香港平少少🙈 作為參考，香港Lane Crawford焦糖外縫mini賣緊$42000幾。佢唔同色唔同皮唔同價。好似因為我哩款係外縫，所以會貴少少。以我所知Delvaux係外國某d地方開始需要配貨喇~ ▸ _Overall: 好喜歡哩個袋！料靚又實用，好百搭。著得正式d嘅可以手拎用佢，平日casual d白tee牛仔褲就可以用埋佢條帶，單邊孭或者斜孭都好好睇💋 . 希望大家喜歡今次嘅分享，好俾心機寫☺️ 我自己都好鍾意買袋，因為覺得佢地係值得投資，保值嘅。我鍾意周圍睇d唔同品牌，好似Delvaux，我諗少d人聽過，最近1-2年開始特別興起。下次有機會再同大家分享其他袋💕 . . . #yourbeautyteller #ybt_handbags #wakeupandmakeup #makeupaholic #beautyinspiration #beauty #beautyblog #beautyholic #makeup #makeupjunkie #beautyaddict #hkig #hkigers #hkbeautyblogger #hkblogger #like4like #follow4follow #hkbeauty #hkgirls #whatsinmybag #saturdayvibes #delvaux #delvauxbrillant #handbags #luxury #好物分享