12 Sep 2021 #開學倒數 d-1 回顧一下我大學裏最後的暑假： 🎈親戚來北京旅行，跟著他們去了很多我還沒去過的景點🤣 🎈好好吃飯，好好運動，學會了打羽毛球🏸️ 🎈封校一個月期間找了份online intern，尚算充實👩🏻‍💻 🎈看了一些書和電影，追了一些綜藝，快樂宅女生活🙆🏻‍♀️ 🎈try new things! 打桌球🎱、室內bungee jump🤸🏻‍♀️、推拿正骨💆🏻‍♀️⋯⋯ 暑假的計劃總是趕不上現實的變化，但總體而言還是過得開心的🥰 . 不知不覺間就成為了應屆畢業生 最近不斷在思考未來去向 目前看來北京應該是留不住我的 收入中位數得6000蚊人民幣 畢業offer高極有限🤫* 出街食飯開支其實同香港差不多 城市規劃太差以至於去任何地方都起碼耗費1小時在交通上（be it 陸上交通or地鐵） 星期六晚上九點四十三分的三里屯還在塞車，行路快過搭的士💩 * （目前看過叻人+top firm最多都係開到稅前¥30000/月，扣了税到手大概¥20000-22000，未計房租水電煤交通食飯應酬…咁一般般嘅firm就更加少，市價¥8000-15000都有😅少少錢就可以買起你日日996，OT到冇個人生活，我還是不了不了） . 如果有不宜居城市排行榜， 北京應該可以穩居前五🤡 以前沒怎麼體會過象牙塔外的生活 甚至還想defer一年在北京實習+玩 現在的我體驗過社會的毒打 只想快快畢業🎓 北京，bye bye你條尾👋🏻 #studyforthebetterfuture #lifeupdate #byebeijing

“my dear fmbbs，_______________” 首先我終於改名，費事sex嚟sex去免得人誤會我呢個咁正氣嘅ac有啲咩18禁content🔞，new (real) name, old me, im still here! 嚟到我hopefully最後一年開學，對返學嘅興奮期待之情早已如牆櫓般灰飛煙滅，出完一次placement已經俾人夾硬拉咗半個人出校門口。 講經時間又到，勸世良言就無，先提提各位記得使用： 1. library genesis 因為買書好撚貴而你又唔會睇，當然係copy & paste上去搵PDF version down落嚟用，搞掂。讀law例外，當年roommate將本厚過字典嘅tort law書隨身攜帶，攬住嚟訓覺咁濟，佢地啲書真係要買真係要睇的。CAES本書問人借咪算囉，上堂用嚟擺咋嘛。 2. citethisforme cite嘢輕鬆無難度。那陣時無讀caes，第一份gcin1001功課亂cite一通，竟然出動footnote矇混過關，又俾我得咗，諗返起都覺得尷尬，之後事無大小都係乖乖用返citethisforme:P，一按即cite，ez。編按：有朋友曾告知我citethisforme cite得唔係好準確，我就一直無理會😉，自己睇完再決定用唔用啦。 🎒各有前因莫羨人 有人好有錢，有人好聰明，有人好勤力，有人以上皆是，世界就係咁唔公平，鬼叫你出世唔係含住條金鎖匙，鬼叫你老豆唔係李➕✖️。know where you are，唔洗要知自己去緊邊，但要知自己身處咩位置，適當時候做適當嘅嘢，定啲嚟，慢慢行。 🎒self discipline 要每分每秒都motivated根本天方夜譚 ，所以學習自律係重要㗎。姨媽姑姐同你講大學唔洗讀書，都錯唔曬嘅，睇下你care唔care gpa囉。正正常常想過三嘅，唔get shit perfect都要get shit done，不做也得做，白做也得做，屌完咪繼續。正所謂大學係學習如何學習，摸索下觀察下，搵適合自己嘅學習方法，又學到嘢。 🎒be open-minded 觀乎我大學返過嘅幾份intern都同sowk無關，但我開心，我學到嘢。邊個話讀嗰科一定要做返一樣嘅嘢？有同學defer summer block placement 去返PR intern，聽聞佢想去vogue到做；嚟緊又有人defer concurrent placement 去搞start-up。邊個話讀hku一定要去lkf，cu一定著拖鞋返學，讀engine一定係毒撚，讀law一定要返mini p？COMEON JAMES，唔好俾自己間U個名/讀嗰科框住自己，人講你就信？話你知我讀hku夠著拖鞋上tutorial；一入U去flash camp就識到個engine大美人；返intern識到個讀llb嘅女仔佢一份law intern都無返過，但去過日本拍記錄片，出嚟想做journalist。 🎒善用大學資源 唔好忘記你一年俾咗四皮嘢讀書，book gym room免費做尖好，返多啲campus去智華堂過夜又好，咪蝕俾佢呀！check多啲email，有著數：無論係exchange、scholarship、service trip、volunteer opportunities ，甚至連做個psycho experiment 都有錢收。 🎒唔怕蝕底 如果你咁好彩俾人freeride，証明你有啲料到先會俾人咁放心地freeride你，be proud of yourself ^^，一笑置之 。每件事情嘅過程同經歷都係你嘅，enjoy又好唔鍾意又好，當中學到嘅得到嘅係無人拎得走，全部屬於你。呢一刻你覺得reg 7咗個course覺得唔抵，點知又識到啱傾嘅group mate；下一秒你唔醒起今日係禮拜一，行咗去金祥摸門釘無得食排骨麵，走返去食波記結果獲得加餸，叉燒飯變變變成叉燒燒肉雲吞燒鴨飯，感動流涕。 🎒學習拒絕 承上題叫大家唔怕蝕底，唔係話要否定自己嘅感受。入U與其話認識自己搵鐘意嘅嘢，不如話搵自己唔喜歡嘅嘢。be honest to yourself ，適當時say no，唔好強迫自己做唔enjoy嘅嘢，否則啲衰人見你咁咩都話好好好，會食住你上。唔啱聽嘅說話你係可以唔聽的，因為有啲人係突登俾說話你聽。意見接受，態度你可以照舊，as long as 你自己過意得去。 🎒彈性與韌性 follow your own pace，容許自己lost下，咁先會be found㗎嘛。 所有嘢變得太快，世界會變人亦會變，people/ things come and go，計畫永遠趕不上變化。希望你成為一個適應力強嘅人，擁有接受改變嘅勇氣。 last but not least，有學返係一種福氣。 珍惜你無咩責任、負擔嘅日子，有得試咪試、學咪學；盡情享受自由自在嘅日子，常為無聊事打算，話唔定真係能夠算出一片青天呢。 而我呢個呀婆今日開sem做咗咩？ well，喺屋企訓到1130，1330再走去nap。 無咩事我都係摺埋繼續同啲閨蜜玩boardgames渡日； 聽日要返學，好遠，諗起都攰， 宜家要去執書包🎒，有緣再會💮。

. [無綫][開心速遞] 今晚播出嘅第1252集《告別校園》，由監製林建祥親自執導同VO，同電影學會六子一齊告別香港島大學。 島大線係《開心速遞》由開劇之初一直貫穿至今嘅劇情線，以金城安為主軸，發生過好多有溫情、愛情、奇情、激情（例如係仔仔沖涼/洗車）嘅故事情節。電影學會上莊金城安、朱凌凌、艾頓壯、陳伯強，同現莊頭皮、面油、書蟲七個騎呢怪，加上眾多奇形怪狀嘅同學仔好似係李莫仇嘅黑寡婦協會等，仲有canteen大芬姐等等嘅校園人物，陪住大家笑咗好多晚。 隨住金城安終於讀完defer咗、總共5年嘅degree（其他同屆同學仔都好有義氣讀埋碩士博士等佢，得Venus一個率先畢業），大學線（至少電影學會同Hall嘅情節）嚟到今集終於要完結，真係有啲唔捨得，好似我有份畢業咁🥲 多謝晒咁多位同學仔。 飾演金城安嘅史上最年輕無綫最佳男配角得主周嘉洛，已經暫別咗《開心速遞》劇組，代替升任首席創意官而無暇拍劇嘅王祖藍，首次以男一之姿拍攝古裝喜劇《痞子殿下》。 即將播放嘅《開心速遞》第1255集，將會交代安仔告別。監製之前接受訪問時話會輕鬆交代。到底佢係咪搵到第二個國家嘅大使館工作，可以發揮佢練到瞌埋眼都揼到印嘅才能，實現佢迆足一世嘅目標呢？ #無綫 #TVB #開心速遞 #安凌強壯 #安凌強壯株式會社 #金城安 #周嘉洛 @kalok_ #朱凌凌 #吳偉豪 @riccong #艾頓壯 #焦浩軒 @skybananaaa #陳伯強 #傻強 #馮奕森 @sarkisfung7777 #頭皮 #吳卓衡 @keefe_ng #面油 #羅永健 @tomlo94 #書蟲 #林浩文 @omanlhm #香港島大學電影學會 #林建祥 @kc_lam #痞子殿下