熱門Ptt文章

[爆卦]defender二手是什麼？優點缺點精華區懶人包

雖然這篇defender二手鄉民發文沒有被收入到精華區：在defender二手這個話題中，我們另外找到其它相關的精選爆讚文章

在 defender二手產品中有3篇Facebook貼文，粉絲數超過16萬的網紅Goodbye HK, Hello UK，也在其Facebook貼文中提到， 【英式窮風流之換車】 二手未必衰，最緊要係鐘意 車房通知架車因為過熱，引擎壞咗要換。要明白，英國係一個「窮國」，而且英國人一般都好「節儉」。所以無乜車係會無零件或者技術整唔番（尤其是舊嘅國產車），問題只係想唔想。網上一二手嘅零件多的是，訂完直送車房就搞掂，車房就收安裝費。就係咁我就跌入咗兩...

　同時也有1部Youtube影片，追蹤數超過7萬的網紅车神经 Carzy.official，也在其Youtube影片中提到，一个可能是全宇宙最不正经的车评节目 - 车神经！??? 【Malaysia Car Review & Test Drive Show 马来西亚车评节目】 特别感谢冠名播出：SENTIMAS Sdn Bhd SENTIMAS 一站式豪华轿车专门店 没有最豪华 只有更豪华！http://www.sen...

「defender二手」的推薦目錄
  • Goodbye HK, Hello UK

    defender二手 在 Goodbye HK, Hello UK Facebook 的最讚貼文

    2018-07-01 08:19:00
    有 148 人按讚


    【英式窮風流之換車】

    二手未必衰，最緊要係鐘意

    車房通知架車因為過熱，引擎壞咗要換。要明白，英國係一個「窮國」，而且英國人一般都好「節儉」。所以無乜車係會無零件或者技術整唔番（尤其是舊嘅國產車），問題只係想唔想。網上一二手嘅零件多的是，訂完直送車房就搞掂，車房就收安裝費。就係咁我就跌入咗兩難嘅情況，究竟整番好部舊車，還是換過部車好啲呢？

    之前架Defender唔知幾鐘意，但係港媽比較多意見（加上嚇一嚇），咁緊係身痕順水推舟㗎啦。响香港嘅時候，車係消費品，而且大部份中產都係買嗰啲「私人貨Van」，我覺得新車揸到壞咁算囉（揀乜咪又係咁款）。好似個人意志一樣，黎到英國有得揀緊係啲個人風格番晒黎啦。即係除咗啱用，就係多咗响香港報失咗好耐嘅主觀喜好（竟然同做人一樣）。

    新車無話唔好，只係個人唔太喜歡現代嘅設計。車對於英國人黎講某程度上係日用品，所以對車嘅保養同要求會好唔同。識得揀，二手車其實都可以好信得過嘅，十幾廿年到幾十年車都未必驚。不如講下除咗喜好，我會留意咩。二手車每年都要去車房檢查，過到先可以繼續响路面行（MOT）。MOT其實係最基本嘅要求，識行識走就無問題。

    正常人每半年一年就會攞部車去做保養（Service）。Service係分普通同原廠，最大分別係原廠會跟番指定年份同型號做（同價錢），再加個印响部車個原裝保養書度。當然太舊或者古董就唔洗理，做嘅嘢分別唔太大，點都有報告證明嘅。里數唔係唔重要，但係緊係無香港咁敏感。英國除咗大城市，唔會不停有燈位同塞車，太多同太少里數都反而係問題（每年10k miles可以係正常）。

    以我呢啲品味咁古怪嘅人，就係睇晒呢堆嘢加埋有幾多手揸過，其實選擇都多到睇到我眼盲。响網上不停睇咗幾晚，內心爭扎緊換唔換好嘅時候，竟然比我見到部Volvo 850 T5R，廿幾年車大膽到可以一手Full Stamp咁癡線（原廠保養廿幾年無停過）！可惜，港媽對於啲「烏龜」樣嘅車實在有太多偏見，搞到我又要再繼續爭扎...

    #揀車等如意志
    #有自由緊係好
    #新不如舊
    #揀車如是
    #做人如是

  • TopGear HK 極速誌

    defender二手 在 TopGear HK 極速誌 Facebook 的最讚貼文

    2018-06-16 14:00:00
    有 170 人按讚

    【史上最快】
    Land Rover推出70週年限量版Defender Works V8，搭載V8自然吸氣引擎，馬力405匹，由Classic專屬部門精選二手Defender翻新打造而成，成為史上最快嘅Defender，可惜英國先有得賣。想知多啲改造過程，記住留意新一期TopGear！
    （影片來源：Land Rover）
    #Fun #LandRover #Defender #DefenderWorksV8 #70thEdition
    ————————————————
    TopGear網站 www.topgearhk.com
    TopGear Youtube頻道 www.youtube.com/topgearhongkong
    #唔想miss咗TG嘅內容記得要將Following改成SeeFirst喇

  • Goodbye HK, Hello UK

    defender二手 在 Goodbye HK, Hello UK Facebook 的精選貼文

    2017-08-08 08:30:00
    有 140 人按讚


    英國買車，車牌同保險NCB

    如果剛剛到步英國，要揸車同買車。第一件事要諗嘅嘢就當然係個車牌。如果响香港有車牌嘅朋友，其實香港嘅車牌係可以响英國使用一年嘅。因為厘個原因，買汽車保險亦都可以用番個香港車牌，不過同樣只可以用一年。之後就要換英國車牌，網上係有Form填好，郵寄就可以。

    厘樣嘢其實對於我厘啲住郊區嘅人都幾重要，因為無車等如無腳。最初黎到租咗兩個星期車，我自己就已經有個廿幾年嘅英國牌，我老婆係用香港車牌加個國際牌做後備。

    咁即係，我地要响兩個星期內要買車啦。我地其實未去英國之前已經決定唔會買新車，因為我兩公婆覺得唔需要。英國嘅德國車的確係比香港平好多，但係我地覺得無必要而且唔實際（當然我自己有私心啦~Defender😜）。而最大嘅原因係因為兩公婆都係初到步，未有信貸評級，即係買新車的話要比全數現金，一次過要買兩架啱心水又揸到幾年嘅車，係幾肉赤嘅。

    要明白响英國要建立信貸評級同响戶口有幾多同搵幾多錢係無必然關系嘅，Credit Rating係借唔借嘅問題，而搵幾多就係借幾多嘅問題。咁初初黎到，點樣最快去儲Credit Rating呢，咁就要去網上申請一張係人都批，又極小Limit嘅Credit Card。每個月都用小小，同時每個月都還清，咁個Credit Rating就比較快build up。（唔係我自己識嘅，係有人教嘅，係人地嘅經驗。😉）

    個人嘅經驗，香港人所信奉嘅所謂歐洲中產「名車」，其實真係唔係咁可靠，只要大家有朋友擁有過多過四年就自然明白，亦都可以理解點解厘類車响香港二手咁平。😰

    英國買二手車，其實好方便。而每一部車嘅車牌號碼，已經係响網上面有晒所有資料，包括係唔係自己入口（水貨），幾多首，有無大意外claim過保險（Category C &D），有無改過顏色同車牌號碼等等（當然要比錢check）。英國買二手車，有啲資料係好重要嘅，例如法例規定，每架車三歲之後每年都要驗車（MOT），另外大概每10k Miles到就要做Full Service，厘兩樣records係一定要睇嘅。

    上網搵車，打電話約時間試車。其實英國車嘅牌簿（V5C Form）係連同出口及轉手嘅Form，如果試啱，上網買保險，跟著就比錢。賣家就會叫你填咗張Form，撕咗出黎，比個牌簿個買家。之後個賣家會自己寄番比政府部門，大概兩、三個星期買家就會收到張新嘅V5C。

    咁買保險方面，都係上網買嘅，有好幾個website都會有格價。只要輸入想買嗰部車嘅車牌號碼同個人資料，就會有一個大概一星期有效嘅Quote，到決定買入部車就Login番比錢就已經可以揸架車走。

    因為我自己十幾歲已經响英國考牌，而我又係一個中坑，所以我無留意去用香港嘅NCB。但係多謝厘個Page嘅熱心朋友Teresa Li ​提供資料，原來英國嘅汽車保險公司係承認香港嘅保險NCB嘅，咁大家又可以慳番啲。

    Insurance Photos Credit: Teresa Li 🙏

    #英國買車 #英國用香港NCB #牌簿V5C #英國買車需知 #英國汽車保險 #英國二手車

你可能也想看看

搜尋相關網站