#throwback

入伙派對，香檳當水飲的一個瘋狂夜晚。十二點未夠，已經喝到男人和女人也分不清。

最佳損友 Benson 突然拿起電話，高聲宣佈：「Oh！葉朗程，恭喜你！」恭乜 X 喜呀？「大家睇吓，呢隻戒指，如果冇三卡，我食咗佢！」Benson 繼續說。眾人開始圍著他，各自看完他的電話，嘩聲四起。

「我數三聲，我講第一句，你哋講第二句。」Benson high 爆說。「一、二、三！愛人結婚了……」我仍然不知道發生什麼事，直到其他人幫他齊聲接下去：「新郎不是我！」

唔知佢哋講緊乜，跌跌撞撞的走過去，搶去 Benson 手中的電話。

螢光幕是一隻雪白的手，無名指套著一隻耀眼的鑽戒，是 Kate Fung 的 instagram。「When he got down on his knees，I thought he was joking……」之後是一大堆 hashtags，一大堆 likes，一大堆智障 comments。

完全沒有音樂天份的 Benson，即興作咗首好難聽嘅歌，全首歌詞都係「愛人結婚了新郎不是我」。就在這片嘔心的歌聲中，我拿起自己的電話，進入了 facebook messenger，11時48 分，我給 Kate 發了一個短訊：「13 年，你喺我心裏面，仍然是 the prettiest of the prettiest，心好酸，但恭喜你。」

放低電話，呼一口氣，視死如歸，除咗廁所嗰支滴露，屋裏面飲得嘅都同佢哋一掃而光。

六點，只感到頭痛欲裂。

看看電話，頭痛得更厲害，天旋地轉，直情有種世界末日的感覺。

除了在 11時48 分發的那個短訊之外，我還發了幾個聲音訊息給 Kate，自己連丁點兒的印象也沒有。

心裏戰戰競競，究竟自己說了什麼？顫抖的手往電話一按，聽到自己震耳欲聾的歌聲，重覆又重覆地把 Benson 作的歌唱了幾次。2時30 分，最後一個短訊，我還唱了半首「那些年」。

想跳樓。

久久睡不著，乾脆洗個澡，再喝杯咖啡。9 時 22 分。電話響了一下，然後又響了一下。

第一個回覆：「LOL drunk texts？」

第二個回覆：「Anyway，thank you。」Thank you 之後是一個笑臉。

就是這個笑臉，給了我回覆的勇氣。

「一萬個 sorry。」我說。

螢光幕出現「輸入中」的符號，再過一分鐘，還在輸入中。最後，她卻只是一句簡單的：

「一萬個 no problem =)」

就這樣，好幾個月過去，香港的天氣由二十六度變到六度。

某個冷得叫人尖叫的晚上，Kate 在 Instagram 上載了一張照片，又是她的手，不過這次不是要炫耀鑽戒。「隻手幾時先好得番？」她在照片旁邊寫了這樣的一句。

從照片看，她的手沒有傷痕，於是我留言說：「粒鑽石太重？隻手 overload？」

之後，她回覆：「唔好笑囉，cannot even type with my left hand。」

Private message 她：「What happened？」

如果她說是未婚夫虐打她，葉某願意折壽五年。

「學打 golf，did too many swings，醫生話破壞咗神經線。」

「有冇話幾時好番？」

「醫生話未見過咁嘅 case，佢都唔知幾時好得番。」

兩日後，跟 Benson 和其他朋友鋤大 Dee，想不到 Benson 已經幫我收晒風。

「佢男朋友，oh sorry，I mean 佢個 fiancé，已經帶 Kate 睇晒最好嘅醫生，乜都照過，淨係知道乜嘢肌肉腫脹，壓住條神經線，做晒 nerve tests 都唔知點先好得番，叫佢兩個月後先再去覆診。」

佢男朋友叫 Ringo，係一間 private equity 嘅 partner，絕對相信佢有足夠嘅關係同金錢帶 Kate 睇最好嘅醫生。不過有啲嘢，唔係有錢就解決到問題。

晚一點後，我問 Kate：「記唔記得神醫？」

「記得，why？」她問。

以前打波每次整傷，Kate 都會陪我去永吉街，嗰度有個好好嘅醫師。畀佢睇完，老虎都打死幾隻。

「我覺得神醫會醫得好你隻手喎。」

「LOL 佢仲喺永吉街？」

「Yes，試唔試吓？」

「都可以，不過 Ringo 去咗 trip，等佢返嚟陪我即睇，我怕痛。」

Do me a favour and ask Ringo to go fuck himself，我心諗。

「如果佢唔介意，如果你又唔介意，我陪你去睇都得喎。」

「Really？Thank you！佢好開通，唔會介意，this Saturday ok？」如果 Benson 睇到我同 Kate 嘅對話，佢肯定會話：「呢啲咪就係傳說中嘅收兵囉。」

約好在金鐘的太古廣場，我早到了一點，她也只是遲了五分鐘左右。她一上車，已經證實了她上載在 instagram 的所有照片，均是沒有經過任何 photoshop 加工的。我雙腿開始有點麻痺，要用力踏下去才感覺到煞車掣，前半段的車程她應該坐得不是太舒服。

神醫即係神醫，從遠處看到 Kate，已經說：「你有事，你隻腳有事。」唔係喎，我對腳冇事喎，係我隻手有事，Kate 說。「唔係，係腳有事，所以影響埋隻手有事。」神醫堅持。沒見這麼多年，神醫已經有個徒弟，所以他沒有親自動手，只是吩咐徒弟按哪幾個位。

徒弟一邊按，Kate 一邊慘叫。

幾分鐘後，慘叫停了。

我問 Kate 有什麼感覺，她含著兩泡眼水說：「膝頭好痺。」手呢？這時她才說：「Oh my god！真係冇事啦！」零誇張，沒騙你，這個神醫，就是兩三吓手勢，已經把全港最好醫生口中的「不治之症」醫好了。

回到車上的時候，Kate 已經不知說了幾多次多謝。「搵日一定要請你食飯。」她繫上安全帶說。如果你得閒，一陣間飲杯咖啡都得呀，你有冇時間？我問。Kate 看一看錶，笑著點頭。

高潮，就是發生在之後的咖啡室內。

她坐下，我坐下，她點了一杯 gingerbread latte，我點了一杯 black coffee。

各自的咖啡來到，我嗅到她那杯 latte 的香味。

「好香喎。」我說。好飲㗎，畀啖你試吓。就這樣，她很自然地，把一小啖咖啡盛在咖啡杯旁邊的鐵匙羹上，送進我口中。我喝下去，雙耳開始發熱，尷尬的對她說了聲「好飲」。她看到我的眼神，才突然醒一醒，然後說：「Sorry。」

好半天，她低著頭，沒有說話，只是用剛才的那隻匙羹攪拌著那杯 gingerbread latte。

又好半天，她仍然低著頭。

再隔好半天，她凝視著咖啡杯說：「點解嗰陣會鍾意 Clara？」

十三年前的事，猶如昨天才發生一樣。

穿著校服的 puppy love，年少無知的中學時代，那會有這麼多理由。

「我冇鍾意佢。」

「咁你又錫佢？」

我沒有回答，只是看她繼續低著頭，用那隻匙羹盛著一小啖咖啡，送到自己口裏。

我們間接地吻了一下。

場面實在有點尷尬，我說想去一去洗手間。

站在洗手間內起碼五分鐘後，才慢慢走出來。我坐下，看一看她的眼睛，她好像 ok 了。「到我去洗手間，唔好同我畀錢。」她笑著說。

Kate 離開坐位後，我看著那隻匙羹，那隻讓我們一起接過吻的匙羹。突然，腦海閃過一個變態的念頭：我要把這隻匙羹永久收藏。

趁 Kate 未出來，我立刻叫咖啡室的侍應過來。

「小姐，我想買咗呢隻匙羹，幾多錢都買。」我說。

這位女侍應，搬出一個不耐煩的眼神，說：「我頭先已經同你女朋友講咗，呢隻匙羹唔會賣，因為套餐具係我哋老闆喺西班牙買返嚟，幾多錢都唔會賣。」

IG= drgntigrdr
===============

一到夜晚就感性起來，也許就是一個孤獨中坑的生理時鐘。

這個故事想帶出的一課，叫做男人犯賤心理學。

所謂世上最好，就是永遠得不到。

【藝術聖誕親子嘉年華】#情感文 #來賓歡迎留言放相
多謝大家支持梵高爸爸 💓 尋日場面相當人山人海
籌備整個嘉年華🎅🏻最重視嘅係「人」，最想每個來賓開心

💗 多謝每位專誠到珀麗灣參加的fans
好親切叫我做「梵高爸爸」，認得「湯丸仔」👶🏻
雖則頭1小時出現些混亂，不完美亦有值得改善之處
但仍有fans笑笑鼓勵「加油！第一次舉辦好好嫁啦」
到後來，大家開心集郵，開心抽獎 🤗
開心玩氣球波波池、和諧粉彩等~~
仲換到唔少商品區嘅禮物 🎁
更多好好朋友專誠嚟撐我，有中學同學、有未有小朋友、甚至未結婚都嚟參加，感激無限

💗 多謝每個參展嘅商戶，以及藝術組織
由籌備第一日，我主動招募品牌，佢哋都用心聆聽
以擺booth、產品贊助、福袋或抽獎等
去支持香港第一位爸爸blogger舉辦嘅嘉年華
而我，亦是主辦人，唯有一人傾盡全力配合
由擺booth到floor plan、線上線下宣傳，到活動物流
如有不完美，請多多包包涵 🙏🏻

※ 商品方面，盡量係👶🏻湯丸仔用過而真心好嘅產品
我會分享，推介俾BB同媽媽
我唔止要網上分享，更要近距離俾大家親身體驗
真心的，希望大家會感受到我嘅用心
有BB食物、有BB衫、有BB玩具、有BB賽車區
你哋嘅贊助或產品，為每位家長小朋友帶來更好嘅生活
亦成就我嘅夢想，感謝你

※ 藝術區，係今次大會主題
亦係主辦人嘅核心所在，#以藝術為親子帶來快樂：氣球波波屋、和諧粉彩、日本繪本、Light Painting、面部彩繪、紙膠帶、親子速寫、小王子、DIY tee
協辦機構 #PLAYable 資源有限
但仍以七彩汽球加自由遊戲，發揮最大嘅創意

全部係我精心細選 💛
全部係我精心細選 💛
近日，社會需要更多正能量 💛 藝術就係催化劑
大部分親子都係開心嘅，亦係我最想最想見到嘅 😊
有些來賓表示有點失望，因為workshop經常full
為何有coupon book，亦需另付款參加部分藝術區？
前者，下次我會盡善盡美，有個更好方案
後者，係我嘅堅持，亦係我對參展商嘅尊重
對本地創作人嘅尊重，對創作嘅尊重 💛

💓 多謝每位報導過我嘉年華嘅媒體
無財力無廣告下，仍報導梵高爸爸嘅嘉年華，心存感激

💓 多謝參加我活動嘅親子blogger
我曾經內心掙扎過，我嘉年華始終一人創作
但我深明，我只想邀請大家，感受到快樂
結果，我一邀請，佢哋都紛紛支持
我心存感動！真的心存感動！

💓 多謝每個出心出力嘅義工
我嘅強項係宣傳、文宣、設計、跟參展商磋商
但弱項，係無活動統籌經驗，對rundown對物流零智慧
甚至後期，連存貨都無想過
多謝各位同心同力幫過我嘅每一位，容許我逐一列出，如有遺留，請不要介意，一切在我心中 💓

特別鳴謝：Karida、玲姐、大家姐、華dee、Chris、Bonnie、blackcat、首領、Gaga、Mon、Pandalulu、Stephanie、Betty、黑波、April、Tanya、慧灝媽咪、Sophia媽咪、Annie、霖霖、Fox、Tata、Miles、Cherry

特別我要多謝嫲嫲👵🏻同姑媽👩🏻 ，因為連續多星期要由佢哋照顧湯丸。我，先可以專心出外打拼！10月起，大部分日子，我通宵工作，朝早瞓覺，全部由佢哋做最強後盾。

最要多謝我老婆💏，佢從來無質疑我嘅決定。雖則有時口問收入，但身體卻很誠實。為我打點一切，特別物資分配、rundown、billing。有時會為芝麻綠豆事有爭拗，但事後想來，又係回憶。一份真實而有內容嘅回憶，一份愛嘅回憶 💗

最後，係每一個你，成就我一個夢想 ✨

下一站，2020年2月29日，再見大家 🤗

#親子好去處 #親子活動 #香港爸爸 #聖誕親子嘉年華 #藝術 #梵高爸爸

#官方相片容後分享
#官方短片容後分享

戰鬥到底| 2019-11-26

這是一個關於米線店的故事，話說米線店一向以百年湯底聞名，可惜，近年生意一落千丈，老闆娘瓊姐邀請了著名食評家到米線店試食，當眾人忙於為這個VIP準備的時候，老闆強哥發現了……危機接連出現，要靠師奶化身成米線女戰士，堅守信念。

幾位舞台劇演員梁祖堯（Joey）、湯駿業（Dee）、胡麗英（Grace）和韋羅莎（Rosa）誓要令米線店生意起死回生。

你我他對上述情節並不陌生，戲如人生，職場如戰場，每位演員背後都有好幾場真實戰役。

梁祖堯 自我戰役

每一個願意為人生奮鬥的人就是戰士，不是見到希望才努力，而是不努力就見不到希望，能從這個角度來看事情，你就是戰士。一直以來，我認為自己有否盡力做好一場戲，跟觀眾是否喜歡我做戲是兩碼子的事，因為演技好與否都是主觀想法，並沒有客觀標準，只有自己才可以評論得到，故此，那就是一場自我戰役。演戲多年，明知可以用舒舒服服的方法去演，但我往往選擇另一種方法，因而不時出現思想鬥爭，不過我頗享受這場自我戰役，令演戲生涯成為一個尋找過程。

胡麗英 走出comfort zone

因為事情有阻力，大家才需要戰鬥，故此，戰士就是一個人願意為了自己的信念而多走一步，過程中需要很大勇氣來面對阻力，不管結果如何，只要大家擁有這份勇氣就是戰士。要說我的人生戰役，應該是走出comfort zone吧！早前離開了劇團，坦白說，如果從收入來看，我應該選擇留在劇團裡，而且每年都有機會演出不同劇目，是很好的鍛鍊機會，然而，我選擇了走出去看看這個世界。今時今日的我不再在乎別人目光，也不需要在別人身上尋找個人價值，任何時候都處於安然狀態，不斷認識自己，同時不斷放下一些心理包袱，就是我人生的一場戰役。

湯駿業 你都做得到

記得以前看過一部電影，當中一句："If you think you can, you can."令我印象深刻，這是一種事無大小都要做到，兼要做得好的心態，務求為世界帶來好改變，就是戰士心態。我的人生際遇告訴我，從來沒有從天上跌下來的機會，我要很努力才會得到一些別人基本已擁有的東西。畢業後出來演戲，事實證明演得不夠好的話，別人下次就不會再找我，所以我一直要自己把事情做得好，及後發現自己在某些方面做得比別人優勝，從而找到自己的價值，自信心增加了，慢慢地放下一些心理包袱，整個人也活得輕鬆，連觀察世界角度也變得不同，所以，我會說自己從小到大都跟著那個戰士機制來奮鬥，現在就集中於追求以戲劇創作來感動人心，而不用過於擔心生計。

韋羅莎　克服困難
戰士一定要against all odds（克服一切困難），想達到目標，一定要克服俗世眼光、反對聲音、自身失望等，始終人生最大的敵人就是自己，能做到against all odds就是戰士。有時候，跟中學同學或舊朋友聚會，見他們有車有樓有家庭，令我禁不住想，他們的生活很舒適，我的生活卻頻頻撲撲，有戲做但不會發達，究竟我在做甚麼？接著，我又會想自己並不是追求安穩生活和收入的人，若問我是否願意將現時擁有的滿足感來跟他們交換，答案一定是不願意，所以，我會一直為自己的目標而堅持。

Text：田佩芬
Photo：Johnson＠Unicorn Production
-----------------

風車草劇團 《米線女戰士》29/11 星期五公演
.
*首十場接近爆滿，只餘極少量位置。
5/12 8pm 新加場仲有少量靚位 https://bit.ly/2qLHW4b
.
《米線女戰士》加場：
5.12.2019 (星期四) [8PM]
新加場現已於城市售票網公開發售，
快D手喇，靚位飛唔等人！
.
【最新加開12月5日8PM】：http://www.urbtix.hk/internet/eventDetail/39726
【首10場尚餘少量】：https://bit.ly/2OYXcEG