Rolex勞士力，不是最高級的手錶品牌，但肯定最多人認識。
就算你戴不戴錶，都一定會認識Rolex。
　
老闆會戴，保險地產經紀會戴，你老豆都會戴。
在宴會乾杯時還有可能看到一枱13隻Rolex的奇景。
　
（一枱12人為何會有13隻？！因為捧乳豬給你的服務生都戴）
　
所有人都知道Rolex很有名，但很多人不知道為什麼。
有人說Rolex很少找明星做代言人，而是專門找運動員、藝術家、探險家做代言。
　
但真正令到炒價升上月球的，還是明星…
今次就簡單介紹幾隻Rolex的明星手錶吧～
　
首先要介紹的當然就是Daytona。
可算是Rolex中最多人夢寐以求的款式，也是炒價最高的一款。連我媽從來不戴手錶，都知道Rolex有一隻叫「地通拿」Daytona。
　
為什麼它這麼有名呢？
全因為Paul Newman這位影帝級明星曾多次在公開場合戴著Daytona，型號Daytona 6239因為當年只有少量生產，所以非常罕有。甚至很多人稱它做Daytone Paul Newman。
　
現今不斷經過多少次改款，Daytona依舊是最受歡迎的Rolex款式。
　
Paul Newman手上戴著的更是獨一無二，除了演員同時也是賽車手的他，底蓋特別刻有妻子叮囑「Drive Carefully Me」。曾成功拍賣出1700多萬美金。
　
近代最廣為熟悉的，就是木村拓哉多次被傳媒拍到他戴著的冰藍面Daytona，用上鉑金貴金屬錶殼，比起一般的「熊貓面」更顯氣派。
　
木村在劇中的衣著和手錶，都一定會成為熱潮。而另一款最多人認識的，就是在《戀愛世紀》和《HERO 2》劇中配戴的Explorer I 14270。Explorer I雖然炒價沒「水鬼」或Daytona這麼誇張，卻是多年來的經典款式。
　
（最近改款推出36mm！我這幼手腕超想要…！）
　
不過…
買Rolex並不視乎你買不買得起，而是你買不買得到。
　
你經過Rolex專門店，受歡迎的款式幾乎絕跡，只會出現在炒賣市場。
　
如果你不是老豆開錶店，又不想食炒價。有人說就需要「食骨」，意思是搭配買其他不熱門的錶款。但……
　
擺在門外的款式不是「骨」這麼簡單。
只有鑽款或貴金屬的Datejust，不是一般人會戴的款式…
這堆骨怎麼啃得下啊。
　
所以也難怪這麼多人喜歡Rolex，一來顯得你不介意炒價，或有地位能成為VVVVVIP弄到正價。
　
不過，錶是自己戴得開心就好～
　
不需要介意戴出去別人不認識你的品牌或跟你說「你花幾萬買錶，為什麼不買勞力士？」
　
多瞭解其他品牌，其實他們的故事也非常有趣。下次，會介紹一下IWC這個品牌的歷史故事，以及它的飛行錶大家庭～
　
《阿公講鬼４：魑魅》預售開始！
https://bluegodzistore.boutir.com/i/VljXG4gAA

【#狂迷投稿】 文：Andy Mak 《#人潮洶湧》
『未必係捧腹大笑，但保証會令你回心一笑嘅幽默』

首先，作為劉華死忠，又或者只係單純電影觀眾，我個人從來都唔會否定劉華大陸作品嘅質素，真心推薦大家睇《天下無賊》，《失孤》，《解救吾先生》呢三套作品
.
利申：《天機》我都可以入戲院睇，坐足全場冇𠝹櫈㗎！🤣🤣😈😈😎😎
.
雖然係大陸電影，但香港版配音都用心，有“仆街”、“劣”...呢啲港式字眼（仲有好港式嘅餐蛋麵加條菜），我覺得再多啲粗口都冇問題，仲有要一讚陳國邦同mimi嘅配音，好夾
.
成套戲都有向星爺嘅《喜劇之王》致敬，相信導演都係熱愛港產片之人，觀眾會睇得有共鳴
.
與其話係黑色幽默電影，倒不如話係勵志片，幾鍾意“假小萌”寫筆記想重新認識自己人生嗰段，會執企理間劏房；會鑽研演技（即使只係臨時演員），問心，劉華喺大陸片嘅角色相對地都冇咁多“負擔”，我個人認為佢演呢類角色更加引人入勝，當然開場“殺手周全”帶啲chok係應該嘅。😜
.
今次劉監製都冇獨佔晒啲戲份，真假小萌/周全嘅戲份都好平均，而且肖央同萬茜都好戲，冇國內演員過份七情上面嘅通病，
.
萬茜俾我感覺有啲似“楊怡”；肖央俾我感覺似“肥版化骨龍”
.
如果講笑位，我覺得麻明嗰段最抵死，暉姐扮入戲都過癮！！
.
但臨尾嗰幕特寫國旗就真係太刻意喇；主題曲都請恕我覺得唔太好聽，編曲太大媽舞feel；反而插曲歌詞幾有意思
.
陳小萌同周全，因為一次意外而家換咗人生，失憶嘅周全教識咗我哋，無論喺咩崗位都好，演活好自己嘅角色，不枉此生
.
P.S:劉華喺戲入面帶住隻rolex datejust 41mm黑面配三格帶，好搶眼😻😻😻😻
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤 instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

擇伴和擇偶之間有很大分別，後者是一個相對慎重的決定。

慎重就慎重在，某程度上，「偶」是一個 (whether you like it or not) 能夠代表你的人。

你是一個什麼樣的人，從你的偶是什麼人也可以略知一二。

今日食晏，忽然同朋友講起「偶」呢個好隆重嘅話題，因為我哋見到一個人。

「喂，你條菜呀。」朋友示意我望向落地玻璃前那張餐枱，然後便見到她，正在跟一位外籍人士吃飯。

先別說朋友口中那句「你條菜」算不算粗俗、有沒有性別歧視成份，可以肯定的是，「你條菜」是一個很 old school 的俗語。以前讀書嗰陣，當我問隔離同學，「下一堂係咩堂」，如果下一堂係 history 嘅話，佢就會話，「你條菜呀」，因為教 history 那位是我暗戀的老師。

由此可見，如果拼開成見的話，「你條菜」其實並不粗俗，更不失為一種浪漫。「女朋友」可以是你條菜，而一個你暗戀的人，也可以是你條菜。暗戀喎，唔浪漫咩？

當然，朋友是開玩笑了，坐在落地玻璃前面的女士並不是我暗戀的人，而只是一個，偶爾會想起，想起之後又有種上上落落忐忐忑忑的普通女人。想起她的原因，絕對稱不上「有意思」，但硬係有啲嘢但又講唔出有乜嘢嘅嗰啲嘢。

講得太複雜，不如簡單點，我其實只見過她一次。

見那一次之前，大家都知道彼此的存在，因為喺一單 deal 裏面，佢係代表我個客嘅公司嘅律師，而因為一啲技術原因，我投訴過佢。

係狠狠地，不留餘地的投訴。

聽說被我投訴之後，她親自做了很多事情去挽留那位客戶，知情的人都說被她那團火感動了。

事隔一段時間，我在一家壽司店巧遇她，更巧是坐正喺佢隔離。我一眼認得佢，因為之前喺 Linkedin 起過佢底，而佢似乎就唔知我係邊個。我非常有勇氣地表明身分，更想用一件壽司賠罪，而我得到的答案是：「慳啲啦。」

所以我決定，把握這次機會，走去落地玻璃前面，給她一個再落我一次面嘅機會。

「Hi，」我走過去打招呼。

「Hi，Marcus？」她竟然認得我 (戴住口罩)。

「係呀，見到你，所以打個招呼啫，唔會令到你冇胃口呀呵？」

「會呀，」她笑容燦爛的說，「你死番過去得唔得？」

嘩，真係估唔到一個女人要憎恨一個人嗰陣，係可以咁徹底。她對面那位外國人看到她的盈盈笑意，肯定以為呢個八婆同我講緊類似 good to see you 嘅對白。

「冇問題，」我的笑容更燦爛，「唔阻你。」

回到自己的位置，朋友立刻問：「喂，掂檔喇呢鋪，好似好好傾喎，佢同你講咩？」

我沒有理會朋友，因為在那電光火石間，我忽然發覺更加認識自己。

看到剛才的她手上戴著一隻 Datejust，我終於知道原來我也是有擇偶條件的——我喜歡戴錶的女人。

唔係講緊 Gucci Chanel 嗰種 fashion watch，亦都唔係 Apple Watch 呢一類型，而係真正一隻 proper 嘅錶。點解戴錶嘅女人咁特別？因為根據我腦海裏嘅數據，很少女人是會花錢買錶的。或者這樣說，你送她一隻錶，她不會特別喜歡，跟送她一個手袋是完全兩回事。

看那些女裝錶廣告，清一色的格局，就係一個女人戴住隻錶，化好晒妝、靚靚咁坐喺度、乜都唔使做。對於女士來說，手錶就是一件裝飾品而已。

但男裝錶廣告永遠是一個男人在冒險、在運動、在打拼、在研究，對於他們來說，錶不只是裝飾品，而是戰友。

戴錶的女人是異數，因為剛強的女人也是異數。有樣有腦有身材的女人，遠遠也不及一個有 drive 的女人。說到 drive，有的便不只是 career 了，而是一種 career-mindedness，所以有腦的女人不一定有 drive，但有 drive 的女人一定有腦。

就是有 drive，所以寧捨迷人。

離開餐廳前，我走過去跟她道別。

「張單幫你埋咗，唔使多謝我。」

她依然是同一個沒有溫度的笑容，在我耳邊輕輕說了一句話。

「小女子係一個感恩圖報嘅人，終有一日，我一定會幫你埋單。」