〈 用心生活,邁向乾淨整潔零雜物 〉
呢一篇貼文會介紹我日常使用嘅天然清潔劑,廚房油脂污垢、浴室鏡面水垢、層架塵埃污垢,都可以輕輕鬆鬆打掃乾淨。如果養成每日打掃嘅習慣,每次用完順手抹乾淨,唔單止消除壓力,仲可以感受日常生活嘅美好細節。斷捨離過程會發現移開雜物後,污漬即刻呈現眼前,由依家開始好好清潔...
〈 用心生活,邁向乾淨整潔零雜物 〉
呢一篇貼文會介紹我日常使用嘅天然清潔劑,廚房油脂污垢、浴室鏡面水垢、層架塵埃污垢,都可以輕輕鬆鬆打掃乾淨。如果養成每日打掃嘅習慣,每次用完順手抹乾淨,唔單止消除壓力,仲可以感受日常生活嘅美好細節。斷捨離過程會發現移開雜物後,污漬即刻呈現眼前,由依家開始好好清潔之後再進行收納,喺井然有序嘅家居迎接美好生活。
過碳酸納
去除茶漬、漂白毛巾、清洗衣服,過碳酸納都可以輕鬆洗乾淨,除菌除臭而且唔會損害材質,我多數用粉狀氧系漂白劑。煮毛巾會用不銹鋼煲將水加熱,開細火維持溫度,過碳酸鈉同埋毛巾放入去煮大約 10 分鐘,過程中會用木筷子郁吓佢,毛巾漂白完會再放入洗衣機洗,不銹鋼煲用洗碗液洗乾淨後可以煮飯用。洗衫嘅話,一般食物漬同血漬都可以攪掂,血漬方面有次唔小心整污糟咗地毯,即刻倒少少過碳酸納喺地毯,加啲暖水(大約 40°C),再用牙刷擦下佢就會回復原狀。
檸檬酸
鏡上面嘅水垢、水龍頭嘅水漬,都可以用檸檬酸去除,我會揀液體狀嘅檸檬酸會比較方便,倒入無印良品嘅噴壺噴喺需要清潔嘅地方,再用海綿擦到佢立立令。雖然唔一定每日都洗,但我都會經常將檸檬酸噴喺水龍頭,再將少少重曹加水洗吓洗手盆,保持洗手間嘅衛生。重曹嘅用途都好多,不過最近冇買重曹,因為之前喺超市買咗其他化學成份嘅清潔劑未用完,用埋先。需要注意嘅係:檸檬酸唔可以用喺大理石。
白醋+梳打粉
呢個配搭係用嚟洗砧板,因為用木砧板最好用天然嘢去洗,而且用柔軟海綿輕輕擦洗。白醋用途非常多,而且價值好平,除咗煮飯之外仲可以用嚟清潔,如果你用嘅砧板都是木材,記得唔好用洗碗液清潔,白醋和梳打粉可以去除砧板上嘅油脂,仲可以除味除臭。另外,可以間唔中用食油保養吓塊砧板,買啲砧板專用嘅保養油都可以。
以上提及嘅清潔劑喺超市或 Daiso 都可以搵到,雖然牌子同款式好多,其實睇返成份就可以,尤其係過碳酸納我每次都買唔同品牌(笑)
💬 你都有打掃或者整理心得嗎?歡迎喺留言分享吖✨
🔎 有興趣的朋友可以到主頁連結,點擊本篇貼文封面閱讀更詳盡內容。網站文章固定每週五更新,以極簡生活和自我成長為主題,其他內容發佈可以留意限動消息。更多詳細內容可到:
https://bit.ly/3ljEOGs (link in bio)
----------------------------------
#極簡 #極簡主義 #極簡生活 #整理收納 #簡約 #簡約生活 #簡單生活 #斷捨離 #斷捨離的簡單生活 #少物生活 #生活美學 #用心生活 #減物生活 #生活感 #慢生活 #禪
daiso過碳酸鈉 在 コバにゃんチャンネル Youtube 的精選貼文
daiso過碳酸鈉 在 大象中醫 Youtube 的精選貼文
daiso過碳酸鈉 在 大象中醫 Youtube 的最佳解答