永不言敗的武士

剛崎慎司Shinji okazaki，係小編一直好留意嘅一名日本球員。佢2010年離開日本清水心跳，走進德甲效力史特加，再前往了緬恩斯效力兩年，共射進27個入球。接著前往了李斯特城，繼續擔當前鋒角色。

剛崎慎司於日本國家隊表現不俗，上陣100場共打進48個入球，縱然他於李斯特城不及華迪和馬列斯等人的漂亮數據，他上陣29場只打進五球，但他於球隊發揮了關鍵作用。剛崎慎司以永不放棄嘅鬥志，以174cm嘅身高站穩於李斯特嘅正選位置。

剛崎慎司嘅風格如典型嘅九號位位置，佢身高不高，但往往能於敵軍心臟地帶控下皮球，再將皮球傳給跑上來的隊友，帶來一次又一次具威脅嘅進攻，踢出made in japan嘅味道。

剛崎慎司亦都係mizuno足球嘅代言人，佢著嘅係Basara系列，踏入2016，basara由001系列踏入101系列。Basara係2014 mizuno新研發嘅路線，目標係為mizuno拓展輕巧高速嘅路線。Basara系列有分合成皮(primeskin)同優質代鼠皮嘅選擇，適合追求唔同球感嘅大家。

先講講合成皮嘅Basara，佢同上一代一樣鞋面用上DynaMotion fit嘅科技，模仿住人體腳部嘅自然郁動，令皮同腳部郁動更吻合，更接近赤足踢波。Basara101仲多咗樣科技，叫做R-fiber control，意思係晌球鞋嘅後半嘅位置，目標係令鞋更鎖住腳部，令腳碗更穩定，令球員發揮更高速度。Basara101嘅腳內擋設計特別，係鞋身連住鞋舌位置，相信佢係為咗更好嘅傳球質素。

至於皮版嘅Basara101，佢用上made in japan嘅人手縫製袋鼠皮，走傳統嘅路線，小編相信佢同made in japan嘅mizuno波boot一樣咁舒服咁林，令球員可以以傳接球做到perfect touch嘅感覺。皮版basara101同合成皮版basara101嘅鞋後半身一樣用上R-fiber control，令球員有更強嘅爆炸力。

合成皮同袋鼠皮版鞋底都係一樣，亦同第一代嘅Basara一樣，佢地用上D-flex groove科技。科技嘅應用係晌鞋底中央，設計呈孤形紋狀，使轉向時球鞋的前半鞋釘全部均可以牢牢抓住地面（一般球鞋轉向時，前半嘅鞋釘總有一半會離開地面，所以遇到濕泥會幾易跣低）,喱個設計令球員轉向時會更有力更高速。此外，Basara嘅釘唔係日本常見嘅圓釘，而係抓地力更強嘅刀狀釘，令球員有更好嘅衝刺力。

總括嚟講basara101係一對適合高衝刺力球員嘅球鞋，尤其係爆炸力強嘅攻擊手。而小編細心留意個剛崎慎司對鞋，佢著緊個對係made in japan袋鼠皮版嚟。

小編覺得今次mizuno揾啱代言人，剛崎慎司正正係踢出made in japan“給予最好”嘅精神，佢嘅踢法硬朗，又多做對抗性同轉身，正正係Basara101最適合嘅人選💪。