急救牌系列 [#vocabno開心share🌋 ] 我總共有三個急救證書，有兩個係大家認知嗰啲St. John、Red cross發出嘅急救證書，仲有一個係精神健康急救(Mental health first aid)，今日就主要講咗physical嘅兩個先，同埋我推唔推介大家去讀，MHFA留返下次講。 第一個係最基本、好多人都會讀嘅基本急救證書課程 (FA)，喺三十小時內學習急救原則同急救方法。去到考試就要完成三部分：筆試、CPR、包紥，如果肥咗其中一part就可以補考，肥多過一part就要重新讀過個course。通常見到啲人肥係肥喺CPR緊張吸唔夠氣而吹唔脹隻公仔，又或者喺嗰十幾個包紥方法入面揀錯方法應付個傷勢。不過如果你冷靜啲，事前有練習得多，要合格都唔係難事嚟嘅。個牌為期三年，之後就要再讀個温習班考返個試嚟續牌。 咁值唔值得讀呢？我覺得工作同日常生活中都值得讀嘅，有啲行業/學科直程會要你考，例如幼教/幼稚園老師同要儲CRE學分嘅醫療行業，包括nurse、OT、PT，我都有見過想考救護嘅人去讀。咁但係中學老師又需唔需要呢？冇話要考，不過如果學校有多啲老師識急救，相信對學生都係安全啲。至於日常，唔知大家知唔知早幾日有人食鮑魚哽親窒息死，其實如果在場有人識急救，救返嘅機會又可能大啲。又例如丹麥球員艾歷臣早幾日踢踢下波直頭心跳停頓，都係因為有隊醫即時做CPR同AED，喺送院前醒得返。急救未必幫到自己，但touch wood講句，身邊嘅人有事，你會幫到佢哋多啲。 至於第二個牌係AED (自動體外心臟去纖維性顫動法證書課程)，四個鐘內會認識心臟與心律同AED機使用方法，跟住要考筆試同用AED機，都係三年牌照，之後要上温習班考試續牌。坦白講，唔係工作需要其實唔洗專登上，因為你喺市面見到嘅所有AED機其實係俾唔識急救嘅人都用得，佢會有圖示教你幫傷者貼pad貼邊度，傷者心律情況、洗唔洗電擊同幾時做CPR都會喺啟動AED機後佢幫你分析，咁當然你有急救/CPR知識，會再得心應手啲，但對本身識急救嘅人嚟講，都係聽部AED機order做嘢，相信唔讀個course都會識做。 之後等疫情好啲，St John開返多啲courses，我應該會考埋寵物急救同運動急救，到時再同大家分享，相信到時我應該係我啲朋友之中最俾到安全感大家嘅人。😹 講左咁多嘢，點都要教下啲英文既（🐸強行加插） Extra Vocabulary ✨ CPR Cardiopulmonary resuscitation 心外壓 AED Automated external defibrillators 自動體外除顫器 suffocate (v.) 窒息 unconscious (adj.) 不省人事的 sterile (adj.) 無菌的 @vocabno 就嚟5歲，已經寫到第520個post, 由大team陪住咁多人考DSE，到依家細team睇住以往嘅followers喺大學發光發亮，當中嘅苦樂都難以用筆墨形容。啲人成日話保持到好嘅理念好難，但我覺得我呢啲咁固執嘅人嚟講其實一啲都唔難，難處在於點樣將理念變成行動嘅嗰份毅力。踏入第五個年頭，回望當初屬於pioneer嘅我哋，回想當初搞一個活動幾十人報名，去到今日，你問我市場仲需唔需要我哋？我唔知道，但我堅信我哋嗰份精神已經影響咗部分人。重點唔係在於vocabno有冇人鍾意，而係我哋當日影響嘅人有冇將我哋嘅精神傳開去，甚至比我哋做得更好。我哋冇辦法知道十年後嘅我哋會走到邊度，不過只要每一日都將要行好嘅步伐行好，就係我哋每時每刻要顧好嘅唯一事情。 我對vocabno嘅喜愛同五年前坐喺梳化發呆突然諗到要搞呢個page一樣，甚至更多。感謝呢五年走過嘅路上，同我哋並肩嘅你哋，感謝呢個地方讓我思考人生意義同成長。 #🌋👶🏻 🌋 𝐯𝐨𝐜𝐚𝐛𝐧𝐨 🌋 єяυρт ιηтσ уσυя ƒυтυяє ——— #Vocabno #DSEEnglish #hkdseenglish #dse英文 #DSE #dsefighter #2021DSE #2021dsefighter #22DSE #2022DSE #2022dsefighter #23DSE #2023DSE #2023dsefighter #24DSE #2024DSE #2024dsefighter #HKDSE #Dsetips #JUPAS #升學 #大學 #dsestudygram #studygram #DSE英文 #英語學習 #學英文