【新一季開鑼】

闊別咁耐，《英明作戰》新一季又同大家見面喇！我哋每次都介紹一間公司，講吓業務前景。畫面製作精美，內容簡單易明，絕對適合任何對投資有興趣嘅人士。

片段同時都上載至英Sir Youtube Channel，大家記得多多支持，訂閱YouTube喇！

Youtube link: https://www.youtube.com/watch?v=Gwd7i9nwuKE

今次首先介紹吓韓國嘅Amazon，去片！

.
.
.
免責聲明： 若干投資產品或買賣服務並非適合每一位投資者，投資者宜因應本身之投資經驗、投資目標、 財政資源及其他相關條件，小心衡量自己是否適合參與此等買賣。投資產品的價格及其收益可升亦可跌。在若干情況下，投資者可能會損失全部資本。過往表現並不保證未來表現，而以其他貨幣結算之投資產品亦有可能涉及匯率風險。在作出投資決定前，投資者應詳閱適用之發售文件以了解有關詳情及所涉及之風險。此資料僅供參考，並不對任何產品作任何形式的邀約、招攬、推介或表述。內容及資料如有任何更改，恕不另行通知。

#英Sir #黃國英 #英明作戰 #Coupang

【龔成問答信箱】（Q21281-Q21300）

Q21281：

我係你股票班舊生，有一個關於現金流折現法的地方不太明白想請教一下。

在第4課中，計算現金流折現法時，我們要為有增長的企業假設一個增長率，請問我們可以基於甚麼去決定這個增長率？我們是否可參考企業過往報表內的甚麼數字來作決定？

另外，請問為甚麼這個增長率是一定會低於折現率？

如果以阿里巴巴為例，請問我們應該怎樣決定這個增長率呢？謝謝你！

龔成老師︰

這個增長率，我地可以從佢過往數據、企業和行業本身發展潛力，去大致估算出來。

如果佢現金流係穏定，有一個明確發展年期，好似我課堂例子中的"西隧"，佢每年盈利增幅，大至平穏，你就可以從佢過往數據中的"股東利益"，去計算佢估值。

但增長率，唔一定低於拆現率。係一些高增長企業，就有機會出現增長率大於折現率情況。這時候，就不能用簡易公式去計，要自行每年去計。

其實，係處理增長高的企業時，現金流折現法可以有較大的誤差，因此運用時要較小心，若果是初階者，建議用其他估值方法做核心，現金流折現法只是輔助。因為較多數字係主觀判斷，而且當有少少偏差，計出來結果可以差好遠。

------------------------------------------------

Q21282：

老師你好，我40歲都未接觸過股票。見月供股票風險較低，亦好似唔需要成日睇住個市

如果我依個年齡係咪唔適合月供？

如果我想投資，應該月供邊幾隻股票？
謝謝解答

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

基本上，任何年紀都可以月供股票。但要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

由於財富增值係一個長線計劃，唔係短炒。只要選對優質股，你是不需要成日睇住個市。

你40歲，建議你用「平穏增長股」 + 「潛力股」的組合。現在你每月5成儲蓄，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

但由於月供最重要的一點，是「選股」。你投資經驗不多，無選股能力。最好就是投資ETF，如盈富(2800)。到你有能力，才慢慢加入其他股票，咁會較穏陣。

另外，潛力股比例在初期不要太多。

至於每月餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q21283：

Hi龔Sir，你好，我喺2.81時入咗五菱汽車，近期跌左，請問是否值得再入手，謝謝。

請原諒我的不專業問題。

龔成老師︰

沒問題，每個人都會經過初學者階段。只要你學好正確投資理財方法，你就會慢慢懂得點去處理這些問題。

五菱汽車（0305）質素算中等，業務都不算差，潛力度有的，但同時都有風險。

近期款新能源車「五菱宏光MINIEV」已較平民價出售，令銷售打嬴TESLA之餘，增長也算理想。

但我地分析時，唔可以只用咁短時間，就去決定一間企業品牌。這個平價車模式，可否能為佢持續增長，依然係一個問號。

以佢過去幾年，最高單年純利都不足2億，但現時市值好高，已經係唔平。近期此股急升了不時，此刻投資有一定風險。

如果以長遠角度分析，佢主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商，製造設施設於柳州及青島。

最近有中國品牌電動車大賣，而五菱汽車有做供應所以在當中有利益，因此都有潛力度。

不過，考慮到近期股價上升不少，這刻投資價值博率未算高。加上你本身有貨係手，最好回翻先再考慮。

------------------------------------------------

Q21284：

龔成sir您好，自從一八年開始follow你嘅FB，覺得你嘅投資觀念好正確，今年卒之有時間報讀您股票班，希望再為自己增值投資知識。

本人女47歲，家庭主婦手持股票如下：

0005/6000股@62
659/20000股@12
6823/15000股@11
12/4200股@38
0003/10350股@14.5

1928/4000股@34
2800/6000股@25
66/3000股@42
1211/1000股@122
1448/8000股@7.7

1177/5000股@7.6
3067/2500股@20
9928/10000股@5.9

收息基金2隻共40萬
現金15萬
有買危疾醫療意外保險。

請問：

1.我手持的股票可長線嗎？比例合適嗎？

2.有邊幾個等價位高時需要放售/減持？之後可增加/增持哪些股票？

3.想增加多一點現金流可點樣轉換手上的股票？（因暫時不會再投放新資金入股票戶口）

多謝您的耐心解答，祝生活愉快！期待開班見！

龔成老師︰

1) 你現時持有股票，可長線。同時比例上，都無太大問題。

2) 我地唔會去定個目標價，只會係大市去到好貴，或者隻股票本身，長線質素轉差，我地才會考慮沽貨。

以你47歲計，投資策略要開始保守些。未來再入貨，可以較集大係「平穩增值股」類。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

另外，你要留意唔好太集中係個別股票，每隻最多佔15%好了，否則會有過度集中的風險。

好似匯控(0005)就有少少偏高，故唔好再加注。

3) 若你想增值現金流，你可以調高「收息股」比例。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

雖然咁做可以幫你增大現金流，但由於收息股主要係派息，唔會有太大增長力。

若此刻佔比重太多，會拖低成個組合增長，你要明白會有這個情況。

股票班見！

------------------------------------------------

Q21285：

老師你好，上年年中認識到你呢個page,但就未非常認真跟你嘅意見去管理財富同為財富增值，只係開始咗月供2800。依家想請教吓你

本人40歲，有2個小朋友8歲6歲，我月入4.2萬。我自己（唔計老公）現手上有$80萬現金，$70萬保險連基金 （每年供$40000，仲有3-4年供完拎得番），另外約26萬股票，包括：

0005: 800股@$46.25
0939: 2000股 @$6.23
0999: 6000股 @$4.9
1137: 2000股 @$16.08

1810: 1000股@$25.5
2800: 2600股 @$27.49 （月供$4000）
3898: 3000股 @$60.35

本人股票知識好少，以前都係人云亦云咁去買。依家好希望可以好好管理增值，將來有足夠資金送小朋友出國讀書。

1）現持有股票中，3898係咪應該一等佢升番啲就放咗佢轉其他有增長潛力嘅股？
2）可以再月供$4000-$5000，3067定388好？
3）手頭上嘅現金可以點運用？

先多謝你花時間解答，麻煩晒老師！

龔成老師︰

我地買入一隻股票，一定要知道佢質素、行業前景、財務狀況等，才去投資。

唔好只係聽人講，或者聽消息就去買。如果你連間公司點賺錢、行內有乜優勢、點解未來有發展和增長潛力，都答唔倒自已，就唔好投資住。

另外，"保險"主要係用來防守，買足夠保障就可以。儲蓄成份架保險，我就唔建議太多，增值最好都係留比優質資產(如優質股、物業等)去做。

但由於你現有保險，尚有數年就供完，唔建議你作出變動。

1) 中車時代電氣（3898）係中國鐵路車載電氣系統供應商及集成商。

佢的產品可分為兩大類：（１）車載電氣系統：包括列車牽引變流器、輔助供電設備與控制系統、列車行車安全裝備。（２）電氣元件：包括電力半導體元件、傳感器及其他相關產品。

佢主要客戶為鐵道部及其地方鐵路局、中國主機廠及城軌運營商。

佢向主機廠及城軌運營商提供新造機車車輛的車載電氣系統，以及向鐵道部的地方鐵路局及城軌運營商提供作維修及更替用途的車載電氣系統。

業務不是無質素，但增長力一般是較大的問題，企業價值無乜向上，盈利亦很普通。

你買入時，正值熱炒時候，當市場回復冷靜，令佢股票慢慢回調至較合理水平。質素只是中等，你預佢增長力不強。你可以持有，但唔建議佔組合太多，你可以沽出部份，換至其他股票。

另外，持股中香港電視（1137）不確定較高，現貨可持有，但暫時唔好加注了。

2) 以你40歲這個人生階段，供這2隻都可以。

港交所（0388）佢係香港唯一獲認可的證券市場及期貨市場，提供現貨、期貨、衍生工具的平台買賣，以及股票上市業務。絕對有長線投資價值。

而安碩恒生科技（3067）則包括一籃子恆指科技股，都有潛力。相比港交所（0388），安碩恒生科技（3067）會有較大分散風險能力。

現時大市只在合理區，每月你可以$4000供盈富(2800)，再$2000供港交所（0388）/安碩恒生科技（3067）。餘下$3000就儲起，等大跌市出現時，可以用來掃貨。

3) 以現市大市水平計，你80萬可以入多少少，大約多用15-30萬，以分注形式入市。

目標是一些「平穩增值股」+「潛力股」。不過，潛力股有一定波動性，佔你3成左右好了，你可以集中在平穩增值股先。

餘下現金，我地同樣係等大跌市機會，才會動用。

------------------------------------------------

Q21286：

老師: 請問3067是否仍然值得分散買入作長線投資? 謝謝

另外, 每月可儲10000元, 目前月供$3000盈富, $3000平保, 尚有$4000純儲, 請問應怎樣優化?

補充資料: 本人目前41歲, 有2小孩, 上唔到車要交租

謝謝老師指點

龔成老師︰

安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

你現時月供組合，都適合你41歲。但你可以再加入一隻潛力股，去提升組合增長性，令你快點可以儲到一筆置業用的資金。

組合供款可以變為，$2500盈富(2800)、$1500平保(2318)、$2000安碩恒生科技（3067）或另一隻潛力股。

餘下$4000我地就儲起，等大跌市出現，才用來入貨。

潛力股︰中生(1177)、福壽園(1448)、小米(1810)、港交所(0388)、阿里（9988）、騰訊（0700）、ＧＸ中國電車基金（2845）

------------------------------------------------

Q21287：

老師 我想問 ，平穩增值股 例如1972太古 如果這些等他們增長 我知道要長遠投資。

但我不明白 要到一個什麼時候才可賣出?

例如初期投資較有潛力的股票 令財富較快增值 那是不是要經常要賣出買入?

還是一開頭都是投資平穩增值股、潛力股 不斷利用儲蓄令自己有資金投資 待5至10年後就會有回報 就是你說的財富增值。

龔成老師︰

只要一隻股票係有質素，我地長線持有就可以，唔會成日買買賣賣。

我地投資，會睇翻自已當時人生階段。若果你係較年青，可以集中係平穩增值股、潛力股，去做增值。

這些股票值長力高，但會有一定波動性和風險。但由於年青人有較多時間，承受風險能力較強，所以無問題。

但若果你係接近退休，你未必有年青人咁多時間去增值，故這些波動性大股票，就未必咁適合，反而只可以做些平穏增長。

到你已退休，正常收入變零，你就需要一些收息資產，去產出一些現金流(如股息)，去支援你退休後的生活。所以，我地這時就會將以往累積下來的增值類資產，換成收息類資產，去創造現金流。

因此，在退休前要先努力累積一筆資產。而用什麼樣類型的股票去做，就要視乎你當時年紀和投資取態去做決定。

唔係一開頭一定用"投資平穩增值股 + 潛力股"，若你年青，當然無問題。但你開始投資時，已經係50歲多 ，我地就唔會用潛力股，因為風險會太高，只用平穏增長型股票。

至於何時沽貨，除了企業長線質素變差時會沽，或者股價異常地貴，我地都會咁做。

若你無法掌握平貴，你可以用「升一倍、沽一半」策略，咁就可以。

------------------------------------------------

Q21288：

龔sir,我現在的投資組合：

3033、3988、6600、9888、9988，市值約$6萬。

如果想長期持有及加注，有那些可以賣？那些應該保持？（全部都現時價位入的）

龔成老師：

你現時持有的股票，基本上都是有質素的，大致可以長線，只是在配置上可以優化。

賽生藥業（6600）都有發展力。

佢係一家擁有產品開發和商業化集成平台的生物製藥公司，戰略上專注於包括腫瘤及重症感染治療領域。憑藉集成平台，力圖在治療領域開發優質上市產品，包括自有產品日达仙及在研藥物的組合並對其進行商業化。

佢主要從事銷售自有產品日達仙；銷售授權引入產品；及代表業務合作夥伴在中國銷售推廣產品。

佢亦開始開發多種在研候選藥物。目前在研候選藥物組合包括多個已進入II期臨床試驗或更早階段的早期階段候選藥物。

日達仙已獲列入肝癌、胰腺癌及淋巴瘤治療指南，並已獲得多個司法管轄區的批准，包括中國以 及韓國、泰國、阿根廷、意大利、柬埔寨、新加坡、菲律賓及印尼等其他國家。

整體來說，這股都不差，都有投資價值。但業務始終波動，小注投資好了。

因此，這股你可持有，但就未必要再加注。

另外，你現時除了中行（3988），另外4隻都是偏向有潛力但有風險類別，由於佔比已較多，因此你要注意翻，日後有資金，就不宜再加注在這類股。可先考慮平穩增長。

同時，阿里（9988）佔你的組合比例略高，因此不宜加注，到日後有較多資金，組合規模更大時才加。

------------------------------------------------

Q21289：

龔老師你好，最近開始接觸學習股票，持有4隻股票都高位買入虧損狀態，0233，0968，6865，3800。
想請教應否止蝕離場，還是應如何部署。
希望得到你解答，謝謝

龔成老師︰

你先要明白一樣野，我地持有一隻股票與否，關鍵位是企業質素、前景，不要被買入價影響。買入價係一個心理因素，但唔係全部。如果企業核心因素未被影響，我地係唔需要理會。

信義光能（0968）、福萊特玻璃（6865）都有質素，可以守。

保利協鑫能源（3800）質素只是一般。

佢主要為光伏行業製造多晶硅及硅片；銷售電力；開發、投資、管理及營運光伏項目。

市場炒緊佢前景，但當中存有不確定性，股價大上大落，佢的確可能會大升，但同樣可以大跌，無得估。投資此股都可以，但小小注好了。

銘源醫療（0233）好麻煩，證監會引用證券及期貨（在證券市場上市）規則之條文第8（1）條發出的指令，暫停股份買賣。主要係涉及一些虛假公佈及陳述。

至2020年1月23日上午9時，聯交所宣布該公司的上市地位將根據《上市規則》第6.01A條予以取消。即係佢已經無上市，你只能向該公司查詢你股份情況和處理上安排。

------------------------------------------------

Q21290：

老師，我今年20歲，仲讀梗書，有2萬蚊本想接觸股票，睇左好多股票同資訊都唔知入咩好，之前見你話冇乜資金應該要啲高增值力嘅股票長揸，定你覺得我太少本應該等多啲先？有咩意見？

龔成老師：

你現時本金唔算多，宜想方法，例如做兼職去增加本金。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，如果你能承受風險，就投資潛力股，安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

到你本金再增加，就應該加入其他類別的股票，慢慢豐富及平衡翻個組合。

------------------------------------------------

Q21291：

老師，我想問2138，331長線可以考慮嗎？現價合理嗎？

另外，我想請教你合理價位怎樣 計算

龔成老師：

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂。

豐盛服務集團（0331）主要係於香港、中國內地及澳門，從事機電工程服務、建築材料買賣、環保產品貿易及提供相關工程諮詢，亦於香港從事清潔及廢物處置管理服務、回收及環保處置服務以及洗衣服務。

過往生意都有穩定的增長，而盈利都是，但企業的規模較細，因此風險較大，同時規模效益不高。但以佢現時的估值計算，價格是在合理區。

你可以投資這股，分注買入就得，長線持有，但就不建議投資得太多，始終這企業有點風險。

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q21292：

你好呀成哥，我有啲嘢想同你分享

我今年22歲，上年9月正式跳出舒適圈，加入左保險行業，但都依家個成績未如理想，反而令到生活更難。雖然我係學到好多嘢同心態，但一直都得唔到理想嘅成績，仲要賣晒之前嘅股票。唉～你覺得我係咪要離開呢個行業？

做左半年，拿到嘅係一份態度同將我由機械人變成正常人，我係中意呢份工作，為我嘅生命改變左好多，不過都係錢到掙扎。

龔成老師：

我地所有野，都是從長遠角度分析，如果你用半年時間，可以令你大幅提高心態，其實是值得的。

另外，所有決定都會有風險，我地都唔知跳出去好定唔好，但我一般都會建議你試，因為從長遠角度，這動作將會對整個人生較好的。

當然，有可能會更加不利，正如你現時面對的情況，但我認為，你唔需要後悔跳出來，因為唔試過，永遠唔知，同時這個跳出的動作，可能對你一生影響好大。

現時，我會建議你試多3-6個月，如果真的唔得，先轉，你可以試下用不同的角度去開發收入，這刻的情況不是核心，長遠才是最重要。

你要抱一個「盡100%」努力的心態，去試多幾個月，用不同的思維，同時更加大膽，做平時不會做的事，要更加不顧不切去找生意，唔好比自己有後路。加油！

------------------------------------------------

Q21293：

老師，你有冇打算講吓國外嘅投資工具？我注意到你而家都係集中係香港嘅唔同工具

龔成老師：

如果外國投資工具，你可以考慮外國樓，以及外國的ETF。

外國樓最要是你熟識當地的情況，城市發展，租務市場，以及法規等因素，同時，要選擇一些大城市，配置成熟，有發展力的。

至於ETF，可以考慮一些追蹤美股的ETF，例如VOO，就是追蹤普標500指數的，至於QQQ，就是追蹤納指的。對於想分散風險，建立環球配置，但又無個別心水股，投資這些最適合的（VOO會較穩健，而QQQ風險略高）。

------------------------------------------------

Q21294：

我有個問題想請教，希望老師可以解答到。

我想問為何819和1772，兩只都係做電動車電池，但係它們PE值可以差咁遠，如果想買，應該買邊只好？

龔成老師︰

天能動力（0819）有質素的，同時業務仍在增長中，不過，增長力由過往的高增長，轉為平穩增長。

佢主要係中國從事研發、生產和銷售新能源鋰動力電池、特殊用途鉛動力電池、電動自行車鉛動力電池；廢舊電池回收處理；以及智慧能源解決方案業務。

佢業務都正面的，但盈利就比較波動，因為幾年前曾出現過虧損，這是扣分的地方。近幾年已無這問題，見佢生意同盈利都有理想增長。

市場一直對佢經營模式，評價都係唔算好高。而且市場預期佢增長唔會有以往咁快，所以給予市盈率唔會太高。

留意這股業務始終有潛在波動，股價上落會較大。現價合理區頂，但不能大注。

贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。

佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。

其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。

我相信佢長遠有潛力，有長線投資價值，問題只是平貴度的問題。

市場預期贛鋒鋰業（1772）相對天能動力（0819），增長潛力較高。因此，係市盈率估值上，都會相對較高。

但由於1772上市唔算耐，故市場給予的估值，會有較多比重來自將來的願景。若果發展不似預期，可能會有較明顯的回調。

現價算係略貴，小小注好了，之後等佢回落先正式入貨，始終行業有一定的變化。

天能動力（0819）的波動性會較低，而且現時值博率都會較贛鋒鋰業（1772）高少少。

但若以發展潛力去計，贛鋒鋰業（1772）就會較高。當然同時間，不確定性贛鋒鋰業(1772)都會較大，你要明白這風險。

------------------------------------------------

Q21295：

你好，本人32歲，月入5萬，想每月拎10000月供股票，目標係平穩增值。請問以下組合如何？

盈富2000,中電2000,港鐵2000,煤氣2000,領展2000
有諗過港鐵轉做安碩恒生科技

龔成老師︰

若你目標係「平穏增長」，你所選擇的5隻股票，都係合適的。

這些股票，增長力唔會話好高，但勝在波動性無咁大，而且有平穏增值能力。

至於安碩恒生科技（3067），有長線投資價值。港鐵(0066)都有唔錯增長潛力，對就無3067高。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。

這ETF組合中的股票，有較強增長潛力。但同時間，波動性都會較大。對於追求「平穏增長」的你，就未必太適合。

當然，若你想加強少少個組合架增長力，係可以加入安碩恒生科技（3067），因為你32歲，其實財富仍有增長力的，但佔比唔好太多，約2,3成。同時你要明白佢波動性較高，會令你個組合風險相對增加。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21296：

你好老師！我同我老公一直都冇乜點儲錢， 直到睇到您既專頁，同埋依家有左個小朋友，真係想改變、可以比一啲好嘅生活小朋友及自己。

我本身從事美容行業，老公就冇固定工作既，兩公婆收入扣除開支，大約每月可以儲到$10000。

對投資黎講係新手，唔知點樣做？ 希望老師可以比啲建議

1. 結婚時買左一堆飾金，大約8-10両（當時$13xxx/両），依家想賣左佢套現資金去投資股票，好唔好呢？

2. 之前買落一份基金，大約今年8月就可以拎返，暫時價值15萬左右，應該點樣做好呢？

感謝

龔成老師︰

1) 黃金沒有現金流，持有無法創造出經濟價值，其主要作用是對沖黑天鵝事件。

你可以投資黃金，但不用佔財富比例太多(<3%)，而且持有的應該為實金。但由於這些飾金係結婚時用品，若佢對你地有金錢以外的意義，你係可以另作考量。

進行人生財富累積時，我地會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

策略上，你地可以投資「平穏增長股」和「潛力股」。你每月用5成儲蓄，即$5000做月供。其餘先儲起，用一邊月供一邊儲蓄的策略。

但你現時投資知識不高，可先較集中在平穩增長類股。至於潛力股，只宜小小注(約3成左右)，最好是你提高投資知識，等你有一定知識，先慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

另外，你先生收入較不穏定。我建議你在投資前，先儲起半年基本生活開支的應急錢，才開始增值計劃，咁會較為穏當。

2) 贖回基金後的15萬，都可以投資在上述優質股。

當然，可以睇翻你持有的基金，本身有無質素，如果有質素，有機會值得持有，當然要睇佢的條款。

你可以衡量基金的投資策略，所投資的資產類別，投資策略，風險程度，市場，以及過往的表現（可以睇佢過往5-10年，如果回報比主要投資市場高，有機會值得繼續進行）。

現時大市只係合理水平，你可以先用7,8萬，以分注形式入貨。餘下資金，就等大跌市出現，才加大力度掃貨。

------------------------------------------------

Q21297：

Hi 龔sir
想問下你美股Coupang Inc

係潛力股嗎
佢係韓版亞馬遜2010成立

2019年銷售額超過59億美元，到2020年翻了一倍，達到120億美元。

此股值得投資嗎？

龔成老師：

Coupang Inc（CPNG）我都無深入研究。

佢是一家電子商務公司。公司銷售服裝、電子、鞋類、食品、傢俱、營養補充劑等產品，發展都幾快。

睇翻資料，佢係一個韓國設立的電子商務公司，佢公司的「火箭送貨網絡」提供超過數百萬件貨物的當日或次日送達服務，同埋佢公司聲稱99.6%的訂單可以在24小時內送達。

財務數據其實改善中，收入增長理想，同時虧損收窄中，相信處於投資期。但這股我無深入研究，因此唔知平貴，相信是潛力類股，當然，同時有風險，如投資要控制注碼。

------------------------------------------------

Q21298：

老師，909，1177，1448的合理區是多少？
謝謝

龔成老師：

明源雲（0909）有潛力。

佢主要係中國房地產開發商及房地產鏈參與者，提供企業級ERP解決方案及SaaS產品。

睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。

其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。

包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。

業務雖然有增長力，但股價都唔平，如果初步分析，處貴水平，值博率未算強，始終市場現時對這類股有好大期望。只可以話，如投資，小注可以，長線可以。

中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。

佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。

但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。

就這刻來說，這股可以一直持有，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。

現價合理區頂至略貴，有貨可持有，分注或月供可以，這股可以長線持有的。

福壽園（1448）有質素有發展力。

佢係中國最大的殯儀企業，有一定的規模，而針對的是高端市場，服務有一定的質素，擁品牌及知名度，有相當的賺錢能力，財務穩健負債少，因此企業本質不錯。
由於行業處增長的市場，而新競爭者要入行不易，因此對原有企業有利，故福壽園是優質的企業。

佢憑著本身的優勢，能取得比同業更好的回報，而福壽園管理層表明會持續擴展，策略上會透過併購同業及買墓園去擴充。

由於福壽園的模式成功，因此只要投入資金去發展，複製過往的成功，已經能取得理想的再投資回報率，長期來說此股有一定的增長潛力。

不過，由於此股業務好獨特，因此業務情況在年報上或資料上，未必能完全反映，雖然數據及資料上都顯示此股有質素，但往往要時間證實。

至於企當估值方面，市場對此股的評價亦不低，企業經常處略貴水平，$7是合理區頂，不能太過進取，以分注小注投資是一個策略。

管理層的野心很大，投資後不要升少少就賣，要耐心持有，等長期更大的收成。

------------------------------------------------

Q21299：

龔sir,外邊有消息話最近要留意歐洲烏克蘭，可能會跟俄羅斯打起來

如果美國加入就可能會變成世界大戰
你点睇？

龔成老師：

這類政治及打仗因素，其實唔易分析的，因為變數太多，同時你永遠唔知佢地底牌，正如之前北韓同美國，關係有一段時期好差，講到成日打，但最後都無打，所以，好多時只是一些表面因素，背後仍有好複雜的。

我始終相信，唔打的可能性較大，當然，永遠唔會知事件點發展。而發展到世界大戰，可能性就較低。

當然，我地在投資角度，永遠都要留有一定現金作備用，預防一些黑天鵝事件，同時，都要持有一些黃金，同樣都是對沖相關因素。

我地不是預期事件點根發生，而是任何時候都做好配置。

------------------------------------------------

Q21300：

老師，剛看財經新聞，提及小米本年至今共回購在唔少股票，企業為何會作出回購行動的？

這行動對投資者來說有甚麼意味？在評估企業時，如何評價回購這動作？謝謝老師

龔成老師：

企業回購的意思，就是企業買翻自己公司的股票，而在很多情況，企業之後都會註銷相關股票，因此，這動作會令企業的總股數減少左。

當一個企業，總股數減少，代表著每一股的價值得以提高，企業回購，就能這樣為股東提高價值。

同時在短期，股價會回為回購動作，市場會有一定的買盤，這就會對股價有支持的作用。

不過，在我地投資者的層面，在一般的情況，會集中分析企業的「業務基本面」「長遠發展」，這類回購因素，只是一些加分位。

另外，如果一間企業，如果回購股票的%不算多，對企業每股價值影響不算大。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

0302華爾街日報

*【美國拉攏盟友對抗中國技術雄心】
美國總統拜登將美中關係描述為民主和專制這兩種價值觀的衝突，但這掩蓋了美國政府更務實的做法，也就是讓多組國家聯合起來共同研發技術，以在半導體、人工智慧和其他有望定義經濟和軍事未來的先進領域領先於中國。
https://cn.wsj.com/articles/%E7%BE%8E%E5%9C%8B%E6%8B%89%E6%94%8F%E7%9B%9F%E5%8F%8B%E5%B0%8D%E6%8A%97%E4%B8%AD%E5%9C%8B%E6%8A%80%E8%A1%93%E9%9B%84%E5%BF%83-11614574813

*【美國政府稱將對中國貿易做法採取強硬態度】
美國拜登政府表示，在全面審查對華貿易政策的同時，將使用所有可用的工具回應北京被指的不公平貿易行為。
https://cn.wsj.com/articles/%E7%BE%8E%E5%9C%8B%E6%94%BF%E5%BA%9C%E7%A8%B1%E5%B0%87%E5%B0%8D%E4%B8%AD%E5%9C%8B%E8%B2%BF%E6%98%93%E5%81%9A%E6%B3%95%E6%8E%A1%E5%8F%96%E5%BC%B7%E7%A1%AC%E6%85%8B%E5%BA%A6-11614642011?tesla=y

*【英國研究發現只接種一劑輝瑞或阿斯特捷利康新冠疫苗就可見效】
一項針對英國老年人的大型研究提供的新數據進一步證明，只接種一劑新冠疫苗就能非常有效預防感染新冠。
https://cn.wsj.com/articles/%E8%8B%B1%E5%9C%8B%E7%A0%94%E7%A9%B6%E7%99%BC%E7%8F%BE%E5%8F%AA%E6%8E%A5%E7%A8%AE%E4%B8%80%E5%8A%91%E8%BC%9D%E7%91%9E%E6%88%96%E9%98%BF%E6%96%AF%E5%88%A9%E5%BA%B7%E6%96%B0%E5%86%A0%E7%96%AB%E8%8B%97%E5%B0%B1%E5%8F%AF%E8%A6%8B%E6%95%88-11614642349

*【新冠溯源繼續：「零號病人」指向武漢另一個農貿市場】
世衛組織調查人員正在尋求有關武漢第二個農貿市場的資訊，此前，「零號病人」告訴他們，他的父母曾在此購物。
https://cn.wsj.com/articles/%E6%96%B0%E5%86%A0%E6%BA%AF%E6%BA%90%E7%B9%BC%E7%BA%8C%EF%BC%9A%E3%80%8C%E9%9B%B6%E8%99%9F%E7%97%85%E4%BA%BA%E3%80%8D%E6%8C%87%E5%90%91%E6%AD%A6%E6%BC%A2%E5%8F%A6%E4%B8%80%E5%80%8B%E8%BE%B2%E8%B2%BF%E5%B8%82%E5%A0%B4-11614581111

*【美國政府：嬌生新冠疫苗最早將於週二抵達】
拜登政府表示，嬌生公司的單劑新冠疫苗預計最早將於週二抵達各州以及疫苗接種點。
https://cn.wsj.com/articles/%E7%BE%8E%E5%9C%8B%E6%94%BF%E5%BA%9C%EF%BC%9A%E5%BC%B7%E7%94%9F%E6%96%B0%E5%86%A0%E7%96%AB%E8%8B%97%E6%9C%80%E6%97%A9%E5%B0%87%E6%96%BC%E5%91%A8%E4%BA%8C%E6%8A%B5%E9%81%94-11614645008?tesla=y

*【加拿大免疫諮詢委員會不建議該國給65歲及以上人群接種阿斯特捷利康新冠疫苗】
加拿大最高級別的免疫諮詢委員會表示，不建議把阿斯特捷利康與牛津大學合作研發的新冠疫苗，給65歲及65歲以上的人群接種，理由是沒有充分證據來證明該疫苗對這個年齡組人群有效。
https://cn.wsj.com/articles/%E5%8A%A0%E6%8B%BF%E5%A4%A7%E5%85%8D%E7%96%AB%E8%AB%AE%E8%A9%A2%E5%A7%94%E5%93%A1%E6%9C%83%E4%B8%8D%E5%BB%BA%E8%AD%B0%E8%A9%B2%E5%9C%8B%E7%B5%A665%E6%AD%B2%E5%8F%8A%E4%BB%A5%E4%B8%8A%E4%BA%BA%E7%BE%A4%E6%8E%A5%E7%A8%AE%E9%98%BF%E6%96%AF%E5%88%A9%E5%BA%B7%E6%96%B0%E5%86%A0%E7%96%AB%E8%8B%97-11614647111?tesla=y

*【歐洲雖已成為全球最大電動車市場，但勢頭未必持久】
歐洲的電動車消費速度正達到創紀錄水準，並已超越中國成為全球最大的電動車市場，政府補貼以及數十款新電動車和混合動力車的推出激勵消費者加入電動車主陣營。
https://cn.wsj.com/articles/%E6%AD%90%E6%B4%B2%E9%9B%96%E5%B7%B2%E6%88%90%E7%82%BA%E5%85%A8%E7%90%83%E6%9C%80%E5%A4%A7%E9%9B%BB%E5%8B%95%E8%BB%8A%E5%B8%82%E5%A0%B4%EF%BC%8C%E4%BD%86%E5%8B%A2%E9%A0%AD%E6%9C%AA%E5%BF%85%E6%8C%81%E4%B9%85-11614582011

*【奧迪汽車斥500億美元趕超特斯拉的計劃何以觸礁】
全球最大的汽車製造商，原本為爭奪電動車領域的主導地位，制定了雄心勃勃的計劃，但軟體上的短板讓其努力受挫。
https://cn.wsj.com/articles/%E5%A4%A7%E7%9C%BE%E6%B1%BD%E8%BB%8A%E6%96%A5500%E5%84%84%E7%BE%8E%E5%85%83%E8%B6%95%E8%B6%85%E7%89%B9%E6%96%AF%E6%8B%89%E7%9A%84%E8%A8%88%E5%8A%83%E4%BD%95%E4%BB%A5%E8%A7%B8%E7%A4%81-11611709519?tesla=y

*【中國經濟雖抗住疫情，但生育率下降更難解決】
中國或許已經抵禦住新冠疫情對經濟的影響，但新生嬰兒數量的減少正令中國增長前景蒙上陰霾。
https://cn.wsj.com/articles/%E4%B8%AD%E5%9C%8B%E7%B6%93%E6%BF%9F%E9%9B%96%E6%8A%97%E4%BD%8F%E7%96%AB%E6%83%85%EF%BC%8C%E4%BD%86%E7%94%9F%E8%82%B2%E7%8E%87%E4%B8%8B%E9%99%8D%E6%9B%B4%E9%9B%A3%E8%A7%A3%E6%B1%BA-11614572925

*【中國2月份官方製造業PMI降至50.6，連降三月】
中國國家統計局和物流與採購聯合會聯合發布的數據顯示，2月份官方製造業PMI錄得50.6，比上月回落0.7個百分點，為連續第三個月回落，也弱於預期，主要受春節因素影響。
https://cn.wsj.com/articles/%E4%B8%AD%E5%9C%8B2%E6%9C%88%E4%BB%BD%E5%AE%98%E6%96%B9%E8%A3%BD%E9%80%A0%E6%A5%ADpmi%E9%99%8D%E8%87%B350-6%EF%BC%8C%E9%80%A3%E9%99%8D%E4%B8%89%E6%9C%88-11614554718

*【人民幣穩步升值給出口商帶來壓力，但中國似乎並不擔心】
自2020年6月以來，人民幣兌美元已累計上漲逾9%，迫使一些受疫情衝擊的公司考慮提高產品價格。然而，中國政府似乎並不急於壓低人民幣匯率。
https://cn.wsj.com/articles/%E4%BA%BA%E6%B0%91%E5%B9%A3%E7%A9%A9%E6%AD%A5%E5%8D%87%E5%80%BC%E7%B5%A6%E5%87%BA%E5%8F%A3%E5%95%86%E5%B8%B6%E4%BE%86%E5%A3%93%E5%8A%9B%EF%BC%8C%E4%BD%86%E4%B8%AD%E5%9C%8B%E4%BC%BC%E4%B9%8E%E4%B8%A6%E4%B8%8D%E6%93%94%E5%BF%83-11614305110

*【美國油氣行業協會考慮支持碳排放定價機制】
美國石油行業的頂尖遊說團體正準備支持對碳排放設置價格，這將是迄今為止最強烈的信號，表明石油和天然氣生產商準備接受政府應對氣候變化的努力。
https://cn.wsj.com/articles/%E7%BE%8E%E5%9C%8B%E6%B2%B9%E6%B0%A3%E8%A1%8C%E6%A5%AD%E5%8D%94%E6%9C%83%E8%80%83%E6%85%AE%E6%94%AF%E6%8C%81%E7%A2%B3%E6%8E%92%E6%94%BE%E5%AE%9A%E5%83%B9%E6%A9%9F%E5%88%B6-11614646510

*【美股飆升，標普500指數創下去年6月以來最大單日漲幅】
美國股市週一大漲，標普500指數創下近九個月來最大單日漲幅，因美國國債收益率持續一周的漲勢停滯，緩解了投資者對利率上升的不安情緒。
https://cn.wsj.com/articles/%E7%BE%8E%E8%82%A1%E9%A3%86%E5%8D%87%EF%BC%8C%E6%A8%99%E6%99%AE500%E6%8C%87%E6%95%B8%E5%89%B5%E4%B8%8B%E5%8E%BB%E5%B9%B46%E6%9C%88%E4%BB%A5%E4%BE%86%E6%9C%80%E5%A4%A7%E5%96%AE%E6%97%A5%E6%BC%B2%E5%B9%85-11614641112

*【巴菲特為伯克希爾哈撒韋公司回購250億美元股票辯護】
巴菲特麾下的伯克希爾哈撒韋公司上週六公佈第四財季利潤實現增長，這位富豪投資者在他給投資者的年度信函中解釋了最近股票回購大幅增加的原因。
https://cn.wsj.com/articles/%E5%B7%B4%E8%8F%B2%E7%89%B9%E7%82%BA%E4%BC%AF%E5%85%8B%E5%B8%8C%E7%88%BE%E5%93%88%E6%92%92%E9%9F%8B%E5%85%AC%E5%8F%B8%E5%9B%9E%E8%B3%BC250%E5%84%84%E7%BE%8E%E5%85%83%E8%82%A1%E7%A5%A8%E8%BE%AF%E8%AD%B7-11614569112?tesla=y

*【美國聯合大陸購買25架新波音737 Max飛機】
美國聯合大陸控股有限公司表示，將購買25架新的波音737 Max噴氣式飛機，令其增加了數十架飛機訂單，為其機隊迎接旅行反彈做好準備。
https://cn.wsj.com/articles/%E7%BE%8E%E5%9C%8B%E8%81%AF%E5%90%88%E5%A4%A7%E9%99%B8%E8%B3%BC%E8%B2%B725%E6%9E%B6%E6%96%B0%E6%B3%A2%E9%9F%B3737-max%E9%A3%9B%E6%A9%9F-11614645012

*【兩家韓國電池製造商就喬治亞州工廠項目分別向白宮展開遊說】
兩家韓國電池製造商就喬治亞州一個有爭議的在建工廠項目向拜登政府進行了遊說，該項目被視為福特汽車公司和大眾汽車電動汽車發展計劃的關鍵。
https://cn.wsj.com/articles/%E5%85%A9%E5%AE%B6%E9%9F%93%E5%9C%8B%E9%9B%BB%E6%B1%A0%E8%A3%BD%E9%80%A0%E5%95%86%E5%B0%B1%E4%BD%90%E6%B2%BB%E4%BA%9E%E5%B7%9E%E5%B7%A5%E5%BB%A0%E9%A0%85%E7%9B%AE%E5%88%86%E5%88%A5%E5%90%91%E7%99%BD%E5%AE%AE%E5%B1%95%E9%96%8B%E9%81%8A%E8%AA%AA-11614644415

*【俄羅斯敦促Twitter刪除被禁內容】
俄羅斯通信監管機構指責Twitter在過去幾年裡未能刪除被禁內容，違反了俄羅斯法律，給這家克里姆林宮反對派活動人士使用的平臺帶來了更大壓力，並可能面臨罰款。
https://cn.wsj.com/articles/%E4%BF%84%E7%BE%85%E6%96%AF%E6%95%A6%E4%BF%83twitter%E5%88%AA%E9%99%A4%E8%A2%AB%E7%A6%81%E5%85%A7%E5%AE%B9-11614644411

*【韓國電商巨頭Coupang設定IPO發行價區間，市值或超480億美元】
日本軟銀集團股份有限公司支持的韓國電商巨頭Coupang Inc.週一表示，計劃在其美國首次公開募股中以發售1億股股票，每股發行價為27-30美元。
https://cn.wsj.com/articles/%E9%9F%93%E5%9C%8B%E9%9B%BB%E5%95%86%E5%B7%A8%E9%A0%ADcoupang%E8%A8%AD%E5%AE%9Aipo%E7%99%BC%E8%A1%8C%E5%83%B9%E5%8D%80%E9%96%93%EF%BC%8C%E5%B8%82%E5%80%BC%E6%88%96%E8%B6%85480%E5%84%84%E7%BE%8E%E5%85%83-11614643567

*【Zoom第四財季業績和財年指引超出華爾街預期】
影片會議公司Zoom Video Communications最近一個財季的收入飆升至近9億美元，該公司預計當前財年銷售額將達到37.6億至37.8億美元。
https://cn.wsj.com/articles/zoom%E7%AC%AC%E5%9B%9B%E8%B2%A1%E5%AD%A3%E6%A5%AD%E7%B8%BE%E5%92%8C%E8%B2%A1%E5%B9%B4%E6%8C%87%E5%BC%95%E8%B6%85%E5%87%BA%E8%8F%AF%E7%88%BE%E8%A1%97%E9%A0%90%E6%9C%9F-11614642910