《新開始》

今個星期終於搬咗新嘅臨時辦公室，11月等待新辦公室裝修完畢就可以正式搬入去銅鑼灣，諗返起一開始創業開獵頭公司落註中環，當時嘅一人房間去到而家有團隊幫手，過程真係好似坐過山車咁樣，同埋真係好寂寞、好攰又經常感到無助，講真返足七日工真係唔係一件容易嘅事，同埋自己一個做獵頭公司每一日都係燒緊錢，我需要更多時間。所以嚟緊做埋一周年優惠11月同12月嘅檔期之後，出年開始要少啲接Career Coaching，由本身一日見四到五個減少到一日只會見一到兩個，會抽多啲時間擺落自己獵頭公司入面。

慶幸之前話請人幫手已經好快搵到。其實我請人好簡單：唔好因為我哋係全行最好嘅Commission Scheme（近乎係50 50對分），一個星期只係需要返四日工仲有廿日假期，年尾有得去旅行同埋覺得獵頭「好好做」、「好有挑戰性」、「好搵到錢」、「我想幫人」就入行。我要嘅係「火」同埋態度，甩單係家常便飯，我需要從充滿正能量唔好太負能量，我哋唔係搵Good Sales，我哋係要搵用心去做的Consultant，唔會傾斜喺一邊，唔係淨係要做對客360”成個流程，反而想做720”，客戶同埋求職者各佔360”。我的獵頭公司FILLTURE取自Fill up your Future，係希望、未來同埋夢想，我新請返黎嘅助手唔係大學畢業，亦都完全沒有獵頭經驗，之前做飲食業同埋順豐。點解要請佢？

心態。

我覺得學歷唔代表一切，我亦唔覺得做過大公司或者有相關經驗可以勝任我哋呢份工作。呢位朋友其實係我讀者，我記得初次見面嘅時候佢送咗本書俾我，之後其實見到佢一路進步，舊年社會運動嘅時候仲好有熱誠咁樣出去做前線記者，一路做開飲食業但係因為餐廳生意唔好所以栽咗佢，但係佢冇放棄自己為咗生活為咗生存轉去做順豐，拎得起放得低。我知道佢嘅情況之後約咗佢傾偈，見面當日佢同我講：「久保，我已經辭咗職，可以隨時過嚟幫你手。」嘩，搞到咁樣點可以唔請。其實做咩都係，你可以同時間有唔同嘅解決方案同埋後備方案，但當你太倚賴Plan B或者太安於現狀留喺舒適圈，其實只會局限你嘅進步同埋發展空間，其實我都唔知道做咗幾多個Career Coaching係本身一開始約下年、覺得冇需要、朋友介紹嚟聽一聽了解吓，但係幾日之後俾人炒咗突然間冇咗計劃冇咗方向就搵突然急需我哋幫手做Career Coaching。成日有人話貧窮限制了你的想像力，其實太安於現狀都限制你的發展空間、夢。我當初創業嘅時候真係懷着破釜沉舟嘅心情去做，試過戶口剩返三百幾蚊都硬着頭皮繼續去追，而家距離我係想要達到嘅結果仲爭好遠，但起碼我證明俾人睇一年之內可以由零去到第一階段係會點樣。

講開決心，其實一直都遇到好多求職者抗拒做Career Coaching因為：「要考慮吓」、「有少少覺得貴」、「唔知做咗都幫唔幫到自己」，最近有一位職場新鮮人想搵我哋做Career Coaching，我Offer佢$450，然後佢話好貴，等於佢同女朋友食一餐飯同埋嚟緊佢想買波鞋，之後我同佢講：「認真講句：食少兩餐壽司、睇少兩場戲，都可以攞得返$450，你10年之後會後悔冇同我哋做，我哋係幫你計劃你嘅職業生涯，就算10年之後你俾我哋$48,000都未必追得返你浪費咗嘅10年。捉一盤棋，你捉錯咗第一步之後想扭轉局勢已經好難。又返返去「冇錢」嘅問題，你需要開好個頭，先可以越嚟越多錢，所有嘢都要犧牲，你唔肯犧牲，食壽司/拍拖咁點會有其他嘅得着？世界上沒有免費嘅午餐，你病咗睇醫生都要俾錢，同埋而家你都係損失了食壽司去睇戲去玩嘅錢，但你10年之後你損失嘅，唔止呢個。當初我哋行咁多錯嘅冤枉路係因為冇人教我哋呢樣嘢，所以我唔想下一代都都好似我哋咁樣。呢個就係我想做Career Coaching嘅目的，仲要係一個咁平咁平近乎係蝕錢嘅價錢，我做成人價一個小時收嘅價錢係你嘅幾倍以上，如果你真係連四百幾蚊都攞唔到嘅話，我免費同你做。」

最後佢選擇了Block我。

雖然好遺憾幫唔到佢，不過一直冇同佢講其實我係蝕錢做的，我開一間房間同佢做Career Coaching，房間費用係$300一個小時，換句話說做兩個小時，我其實蝕埋錢同埋時間，係我親自做，唔係比我嘅團隊做，不過有時候事情就係咁樣，你好有心想幫人但係人哋未必一定領情。最後都係去返「心態」問題，你點樣對待自己同埋點樣看待自己嘅價值觀，往往就係取決於你成功與否嘅關鍵。有人辭咗份工過嚟想同我哋一齊做好公司，有人真係冇錢，可以同我哋講話可唔可以分期付款，我唔介意俾你分10期每個星期比$40我，我都冇問題；有人選擇繼續渾渾噩噩冇目標冇方向，有人選擇買限量版波鞋或者搭船入長洲拍拖食好西。而我，選擇一個星期返足七日默默打拼自己嘅事業，做好獵頭公司同埋Career Coaching，幫自己幫其他人。如果你質疑我嘅決心，應該睇返我之前嘅文章：我嚟緊結婚當日係一簽完紙之後已經會馬不停蹄咁樣返公司繼續工作，呢啲就係心態同埋決心，仲有對工作嘅熱誠。

之前喺網上睇到一篇文寫得幾好，現特意分享：未來的世界，一定不屬於爾虞我詐、尖酸刻薄的人；而是屬於善良、懂得合作、懂得感恩、懂得分享的人！

團隊已經基本上成形，由於業務發展需要，想搵一個真係識得Online Marketing、Social Media的人、同埋一個識寫Business Plan的人。加入我們公司FILLTURE。疫情把我們搞得死去活來，但個市越差（其實只會越嚟越差，當大企業攞晒政府補助之後會否裁員，呢個答案留返俾你諗）就越顯得我哋有實力，就在這個人人認為無得做的時刻，我們卻做得好好，逆市擴充算係咁，所以加入我們團隊，你唔單止搵到食，你重一定學到嘢！

當然，我搵人亦好有要求，你真係有心先搵我，否則唔好浪費大家嘅時間！

開始時，會以兼職形式合作。

有興趣可PM我。話俾我知你嘅專長係寫Business Plan還是玩Social Media。

“If you want to achieve something great, if you want to win, it’s not going to be easy,” “That’s what we’re here for.”

我始終相信，所有相遇都有意義。

準備好你的新開始了嗎？

#全職獵人久保
#fillturegroup
#fillturecareercoaching

如果搵工真係搵到冇晒辦法，試下主動打去獵頭公司留低聯絡資料同埋CV吖。

好多人都問邊間agency最好？同時我亦收過好多msg，係投訴邊間agency好衰，呢兩個話題我直接撈埋一齊答。

獵頭公司冇間好？Consultant好現實又冇交帶？🔥

利申，已經冇做獵頭公司，冇任何生意係同獵頭有關，未來亦唔打算喺香港重操故業，故以下分析並不牽涉任何利益。

獵頭公司冇分邊間好或唔好，不快經驗通常嚟自一個衰嘅consultant，簡單嚟講，係個人操守問題，愈出名嘅獵頭公司就愈多仆街呢種觀念，其實只係大數定律，人愈多，遇到冇禮貌同埋冇交帶嘅consultant機會率就愈高，比例係均等，正如你公司嘅同事都有好有壞一樣，所以唔使咁快封死獵頭公司呢度門，畀機會佢哋，都畀機會自己。

咁乜嘢客同埋乜嘢position先會叫獵頭公司請人？好地地做咩自己唔登job ad？仲唔係有伏？🤔

我試列舉如下：

🐷豬頭骨
梗有㗎喇！不過又咁講，香港好多公司同埋工作本身已經係豬頭骨，同你自己搵嘅機會率都係一樣。

🙊間公司準備炒人
唔想出job ad畀自己員工見到，所以搵獵頭公司過濾晒先。

💰獵頭公司欠個客replacement
可能個客之前搵咗獵頭公司請人，而嗰個人又喺guarantee period內走咗，導致獵頭公司要「還」返個人出嚟。

🤫想撬competitor啲人
有啲嘢唔方便自己出手，我遇過有客人自己上LinkedIn搵行家啲員工個profile，然後丟過嚟叫我用獵頭公司身份撬佢，佣都係照計，呢張單真心好做，佢連人都幫我搵埋。

🤷🏻‍♂️公司冇HR
曾經有個澳洲人嚟香港開公司，得佢一個，想請兩個香港sales，佢自己唔知點搵人，又冇時間見人，所以乾脆畀錢獵頭公司。另外，以往經常有外國公司進駐香港，一開始未有員工，會直接搵獵頭公司成個department咁請人。

🥺HR太忙
有啲公司得兩三個HR，但每個月要請幾十人，做唔切就索性搵獵頭公司幫手。（咁當然，多少反映咗離職率好高。）

💸要用晒公司嘅Budget 💵
曾經有個銀行客無啦啦掟咗10幾個position過嚟，而當中大部分只係teller同埋分行CS，理論上呢類比較junior嘅position，以各大銀行嘅牌頭只要出隻job ad，一個朝頭早閒閒地收過200份CV，根本冇需要畀錢獵頭公司賺，跟住打去問個HR所謂何事？佢咁答：「係呀，今年啲budget未用晒，要散晒佢，否則老細見你用淨咁多，下年就會cut budget，呢啲嘢易收難放，你有茶水姐姐都可以彈嚟，我哋趕住用晒啲錢。」

都係嗰句啦！好多人經headhunt搵工一肚氣係事實，我聽過最極端嘅一單case，係有個candidate自己搵工收到兩個offer，另外經獵頭公司搵工又收到一個offer，權衡所有條件之後，佢打算take自己搵到嘅其中一個offer，個consultant知道之後就發晒爛渣，肉痛冇咗份佣吖嘛，跟住竟然恐嚇candidate，話會叫個客blacklist佢，以後佢想再apply呢個客間公司任何職位都唔會有回音......的確係喪心病狂。

我只可以講，同你買保險一樣，保險呢樣嘢本身冇問題，問題只係你搵唔搵到一個又好又盡責嘅保險經紀。

咁點解搵工搵到冇晒辦法，可以主動打去獵頭公司留低聯絡資料同埋CV呢？

首先講下個運作，有規模嘅獵頭公司會分好晒唔同department，負責唔同行業嘅job，一般文職好似會計、CS、Marketing、Merchandiser.....都會歸類為General，另外有其他team專做Banking & Finance，亦有專做IT，總之會分門別類，當中唔同嘅consultant又會有各自專長去搵某啲範疇嘅工，手上會有某啲範疇嘅客，所以你想留低聯絡資料同埋CV又唔知點做，可以直接搵晒各大獵頭公司嘅head office hotline，當你打去留低資料，補send埋份CV，head office嘅職員就會一次過出封email，cc晒畀成間公司所有consultant，邊個睇完覺得適合，就會覆返email話：「呢個candidate我要！」咁你就唔使愁唔知send畀邊個。

另外，唔好以為只有文職，full time，或者高職位嘅position先會適合獵頭公司，好多headhunt agency仲會有專請front line sales嘅部門，亦有專請part time、freelance、contract嘅部門，所以如果你真係搵工搵到灰又冇晒辦法，不妨考慮下send CV或者打去獵頭公司總機，至於遇唔遇到一個盡責又幫手嘅consultant，咁就真係睇彩數喇。

希望呢篇文幫到正在搵工嘅朋友，我比較少睇inbox，有唔明歡迎直接喺度發問同分享。

《痴線houseman》

每次轉去個新department嘅時候，
由於人生路不熟，總會發生7事😑

上次就係叫左個AC做houseman 野......
比人笑左好耐😓😓😓

*注： AC=associate consultant 副顧問醫生

另一次就係同左個radiologist 做bed side USG procedure果陣吹水....
個gist 個樣似40幾歲...

膠膠： 其實啲USG黑蚊蚊，點睇架？
Radi: 我求祈睇架乍， 都係憑感覺！
膠膠： hahahaha! 你日日做e d 悶唔悶？
Radi: 我e d small potato 黎架姐...悶唔悶都係咁啦
膠膠：咁做咩唔出去私家做？我個fd個老公去左私家做，好似好好搵wo!
Radi: 係？咁好？介紹我去啦！有好路數？
膠膠：你仲後生，出去撈好過HA啦...blarblarblar.....

點知做完晒個usg之後
我發現佢chop左個印係牌板度
個印寫住佢嘅title係COS....!!!!!!!!!!!!!
注：COS=部門主管=成個department最大粒果個醫生

我竟然同Radi個COS吹左咁多廢水😂😂😂
仲叫佢轉私家😑😑😑😑
我估佢嘅內心一定不停恥笑我😑😑😑😑😑
無知嘅RN😑

依件事又比同事笑左好耐，
叫我情何以堪....😑