16/07/2016 - 不負責任感想

梧：鳩up一陣。

今個禮拜恆指終於再次breakout橫向box，在下相信好多財演已經講咗一大堆原因去justify點解今次會breakout到，在下講都費事講。

就同在下之前喺 八十後投機客 嘅主場mention過一樣，呢幾年實在太多假突破了。咁在下覺得今次熟真熟假？無話企死一邊嘅（唔係做牆頭草，而係一切仲係言之尚早），不過幾乎可以肯定嘅係－－如果無macro-event令到錢多嘅人（即芬佬）繼續夾個市上去，錢少嘅老散好多都只會跟好少好少，甚至唔跟。唔好唔記得仲有蟹貨問題。

美國股市破頂嘅前一天，在下同大家講過個市應該開始要癲。BoE而家無減息動作但signal 8月想做嘢，所以如果月底（7月29號）BoJ唔係好似4月尾咁underwhelm而係overwhelm個market嘅話，相信呢啲event可以喺剩返嘅quarter入面再夾高個股市。之前美股嘅情況係幾似技術breakout，而家技術breakout之後只要有fundamental（ie macro）justification嘅話相信就會開始升浪。美國越炒越貴，越貴越炒，其他平啲嘅股市，只要自己chok出fundamental justification（例如減息或fiscal expansion）/ value becomes attractive嘅話（呢啲要靠sell-side analysts推波助瀾了），總會吸到啲錢返嚟。

（其實有無人聽得明在下up乜鳩？）

在下係咪contradict緊自己之前講緊嘅嘢？可能啦，不過事實係，最近啲events真係郁得好快，雖然一兩年前開始係有global portfolio shift to fixed income，但係大家要留意嘅係－－嚟到而家，fixed income嗰邊真係已經好撚crowded，AAA嘅穩陣嘅bonds好多都已經做緊negative yield，剩返嘅就係啲高yield但係相對risky好多嘅債券（比如話點心債）。咁如果喺foreseeable future入面因為央行繼續泵錢而令到多啲錢游返去equities嘅話，個股市未來可能有機會（注意，係有機會）炒得返起。

恆指breakout之後有consolidation呢一點相信無懸念，而家問題係what happens after the consolidation？相信有好多老散已經蠢蠢欲動入市鳥，都係嗰句－－enter at your own risk（但係唔係叫你唔好入市喎），最緊要知道自己喺度做緊乜。你入呢啲市，絕對唔係投緊資而係投緊機。

在下講咗好多次，自從2008年起，好多所謂嘅上上落落/market cycle都係因為美國同其他央行嘅QE令到錢多到喊而被嚴重地distort咗，而呢個distortion嘅其中一個manifestation就係強者越強，弱者越弱－－美國呢啲強者就破嗮頂，大陸呢啲弱者就跌到仆街，更多嘅係好似恆指咁唔上唔落。好喇，而家日本同英國暗示會繼續放鬆銀根，而喺不久嘅將來ECB相信都會繼續減息落去（佢地一直以嚟都喺度QE緊無停過），其實eventually咁就代表亞洲嘅央行只能夠靠減息去應對未來持續嘅distortion，而香港就會跟美國一樣，無需要加息。

咁香港唔加息，係咪代表樓市唔會再跌？Well，在下so far認為未來應該會反彈一陣，但係始仲大六經濟唔係十分掂，反彈完之後嘅走勢就要睇大六經貿。而究竟大六經濟未來三至五年究竟會有咩嘅走勢，還看下年嘅十九大，因為隨著十九大慢慢接近，將會令上面嘅權鬥更白熱化，想走嘅錢會走得更多更明顯。