熱門Ptt文章

[爆卦]circular通告是什麼？優點缺點精華區懶人包

雖然這篇circular通告鄉民發文沒有被收入到精華區：在circular通告這個話題中，我們另外找到其它相關的精選爆讚文章

在 circular通告產品中有3篇Facebook貼文，粉絲數超過3萬的網紅馮智政，也在其Facebook貼文中提到， 【教育局夜晚晚出通告無好嘢】。北京又唔跟、律政司又唔跟、除了一左二窄的政治決定，我想不到教育局為什麼要用守法而非法治？ #個英文譯到咁衰你寫中文算 #lawAbidingness喎 ＃純專業討論 ＃只是問你憑咩唔跟中央或特區律政司 ---- 黨的十八大強調：“倡導富強、民主、文明、和諧，倡導自由、...

「circular通告」的推薦目錄
  • 馮智政

    circular通告 在 馮智政 Facebook 的精選貼文

    2020-12-04 00:08:26
    有 781 人按讚

    【教育局夜晚晚出通告無好嘢】。北京又唔跟、律政司又唔跟、除了一左二窄的政治決定，我想不到教育局為什麼要用守法而非法治？
    #個英文譯到咁衰你寫中文算
    #lawAbidingness喎
    ＃純專業討論
    ＃只是問你憑咩唔跟中央或特區律政司

    ----
    黨的十八大強調：“倡導富強、民主、文明、和諧，倡導自由、平等、公正、法治，倡導愛國、敬業、誠信、友善，積極培育和踐行社會主義核心價值觀”。

    用法治唔係守法架.

    通告: https://applications.edb.gov.hk/circular/upload/EDBCM/EDBCM20180C.pdf

  • 君子馬蘭頭 - Ivan Li 李聲揚

    circular通告 在 君子馬蘭頭 - Ivan Li 李聲揚 Facebook 的精選貼文

    2020-04-20 19:28:02
    有 184 人按讚

    ［仲買機？你傻定佢傻？］是真的，中銀航空租賃再買22隻機，租返出去

    真係寫開有條路。交咗明報文，寫埋之前幾篇FB 文，星期日再爆呢單。可以睇通告原文，不難睇（https://bit.ly/3bkYylb）

    呢單仲神奇，中銀航空租賃（2588，以下簡稱中銀航空，但留意係做租賃，自己唔營運客機貨機），同間航空公司，買22隻飛機返嚟！然後租返畀間航空公司。之前國泰都做過單，6隻波音777-300ER，亦係Sales and Lease Back（https://bit.ly/3ahdz6b） 但呢單仲大啲，22隻機。6隻波音787-9，16隻737-9 MAX。

    可以從幾個角度睇：

    1. 時機—呢單新鮮滾熱辣，剛剛先出。公司夠膽呢啲時間做咁大單刁，22隻飛機喎（雖然公司超過500隻機），如果計「市價」，波音787-9兩億八（美金啦梗係），737-9 MAX億二。22隻機，夾埋36億美金！當然實務上唔使咁多錢，航空公司買已經有折，另外又可能折舊咗啲，加埋呢啲時節梗係畀中銀航空壓價。但，十幾廿億美金點都走唔甩，唔係細數（事實，係冇講作價嘅）。公司book value 都係四十幾億美金咋下。呢啲時勢仲敢做，證明應該定過抬油，似係見勢強可以壓人價做盡啲（或者，「臨死搏一舖」，隨你）

    2. 對手—上次Sales and Lease Back係國泰。今次仲勁，係聯合航空，UA，美國嗰間。睇返，UA同國泰一樣都水深火熱—其實係更加水深火熱。國泰3個月股價先跌10%，同期UA跌咗……65%，跌剩三份一。美國佬都要搵中銀航空呀，堅唔堅（當然係搵返BOC Aviation USA）？反中塔利班使唔使罷坐？不過咪講笑，我懷疑遲早（定已經有？）會有人出嚟講，美國公司啲機都係中資公司租嘅，會有國家危險。但暫時，始終飛機又同波音買，又唔係入股UA，又「叫做」新加坡公司美國subsid，未咁快畀人搞嘅。希望

    3. 機型—唔問朋友都醒唔起，應該飛機膠（OK，「航空愛好者」）會發現：737-9 MAX停飛緊喎！因為之前兩單空難，波音開頭仲死話係啲非洲佬印尼佬廢，最後都係紙包不住火。咁其實炒嘅係737-8 MAX，唔係9，但成個系列都停飛咗。咁，問題嚟啦，中銀航空仲咁好死幫你買返？又或者，UA難得甩手仲咁笨柒自己租返？原因唔知，但肯定兩間公司都玩咁多年，唔會出現啲「嘩原來停飛咗你做乜唔講我知」嘅搞笑場面。可能中銀航空襟到個價好低，或者大家都估會復飛，或者迫UA用高價租返，你唔用高價租我就唔收。總之，點睇都係當舖呢啲時機有著數。你諗下個bargaining power 在邊個度？甚至都唔好講中銀航空背後係中國銀行，即係匯金，即係中國政府

    4. 唔使出circular 唔使股東舉手—呢度最悶，但最值得講。根據上市條例，（https://bit.ly/3akdKho），因應返你啲收購呀各種刁呀咁，唔同規模，有唔同嘅要求，唔通買幾支水都開股東會咩。但，今次呢單，公司公告自己都有講（https://bit.ly/3bkYylb），”其中一項或多項大於25%但所有有關百分比率小於100%，交易事項構成本公司的一項主要交易”。即係乜？即係算係25-100%，major transaction．但結果一樣唔使出circular 唔使股東舉手。點解？因為有特別豁免。我都係今日先知，原來上市規則係特別有條文豁免飛機租賃的（另外其實地產都有）。相信係因為個行業本身嘅特質，之前啲文有講，不再重複。你見公司超過500隻機，但買22隻都會major transaction，次次要批都幾煩。

    又，睇返之前國泰嗰單Sales and Lease Back (https://bit.ly/3ahdz6b) 。6隻波音777-300ER，一隻先賣到一億美金多啲。照計「市價」應該3億幾美金，不過唔係新機當然打個折，到底幾耐機齡冇講，但年報有講佢地呢隻型號平均機齡8年左右。另外，你去當舖賣嘢畀人，就當然畀人壓價了。或者售價OK但要你貴一貴租返。

    5. 作價—今次嘅總作價呢？就係冇公佈嘅。不過留意，上次都有出公告（
    https://bit.ly/3eAHdH8），但講作價（咁6億幾美金邊度嚟？係國泰自己公佈）。但，上次個公告，就講只係「須予披露交易」，即係5-25%。今次就25-100%。無論如何，上次先6億機，今次點都係十幾廿億甚至更多。

    ——————————————-

    版務：收費專欄已推出，支持埃汾高質文章。幾舊水睇三個月，一星期三篇

    請去呢度訂：bit.ly/2wVXndj
    課程編號填: CC01
    科咗水後後有Login及Password畀你

    逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

  • 不負責任金融研究中心

    circular通告 在 不負責任金融研究中心 Facebook 的精選貼文

    2017-09-29 08:41:08
    有 18 人按讚


    賴： #看舖 , in case you don't know...

    (編按：當分析員同trader 這個工種近年有些朝不保夕，金融界中compliance 合規顧問 / 總監，就依然吃香，由業內人士分享一下compliance 行業所見所聞)

    【監管機構傳心師】 - 置地記者

    早前有啲「專業人士」聲稱可以同動物傳心溝通，成為小城內一時佳話。記者採訪以膠玩具測試傳心術真偽，更加係一絕。

    一般人無法同動物溝通，因為大家缺乏共同嘅語言。同樣地，牟利先決嘅金融業界，與保障金融系統及投資者為先嘅監管機構，往往都難以溝通。明明千言萬語唔係雞腸就係中文，隻隻字都識，但拼湊埋一齊，就如雞同鴨講。

    如果窄嘅差距叫罅隙，咁闊到紅隧咁樣嘅應該叫做鴻溝。問題係，無啦啦何來咁大差異？

    咁就訴諸返市場人士關心嘅係如何落地做生意，具體嘅行為 (conduct) 同程序 (procedures) 應該點樣樣；而監管機構本身冇可能做到每間公司、每個人肚入面嗰條蟲。官府冇咁嘅責任，亦唔應該，更冇能力，去捉住每個持牌機構同人士嘅手仔、教佢應該炮二平五再馬二進三 (註：象棋用語，唔熟嘅你當煮餸咁，糖呢就兩茶匙⋯⋯嗰種細緻程度) 。

    公道啲講，監管機構只係需要提供一套遊戲規則，一套法則， N 條原則，畀各位參加者自由發揮。正如踢波咁，你鍾意一個扭十個又得，波子機咁同隊友互傳亦得，唔係手球或者傷害對手嘅，就得。

    於是，大家望住啲 Rules and Regulations ，淨係知道原則上要盡責、公平、諸如此類，亦知道唔可以進行內幕交易，唔可以造市。喺大是同大非之間，嗰條叫灰色地帶嘅空間，以及喺條文內冇提及嘅實務同瑣事，就係黑人三問號老是常出現嘅地方。又，嗰位黑人哥哥叫 Nick Young ， NBA 球員嚟嘅。

    業界盼待官府提供更清晰指引 (Guidelines) ，固然係出於良好意願，但有利就實有弊，你指引咗乜乜乜，副作用係唔可以物物物。而小心翼翼嘅監管機構，通常唔願意承受呢個無心插柳嘅風險──需知道，要證明一樣嘢唔存在係好難嘅。 (雖然近年唔少政府官員都一口咬定好多嘢唔存在)

    如是者，喺監管機構人力資源愈見緊絀 (畀私營機構挖走嘛) ，而業界訴求同需求又越嚟越大之下 (包括新申請嘅個案以及已經持牌但係唔爭氣畀監管機構捉到有問題嘅個案) ，終於官府諗到一個方法──分享近期巡查 (Inspection) 嘅見聞，以匿名方式分享大大小小嘅趣事 (誤，應該係錯事) ，提供活生生嘅例子，等大家知道實務上乜嘢係唔啱嘅。

    雖然監管機構始終冇喺操作層面 (operational) 仙人指路，但業界中聰明才俊多如天上嘅繁星，要觸類旁通，其實唔難。

    當然，首先要大家有留意返官府啲通告 (Circular) ，對資產管理 (Asset Management) 有興趣嘅朋友，留意返證監會九月中出咗份好嘢，入面份 Appendix 更加係精華所在，識得笑，其實好好笑。我講嗰啲 non-compliance 嘅例子呀。
    --------------------------------------------------------------------------------------
    https://goo.gl/6H6H7p

    http://www.sfc.hk/edistribution…/…/EN/circular/openAppendix…

你可能也想看看

搜尋相關網站