【電腦密碼短 周庭笑唔掂 之鋒唔係資安真漢子】

https://hk.appledaily.com/local/20200911/GBLDKJWCIZBN7ACEGYTOOXHMWU/

舊年8月30號大搜捕中被捕嘅黃之鋒，佢部iPhone XR被警察擅自破解，仲拎埋入面紀錄做呈堂證據。之鋒部手機輕易被破解，除咗差人用以色列公司提供嘅破解工具外，仲因為之鋒手機密碼只有四個字，自然好易破到！

周庭喺Youtube拍片講資訊安全措施，日前佢就玩突擊檢查之鋒嘅資訊安全措施，睇吓佢可唔可以成功擺脫「手機密碼只有四個字」嘅污名！雖然周庭發現之鋒部手機安全ok，但電腦密碼短到「一隻手數得晒」，又冇開VPN（虛擬私人網路），真係不完美，可改善喎。

喺條片開頭，一班之鋒嘅朋友已爆料，話佢以前冇乜資安意識，平時背囊、電腦周圍擺，搭Uber又開電腦做嘢，連載過之鋒嘅司機都留言認證，提佢要小心啲呀。不過周庭今次突擊檢查，之鋒就好有自信，仲話手機密碼已經有十個位以上，仲有英文字母㖭，相信都好難破解啦。周庭又拎住檢查表逐點問：加密手機、更新系統、關閉Google定位紀錄等等，全部都乖乖做足，睇嚟好安全咁喎。

手機資安就滿分，但電腦資安就有漏洞！一打開電腦，就俾周庭發現佢係用Chrome上網，而唔係用最有私隱度嘅Firefox喎。呢頭之鋒分享完佢有用外國VPN之後，嗰頭就自爆因為嫌上網慢，熄咗個VPN。呢個時候，周庭仲發現之鋒個電腦密碼短到一隻手數得晒㖭！一輪檢查之後，周庭畀嘅評語係僅僅合格而已。

https://www.youtube.com/watch?v=_jNWC67WGHU&t=742s

．．．．．．．．．．．．．．．．．
💪支持我向世界展現香港人頑強抵抗的意志：https://bit.ly/joshuawonghk
．．．．．．．．．．．．．．．．．
#存亡號召 #絕處逢生
✍️https://www.patreon.com/joshuawong
🌐https://twitter.com/joshuawongcf
📷https://www.instagram.com/joshua1013
📧joshua@joshuawongcf.com

Intel、AMD爆嚴重安全漏洞　全球手機電腦統統中招 - 路兒

晶片處理器上裝載唔少用戶私隱資料，但有網絡安全專家就發現，晶片保安存在嚴重漏洞，黑客可以盜取儲存嘅個人密碼、暫存檔案等核心記憶內容，受影響嘅包括Intel、AMD同ARM架構嘅裝置，近20年的智能手機、電腦以至雲端基建和數據中心都存在風險。

今次爆出嘅處理晶片安全漏洞共有兩個，一個名為「Meltdown」，主要出現在1995年後出廠的Intel處理器之上。黑客可以繞過晶片上的保護屏障，直接擷取核心記憶體（kernel memory）內容，諸如個人密碼、登入資料、暫存檔案等。至於另一個漏洞則名為「Spectre」，黑客可利用無錯程式漏洞，盜取記憶體資料；已知受影響的除了Intel之外，亦包括AMD及ARM。發現漏洞的格拉茨技術大學研究人員表示，Meltdown比較嚴重，但屬短期問題且可透過更新修補；Spectre則較難被黑客利用攻擊，同時亦較難修補。

Google Alphabet旗下的Project Zero亦有報告漏洞，網站詳細列出相關安全測試。另外亦有網站整合各方有關Meltdown及Spectre的資訊，詳列漏洞資料，以及修補方法。據報目前仍然未清楚漏洞有否被黑客利用，防毒軟件亦未必防禦得到有關攻擊，即使受攻擊，亦不會在Log檔留下痕跡，難以偵測。

基於問題嚴重性，各大廠商急急推出安全更新修補漏洞。有報道指安裝更新後，Intel處理器效能會減慢5%至30%不等；Intel發聲明否認，指效能與工作負載掛勾，而對一般用戶嚟講，應該會隨時間減緩。ARM則指已向手機生產商等合作夥伴發放安全更新，又指漏洞只能在「裝置已存在某種惡意程式碼」的情況下才會受攻擊。AMD亦表示漏洞可透過更新修補。

Google指大部分嘅Android、Nexus同Pixel手機更新後均不受影響；而Chrome、Chromebook同Google雲服務用戶就需要稍後另裝安全更新。Microsoft向所有Windows 10裝置發布緊急更新，並計畫稍後再推安全更新。Amazon Web Services表示旗下大部分伺服器已安裝更新。至於Apple至今仍未有回應。為保平安，建議大家盡快為手機、電腦等裝置安裝安全更新，減低風險。

原文：MenClub

#科技