熱門Ptt文章

[爆卦]cheap收入ptt是什麼？優點缺點精華區懶人包

雖然這篇cheap收入ptt鄉民發文沒有被收入到精華區：在cheap收入ptt這個話題中，我們另外找到其它相關的精選爆讚文章

在 cheap收入產品中有48篇Facebook貼文，粉絲數超過0的網紅，也在其Facebook貼文中提到， ［吼～～～］又新高了，美股五連跌又如何（扯，跌五日先2%）？ TLDR：係呀，好貴架啦，兩年半前都好貴的，之後再升咗250%。 ＝＝＝＝＝＝＝＝＝＝＝＝＝＝ 已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然...

　同時也有5部Youtube影片，追蹤數超過4萬的網紅李根興 Edwin商舖創業及投資分享，也在其Youtube影片中提到，第2189成交(堅-註冊)《勝在附近公屋多》註冊1680萬。 深水埗保安道335號地舖，建築面積1200呎，門闊16呎，內闊20呎，深60呎。租客順發行名茶。 業主原叫價2000萬，成交1680萬。現租金2萬至2022年4月1日。回報只得1.4% (可能是深水埗新低?) 簽約日期是2020年11月1...

「cheap收入」的推薦目錄

cheap收入 在 Zoe So(蘇小小) Instagram 的精選貼文

2021-06-21 12:03:17

對唔住...我覺得我需要短暫時間潛水🙏🏼 俾自己嘅個心沉澱一下 最近真係發生咗好多唔開心嘅事 例如上一個節目做嘉賓 被導演主動要求要穿性感小背心 着完件小背心個之後 個導演喺背後仲會恥笑自己賣弄身材 接受傳媒專訪 媒體答應過會幫忙多宣傳我嘅花店同紋身 會令到件事好好睇睇 結果都係被要求穿着性感小...

cheap收入 在 Melisa Pua潘雨涵 Instagram 的最讚貼文

2021-04-29 07:27:06

不要讲我bo jio !!!!!!!!! 每次看我飞来飞去✈️你们以为我想的吗？ 公司送的免费旅行🆓免费的 免费的 免费的📣 而且还全包🆓全包🆓全包 包飞机票包吃包住包玩 叫我一个人去我肯定不要去，结果公司再送一人免费🆓 意识就是送2个人双人豪华免费旅行✈️ 重点不是什么cheap cheap的旅行...

  • cheap收入 在 Facebook 的精選貼文

    2021-09-11 07:28:05
    有 126 人按讚

    ［吼～～～］又新高了，美股五連跌又如何（扯，跌五日先2%）？

    TLDR：係呀，好貴架啦，兩年半前都好貴的，之後再升咗250%。

    ＝＝＝＝＝＝＝＝＝＝＝＝＝＝
    已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

    1. 有啲話，刁你求其提過又計。咁固然呢隻唔少Patreon讀者有買。咁但，即管唔好計我「提」嗰時。由我買落去，2019年9月嘅事，剛好兩年前。兩年升250%，一萬變三萬五。咁你都唔滿意嘅，我就唔知點安慰你了

    2. 咁當然，唔係隻隻升咁多，有啲輸到趴添，但上星期個週末專題貼過晒我所有股票出嚟。咪有個魚缸溫度計？咁你咪當equal weight（＊），都80%回報啦。（嗰行我有公開FB貼出嚟，你可以自己計）。

    3. 「幾耐80%先？」。我又真係冇統計喎，咁怕且唔係幾個月，咪幾年咯。咁你個個可以一個星期升幾倍嘅，就唔使睇我啦。但我自己就相當滿意。

    4. 我又使唔使識整光刻機？ 人地識整就得啦！我地呢啲坐冷氣房嘅，就係做呢啲嘢架啦。

    5. 真架喎，任你點講，但講到尾，買股票，就係夾錢同人做生意，咁簡單。咁李嘉誠使唔使識落石屎？

    6. 又講真，美股5連跌啦下。你又可以好多「不利因素」，我都識講。民主黨左膠又話加股息稅嘛（但，股市在民主黨帶領下升多哦定共和黨下升多啲？你話呢？），蘋果單官司又不利判決勢將打擊服務收入嘛，嚟緊仲有債務上限添，仲有通脹又高添 — 跌嗰時你咪講呢啲咯。

    7. 我只係知道，之前N咁多次叫買ASML，一般嘅反應，都係覺得太貴。咁其實人之常情，見到歷史新高要再飛入去，心理上係唔易克服嘅。另外，亦唔止係bias嘅人之常情，背後都有合理嘅原因，應該好少人可以覺得間公司唔勁，但，「點都有個價嘛」。

    8. 的確係咁，ASML已經係全歐洲第二大市值嘅公司。你可以估下第一大係邊間，本人都有持有的。

    9. 你問in this context 歐洲包唔包英國？包！但，英國有大公司架咩？HSBC？周恩來話齋：「英國最大市值嘅公司？在愛爾蘭。或者印度。或者新加坡」（＊＊）

    10. 咁所以，ASML，作為一間3500億美金市值嘅公司，你話要呢啲位升多5倍10倍，我諗都幾難。因為全球最大嘅蘋果都只係25000億。當然啦，講到尾都係時間，可能過幾年堆FAAMG去到50000億，甚至10萬億呢？蘋果過去3年都升咗4倍。

    11. 況且，我係2019年9月同你講ASML嘛。嗰時ASML一樣係歷史新高。今日嘅day high係聽日嘅day low．

    12. 固然你可以話事後孔明，但肯定2019年9月，唔係買股票最好嘅時機。買咗半年就全球股災啦，係咪？咁我有冇take profit？或者有冇「止蝕」？隻嘢一樣高位跌三成架！

    13. 當然我冇叻到低位撈到（哪有錢？況且，亦都冇膽）—但Patreon寫過N次啦（其實係Peter Lynch講，熟讀唐詩三百首嘛，條友好似寫詩的），你同我唔使做到9分10分的，你有7分已經十分好，因為好多人根本係自爆的（＊＊＊）。例如2020年肺炎股災嘅例子，你根本唔使叻到低位撈。你只要唔好做傻仔低位沽走就得。

    14. Ignore the boos，因為They usually come from the cheap seats．2020年3月，呢度成班花生客係咁鬧我，仆街死財演仲叫人買股票你有冇良心（話時話，方榮記休息兩星期，冇得打邊爐）。你知唔知好大鑊呀（係喎我唔知你先知，拿，呢啲咪暗中嘅自大）。聯儲局印銀紙解決唔到疫情呀（係喎，但又如何？）。經濟重創呀（so？）。好多人失業呀（我失業大半年添，so？）

    15. 講真的，呢個Patreon搞咗一年多啲，都係相當順風順水—我唔係講我，係講個市場！呢啲唔係常態嚟旳。你永遠要有心理準備，面對更加惡搞嘅市況。2020年3月？都唔算最惡搞，你見我都冇乜壓力，因為嚟得快彈得快。反而2018年嗰種由頭跌到尾先惡玩，仲要係差不多個個市場都跌。

    16. 投資者永遠係矛盾，亦係巴金的。我都係。見到52週新高，梗係唔敢買，事實美股估值點都唔係話平。但你話想等調整？唔好話舊年3月個個鬧到七彩，「咁驚丫嘛，咁大件事」，係丫，但唔係咁大件事點會有得跌三成？

    17. 我就當，10%回調你去買。舊年3月到而家都冇出現過，係咪？但呢個唔係常態嚟的。美股即使係十一年牛市（2009-2019），十一年入面，有七年都有10%嘅回調，即使係大牛市都係咁。但，換著而家高位跌10%？即係道指跌3500點？我保證你個個都話牛市玩完。換著跌20%？道指跌7000點？我保證個個都鬧我仆街死財演冇良心累人輸錢

    18. 以上呢啲現象呢，都有啲人明，至少我Patreon啲讀者都會明。但我同你都係人嘛，知易行難的，你梗係有情緒，股市就係三分科學七分藝術，而嗰七分藝術往往大部份就係情緒。

    19. 點克服？我Patreon同本書都有講。最簡單，唔好上咁多Facebook Twitter（除咗我個Page），唔好睇咁多股價，唔好同朋友講股票。係喎，聽落有啲反社會，但冇法的，呢啲就係取捨。廢柴梗係圍爐，成功多數都係孤獨啲。

    20. 仲有？其實真係我本書有講（百二蚊真係好抵睇，講真的）。咪每個月投資，唔睇價，唔睇指數，唔睇新聞。總之買晒佢。升咗好多咩？照買。股災咩？又買。

    21. 我買好多股票時都係咁，決定嗰日買，決定買幾多，就照買。你見到我亦都身體力行，我話買垃圾倉，話買日本股，係嗰日買幾多就買幾多，冇因為隻嘢大插或大升而唔買的。信自己，但唔好太高估自己。萬一你錯呢？

    （＊）實情你會見到樣嘢：即使你買嗰時係equal weight，到後來自然就係跑出嗰啲佔比重多好多。呢個亦係幾有趣嘅一樣嘢：例如隻安踏，我買嗰時十幾蚊，而家百幾蚊。咁佢而家升10%，等於我「最初」嘅投資一個開了。呢啲就係……複利嘅威力。但必定係要時間。時間係投資者嘅朋友，但偏偏好多人係主動去趕佢走的，好似聽日末日審判咁，十分不智。

    （＊＊） 認真，英國最大市值嘅公司Astrazeneca，細過愛爾蘭嘅Medtronic或者Accenture（又一走寶）。咁當然你可以話呢兩間都唔係真係「愛爾蘭」公司。走稅嘛，你懂的。咁但，Astrazeneca就肯定細過印度嘅Reliance 或者 Tata，甚至細過坡仔間冬海SEA（東南亞小騰訊喎，又一走寶，寫過但冇買）。脫歐真好。

    （＊＊＊）呢個亦係我教書教會考班嗰時成日講嘅嘢，好多人根本係去到自爆的。固然我「鍾意」教精英班（我鍾意Stephy 鍾意李佳芯添），但亦教過Repeaters 之類，我都同佢地講，唔好同我講「冇數學天份」「由細到大好怕數學」「之前啲嘢都唔識」之類，固然呢啲都係問題，但大佬我唔係要你拎個A嘛，要你拎個合格，就真係唔難，差不多人人畀啲心機都可以。但你去到A Level就唔係呢回事啦，「因為會無啦啦自爆嗰班友已經消失咗」。同一個道理放落好多嘢都係咁。打工如是，投資如是。我本書都係講呢啲嘢。固然好多嘢唔係你控制，我亦都知道要講天份。但在好多遊戲，金字塔嘅底層，你只要稍為認真玩，稍為下啲苦功，已經勝過好多會自爆嘅人。當然你去到高層就唔係鬥呢啲了，上得嚟嘅個個都努力個個都有基本功架啦。

    ＝＝＝＝＝＝＝＝＝＝＝＝＝＝
    已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

  • cheap收入 在 Facebook 的精選貼文

    2021-07-05 12:00:49
    有 137 人按讚

    [免費試睇]重大成功都靠累積和忍耐
    原文網址：https://www.patreon.com/posts/53310868

    昨天同窮生談到一位友人的投資心態，亦講到窮太自己的投資風格傾向短炒。關於我對短炒的看法，大家可以看看我的舊文《為什麼我喜歡儲股票而非短炒股票?》。我認為，雖然短炒有很多成功例子，但這些都是運氣佔了很重的比例，如果要一步一步自己創造成功，我總結了好多自己既經驗同別人既例子，得出了2個詞，就係累積同忍耐。

    對投資而言，我認為同賭博最大既分別就係。投資對本金既要求更高。你入馬會買馬，你好少會覺得自己唔夠錢買。但投資，好多朋友來信問我，都係問緊如果本金不多，有咩岩佢地投資呢？證明大家都知道，如果希望回報可觀，本金多少都好影響結果。沒有錯的！就算你係短炒一族。你都要有一定本金，自可以做唔同操作，自可以係股海糊口。咁問題就係，你呢個充足既本金係邊度黎呢？冇錯，你都係要儲，即係累積。投資最蝦人既就係第一筆資金，你點叻都好，你呢筆錢都要搵返黎，你先可以錢搵錢。而香港地好多人都一樣，儲蓄都係由工作既收入累積而黎。所以就算由2017年窮家有道開始既時候，我不停提到儲蓄既重要，有好多反對聲音話儲不如搵多d錢都好。我一直堅持理財既基礎，係累積。你唔累積，其實搵得多都係用返哂出去。而好似窮生咁，一開始冇錢，但對投資有心得，你好早知道打工儲錢好慢，我當年都只有12k既月入，你要做既就係忍耐。忍到我25歲，我迎來我既第一個100萬。

    只有cheap野先係就講就有
    其實窮生天生性格唔係咁有耐性，我到而家到怕等車，我食飯不喜歡等位，所以我到而家都只係食過一次壽司郎。但學會理財，我明白到一個道理。累積之所以強大，係因為你可以用終身既力量儲埋做一件事，威力大好多。正等於人活到我咁3張野，都唔係今日先出世，我既性格，我既能力，我既知識，都係多年累積而來先有今日。曾經我都有一個朋友性格又係好急，一講就要有，想要就立即去買。同佢約去玩係好大壓力，佢講就要立即去，興之所至呀嘛！人大左，同窮太生活已經8年，我慢慢係生活中明白到。呢個世界真係最關心你，最肯為你付出既人。往往都唔會係你一講佢就俾你既人，而係為你長遠計劃著想既人。

    記得2－3年前有個飯局，我都同一班豬朋狗友講過，溝女（唔係認真果d）對我地呢d廿尾到30尾既人黎講係比以前慳水慳力，因為你只要佢一講你滿足佢就可以。食餐好少少既，得閒買d小禮物，甚至去下旅行。對後生仔黎講都係好大成本，但對我地呢？唔係唔貴，但比起要我地plan好多野，自己去搞d心思，我地好多人都寧願俾少少錢解決。呢段對話令我明白，其實累積真正既重要係。呢個世界就算科技再進步，重大既事情我地仲係要時間同心機先有成果。正等如當我地要學習一套完整既理論同技術，我地到而家都仲係要睇一本書，或者上一個完整既課程，而並不能單單睇一篇文章就可以。文章可以啟發你既動機，令你探索，但有好多野，係冇可能話有就有，例如財務自由。只有廉價既野先可以做到速食，但速食太吸引，所以太多人反而誤以為咁先係最好。我做設計的，你一講我立即做到既野，會係好野嗎？有都係用黎招呼你而已…

    由起點到目標的過程
    《戒窮》有教過大家用「SMART」來定目標，有興趣可以看看。呢篇文我要講既野忍耐既問題。其實有一個必然既事實係，好似窮生後生果陣已經有樣好想做既事，係幸福的。呢個世界唔係個個人都有理想，甚至唔係個個人都知自己做緊乜野。但如果你有目標，甚至可能係你而家呢個階段，搵目標已經係你既目標，其實有樣野你必須要知道。99.99％就算你幾喜歡你既理想都好，係達到你既理想既路上，你需要做1000樣你唔喜歡既事。你唔做呢d事，你冇辦法到去你既目標前面。呢個時候，就係考驗緊你有幾愛你既理想。有大部份既人選擇左放棄，因為過程太辛苦，太厭惡。咁唔係你既錯，因為成功路上，總係只有極少極少人可以到目的地。你呢條路唔通，你可以停係自己認為舒適既地方，但有2樣野你唔可以出聲。第一，你唔可以再話自己有幾愛你個理想，因為係你先放棄的。第二，你唔可以怨現狀，因為呢個位都係你選擇停留的。如果好似窮生咁做到財務自由就停，我就唔可能怨過唔到豪洗既生活，因為呢個唔係你既目的地。

    如果你自問好想得到一樣野，過程中你需要既除左係累積經驗同能力，同樣重要既就係忍耐，忍耐中間既陣痛、考驗同失望。係人生目標d咁大既課題，小小地可能係創業問題，都唔係一朝一夕可以完成同美滿。中間會有好多次既失望，令你好想放棄，因為好似做左好多野都未見到希望。但我經常同自己講，好可能你一放棄，個成功機會就黎，如果你真係好想得到，捱多陣！

    睇好多老掉牙既「成功學」書，都會話如果你每天進步1％，1年就強大37倍，呢個係累積既威力。畢業十年去舊生聚會，總發現唔同同學相差好遠，唔一定係錢，而係個人既器度、能力、心態。就係因為呢十年，有人做既係不停累積，有d人不停速食，沒有總結經驗，經歷好多都錯過左學習，錯過左反省。

    最後送一句我好喜歡既說話俾大家：

    自由不是想做什麼，就做什麼，而是教會你不想做什麼，就可以不做什麼。

    想做什麼就做什麼，即係我想點就點，呢個係好幼稚既想法，因為呢個係自私、任性，過程中你開心左，你可能傷害左好多人，特別係真正關心你既人。而不想做什麼，可以不做什麼，係累積得來的。當你透過累積得到更多，走得更高，你需要忍耐的，就愈來愈少了。

    人無遠慮，必有近憂，因為近憂，又速食麻醉自己，這就是失敗者的循環

  • cheap收入 在 Facebook 的最讚貼文

    2021-06-04 05:20:46
    有 53 人按讚

    ［今日寫呢啲］ 今日真係快講，篇文都3000字，況且似乎唔應該免費preview講太多。不過都講返，最新堆出埋聲音版同影片版，覺得我寫嘢又長又煩嘅不妨試聽，有免費sample（https://bityl.co/7AoN）。嫌我把聲仆街嘅？（真係有人咁講過），放心，唔係我把聲。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝
    講返，今日（星期五）恒指季檢，照計都冇乜好講，近年已經極難玩。如果咩騰訊700友邦1299跌落嚟咪買嘅好機會。識玩梗係留意入港股通嗰兩隻，開埋名畀你都得，醫渡科技2158同心通醫療2160，好彩嘅下星期都仲有得玩。但至於具體點操作就訂Patreon先有了。留意市況唔係好就，量力而為，唔好輸錢又嘈又抽我水。好心啦，咁撚大個人，為自己嘅決定負少少責任得唔得？咁聽話？我叫你訂Patreon 40蚊你唔即訂？

    美股嘅，麻麻地，特別科技股。你見明明ADP就業數據好好，但又恥笑一次舊年講乜鬼「股市同實體經濟脫節」嗰啲友。係喎，舊年經濟好差但股票狂升，咁一樣啦，而家經濟好好點解股市唔可以跌？今年美股有咁升幅我都幾意外。

    但更重要係，推咗個「美版盈富基金」嘛！乜東東？自己睇新聞，懶嘅就睇我Patreon我餵埋你。咪舊年美聯儲局除咗無限印錢買國債，仲有入埋市買企業債買ETF的。咪好似港版咁，要甩身咯，不過似乎唔係賣返畀散戶喎。

    但其實規模幾大？梗係細。但擔心下一步係數水嘛。加埋剛剛咪講咗ADP就業數據好，你見債息即時上的。

    之後，美國好似加大咗個制裁名單，唔畀買股票之類。我都冇細睇，但不重要。固然中概股好多震散，但有堆根本都係科技股，況且很多都係比較……你懂的。至於香港上市嗰堆？新加好似冇乜，況且舊年都畀你睇到，沽壓一陣就過，根本係大平賣 中移動941 中海外688，賺唔少的。你禁止佢買水泥定禁佢起鐵塔？

    仲有，反而我覺得應該睇阿里巴巴。又係自己睇最新進展。當然睇淡嘅覺得螞蟻畀人閹咗啦，六隻（？）腳得返三隻。但半杯水啦，擺明就係講掂數，有得你玩仲唔還神？而股價一早反映六隻腳冇晒咁滯。我有錢我都去買（可惜我冇）

    個股，DropBox，值得鳩威，舊年年尾已經話併購對象。最新咪搞局基金Elliot入局，咁呢啲對沖基金，入局不外乎係要你派特別息（中巴！），拆售業務（東亞！），否則換走管理層之類。不過留意返，一來DropBox冇業務好拆，二來亦冇乜錢派息（但有回購的），三來創辦人趕唔走（同股不同權嘛！）。咁所以，都係只係勸下佢兇下佢賣盤。有乜人買？睇Patreon咪知。但舊年SalesForce買Slack畀咗23倍price to sales，DropBox而家5倍。固然冇直接可比，但just saying．

    BTW，舊年年尾已經寫文話賣盤。固然我都係睇其他報導（唔通我識管理層？雖然我係付費用戶）。但！咪就係首先我幫你睇晒所有嘢！二來我仲要揀啲重要嘅出嚟，幫你整合埋，整埋圖，廣東話解埋你知，而家讀埋畀你聽，呢啲咪價值！

    Lastly，發夢股 aka meme股，AMC及其他。都冇乜好討論，Gamestop翻版咁，貴客自理。不過我記得3月後啲買契媽股嘅都叫晒救命，而明明我堆嘢日日創新高。

    但講返，AMC個情況，梗係識玩，高位配股啦。但又有人要喎，咁咪好，就真係死都變返生。Cheap Funding嘛，逃過執笠。

    但點計都好，啲估值都天價，而你咪只係吹話咩重開戲院啦。都要量化。而家隻嘢應該大過標普指數50-60%嘅公司，例如已經大過盈富基金嘅管理人道富State Street。「挑道富呢啲舊經濟股」，但AMC又新經濟？況且，你睇下收入同純利爭幾遠。「挑買股票睇前景嘛」。咁你又可以睇下，即使最好景嗰時，AMC到底有幾多收入幾多錢賺咁大把。文入面有寫。

    當然你話乜都唔使睇嘅，咪祝你好運，錢你自己嘅。不過我就算睇meme stock，都只係睇大麻，太空，同埋齋滷味

    最後快手跟進之前講過幾隻嘢。理文化工746真係寫完就逆市連升兩日，仲要創新高，唔知係咪啲讀者買上去。但我就絶對自己冇的。入面有講點解睇好

    三星隻房託ETF 3187又新高了，不再多講，升好多就唔會，但應該好過你做定期存款。仲有，記得抽ibond

    最後，雷蛇1337，昨日都講預會插穿批股價。其實年頭推嗰時都話唔信間公司，只係見到夠殘，又多嘢吹，又做回購。不過識玩呀，回購就頂住個股價。然後就大股東自己賣舊股。咁都仲唔明？

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

你可能也想看看

搜尋相關網站