林一鳴搞Start-up
一個月火速被收購

資深投資專家林一鳴博士去年6月搞Start-up，創立「博士在線」網上學習平台，推出僅1個月被上市公司看好，收購6成股權，重新打造CourseZ網上學習平台，最近更請來林作和裕美代言新廣告，引起一時熱話。

眾所周知，林博士愛投資！不少人對於林博士突然創業十分好奇。林博士回應，他一直有投資一些初創公司，當他思考到有什麼方法可以令到投資初創企業時可以做得更好、更多，他就決定親身實踐創立Start-up，如他日再投資初創公司，就了解如何判斷一間初創企業。

創業由編程、拍片一腳踢

談及創業經過，林博士憶述，大約於一年前2020年4月，疫情開始蔓延，他就突然萌生創立「博士在線」網上學習平台，提供線上影片課程，方便留在家中的學童。

林博士笑言，他對上一次接觸IT，已是十多歲時曾獲得青年科學家獎，接下來的30年也沒有接觸IT，所以起初建立「博士在線」時，他用了3個月惡補知識，邊學邊做，由編寫程式到在家中設置綠幕拍片、配音和剪接，整個過程一腳踢，他認為由零開始砌出一個平台十分好玩。「博士在線」最初主要提供林博士自己拍攝的影片，包括教樓市投資及HKSI證券資格課程，消息傳出後，各方好友應聲支援，加入導師行列拍攝各類型的投資課程。於去年6月「博士在線」正式推出，推出僅1個月，於7月「博士在線」就被精英匯集團控股有限公司（旗下品牌：「遵理」1775） 看好並收購6成股權，在10月正式將「博士在線」重新以CourseZ新平台上架，而CourseZ平台仍然屬於博士在線有限公司。

CourseZ當中的Z意指新世代，與傳統上堂模式不同之處，就是不再是實體「擔櫈仔」 上堂，以新形式、新世代的方式線上學習，讓大家在任何時候、任何地方，都可以享受網上學習的樂趣。

另類投資 增加導師被動收入

網上學習平台創造雙贏局面，林博士續稱，CourseZ是公開的平台，以擔當一個中介角色，一方面會接觸很多不同的學生，係學員提供他們所需的學習課程，另一方面CourseZ可以利用人際網絡聯絡到很多知名的導師，導師們會事先拍攝課程影片，再上傳到CourseZ系統當中，變相將導師和學員兩邊連結在一起，學員只要付出一點費用，就可在平台上觀看課程，而對導師而言，每當學員點擊觀看課程便會增加導師的被動收入。

CourseZ雲集多位星級導師，林博士逐一介紹，包括「時昌迷你倉」創辦人時景恆，他於2001年在香港推出迷你倉概念，至今已有近二十年經營迷你倉的經驗，他於CourseZ課程教授如何做二房東的秘技。另外，請來盛滙商舖基金創辦人李根興博士，教授他最擅長的炒舖及經營中小企的技巧。在中文教學方面，請來臉書粉絲達60萬的香港知名作家藍橘子，他的多本暢銷小說一向受人青睞，而藍橘子則教授中文寫作技巧。對於學校的課程，找來「尖子樂園」的補習社，推出了一系列小五和小六的呈分試課程。另外，CourseZ亦提供100多個中學文憑試課程，當中以任教化學的Winter Sir頗為出名，他將中學文憑試化學科的課程濃縮成只有幾十個小時，影片很受歡迎，而且每個星期銷量較好。直至現在為止，CourseZ已累積150多個課程，課程的種類繁多，由投資到興趣班，也有為專業考試而設的課程，如Hong Kong SI證券資格考試、保險資格等，另外除了中、小學生的課程，甚至也有提供幼童英語併音課程。

由香港起步 拓展至大灣區龐大市場

對於CourseZ的未來發展，林博士認為第一步是希望在今年年底前累積300個或以上的課程，先讓平台發展到一定規模，第二步目標在1年後開始A輪融資，但現在還言之尚早，希望大約以1年時間，當平台有發展至一定規模，就可以吸納第一批A輪投資者集資，論及集資的範圍、金額，林博士指暫時未定，甚至現在有些投資者和朋友開始與他傾談當中。

談及CourseZ更遠大的目標，林博士認為國內各方面都做得很好，例如支持寶、微信支付、外賣美團，但說到國內的網上教育，暫時都未看到有特別出眾，回想美團點評突然於國內跑出，他希望是CourseZ也可藉著機會，於國內成為網上教育的美團版。當然第一步先做好香港市場，第二步如通關後，則可接通大灣區龐大的市場，正如大灣區內以廣東話為母語，也佔數千萬計的人口，而很多課程如考取香港證券資格試、保險牌、地產牌，甚至會計、CFA等，對於很多大灣區的人來說是十分吸引，所以希望設計香港考核的專業課程，提供予大灣區一帶的人報讀。未來通關後，CourseZ亦在內地開設辦公室，設立系統平台推廣在香港比較有優勢的課程，再推廣到中國其他省市。目前為止，林博士希望CourseZ可以做到香港和大灣區最愛歡迎的網上教育平台。

［大姆指尋找馬蘭頭］四千幾字。再講一次點解我冇教書。而明顯如果我仲教緊書，會比而家更富貴，但我全無後悔。因為而家過癮好多，教書就冇呢個 Page，就冇你地了。大吉利是我死撚咗，咪得一百幾十個學生加一百幾十個舊生唔開心。而家唔同，「Patreon畀咗年費嗰啲一定記得我」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 之前寫過「安雅會談」（https://lkdin.io/3LYM）（唔睇舊文當全新故事聽亦得），反應唔太好，睇返篇文的確麻麻地。咁點？寫多次！呢間「大姆指」執笠（做埋呢幾日），注定我要寫多次「安雅會談」。

2. 實在唔想雙春悲秋咁寫咩「一個時代嘅終結」，亦唔係咩「童年回憶」。但的確，如果我成咗名，第時就會有人去呢度尋找返我足跡。正如《緬甸尋找奧威爾》一樣，我去仙台尋找魯迅（https://lkdin.io/3LYN），亦都去東京明治神官野球場尋找村上春樹（仲去埋神戶嘅Pinocchio酒吧）（＊）。呢間咁嘅「大姆指」，係我唔教書走去做金融嘅轉捩點，然後就差不多廿年。一切就由呢度開始。再講一次，我成咗名，呢度就變景點。

3. 上次寫「我自信有日如願　縱使天高地厚　仍被我逆轉」（https://fbook.cc/3NSr），反應不錯。第一日返工同我食飯嘅三個中學同學，到我Last Day又在同一個地方同我食。當中科學家L君而家正職渣鑊鏟副業補習天王，T君同我一樣做金融，呢篇文會再出場。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

4. 冇人係一出世想做金融的，正如冇人一出世想渣鑊鏟。我個年代嘅新界牛屎仔，係冇咁嘅嘢的。聽聞早前啲小朋友話細細個想做ibanker，我覺得真係錯撚晒。你不如想大個做雞丫。我知職業無分貴賤笑貧不笑娼，但都真係唔使立志的。而家啲小朋友好似話想做KOL 或者想搞 Start up，「仲衰過做雞」「等於畀人免費上」。

5. 我地年代嘅我的志願，都係嗰幾味，科學家啦，醫生啦，運動員都有嘅，歌星就多數唔敢寫落文。而我地幾個，唔係虛偽到會寫我的志願做教師咁刷鞋（我唔同虛偽嘅人為伍）—但偏撚偏就齊齊教撚晒書！命運就係咁神奇。一路都好相信「大家命中注定成為自己細個討厭嘅人」，雖然冇乜科學根據。

6. 點解我地教咗書？我都唔知，但又係偶然中嘅必然。肯定唔係由細到大嘅理想，但玄啲講，唔係我地選擇咗教書，係教書選擇咗我地。我地三人，共通點冇乜，但都可以勉強搵：三大畢業啦（＊＊），唔靚仔啦（重要，因為求職），不太presentable 啦，有啲稜角啦，憤世嫉俗啦。正面啲嘅？叫做鍾意睇書啦，成績還不錯啦—呢啲咁嘅 Profile，加埋2003年沙士嘅就業市場，去咗教書，真係十分合理。提返你，當其時一個GM（學位教師，但有學位嘅唔一定係學位教師，而而家做得學位教師既又好少冇學位），萬八定萬九蚊人工。

7. 而早少少，因為佢兩位介紹，我甚至有在元朗教夜校嘅經驗。（而家仲有冇夜校？）。教會考班呀，好似五舊水定一千一晚？但一個星期好似得一兩晚。最頂癮係，本人就教數學物理，L加就教化學生物，T君就英文經濟—You see？根本成間嘢就係我地三條友教晒

8. 總之，2003年夏天，我地三個都叫做教緊書，就在呢度舉行咗，改變咗我地各自生命嘅，安雅會談。至少係改變咗我。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
9. 2003年嘅夏天，沙士嘛。第個唔知，我真係悶出鳥來，但又好似冇固定女朋友。沙士一早停課，我當年教中五中七，噢耶，停完課就study leave，之後佢地就考試。我白白玩咗半年手指拎咗半年人工，日日在屋企睇有線播友坂里惠嘅金田一，以及打紅白機模擬器。悶到好似日本料理咁出汁。

10. 我嘅生命，亦係差不多。2003年，25歲。拖拍過，愛做過（咪話1998年2月14號港大太古堂801室下格床咯，我成咗名就有人返去打卡！），書教過，歐洲去過，日本未去過，儲蓄係零，甚至負（少量卡數），拎緊萬八萬人工。工作經驗？亦係零，甚至負。真的，對非教書嘅工嚟講，你教書嘅經驗等於零，甚至負—因為啲人覺得教書嘅人都忽忽地，同社會脫節—事實亦係。理想？冇。夢想？冇。同期啲同學？樓都買埋。仔都生埋。你三條友去食大姆指。

11. 但你當係棋局，或者牌局咁，嗰時我地副牌雖然唔太好，但都仲係開頭初頭，勝在仲有無窮可能，仲可以搏同花順。而家呢？大家42歲，牌開咗唔少，冇想像中咁爛，唔係十三不搭 積 pair—無—無 但亦知道冇乜可能有咩大牌食得出，至少我冇。

12. 我由頭到尾都係個比較保守嘅人（風險厭惡度，唔係講性觀念）。安雅會談之前嘅幾年，即係我畢業後，喂大佬，我真係想搵份兩皮嘢嘅工架咋。請恥笑，當時我以為我可以做一世的。咁到安雅會談嘅2003年，教緊書啦，萬八九人工，年年加，兩三四皮根本指日可待。串啲講句，老校個計劃有我，我肯騾仔嘅，SGM（傳說中嘅「主任」）位，必有我份。咁你可以睇下一個SGM幾錢人工。嚇撚死你呀

13. 所以，當時我嘅想法，一定係「唔好搞咁多嘢啦」。「我個個月拎份糧去供盈富基金好過啦」（＊＊＊）。

14. 但，嗰次安雅會談，不著邊際吹咗一輪水後，朋友T忽然間嚟咗句：「拿，咁之後點先？」。朋友L當然都係答「屌佢老味梗係玩撚大佢啦」，但我當然都係「慢慢儲下子彈先」「拿我過幾年SGM架啦，唔好搞咁多嘢啦」「拿個個月供下盈富基金咪好咯」

15. 然後，朋友T對我呢啲答案唔多滿意。佢嘅特色係會迫人埋牆角，佢唔接受我呢啲和稀泥嘅答案。你人生為乜？為錢嘛，講，幾多？為女人嘛，咁講，想要乜？（係咪好似啲乜乜正能量課程咁呢！我們要乜？要錢要女人！幾時要？現在就要！）

16. 真的，佢無啦啦，同我講起安雅。你自己Google邊個係安雅，應該嗰期出事畀人拉咗。我好奇怪佢會同我講起安雅，因為朋友T向來都唔多講呢啲女色嘅話題。但佢就係話我知，拿，你咁搞落去呢，畀你SGM，安雅都係 out of reach的。我想想，好似有啲道理。

17. 然後佢話我知，一切都應該量化—先有個目標。就當你晚晚要搞明星，咁你咪計下要幾錢，然後計個discounted cash flow．

18. 原諒呢啲對話咁物化女性，我好肯定朋友T係為咗投我所好先咁講的。但大家真係唔好錯重點，重點根本唔止係安唔安雅，事隔十年，係連詩雅又好，衞詩雅又好，根本不重要。安雅就只係一個token，一個icon，一個dummy variable，一個placeholder．佢就代表住所有慾望嘅投射。名利權色，酒色財氣，貪嗔癡，求不得苦。

19. 咁，我係人嘛，人就梗係有慾望架啦。咁咪去追求點滿足呢啲慾望咯（係咯，啲色魔好似都係咁諗嘢的）。

20. 無論如何，並唔係好似拍戲咁，第二日我就返學辭職，另外仲發生咗唔少事。但總之，之後嗰年，2004年嘅7月2日（咩日子？我25歲生日嘅翌日，舊文有講），我就在慈雲山學校村保良局何蔭棠中學部電梯，當住個女同事面（冇錯，早排見報嗰位！），同校長（亦冇錯！早幾年見報嗰位！）辭咗職。

21. 2004年9月1日（咁你都要問點解9月1日？），夏愨道美國銀行中心21樓招商銀行香港分行，我就開始咗金融界嘅第一份工。如果係拍續集嘅，會見到我同一個光頭鬼佬刷身而過，嗰條鬼佬就係後來我在耆英證券嘅老細 占士咖啡—冇錯，嗰時耆英證券仲係在美國銀行中心。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
22. 要解釋我點解唔教書去咗做銀行，都真係有啲難，有唔少唔同嘅事件。有人以為我追搣時不遂所以唔教書—前半啱，但我只係打算離開教嗰緊學校啫，我大可以去第間教。後來見工都總有人問，我總會有答案，嗰啲中環廢話你都唔想聽，但唔係完全假 — 我假假地讀精算，又Master in Financial Mathematics，中環都未返過，就甘心在學校村，同班友玩宮心計 奶校長屎忽 （仲要幾臭下）摶SGM然後好彩升副校做埋校長咁一世？

23. 定係我地可以試下啲其他嘢？

24. 如果講我只係貪戀中環嘅酒色財氣，又好似講得太簡單。不如我用個全新角度講，過癮。做人嘅嘢，最緊要好玩。人其實天生賓放貪玩。

25. 我早早已經決定唔做精算師，應該話佢早早排除吴我，主要係我冇能力，亦冇興趣，我冇能力嘅嘢我自然冇興趣，令我生活冇咁痛苦。T君嗰時已經話，得罪講句，你唔做精算師，對個世界冇乜損失。的確如此，雖然如果我做到，我可能會畀而家更有錢。但個重點係：冇咗 埃汾ASA FSA，呢個世界係唔會有丁點不同的

26. 然後，教書。同好多人估嘅唔同，根據合理估計，如果我一路教緊書，我而家嘅身家應該更豐厚 —留意我講身家，即係net worth，唔係收入。因為，如果我一路教緊書，無論如何我點都會2005或2006年買樓（＊＊＊＊），但現實中嘅我2013年先買，呢度已爭一截。再加上我唔會出現啲轉工或被炒要沽股票之類。

27. 冇錯，我就係話你知，根本就唔係因為錢，正好相反。我仲教書嘅，而家一定更多錢—但我嘅人生一定少好多樂趣，你地都少好多樂趣，因為根本唔撚會有君子馬蘭頭。我啲教書嘅朋友，自己Facebook 都唔多敢講嘢。如果我唔教書嘅，社會有少少損失，但我嘅人生就冇咁過癮，你地亦睇少好多嘢。

28. 所以最後，好似而家咁，幾咁好呢？我照樣可以春風化乳 有教無淚 誨人好倦將啲後生仔打成一片片。錢係少咗啲，但過癮嘛！大家話係咪？

29. To sum up：做精算師Ivan Li ASA FSA嘅（當我做到先啦），錢多過而家，但生活冇咁過癮，對社會貢獻係零。

30. 做李老師 附加數學科主任 李蛇 PGDE（＊＊＊＊＊），錢都係多過而家，生活更加冇癮，對社會貢獻有些少，但只係我教嘅一百幾十個學生，教廿年三十年，咪幾千個，記得你嘅有冇七十二個？

31. 而家變咗 馬蘭頭CFA嘅，錢真係冇以上兩個選擇咁多。但，好撚過癮！最重要係，對個社會有貢獻。我Patreon寫文嘅宗旨，呢度都講下：好彩嘅你會贏到錢，但贏唔到錢至少你都學到嘢—就算worst case你學唔到嘢，你都會有啖笑下嘛！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
32. 再換個方法講，我係精算師，我死撚咗，有誰關心？冇。我係教師，我死撚咗，有誰關心？有嘅，我未失敗到啲學生要開香檳。但而家我死咗，呢度都話晒一萬幾千人關心我喎（當然仲有Patreon啲讀者）（特別係畀咗年費嗰啲！）。而反正，呢度唔少讀者，咪就係我以前嘅學生咯！（＊＊＊＊＊＊）

33. 正如我呢度寫咗5000字，為乜？唔通為錢？當然係為過癮。呢個亦係我同好多金融人唔同嘅地方。

34. 錢當然重要，但過癮都好重要，最好就當然係why not both．所以我開咗個Patreon，係我一生人做得有啲成績嘅三件事合理：Writing, Teaching, Finance。正係WTF

＝＝＝＝＝＝＝＝＝＝＝＝＝＝＝＝＝＝
35. 村上春樹式，有頭有尾，或者套戲交代返啲人物嘅現實結局咁。呢間嘢，燉奶佬集團，係十分之咁難食嘅。即使在美食地獄嘅屯門市中心，都真係劣中之劣，我已經好多年冇再食呢間嘢，反而你話咩太興 麥當勞 MOS Burger 大家樂 大快活我都食。但當年，一來可能未係咁難食，二來可能當時未食咁多好嘢。我相信係前者。無論如何，一間咁嘅嘢，可以屹立在時代廣場（屯門啦仆街，你不如問係咪紐約丫）廿五年，都真係一個奇跡。幾多人你想佢死佢都未死？幸好，我地三個嘅友誼，都outlast咗呢間劣食，已經三十年朋友，and still counting，For auld lang syne（然後諗起《無間道2》智叔吹口琴）

（＊）村上春樹鐵粉會知，啲友年年在嗰度睇諾貝爾文學獎結果，年年落空，十足十等安踏（2020）入藍籌咁 – 咦？！所以我話你知，村上春樹今年會拎諾貝爾文學獎。

（＊＊）我到而家都覺得發明「三大」呢個講法嘅香港科技大學，應該拎諾貝爾數學獎。我當然知諾貝爾冇數學獎啦，講Fields medal你咪又係 Google，咪又係要我括住「等同數學嘅諾貝爾獎」

（＊＊＊）真的，當時我已經有月供盈富基金！早過龔成！當時只係想買架車，所以當時叫做「Lancer基金」，後來目標越嚟越遠大，我話會變咗做「港女基金」，「新芬基金」甚至「移民基金」—結果都一一畀我做到，港女泡咗 芬結咗 民移咗。都話「我自信有日如願縱使天高地厚仍被我逆轉」，下一步，終極版，就係「勞蘇基金」。

（＊＊＊＊）點解係2005/2006年買？好簡單，嗰時有個rule of thumb，話教書嘅人，頭三年唔走，就之後教一世。因為人工太高，同埋同出面脫節。我2002年開始教書，計做GM就2003年。

（＊＊＊＊＊）所謂嘅教育文憑，並唔係PTGF嘅朋友，雖然唔少PGDE都要搵PTGF。又，當年PGDE收咗我的，錢都畀埋，但我去咗中環返工嘛。所以咪畀港大沒收我啲錢，好似都兩皮嘢？所以從來舊生叫我捐錢我都話一早捐咗。

（＊＊＊＊＊＊）都係忍唔住講。N年前有舊生帶我去唱K，真係十分之咁尊師重道，另外過時過節佢就send 啲乜乜流出相畀我，都唔使我開聲，呢啲咪好學生。又，其實我有幾個學生做咗O靚模，可惜佢地從來都唔嚟搵下我，嗚。見字記得PM我

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

［做intern 要貼錢，古已有之］TLDR：其實冇嘢嘅，你情我願。公司都係想篩走啲冇誠意嘅人。不過顧下啲窮學生感受好喎。

蘋果原文: 對沖基金請「煙腸」 要人倒貼兩萬元返工 （https://bit.ly/3axrwP9）

1. 首先，其實好似冇話冇人工要倒貼。只係話你知嗰舊培訓錢要拎返。咁我估當事人可以argue：兩皮嘢唔係好多錢（對金融才俊嚟講，但，對窮學生呢？），可以篩走啲無聊人。即係同我家寶貝女相睇，放低五皮先，唔好個個入嚟望兩眼。（有朋友報料話呢個放低兩皮嘢好似係新加上去的，可能之前真係有啲混吉友了）

2. 某程度都錯唔晒，姐係以前我地開talk咁，發現免費就好多混吉人，嚟拎西餅涼冷氣。但你收返廿蚊五十蚊，雖則都係濕碎，就少好多騎呢人。

3. 佢檔嘢，聽聞都10億美金AUM（Asset under management），咁當你two and twenty（＃） （而家係咪冇咁著數了？），齋管理費都成1000萬美金啦，真係唔爭在嗰幾皮嘢。所以我估真係诙睇誠意。

4. 咁但，都係怪怪地架啦。感覺都係要人貼錢打工。使唔使Pantry個茶包計返錢咁？「你知我唔志在，但睇你有冇誠意」。個感覺好撚似我溝條女，約食飯都未見到就要幫佢買點數卡咁咯。「睇你有冇誠意」「你自願架」

5. 呢類貼錢問題，就三個角度睇。

6. 首先省靚portfolio 或者學到嘢之後，無數咁多行業都有啦。講真有供有求啫，又唔係咩恃強凌弱。等於有人畀錢要同畢菲特食飯聽佢講嘢，但又有人畀錢要人聽佢講嘢。冇嘢架喎。

7. 我公司都新嚟個煙腸，我都講笑同佢講，我地呢度有嘢玩有嘢學有嘢食（未限聚前久不久請佢食飯架）。都真係架，埃汾嘅專業培訓華盛頓式嘅巫師分享，你估唔值錢？你就當我N年前幫人補習都幾舊水個鐘啦，係咪先。

8. 咁所以如果你當件事係上堂學嘢，睇佢都教你好多嘢，兩皮嘢，值丫。「其實請唔請超齡煙腸」

9. 掉轉頭，扯，實不相瞞，我幫好多媒體寫稿，都係一個仙稿費都冇架啦。絶大多數時間上電視都係一個仙都冇啦。行規係咁。你係陶傑咪有，咁我唔係嘛。唔少公司畀錢買版位寫添，有啲作者出錢搵人幫佢訪問添。咁姐係你賺咗名氣或者有得自high又點計先。

10. 「做生意姐講供求架，有人買咪有人賣囉」。咁事實係丫，你Financial Times畀我寫專欄嘅，貼錢我都寫呀。

11. 咁同樣地，其實好多情況都真係「可以」咁的。例如我舊舖，啲後生仔都爭崩頭入嚟做煙腸。講真，我肯定唔畀人工都大把人嚟。但，咁我地唔會咁無良嘛。

12. 因為，比較核突咯。講真，煙腸嗰啲人工，你估好多咩。「拿高盛我唔知啦聽講煙腸都返幾個月夠首期買樓」（＊），但我舊舖唔係咯。咁，慳你幾皮嘢，畀人唱咩，核突嘛。

13. 況且，咁你真係有點人做嘢嘛，就唔好咁咩咯。即係埃汾年少時去麥當勞做MT試工，都炸過幾日薯條，最尾嗰日都冇做，但人地都計返足人工畀你嘛。大公司，呃你呢啲嘢咩。一定同你計清楚，費事你走去講足幾廿年話爭你幾百蚊工錢（＊＊）

14. 另一樣嘢又係，唔好搞到惡性競爭嘛。人都係咁自私，醫生係咁，CFA都係咁。我果年讀精算啲同學就好好，加上埃汾呢啲暑假梗係寫文補習打機睇波溝女做愛（溝女唔做愛溝嚟做乜？唔好咁虛偽好喎），就唔係啲咩year one十二月搵煙腸三月有屙化五月返工然後year two已經有份工等住佢嗰啲精英啦。但，我對下一屆，喂，有條友，寫免費幫人做intern喎，結果都好似引嚟啲微言。但我啲師弟妹有冇聯手封殺我就唔知啦—畢竟我地唔係醫生

15. 仲有，除咗有點核突之外，我地講遠少少。社會公義呀。流動性呀。即係我覺得無薪勞動都算，其實都仆街架啦。啲窮學生可能寧願去返七十一都唔會做煙腸，因為多啲錢（＊＊＊）。你仲要掉低幾皮嘢嘅，你即係玩死啲窮學生啫。咁對個社會就唔多好咯。咁當然如果公司其實係想篩走晒啲窮撚嘅，咁肯定會好成功。

16. 其他行業都差不多，即係啲咩影相呀，都想去影呀邊個邊個世紀大婚省靚自己份CV啦。但你係個大明星去叫人貼錢影又另一回事，比較核突啲咯。咁吹你唔脹嘅

17. Anyway，望落好似冇犯法。咁都係自由交易，有供有求，佢有佢咁玩嘅自由。有人做咪即係啱價咯。但係，咁畀人批評，都係人地自由啫。

18. 又，都係我啲小友醒目，佢地話，嘩，財路呀。一件兩皮，十件就廿皮架啦！幫補下租金都好！仲要有人幫佢做嘢—我話，扯，我同你地食飯吹水夠獲益良多啦，仲係我畀錢添請食飯添呀！唔通又樣樣計住咩。

19. 所以就算大家唔訂我個Patreon我都唔會怨恨架！之但係，「最好就唔好咁啦，嗰少少錢」。（唔會有人以為我打咁大篇文只為賣自己廣告下話）

———————————————————
Ivan Patreon 狼耳街華人，一個星期至少三篇，一個月一舊水唔使，開張幾日已近300人訂，仲有兩篇免費試睇：https://bit.ly/31QmYj7

（＃）two and twenty 應該out咗十年，但循例解下。對沖基金當年嘅「例牌」收費。你嘅AUM，每年2%做管理費，硬堀，賺錢蝕錢都要畀，當交租之類。另外，有賺嘅，入面分你20%。咁又係嗰句，願打願捱啦。最神級嘅基金經理乜水？反而外行人未必聽過，Renaissance Technologies嘅Jim Simons。知唔知收幾多？收four and fifty-five！硬堀4%，有賺嘅佢分55你分45。夠辣未？畀埋條命你好未？但就係大把人仆住去。因為回報真係神級，係畀佢斬完一大舊都仲係神級。詳情可睇《The Man Who Solved the Market: How Jim Simons Launched the Quant Revolution》一書。明顯我係未睇。

（＊）其實而家做得高盛煙腸嘅人，應該在子宮入面已經夠首期買幾層樓。
（＊＊）話時話，其實亞視仲爭我五百蚊。亞視係少數我上電視有錢收嘅，「唔怪得做唔住」
（＊＊＊）我年代個朋友真係去七十一做咕喱，而家咪又跨國公司真高層住幾千尺企。不過我估而家啲小朋友唔使「打暑期工」架啦？又一社會流動性問題。

【靚貓不分品種】 「我家貓主子好靚，性格討好親人，好奇心強，唔怕陌生環境，如果參加貓展，話唔定攞獎！」機會嚟啦！ 《香港寵物節2019》內有香港黑貓會第六屆冠軍貓展，當中設有家貓組，歡迎貓咪參加。

貓展由香港黑貓會主辦，比賽以六賽圈評選，分兩天進行，每一參賽貓隻會經六位獨立評判按美國CFA（The Cat Fanciers' Association ）比賽規例評選，設有冠軍貓（成貓）組、絕育貓組、幼貓組及家貓組。

設家貓組是為了鼓勵更多貓主分享養貓經驗，並展示出不論品種，任何貓都可以很美、被照顧得好好。貓展現正接受報名，歡迎貓主們帶貓咪出賽家貓組，齊齊參加貓界盛事！

想知道參加家貓組的注意事及貼士，即刻Click入條片睇啦！

貓展補習班
內容：分享比賽經驗心得，真貓預演基本梳理和準備參賽的注意事項等
日期：2018年12月21日（星期五）
時間：6:30pm（接待）、7:00-9:00pm
名額：30位（免費）
場地贊助：RUFF & FETCH
地址：九龍佐敦官涌街7 號匯萃商舖
報名或查詢：Whatsapp至9866 9234（Phebe）或9221 6101（Maggie）

香港黑貓會第六屆冠軍貓展
內容：設有六賽圈，每圈有一位不同評判，評審所有參賽貓，再選出十隻作第二輪評審，並排名次及點評
日期：2019年1月19至20日（星期六、日）
時間：10:00am-8:00pm（19/1）、11:00am-8:00pm（20/1）
地點：香港寵物節2019 灣仔會展Hall 3 BCDE
報名方法：網上報名http://entries.cfa.org/onlineEntry.php
名額：預計約 50至70個（4組共250個名額）
費用：報名費$550
截止日期：2019年1月12日或至額滿止

#貓展
#香港寵物節PetShow
#PetShow2019
#香港寵物節2019
#國際寵物用品博覽
#毛城城 #MoCity
#寵物 #pets

#################
一站式寵物資訊平台-【毛城城MoCity】，想睇更多有關寵物嘅猛料? 記得上 www.mocity.com.hk 喇！