非常羨慕嗰啲睇一次就可以過目不忘嘅人。事關我記野一定要做齊三個steps：一，理解完，二，抄出嚟，三，背出嚟。（仲要唔一定記得🤪 但唔做就一定唔記得） 每次買完本簿，最難嘅就係開頭，因為會好想畫到靚靚先開始，但美術天份不足，所以每次都無開始過咁濟🤪 又或者寫完兩、三頁，覺得寫得唔靚，就會中途放棄🤪（要放棄一樣野，原來真係可以有好多荒謬嘅借口🤪） 所以，後來決定放棄呢個無聊嘅完美主義執着。用最普通嘅配置Blue Ball Pen + 1 Colour Pen + 1 Highlight Pen 就算。 最初我好鍾意幼筆咀，成日買Hi-Tech C，雖然寫啲字靚啲，但相對用力好用多（可能因為筆幹唔太好揸），最主要嘅問題係佢成！日！斷！墨！每次用完塗改液，塗改帶，都好難再寫上去，所以唯有放棄。中間都試過好多枝筆，e.g. Juice up，但佢同Hi-Tech C一樣都係墨水筆，都有相近問題，所以我多數只會用佢Colour Pen系列，mark重點🤪 （白色筆幹啲Colour 係sharp色啲，但Colour Pen其實最sharp，CP值又高嘅應該係Muji，不過佢太水了，相對唔夠幼，所以我無咁常用）。 最近重投原子筆嘅懷抱，可以即時係塗改液上面改野對我太重要了！最近愛筆 —— Uni Jetstream 真係寫得好smooth！寫得smooth，出墨出得好嘅重性在於可以慳番手腕啲力！仲有筆幹好楂，啲字會相對無咁樣衰😗... 工欲善其事，必先利其器。 温書考試，揾到一枝培養到感情，又好寫嘅筆，簡直係畫龍點睛！如虎添翼！同揾到一個好嘅補習老師一樣重要！哈哈 #最近愛筆分享 #studywithluck #YYLAM #CHINESE #DSE #2021DSE #2022DSE #2023DSE #中文 #中文一應俱全 #STUDYGRAM