【MK果實能力者】
MK・Ringo：燒安全套都可以無二噁英？

上個星期就同大家講過下舊式焚化爐會有大量二噁英嘅原因，又有人話，安全套成舊都係膠，咁焚化爐咪唔燒得安全套囉。咁今個星期就講下新少少嘅爐，有咩處理二噁英嘅方法啦。

其實依家你上網搵，歐洲、美洲同亞洲都有唔少嘅垃圾焚化爐係運作嘅，咁不如我哋就用近少少嘅日本用緊嘅焚化爐嚟講下啦。

https://www.env.go.jp/en/recycle/smcs/attach/swmrt.pdf

喺日本，目前應用緊嘅焚化技術主要可以分做三種，Stoker Furnaces （我都唔知中文叫咩）, Fluidised Bed furnaces（流化床）同埋Gasification Furnaces（汽化）。呢三種嘅焚化技術都係用高溫去燃燒垃圾⋯⋯好啦，呢句係廢話。其實對比起以前嘅焚化爐，依家嘅技術除咗溫度高咗，多咗能源回收之外呢，最大嘅分別就係喺燒完之後嘅動作啦。

上次我哋都有提到，以前嘅焚化爐燒完垃圾，走出嚟嘅氣體基本上係直接排走嘅。
但當唔同人開始對啲排放氣體同污染物開始表達關注（大約喺19世紀開始），就開始有唔同嘅技術開始咗研究。

去到依家呢，唔同國家同地區都有法例或者指引（例如歐盟嘅Directive 2000/76/EC），去控制焚化爐氣體排放。而要做到呢啲標準，其實就要靠喺燒完之後，裝一舊煙道氣體處理 Flue Gas Treatment 嘅裝置啦。

https://global.kawasaki.com/…/environment_r…/waste/heat.html

一般嘅煙道氣體處理，都會包含咗幾個方法去應對唔同嘅污染物嘅。咁不如我哋就集中睇下處理二噁英嘅設備啦。

第一個，就係一個快速降溫嘅降溫器。喺焚化爐入面燒完嘢，走出嚟嘅氣體嘅溫度係會好高嘅，如果嗰個爐係有處理二噁英嘅設計，係至少會去到850度嘅。上次我哋都有提到，二噁英嘅原材料喺200-400度嗰陣就會組合成二噁英。如果我哋任由啲氣體慢慢自行降溫，當啲氣體落到去200-400呢個範圍嘅時候，就會提供咗一個完美嘅環境俾二噁英組合啦。所以就有咗呢個會用水快速拉低氣體溫度嘅降溫器，好快咁將啲氣體嘅溫度拉到去200度樓下。呢個氣體降溫嘅過程其實係不停用水去吸收氣體嘅熱力，換個角度睇，我哋亦都可以煲到水。因此喺部份嘅設計入面，呢個降溫器會叫做Economizer。煲咗嘅水就會拎咗去用，咁就唔會浪費咗呢啲帶有能量嘅水。

第二個，就係一個活性碳嘅處理塔。活性碳係一種可以吸附（Adsorption)住二噁英嘅物料嚟嘅，如果你將有二噁英嘅氣體，一嘢噴入去一枝放滿咗活性碳嘅柱入面。
氣體入面嘅二噁英，基本上都會俾啲活性碳啜住晒嘅。咁除咗啜住之外，又有冇方法係可以分解咗啲二噁英呢？當然有啦，就係用催化物去分解二噁英（Catalytic Denitration)，將佢哋轉成二氧化碳，水同埋酸啦。

https://www.shokubai.co.jp/…/pr…/environment/de-dxn_cat.html

不過，其實二噁英有好多種，喺唔同研究入面都會見到無一種方法可以完全咁樣處理好晒啲二噁英嘅，所以唔少嘅廠房都會用多過一種嘅處理方法去處理二噁英，總之就係唔想佢哋走到出嚟，而唔係好似啲警察同啲官咁，明知有事同你講無事無事。

無事？得！ 黃錦星，陳肇始你哋同我每日索廿粒國產催淚彈啦！

（本欄逢周六更新。敬希讀者垂注）

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
HappyKongner 招稿喇！！！

我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。

有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！

納稿標準：合乎邏輯，文句通順，言之成理即可，不過編輯部同事比較嚴謹，大家自己小心。

【MK果實能力者】
MK・Ringo：燒安全套都可以無二噁英？

上個星期就同大家講過下舊式焚化爐會有大量二噁英嘅原因，又有人話，安全套成舊都係膠，咁焚化爐咪唔燒得安全套囉。咁今個星期就講下新少少嘅爐，有咩處理二噁英嘅方法啦。

其實依家你上網搵，歐洲、美洲同亞洲都有唔少嘅垃圾焚化爐係運作嘅，咁不如我哋就用近少少嘅日本用緊嘅焚化爐嚟講下啦。

https://www.env.go.jp/en/recycle/smcs/attach/swmrt.pdf

喺日本，目前應用緊嘅焚化技術主要可以分做三種，Stoker Furnaces （我都唔知中文叫咩）, Fluidised Bed furnaces（流化床）同埋Gasification Furnaces（汽化）。呢三種嘅焚化技術都係用高溫去燃燒垃圾⋯⋯好啦，呢句係廢話。其實對比起以前嘅焚化爐，依家嘅技術除咗溫度高咗，多咗能源回收之外呢，最大嘅分別就係喺燒完之後嘅動作啦。

上次我哋都有提到，以前嘅焚化爐燒完垃圾，走出嚟嘅氣體基本上係直接排走嘅。
但當唔同人開始對啲排放氣體同污染物開始表達關注（大約喺19世紀開始），就開始有唔同嘅技術開始咗研究。

去到依家呢，唔同國家同地區都有法例或者指引（例如歐盟嘅Directive 2000/76/EC），去控制焚化爐氣體排放。而要做到呢啲標準，其實就要靠喺燒完之後，裝一舊煙道氣體處理 Flue Gas Treatment 嘅裝置啦。

https://global.kawasaki.com/en/industrial_equipment/environment_recycling/waste/heat.html

一般嘅煙道氣體處理，都會包含咗幾個方法去應對唔同嘅污染物嘅。咁不如我哋就集中睇下處理二噁英嘅設備啦。

第一個，就係一個快速降溫嘅降溫器。喺焚化爐入面燒完嘢，走出嚟嘅氣體嘅溫度係會好高嘅，如果嗰個爐係有處理二噁英嘅設計，係至少會去到850度嘅。上次我哋都有提到，二噁英嘅原材料喺200-400度嗰陣就會組合成二噁英。如果我哋任由啲氣體慢慢自行降溫，當啲氣體落到去200-400呢個範圍嘅時候，就會提供咗一個完美嘅環境俾二噁英組合啦。所以就有咗呢個會用水快速拉低氣體溫度嘅降溫器，好快咁將啲氣體嘅溫度拉到去200度樓下。呢個氣體降溫嘅過程其實係不停用水去吸收氣體嘅熱力，換個角度睇，我哋亦都可以煲到水。因此喺部份嘅設計入面，呢個降溫器會叫做Economizer。煲咗嘅水就會拎咗去用，咁就唔會浪費咗呢啲帶有能量嘅水。

第二個，就係一個活性碳嘅處理塔。活性碳係一種可以吸附（Adsorption)住二噁英嘅物料嚟嘅，如果你將有二噁英嘅氣體，一嘢噴入去一枝放滿咗活性碳嘅柱入面。
氣體入面嘅二噁英，基本上都會俾啲活性碳啜住晒嘅。咁除咗啜住之外，又有冇方法係可以分解咗啲二噁英呢？當然有啦，就係用催化物去分解二噁英（Catalytic Denitration)，將佢哋轉成二氧化碳，水同埋酸啦。

https://www.shokubai.co.jp/en/products/environment/de-dxn_cat.html

不過，其實二噁英有好多種，喺唔同研究入面都會見到無一種方法可以完全咁樣處理好晒啲二噁英嘅，所以唔少嘅廠房都會用多過一種嘅處理方法去處理二噁英，總之就係唔想佢哋走到出嚟，而唔係好似啲警察同啲官咁，明知有事同你講無事無事。

無事？得！ 黃錦星，陳肇始你哋同我每日索廿粒國產催淚彈啦！

（本欄逢周六更新。敬希讀者垂注）

---------------------------------------------------------------------
HappyKongner 招稿喇！！！

我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。

有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！

納稿標準：合乎邏輯，文句通順，言之成理即可，不過編輯部同事比較嚴謹，大家自己小心。