Casio 以往有透過 Pro Trek 系列推出 Wear OS 平台智能手錶，而旗下 G-SHOCK 亦都有推出過自家平台嘅智能功能手錶，不過大家都好期待，究竟 G-SHOCK 幾時會推出第一隻行 Google Wear OS 嘅智能手錶呢！依家終於有消息喇！呢隻第一款基於 Wear OS 嘅 G-SHOCK，G-Squad Pro GSW-H1000，嚟緊 5 月將會喺日本推出，今日就同大家介紹下！

Alfred Mak 麥卓華 #GShock #WearOS #GSquadPro #GSWH1000 #Z世代達人

Casio G-Shock 終於推出運行 Google Wear OS 的智能手錶 G-Squad Pro，應該會比之前運行自家系統的 GBD-H1000 好用吧。

dcfever.com/news/readnews.php?id=30347
更多手機新聞：
-----------------------------------------------------------

用家福音：WhatsApp 將支援 iPhone 與 Android 資料互傳
dcfever.com/news/readnews.php?id=30348

Wemo WiFi 插頭試玩：HK$230 將舊電器變成智能家居一部份
dcfever.com/news/readnews.php?id=30220

LG 宣佈結束手機業務
dcfever.com/news/readnews.php?id=30341

Casio G-Shock 的 G-Squad Pro 系列智能手錶 GSW-H1000 保持著 G-Shock 硬朗運動的特質，採用防水防撞防撞膠殼，內建雙層螢幕以及首度採用的 WearOS 系統
http://pc3mag.com/casio-g-shock-gsw-h1000/
#Casio #GShock #GSquad #GSWH1000 #WearOS #PC3
————————————————————​
👇記得Follow埋小編我哋PC3嘅帳號哦❤️​
MeWe:https://bit.ly/3mvanuO​
Facebook:https://bit.ly/39zmTG8
Instgram:https://bit.ly/3gZz7b2​
Youtube:https://bit.ly/37mQDdG10
————————————————————​
設定小編我哋PC3專頁「搶先看」❗優先取得科技生活著數玩樂情報​
設定教學：https://bit.ly/335Fwwp

Casio G-Shock GBD-H1000 成為咗2020年其中一款大熱嘅智能手錶，之前同大家介紹過GBD-H1000 gbd h1000 喺訊息顯示同埋基本操作嘅表現，今日就同大家睇下帶住佢做運動又掂唔掂呢？gshock開箱

GBD-H1000 內置獨立嘅GPS感應，唔使好似平價版 GBD-100 咁要駁住電話先可以紀錄跑步嘅行程。等我熄咗手機嘅藍牙，確保我隻gbd h1000無連接住手機，再試下呢個功能先！

叫我跑就跑唔郁喇，健步就仲可以嘅。開始之前，要㩒一㩒左面嘅大掣，GPS就會開始接收，當顯示GPS訊號已連接嘅時候，就可以開始呢次嘅健步。

一路行，都可以隨時check到心跳、距離以及即時嘅基本數據。因為G-Shock系列本身就襟撞同埋完全防水，做運動就可以好放心唔會整壞隻錶喇。好喇到步，等我㩒停個計時先！

除咗可以喺隻錶上面睇到每次運動嘅基本數據之外，當GBD-H1000 再次連接手機同步數據之後，你可以透過G-Shock Move App，睇到運動嘅路徑、時間、同埋好多其他嘅數據！好多朋友都唔知嘅係，G-Shock Move其實有Web版 https://cws.casio-intl.com/landing.html，你可以透過同一個 Casio ID，登入Web版睇到更清晰嘅資料分析㗎！

另外，GBD-H1000 亦內置咗指南針、高度計同埋氣壓計，對於行山同埋要紀錄行程、高度嘅朋友嘅講就最適合適合喇！

電量方面，一般日常使用嘅計時功能，可以透過太陽能充電，而開啟訓練模式同埋GPS嘅功能，可以透過附送嘅USB充電線幫隻錶充電，大約充2.5鐘，就夠最多14小時嘅紀錄！

#gbdh1000 #gshock #GBDH1000開箱

G-Shock推出咗全新 G=SQUARD GBD-100 (gbd 100)，價格親民，同之前推出嘅 GBD-H1000 有乜嘢唔同呢？今日就同大家睇下！ gbd-100-1 gbd-100開箱 gbd h1000

Casio G-Shock系列近期推出咗一系列嘅運動型智能手錶，繼之前介紹過嘅GBD-H1000旗艦系列之後，好多朋友都想知道我手上呢隻 GBD-100 喺功能上有幾大分別呢？今日就同大家睇吓！

GBD-100 可以話係 GBD-H1000 嘅平價版本，兩隻手錶嘅外觀差唔多，不過其實拍埋一齊，就睇到GBD-100比GBD-H1000 明顯細隻啲，戴上手亦輕唔少，對於唔鐘意戴太大隻錶嘅朋友來講，反而會啱心水。

GBD-100 支援連接智能電話，只要下載 G-Shock MOVE app，除咗可以對時之外，當你手機收到推送消息嘅時候，手錶亦都有相關嘅提示，仲可以睇埋部份內容。GBD-100亦有來電提示功能，做緊運動或開緊會就唔洗下下拎部電話出嚟！另外，透過連接手機，戴住GBD100去行山或者健步，都可以有路徑紀錄，喺App入面就睇到相關嘅資料㗎！

GBD100 相較 GBD-H1000 缺少咗心率監測功能，亦無內置嘅GPS，所以如果戴住GBD-100行山想記錄路徑，就一定要黐住部電話先得喇。不過GBD-100都內置咗步數計，配合你輸入嘅個人資料，同埋用G-Shock Move App作一次性嘅調較後，都可以喺獨立運作嘅情況之下粗略估算步行距離同埋消耗左嘅卡路里。

我覺得較為可惜嘅係，GBD-100 無太陽能充電嘅功能，內置電池可以使用2年左右。不過作為智能錶，唔洗下下充電亦不過為一個好處嘅。

Casio G-Shock GBD-100 最大嘅賣點就係HK$1280嘅建議零售價喇！慢慢搵下細舖，隨時唔洗$1000就買到！除咗我手上面嘅白色之外，亦都有深藍同埋全黑嘅顏色選擇。對於想買隻跌得撞得又可以駁電話嘅智能錶來講，GBD-100都係一個啱價嘅選擇！

G-Shock Smart Watch 2020 - G-Shock推出咗全新嘅 G-SQUAD GBD-H1000 ，比對Amazfit T-Rex 及 Garmin系列嘅智能手錶，GBD-H1000支援太陽能充電以及心率測量，仲有GPS功能，配合 G-Shock Move App，手機訊息提示都可以在 GBD-H1000上預覽。今日就同大家做個 GBD-H1000 開箱測試！

Casio 嘅 G-Shock 系列一直深受歡迎，但係去到智能手錶嘅領域，Casio 一直就用 Protrek 系列配合 WearOS 掛帥，而且款式唔多，G-Shock 迷都有啲失望。G-Shock 近日推出咗一系列嘅智能手錶，唔知又會唔會啱 G-Shock 迷嘅口味呢？

要介紹嘅就係呢款 G-SQUAD GBD-H1000 系列嘅 G-Shock 喇。秉承一貫 G-Shock 粗豪嘅風格，GBD-H1000 以招牌大錶面做生招牌，戴上手手感舒服，亦都相當型仔，除咗我手上面嘅全黑色之外，仲有另外三隻顏色選擇。200米防水、「襟」撞呢啲 G-Shock 基本功能就唔洗我多介紹，等我拍埋之前大熱款 Rangeman 俾大家睇睇......

有別於傳統嘅 G-Shock，GBD-H1000 配上反白點陣錶面顯示，配合背光嘅 LED 燈，更靈活顯示時間同埋唔同嘅資訊，相信係 G-Shock 系列智能錶嘅新標準。操作方面亦都同之前嘅 G-Shock 有啲唔同，以左面上、下兩粒掣作為選擇嘅選項，左面中間嘅大掣就係確定，操作似以前嘅功能手機，戴慣 G-Shock 嘅朋友可能要重新適應喇。另外，呢個系列亦都支援太陽能充電同埋 GPS 訊號接收，我哋都會為大家測試同埋介紹。

GPS 其中一個用途就係可以作全球對時，正常喺夠電量同埋室外陽光充足嘅情況之下，隻錶都可以自己以 GPS 較正時間，亦都可以人手，用 GPS 做對時個喎⋯⋯ 搞掂喇！

GBD-H1000 系列可以連接電話使用，換上咗新推出嘅 G-Shock Move 手機應用程式，而唔係用之前嘅 G-Shock Connected App，功能上亦有所提昇。等我下載呢個手機應用程式先！打開應用程式，就要先設定 Casio ID，都係輸入番簡單嘅個人資料，確認埋電郵，OK 喇！跟住就按畫面嘅指示，長撳手錶嘅左上掣，喺 Menu 揀番 Pairing、再撳 Connect，喺手機畫面再揀「新增」，咁就連接成功！第一次使用嘅時候輸入埋身高同體重，咁就用得！另外，手錶接駁咗手機，亦都會通過手機嘅時間作對時之用。

相信最多朋友關心嘅，就係 GBD-H1000 嘅訊息提示功能喇。當你接駁咗手機之後，當你嘅手機有提示訊息收到嘅時候，手錶就會同步收到相關嘅提示預覽，再入去就可以睇到訊息嘅詳情，繁體、簡體都一樣無問題㗎！另外，如果收到電話，呢隻錶亦都會發出提示接聽，雖然功能唔及 Android 嘅WearOS 同埋 Apple 嘅 watchOS 強，不過作為運動型嘅智能錶同埋日常使用，都足夠有餘啦！

好多朋友都鍾意戴住 G-Shock 做運動，究竟呢隻錶喺呢方面嘅功能得唔得呢？而心率測量嘅功能又掂唔掂？電力又夠唔夠呢？ 等我試多幾日，下集再同你講！

《Z世代達人》
麥卓華