在吉隆坡OUG 开了一间 做Wrap（卷饼）的店 3 Bytes， 还挺有意思的。 就试了他们新鲜滚热辣的新Menu ： Korean Pork Belly Gochyiang Wrap（图4）， 韩式五花肉卷饼， 有点辣， 但非常可口。
我自己非常喜欢他们的 Eggs & Luncheon Meat Wrap 午餐肉蛋卷饼（图5）， 满满的馅料， 一咬下去非常饱满， 非常满足， #好好食 #好好味

《或者存在的不存在職業 –　記憶修復中心》

我已經70歲，對70歲嘅人嚟講，
活多一日嘅定義，就係忘記多一日。

或者，每個人嘅記憶，都有上限。
可能就係得87600個小時。

所以眼睛接收多一秒影像，腦入面就會Delete幾個 bytes，
無可避免，亦唯有接受。

下午嘅公園長椅，尚有我呢個老人嘅位置。
對於我嚟講，未來冇咩意思，所以回憶成日常。

我多數會諗起老公。
佢死得早，但係佢喺我人生中，佔有最重要嘅位置。

每日散完步，我就會喺長椅上，
諗佢、諗到日落、諗到攰、諗到離開...

只不過，有樣不爭嘅事實，
對老公嘅各種影像，都慢慢模糊、慢慢忘記、慢慢變成殘影...

就算我拼命回憶；逼自己記住，
畫面都好似砌圖咁，
逐塊脫落，慢慢消逝。

腦海嘅影像由清晰、起格、跳格，再雪花滿佈。

冇辦法之下，唯有打開電子儀器，
睇返一啲相，補完記憶中消失嘅拼圖。

但係有啲時刻，根本冇影到相。

記得當年喺日本自駕遊，相機冇晒電、架車死埋火，
但眼前景色卻係櫻花滿開時。
我哋就咁坐喺地下，笑咗半日。

簡單，但難忘。
諷刺嘅係，難忘，最後都係會忘記。

孫女知道我嘅情況，帶咗我去一間高科技大樓，門牌寫住「記憶修復中心」。
睇名，都大約估到係咩服務。

工作人員親切咁向我講解：
「婆婆，等我簡單解釋畀你聽。
你個年代，咪有啲電腦Harddisk數碼修復服務嘅，當電腦有啲File 唔小心del咗，或者讀取唔到，有啲公司就幫你Recovey返啲File。

經過幾十年嘅努力，我哋對人腦嘅了解更完善，已經可以為人類嘅記憶作呢類修復工作。」

我年輕時都試過應用「掃描大腦搵失物」嘅服務，明白當中道理，所以選擇問重點：「已經消失嘅記憶，又點回來呢？」

工作人員打開投射機，畫面上係大腦結構：
「呢個部位係腦部顳葉，海馬迴嘅位置，海馬迴主要管理長期記憶。

人嘅記憶退化都係因為海馬迴嘅老化，我哋會通過激光同微電流，將佢再次活化，提高返長期記憶嘅儲存量。
而之後，請睇睇呢張相。」

屏幕顯示一張充滿黑點嘅相片。
「記憶數位化之後，相入面嘅黑點代表住人類忘記嘅部份，
你哋回憶會模糊，就係因為一啲畫面已經局部忘記。
我哋嘅儀器可以Auto修補，憑色科天氣時間地點分析估計，去補完返呢啲黑點。真實度達99%！」

聽到呢度，我覺得唔太妥：
「即係...補完嘅記憶，有啲只係出自機器嘅估計？」

工作人員一呆：「嗯...你可以咁講，但因為有啲黑點，真係修補唔到，先至用機器。
但準備率好高，例如呢個係大海，中間嗰粒黑點都一定係海。唔需要擔心。」

我笑笑：
「咁如果畫面入面，個男人隻左手，似係舉起一隻手指，但太多黑點，唔知係食指定中指。咁電腦會點估？」

工作人員有啲緊張：
「應該係食指，一嚟普遍啲，二嚟中指唔係太禮貌。」

我苦笑：
「我先生呢，生前最鍾意舉中指同我開玩笑。」
＝＝＝＝＝＝＝＝＝＝＝＝＝＝＝＝＝＝＝＝＝

最後，我冇採用呢個記憶修復服務。

點講呢...腦海之中，如果有啲記憶，係由電腦估計而合成，
咁仲係唔係我嘅回憶？

那怕只係一塊櫻花花瓣，我都唔想係「偽做」出嚟。
就算得返殘影，至少我仲保留緊一份真實。
至少喺回憶呢個範疇，我唔想有電子儀器嘅插入。

孫女似乎好擔心我，
成日向我介紹唔同新科技。

佢呢家副隱形眼鏡，可以做埋攝錄機，8K極清像素。
佢話：「婆婆我幫你整返對，咁你由呢家起就可以起低所有嘢！唔怕唔記得啦。」

我依然婉拒佢嘅好意，只留低一句：
「直至科技可以記住所有嘢，
我先發現無嘢再需要記住。」

對老人而言，
想記住的，已非眼前的一切。

人家說，死前每個人都有一幕走馬燈。
我雙手合十，希望上天讓我看多遍櫻花滿開嘅一幕。

日復一日，月復一月，
每次都因諗返起而笑；每次唔記得都會喊。
我依然努力記住每個情節。可惜力不從心。

當日頭上嘅，係櫻花定係衫樹，已經忘掉。
老公的左邊臉已消失，下半身也早化成煙。

但今天我很固執，比任何一天都固執。
偏要諗返起不可。

下午嘅公園長椅上，
我開始諗佢、然後發現諗唔起佢、但都要諗佢、諗到日落、諗到攰、攰到再諗唔到、攰到身驅慢慢向後倒...
直至我離開。

離開前嘅一剎那...
嗯...我終於見返佢啦。

多謝你，完咗我嘅心願。
原來係櫻花。
佢又舉中指串我啦。

下一次，一定幫相機充電。
係，一言為定。

= = = = = = = = =

其他不存在的職業系列Album：https://goo.gl/xh4bbt
如喜歡可以輕輕一Like~

其中推薦：
《失物尋回服務員》：https://goo.gl/LFL6B5
《婚宴搭枱人》:https://goo.gl/mVZpa8
《死亡剪片師》https://goo.gl/le9re9

Ig:cheungson88
*會慢慢Up嘢上去