【美國】交友程式Tinder及Bumble封殺國會示威者 據《華盛頓郵報》報導，交友程式Bumble及Match Group旗下其他交友Apps（Tinder、Hinge、OkCupid、PlentyofFish及Match），正喺到封殺國會示威者，更有其他用戶自發扮「同路人」去「釣」國會示威者用戶，收集證據畀FBI。 Bumble喺Twitter表示：「我哋禁止發布任何煽動恐怖主義或種族仇恨內容，並已經刪除所有被確認有參加國會示威嘅人帳號。」而Tinder母公司Match Group發言人就向《華盛頓郵報》表示：「我哋旗下所有Apps已經並將會繼續封禁，被FBI通緝及與國內恐怖主義有關用戶，並且配合執法部門進行調查。」 除咗官方出手封殺，有其他用戶表示要盡「公民責任」，喺Twitter上分享各種「釣」國會示威者攻略，例如將居住地改為「Washington DC」及政治立場改為「Conservative」，將懷疑係國會示威者嘅用戶向FBI舉報。據《華盛頓郵報》報導顯示，FBI已經收到超過10萬宗嚟至社交媒體嘅舉報個案。 睇嚟交友Apps騙子除咗呃錢、呃感情、呃飯食，依家仲會扮「同路人」套你料再「篤灰」。 #美國 #TINDER #BUMBLE