［安踏新高！］10倍股呀！我真係買到！但又點？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折

TLDR：買得細嘅講乜都假。當然，好過唔買。

1. 我等「資深投資者」（即係廢老），就梗係持老賣老，正如阿叔都問你睇過告魯夫踢波未。咁講股票嘅，我同我啲股友（即係，成班廢老），都有一連串嘅入門問題問下啲小朋友，睇你見過世面冇。

2. 例如乜？例如，你供過股未（唔止隻嘢供，要你有份供）？我就供過無數次。進階版嘅，你申請過超額供股權未？試過隻嘢畀人GO（General Offer，唔係電車GO）未？收過tender list未？試過隻嘢畀人私有化未？試過隻嘢畀人收購未？拎過實物股票未？試過收實物分派未（實物分派唔等於牆紙）？試過隻嘢同對家換股票未？試過隻嘢爆煲（當然係消失咗先算爆煲，100蚊跌到1蚊唔算）未？去過股東會未？投過票未？借過孖展未？買過Pink Sheet未？—以上種種，我全部試過。

3. 不過，仲有一個比較有趣嘅指標：你中過10倍股未？當然係買正股先計，賭波買馬唔計。買輪都應該唔計。

4. 聽落唔難，但其實都唔易。遇到10倍股唔難，買過都唔難，大把人都幾十蚊買過騰訊。我本人都200蚊買過Tesla（拆股前喎！），但坐唔到尾嘅，全部唔計。

5. 10倍股呢個概念，好似係Peter Lynch講起，ten bagger十個乞兒。蔡東豪後來發揚光大。但，真係唔係咁易。但又唔係冇可能喎。

6. 拿，以下呢隻，就係十倍股啦。安踏昨日創埋新高，升到你唔信。我就真係死都唔信。大陸民企，福建佬，姓丁。你懂的。

7. 不過，早排都好似講過，「唔信先要買」。呢個昨日我同諗Sir嘅節目都有講。好多人睇文見到我咁寫，都大感不解，心諗你條友精神分裂的？唔信仲買？錯啦，就係唔信先要買。因為，tail risk，投資最重要嘅五個字：「如果我錯呢？」。

8. 我用買保險嘅講法，你就明晒。正路我都唔會忽然死咗嘅，但，如果會呢？咁你會唔會話「你係咪預自己今年死於非命先，你唔信嘛，咁做乜買保險」？

9. Anyway，絶無造假。呢個1129，係%，唔係銀碼。就係升咗11倍（定12倍？是但）。我特登拉埋隔離個買入價畀你睇。

10. 咁但，重點係乜？重點係：如果我買咗幾球嘢，就退得休了。但，得嗰一手！
11. 你心諗，屌～～～。係，我都係諗呢句！

12. 係喎，皮幾嘢變十幾萬，ten bagger十個乞兒呀，pretty good啦。「但早知買多啲」。但我由頭到尾都唔信間公司嘛，「所以真係唔信先要買」。

13. 不過仲有一個教訓：你計投資回報，梗係計你成副身家。或者計你嘅net worth增長咗幾多（咁一路會有新錢入）。否則我成世唔買其他股票，只係話你知我個倉升咗1129%，有春用咩。

14. 自抽埋自己，咁例如我啲朋友，買層樓收租，一年嘅回報，已經多過我乜鬼10倍股啦。

15. 呢個亦都得罪講句，係我同好多小朋友讀者講嘅。你人工兩三皮嘢嗰啲呢，最應該投資嘅係自己，正職又好兼職又好寫Patreon又好賣相又好乜都好，諗下點提高收入。

16. 固然投資一定要趁早，但唔易的，你而家呢個年代，兩皮嘢人工你儲得幾錢？誘惑又多，好容易去幾次日本就冇晒啦。我唔係咩富人，但都叫中產啦下話？叫做實現咗階級上流啦（即係，我人工高過我老母老豆，當然我老母買咗幾層樓係後話），咁好大程度都係靠加人工。冇人工點投資？

17. 你個本太細，講幾多%都冇乜意思。我皮幾嘢變十萬蚊添，但對我生活係咪有實際影響？又冇喎（你話球幾嘢買落去就唔同，幾球嘢更好）．最搞笑係有啲，因為錢少，想搏多啲。呢個先係錯到九彩。後生嘅，冇乜優勢，但最大優勢正係時間，可以鬥長命。邊有咁撚笨柒唔要自己個優勢？梗係同你慢慢碌。

18. 所以，煩氣一句，你100萬身家拎10萬贏咗5萬，你嘅回報係5%，唔係50%。我就成球成球咁買落去的，唔止一次節目都講過，我戶口係長期唔會有六位數字的，一有十皮嘢以上我就身痕，點都搵啲嘢買。Stay Invested，always bullish，你幾撚時見長淡有發達？

19. 當然，你仲係堅持覺得我係仆街死財演昆你買股票呃你佣嘅。先唔講我已經冇返工，亦唔講我從來冇叫人去任何券商開戶或買股票。最重要又係嗰句：你老味你個倉幾億貨呀（係嘅唔拘！盡情鬧我！）？你睇下出面收多佣？你個倉要幾大，啲佣先夠阿叔打次邊爐呀？阿叔一個月打邊爐都幾千銀啦。

20. 啲人就真係閪撚到一個點，對佢好，免費文，仲要屌返你轉頭。我好撚記得舊年3月啲網友點撚樣留言話我叫人買股票害人去死呀，經濟大蕭條嘛，日日死緊好多人嘛

21. （而講真，你買股票輸錢，關我撚事？我拎支槍迫你買？咁撚大個人，可唔可以盡返少少責任？）

22. 最後一個諗法：幾時批股呢，可？4200億市值呀，傻的嗎？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

我之前見過一隻錶的廣告，覺得用中國時鐘做錶面設計幾得意幾有意思。就在女兒 #Olam 收到心宜升讀的中學 #聖士提反書院 取錄通知的一天，剛好在當天突然有朋友約了我到生產這隻錶的公司和老闆閒聚，又剛好我一進入公司就見到這隻錶在飾櫃展示，二話不說就買了這隻錶，更在限量188隻中抽到111號，送給 #屬牛 的Olam 紀念這個 #牛氣冲天 的日子！
I saw a watch advertisement before, and found it a little trivial and interesting to use a Chinese clock. On the day when my daughter received the admission notice of the middle school #SSC St. Stephen's College. It happened that a friend suddenly called me for an appointment at the comoany that produced this watch on the same day. So I went to te company and had a leisure time with the boss. It happened that as soon as I entered the company, I saw this watch displayed in the decoration cabinet. I bought this watch without reservation, and I got No. 111 in the limited edition of 188. I gave this watch to Olam. On the back of watch printed with 牛氣沖天 #Bullish! Olam's #Zodiac #Ox!

#陳翱霖 #OlamChan #物輕情義重 #紀念價更高 #陳繼宇 #JasonChan #DrJasonChanJP #UNDONE

［恒指跌750點，又如何？］舊文自覺寫得不錯，收視都理想，不過多數人都話太長。陰功，寫沙士樓價股價經濟，三千字都太長。即係最好一句話佢知買唔買。咁咪已經話你知：2003年，香港股樓根本冇因為沙士大跌過，講完。前者肯定係，後者其實都係係地。（http://bit.ly/2Uc1hrJ）

1. 黑期恒指跌750，哦。實情呢啲香港交易時段以外嘅嘢，只供參考。新股暗盤價都唔一定係第朝個價啦，大陸人又放假香港人又放假，有幾多人買新加坡黑期？不過正係呢啲時段可以殺錯良民，甚至wag the dog 影響返正價。

2. 咁其實恒指跌750點，都冇乜好出奇。講緊2.7% —　舊年升市，都有3日係咁情況。如果你講2018年更不得了，5日有呢啲跌幅—最勁嗰日係跌5%，1600點。講緊兩年前唔夠嘅事。

3. 更加唔好講咩金融海嘯呀（一日13%，收市喎，唔係只係掂過）之類。亞洲金融風暴呀（一日14%）。再遠啲？87股災一日三成幾。六四之後嗰日，一日跌22%。呢啲就叫大鑊嘢啦。唔係咩出完蒙面法有傳媒報「暴跌」500點

4. 所以股市係有波幅的，怕嘅，就返屋企湊仔好啲。但如果係有食力嘅（最主要係，有錢嘅），呢啲波幅就係你嘅機會

5. 沙士又如何？的確最近磅係沙士。咁，咪寫過咯（http://bit.ly/2Uc1hrJ）。沙士時恒指高位去低位都不過係跌6.5%。其實高位已經隊咗4%（十日前咋），加埋呢度黑期嘅，應該夠數。

6. 當然啦下，this time is different，你不能跨過同一條河兩次。世界如棋局局新，唔會重覆一樣。但只講呢啲口號係廢的。我地好似阿叔（？）講波講江津咁，講埋點解有嘢唔一樣嘛。

7. 好簡單，唔係疫症傳染幾多或死幾多人，都唔係重點。而係舊文寫過，沙士之前，2000年科網爆破之後仲有911，指指已經連跌3年，2000年跌11%，01年跌25%，02年再跌18%，死未。甚至去到03年，沙士前都係個個月係咁跌，失業率亦都係高位　—　即係，個市本身已經好殘，好平

8. 而家呢？就唔多同。恒指舊年都升9%，前年（18）就跌14%，但17年升36%—就肯定唔係沙士之前幾年嗰啲情況，絶對冇咁殘。同時間，失業率之類亦都係低位。

9. 所以你話今次跌得多過沙士？都有理由嘅。

10. 咁幾時買得？年初五咪買得咯，唔改期開市的話（A股就改咗）。問嚟有乜意思？唔信嘅都係唔信架啦。

11. 唯一可以話你知係，其實歷嚟疫症之類，一定係恐慌跌多，然後發現影響冇預期咁大。實情你睇而家啲疫症，講緊死一千幾百人，真係證明醫學昌明。100年前西班牙流感，死5000萬人！嗰時世界人口仲要係而家六/七份一。近年嘅都好，南亞海嘯都死幾十萬人。至於經濟影響云云，一樣係高估，你睇沙士亦不過係一季GDP跌咗1%都唔夠，下一季已即彈。況且，邊個話股市跟經濟行？仲未學精？

12. 記住，Be bullish（估下呢句嘢係邊間投行嘅slogan？夠老先知）（＊）

13. 抄返舊文一句：唱好根本唔係盲目，Optimism is a Default Setting．唱淡嗰啲先係盲目，亦都多數死清光。

14. （＊）答案係美林，Merrill Lynch，有冇留意佢個logo係隻牛？諷刺嘅係，美林早在金融海融自己沒頂。同樣地，另一間我記得slogan嘅，係德意志，A passion to perform，近年亦都好大鑊。反而高盛呀，大摩呀嗰啲，我係唔記得 slogan嘅。啲Slogan CEO可以留意下呢個例子