［可能係全香港第一篇雞煲新股分析］成日有人投訴我啲文太多字，今次保證多圖，少字。

其實太多圖，建議你都係上medium睇。

今期最juicy嘅新股，必定係呢隻。一品雞煲火鍋。正是嗰間一品雞煲火鍋。上主板添呀。未正式招股，未有定價之類，但已經有初步文件。

香港邊爐舖，應該唔係咁多人寫過。大陸就有嘅。

自己睇飽佢，我以中文版為主（http://bit.ly/2FFDeIu）（講真，係為讀者啫，我未寫文前全部都睇英文版）。頁數方面，以佢本嘢印嘅頁碼為準，唔係你PDF嘅頁碼。

第2頁，大家最關心嘅，生意額。可能冇你想像中咁多，7間舖夾埋都係1億7。呢度冇寫（第度有）啲舖幾大，冇乜意思。當然如果你熟到7間舖都知幾大嘅，不如去做股東。

第4頁，產品。特登比英文版你，自己估下中文係乜。之後會開估。第一段應該估到墨魚滑蝦滑，第二段就唔易了。

第6頁話埋你知，利錢如何。1億7生意，賺2300萬左右。13%純利率，還不錯。但留意生意越做越大，純利反而係咁跌。競爭大掛？人工又加租又加。

第22頁，技術詞彙。太令人失望了，唔解咩係墨魚滑或者紅鮋，至少都講下咩叫雞煲嘛。

第28頁，風險因素。頂你，自家雞汁都講知識產權。好似可樂或肯德雞配方咁得兩個創辦人知每人得半包溝埋先整到？咁緊要應該學澳牛炒蛋秘方咁去瑞士銀行開個保險箱鎖住佢。

第53頁，行業概覽，不同風格，長知識了。幸好佢冇寫牛丸魚蛋腸仔，否則我會好似盧少蘭咁司法覆核，去挑戰「落腸仔唔係叫打邊爐，係叫作賤自己」

第53頁，行業概覽。香港嘅打邊爐市場，70億。好似好多？其實唔多。計返7百萬人，每人先1000蚊一年—「我一個月都唔止」。

第53頁。所謂餐廳租金壓力係一個myth，飲食業人工係加得快過租金嘅。

第55頁。我打邊爐基本上只係食牛。好貴的說。完全係被針對。每年8%咁加上去。人工有冇年年加8%?

第72至73頁。拿，唔好話Open Rice 新假期冇用業配文打手呀。拎獎可以登上招股書的。

第84頁。拿，呢度就見真章啦。隔行就八重山，唔好以為開旺區好。至少你睇到呢間公司呢，新界啲舖好快回本，九龍都不錯，港島嗰間就明顯係異類。啲港島客就口荷包立，要求多多扮撚晒嘢。記得供咗樓先好嚟打邊爐呀。但你睇，幾個月就收支平衡架啦，多數舖一年就回本。所以點會唔加你租？因為你比得起嘛。

第84頁。拿，唔係我老作。公司都特別拎銅鑼灣出嚟講。租又貴過人，但啲友又唔係消費多過新界仔。

第86頁。拿，呢個表就正啦。首先，雞煲就唔係拉麵舖，冇得「五輪真弓」。一晚做兩枱客好叻架啦，多數都係一枱。而且除咗荃灣旗艦店，係冇乜點做外賣嘅

另外。你睇？銅鑼灣間舖係唯一一間輸錢的。原因？租貴一截，但啲友都係食兩舊水多啲之嘛。

第86頁。公司產品。靚靚相．鴛鴦雞煲英文叫乜？答案係：Chinese bullfrog chicken hotpot

100頁。名就叫雞煲，但採購最多，以金額計，依然係牛肉！兩間雞夾埋都未夠佢多。牛肉真係好貴的說。

112頁。你估新假期流架？

180頁。其他收入。你見到有小費。我理解係真係貼士，唔係加一。你睇香港人幾咁節儉。全年先4皮嘢貼士。7間舖喎！一間7千蚊，全年喎。咪一日廿蚊？邊有咁少呀？落咗格？

最後，一路都係嗰個myth，所謂嘅飯錢去咗租金度。yes and no。租金佔生意一成幾未到兩成。

另一迷思係打邊爐慳返員工錢。真係？你發現，人工先係最大支，佔超過兩成的。

大家记得订阅哦 https://goo.gl/yp7i1g
我的 Instagram https://www.instagram.com/afuthomas/

▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
? 德国外卖！https://goo.gl/nrvKFs
? 1888元的小龙虾！https://goo.gl/r6knJq

很多人一直想知道德国单身美女的想法，他们择偶标准是什么？他们觉得结婚前要同居吗？他们单身开心吗？正好安雅来到上海了，我们就请她吃牛蛙火锅，边吃火锅边聊一些网友们的问题！


中国 美食 重庆 四川 hot pot 麻辣 阿福 台灣 家常菜 美国 hong kong 香港