💛#黃店迷請留意 #pancake迷請留意 #窩夫迷請留意 屯門紅橋一帶原來超多美食，下次會想直接去果頭搵食先！大家食完野可以去埋隔離紅橋打返個靚卡！ 依間日式主題甜品店主打梳乎厘班戟同窩夫，仲有刨冰同熱食如章魚燒，環境佈置有個燈牌同固力果樣，好有心齋橋feel🤣 我哋嗰日閒日星期四4點去到，因為我哋有三個人一定要分開兩張四人枱冇得就咁隔住膠板，所以等足成20分鐘😟多人食想食就要早啲 ———————————————————————— 👓炙燒焦糖布甸梳乎厘班戟 $86 得兩塊pancake所以其實唔算話特別平。梳乎厘班戟選用日本雞蛋和北海道3.6牛乳，同出面其他相比佢個顏色賣相係偏黃，可能因為用咗日本雞蛋同加咗好多蛋黃🤨但質地係好鬆軟又夠厚身，但又唔會太勁空氣感似食緊空氣唔夠，重點係唔笠口！面頭睇到有層焦糖脆同吉士醬，唔太甜，不過焦糖感覺唔夠強烈有點少失望。有個雲呢拿雪糕球，不過雪糕偏甜似雀巢嗰啲質素麻麻地🤣 評分：7.5/10 👓小丸子紅豆抹茶麻薯窩夫 $66 除咗單點仲有窩夫套餐，七十幾包杯指定款式飲品，一杯嘢飲都閒閒地廿幾蚊啦所以叫餐幾抵。有四舊窩夫+雪糕球+toppings，食到你飽一飽😋 佢唔係嗰隻脆皮底脆身窩夫，因為佢係麻薯質地，真係好食！尤其當你鍾意食麻薯嘅話你會覺得佢內裏質地煙韌有咬口。而且佢嘅抹茶醬好回甘！甘香抹茶醬又多醬汁，同窩夫好夾😋仲有好多小丸子同紅豆toppings! 但敗筆在個雪糕球😕似雀巢嗰啲質素，又甜又冇抹茶味 評分：8.5/10 👓凍朱古力靜岡烏龍奶茶 跟餐+$0 一句概括晒：奶水倒左落杯烏龍茶 勁淡嘅朱古力味，隱約有啲奶茶味，然後好輕微烏龍茶味，最後得出係複雜嘅味。因為朱古力味太淡又有啲奶茶味所以味道似奶水。如果叫返其他正常嘅飲品其實加十蚊跟套餐真係好抵。 評分：5/10 ———————————————————————— 🥞GPS4 Souffle Pancake排行榜🥞 之香港篇🇭🇰 1.窩子 2.Flipper’s (藍色商家) 3.A Happy Pancake 4.Cafe & Pancakes Gram 5.PAN de PAIN Pancakes & Sweets 6.HeySoNuts 7.茶聊 8.玉子造屋 9.有料案內所👈🏻 10.東海堂(藍色商家) 11.am.pm 12.たまご園 13.雙生館 14.I love you dessert bar 15.Bove 16.Ocio 17.飲吧 18.Aroma Dessert Cafe . 另類鬆餅🥞 1.Cafe&Meal MUJI 2.3rd Space 3.HeSheEat 4.I Love 戟 - 日式班戟專門店 5.紅磡雞蛋仔 6.The Third 7.Séan Cafe 8.Urban Coffee Roaster 9.高興 10.Say Cheese ———————————————————————— 📍 有料案內所 屯門井財街15號金銘大廈地下3號舖 ———————————————————————— 💛 #gps4黃店 地點：#gps4屯門 類別：#gps4pancake #gps4窩夫 ig name：#gps4food #hkig #hkfood #852food #hkfoodblogger #hkfoodie #foodpics #hkfoodstagram #hkfoodlover #香港好去處 #美食好推薦 #食好西 #屯門美食 #yellow屯門 #屯門黃店 #pancake #梳乎厘班戟 #班戟 #waffle #窩夫 #有料案內所 #黃店地圖 #懲罰黃店

好耐冇係葵廣大掃特掃，盡量避免多人嘅地方啦，不過現今葵廣真係唔算多人 🤣 今次頭炮就係章魚燒，但唔係章魚無雙，而係由屯門出嚟嘅屯の大阪章魚燒，比起之前原本嘅四隻味之外，出多咗幾隻味，初初見到鹹蛋黃想食，但原來果啲新口味大部分係冇賣，所以真係唔知個 menu 印出嚟做咩 🤡 食咗唯一新口味就係火炙熔岩芝士脆脆 $32 有 6 粒，味道方面的確豐富，係章魚燒上面燒咗層熔芝，再係熔芝上面灑咗啲芝士脆脆，口味都幾重 ok 嘅，但可惜燒過頭，而且個皮都幾淋，老老實實章魚無雙好食啲，不過同路人就支持下 💛 - 屯の大阪章魚燒 葵芳葵涌廣場 3 樓摩登世界 1 號舖 - #葵廣掃食排行榜 (分先後)(只作參考) 1. 伏 (黃金一字骨雞翼) 2. 貓麵 (大碗足料撈麵) 3. 卷之屋 (手卷反卷) 4. 態度 (燒鵝肝) 5. 甜圓 (三色芋圓豆花) 6. 無辣不歡 (麻辣手撕雞手卷) 7. 魷味 (邪惡玉子燒) 8. 民族風味 (轉轉燒雞肉卷) 9. 任我點．掂 (芋圓地瓜圓麻糬愛玉凍) 10. 麻辣真漢子 (麻辣串燒小食) 11. 泰風 SO (泰式海南雞撈麵) 12. 呦呦鹿鳴布丁燒 (熱食伯爵茶布丁燒) 13. 餓霸 (窮西薯條) 14. 水記 (蒜香雞扒撈) 15. 屯の大阪章魚燒 (火炙熔岩芝士脆脆) 🌟 16. 回味無窮 (撈麵) 17. 大阪一 (拓餅魷魚燒) 18. 雲石小姐 (雲石流心蛋糕) 19. 烤焗工坊 (芝士大啡菇) 20. Bove (雙重芝士梳乎厘班戟) 21. 潮食閣 (極邪惡芝士拉絲棒) 22. 紫天招 (芥末蟹子青瓜手撕雞撈麵) 23. 金坂瀛 (元祖炸彈燒) 24. 壹茶 (蛋糕奶茶) 25. 巴蜀小吃冒菜 (麻辣燙) 26. 辣妹來了 (麻辣燙) 27. 芋口普茶 (脆香芋條) 28. 茶芝味 (芝士抹茶奶蓋) 29. 林昌記 (黃金蛋) 30. 地道小食 (花膠魚唇翅) 31. 三和 (四川涼面) 32. 放肆一番 (手卷) 33. Makers (玫瑰女神冰) 34. 泰糯米 (三色糯米飯) 35. 大滿足 (手卷) 36. Tosiman 墨西哥卷專門店 (最值得的人卷) 37. 皇麵線 (蚵仔麵線) 38. 上海灘 (原味蛋糕珍珠奶茶) 39. 純茶 (經典珍珠奶茶) 40. 貢茶 (珍珠奶茶) 41. 公和荳品廠 (芋圓豆花) 42. 櫻井屋 (手卷) 43. 丸茶手作 (黑糖珍珠鮮奶) 44. 悟茶 (黑糖珍珠鮮奶) 45. 小確茶 (黑糖珍珠鮮奶) 46. 九份茶舍 (全港最伏四色豆花芋圓) - #窮豬葵芳 #窮豬日式

🌸#girlsfoodies甜品#girlsfoodies屯門 🌸 【黃店💛 #GF_List 】 Please like and follow @girlsfoodies 🥰😋 ⭐👉🏻評分: 8/10 —————————————————— 紅橋黃店林立，呢間開業半年左右嘅有料案內所，有好多小食甜品選擇😻！價錢仲要唔貴～ ————————————————— 🔹炙燒焦糖布甸梳乎厘pancake ($82) 〔配雪糕、士多啤梨及藍莓〕 🔹珍珠奶茶窩夫($68) 〔配奶茶雪糕、奶茶忌廉、珍珠、地瓜圓及芋圓〕 🔹士多啤梨藍莓芝士奶蓋刨冰 ($36) . . 以為佢36蚊細細碗啦，點知臉盆咁大！幾個人share都得，奶蓋超濃芝士香，就好似茶飲店芝士系列嘅刨冰版，雖然刨冰未算好細膩，但帶微莓香又靚，加埋煉奶鹹鹹甜甜咁，無得頂🍓 . 班戟勁動L 🥰 面頭有一層薄薄嘅焦糖，外層炙燒至脆身、食落好香好有蛋味，好似食緊蒸蛋咁濃🤣 班戟嗒落鬆軟微甜，帶點蓬鬆空氣感，不至於食落一陣風，不過就唔係超綿密嗰種疏乎口感，似Bove😏 . 窩夫係鬆軟型，個人覺得外面再脆啲會更正，另外紅豆同珍奶似乎有啲九唔撘八，不過奶茶忌廉同雪糕茶味都好香濃，又唔會甜到漏，啱啱好～😍 . . 🤙🏻: 價錢算幾平，60幾蚊食到成個窩夫，刨冰真係勁抵食，另外仲有鹹食炸物，可以一戰～ . . ✨ 有料案內所 ✨ 📍 屯門井財街15號金銘大廈地下3號舖 ⏰ 1900-0200 | 星期一休息 .
.
.
. . #黃店#hkfoodie #六大訴求#hkfoodblogger #珍珠奶茶 #香港人反抗#沙冰#梳乎里班戟#窩夫#芝士奶蓋 #刨冰 #香港美食#懲罰黃店#米豬連#相機食先 #屯門美食 #良心小店#黃色經濟圈#蛋控#班戟#香港加油 #有料案內所 #黃色小店#hkfood#奶茶控#屯門黃店