Empties 16 . 🔹Attenir Cleansing Oil @trialandshare 大推嘅卸妝油💕卸得又快又乾淨，唔嗱眼，過咗水覺得好清爽，皮膚冇不良反應。我嘅用法係full makeup落2 pump, 有底妝冇眼妝就1 pump，打圈捽完之後沖下對手再捽，然後過水。不過有時用完入咗眼，隻眼會有啲blur。唯一缺點係好難買😂要去日本專門店先有。佢同Fancl係同一間公司，Fancl我都覺得好正好好用，而且冇blur眼問題，但差不多嘅價錢Attenir嘅容量比fancl多55ml。有機會我會回購🤘🏻 #skincare_herine . 🔹Sana豆乳美肌洗面膏(試用) 混油/油肌學生平價之選😀初初以為佢行保濕路線，用用下覺得比較啱油人用，唧少少已經起到好多泡，洗完乾淨唔崩緊。 . 🔹Antipodes Aura Manuka Honey Mask (試用) 其實我用完好耐😂之前有做過詳細review有興趣可以自己㩒tag睇下，簡單黎講就係好適合秋冬天暗瘡爆發期用嘅面膜。 #mask_herine . 🔹Obagi Vitamin C Serum 10 plus V.E. 難得一件睇到明顯效果嘅護膚品！呢枝係維他命C原液，質地係油狀但其實唔係油。用三四滴就夠，冬天嗰陣搽吸收得好快，但夏天嗰陣有時搽太多，要等兩三分鐘先吸收得晒。用晒成枝最明顯嘅效果係整體膚色均勻咗好睇咗，紅印都淡得幾快，所以如果啱啱爆完瘡得返堆印，用呢枝就啱晒。不過我唔建議生緊暗瘡嗰陣搽，怕太刺激令暗瘡惡化。一開咗就要每日都用，因為當佢接觸到空氣或者陽光就好容易氧化，氧化嘅特徵係會由透明變成黃色再變橙色，顏色越深效果就會越冇咁好，所以開咗之後要盡快用晒。另外如果早上都搽，記得記得要搽埋防曬！同系列仲有5同20選擇，5比較啱敏感肌，已經用咗10想重點搽可以揀20。仲有就係佢陣味真係好臭，超強勁藥水味，對氣味敏感嘅人要留意返。 . 🔹Biore UV Aqua Rich Watery Essence SPF 50 PA++++ 之前已經用咗兩枝，我嘅評價都係「質地一如以往好水好好推亦易吸收😉但我唔覺得佢好保濕😹追求清爽防曬呢枝係唔錯。」 #sunscreen_herine . 🔹Lancôme Advanced Genifique Youth Activating Concentrate 香料味太勁一黎已經扣咗分，佢都幾易吸收嘅，但吸收完唔覺得好保濕，亦唔覺得對後續嘅護膚品有任何影響，搽完有啲黑人問號。我洗完面後第一樣野搽嘅就係呢枝，係咪我用得唔啱？🤔 . 🔹Origins Drink Up 10 Minute Mask 幾經辛苦終於用晒(其實係用晒好耐我自己唔知😂)，唔明白點解佢咁紅咁多人推介，我敷完唔覺得好保濕或者好滋潤，又係黑人問號。 . 🔹廣源良菜瓜水 . 🔹Plus White Whitening Plus Stainguard Toothpaste 覺得冇乜特別🤔啲牙冇黃但唔覺有白到🤔 #OralCare_herine . 🔹Nude Story Shampoo & Conditioner (試用) 我覺得係比較啱油頭皮嘅洗護產品，之前做過詳細review😀 #hair_herine . 🔹L’Oréal Elseve Extraordinary Oil High Shine Mask 唔好當佢係髮膜，佢只係一盒潤啲嘅護髮素，都係用返fino啦😂 . #empties_herine