［吼～～～］又新高了，美股五連跌又如何（扯，跌五日先2%）？

TLDR：係呀，好貴架啦，兩年半前都好貴的，之後再升咗250%。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 有啲話，刁你求其提過又計。咁固然呢隻唔少Patreon讀者有買。咁但，即管唔好計我「提」嗰時。由我買落去，2019年9月嘅事，剛好兩年前。兩年升250%，一萬變三萬五。咁你都唔滿意嘅，我就唔知點安慰你了

2. 咁當然，唔係隻隻升咁多，有啲輸到趴添，但上星期個週末專題貼過晒我所有股票出嚟。咪有個魚缸溫度計？咁你咪當equal weight（＊），都80%回報啦。（嗰行我有公開FB貼出嚟，你可以自己計）。

3. 「幾耐80%先？」。我又真係冇統計喎，咁怕且唔係幾個月，咪幾年咯。咁你個個可以一個星期升幾倍嘅，就唔使睇我啦。但我自己就相當滿意。

4. 我又使唔使識整光刻機？ 人地識整就得啦！我地呢啲坐冷氣房嘅，就係做呢啲嘢架啦。

5. 真架喎，任你點講，但講到尾，買股票，就係夾錢同人做生意，咁簡單。咁李嘉誠使唔使識落石屎？

6. 又講真，美股5連跌啦下。你又可以好多「不利因素」，我都識講。民主黨左膠又話加股息稅嘛（但，股市在民主黨帶領下升多哦定共和黨下升多啲？你話呢？），蘋果單官司又不利判決勢將打擊服務收入嘛，嚟緊仲有債務上限添，仲有通脹又高添 — 跌嗰時你咪講呢啲咯。

7. 我只係知道，之前N咁多次叫買ASML，一般嘅反應，都係覺得太貴。咁其實人之常情，見到歷史新高要再飛入去，心理上係唔易克服嘅。另外，亦唔止係bias嘅人之常情，背後都有合理嘅原因，應該好少人可以覺得間公司唔勁，但，「點都有個價嘛」。

8. 的確係咁，ASML已經係全歐洲第二大市值嘅公司。你可以估下第一大係邊間，本人都有持有的。

9. 你問in this context 歐洲包唔包英國？包！但，英國有大公司架咩？HSBC？周恩來話齋：「英國最大市值嘅公司？在愛爾蘭。或者印度。或者新加坡」（＊＊）

10. 咁所以，ASML，作為一間3500億美金市值嘅公司，你話要呢啲位升多5倍10倍，我諗都幾難。因為全球最大嘅蘋果都只係25000億。當然啦，講到尾都係時間，可能過幾年堆FAAMG去到50000億，甚至10萬億呢？蘋果過去3年都升咗4倍。

11. 況且，我係2019年9月同你講ASML嘛。嗰時ASML一樣係歷史新高。今日嘅day high係聽日嘅day low．

12. 固然你可以話事後孔明，但肯定2019年9月，唔係買股票最好嘅時機。買咗半年就全球股災啦，係咪？咁我有冇take profit？或者有冇「止蝕」？隻嘢一樣高位跌三成架！

13. 當然我冇叻到低位撈到（哪有錢？況且，亦都冇膽）—但Patreon寫過N次啦（其實係Peter Lynch講，熟讀唐詩三百首嘛，條友好似寫詩的），你同我唔使做到9分10分的，你有7分已經十分好，因為好多人根本係自爆的（＊＊＊）。例如2020年肺炎股災嘅例子，你根本唔使叻到低位撈。你只要唔好做傻仔低位沽走就得。

14. Ignore the boos，因為They usually come from the cheap seats．2020年3月，呢度成班花生客係咁鬧我，仆街死財演仲叫人買股票你有冇良心（話時話，方榮記休息兩星期，冇得打邊爐）。你知唔知好大鑊呀（係喎我唔知你先知，拿，呢啲咪暗中嘅自大）。聯儲局印銀紙解決唔到疫情呀（係喎，但又如何？）。經濟重創呀（so？）。好多人失業呀（我失業大半年添，so？）

15. 講真的，呢個Patreon搞咗一年多啲，都係相當順風順水—我唔係講我，係講個市場！呢啲唔係常態嚟旳。你永遠要有心理準備，面對更加惡搞嘅市況。2020年3月？都唔算最惡搞，你見我都冇乜壓力，因為嚟得快彈得快。反而2018年嗰種由頭跌到尾先惡玩，仲要係差不多個個市場都跌。

16. 投資者永遠係矛盾，亦係巴金的。我都係。見到52週新高，梗係唔敢買，事實美股估值點都唔係話平。但你話想等調整？唔好話舊年3月個個鬧到七彩，「咁驚丫嘛，咁大件事」，係丫，但唔係咁大件事點會有得跌三成？

17. 我就當，10%回調你去買。舊年3月到而家都冇出現過，係咪？但呢個唔係常態嚟的。美股即使係十一年牛市（2009-2019），十一年入面，有七年都有10%嘅回調，即使係大牛市都係咁。但，換著而家高位跌10%？即係道指跌3500點？我保證你個個都話牛市玩完。換著跌20%？道指跌7000點？我保證個個都鬧我仆街死財演冇良心累人輸錢

18. 以上呢啲現象呢，都有啲人明，至少我Patreon啲讀者都會明。但我同你都係人嘛，知易行難的，你梗係有情緒，股市就係三分科學七分藝術，而嗰七分藝術往往大部份就係情緒。

19. 點克服？我Patreon同本書都有講。最簡單，唔好上咁多Facebook Twitter（除咗我個Page），唔好睇咁多股價，唔好同朋友講股票。係喎，聽落有啲反社會，但冇法的，呢啲就係取捨。廢柴梗係圍爐，成功多數都係孤獨啲。

20. 仲有？其實真係我本書有講（百二蚊真係好抵睇，講真的）。咪每個月投資，唔睇價，唔睇指數，唔睇新聞。總之買晒佢。升咗好多咩？照買。股災咩？又買。

21. 我買好多股票時都係咁，決定嗰日買，決定買幾多，就照買。你見到我亦都身體力行，我話買垃圾倉，話買日本股，係嗰日買幾多就買幾多，冇因為隻嘢大插或大升而唔買的。信自己，但唔好太高估自己。萬一你錯呢？

（＊）實情你會見到樣嘢：即使你買嗰時係equal weight，到後來自然就係跑出嗰啲佔比重多好多。呢個亦係幾有趣嘅一樣嘢：例如隻安踏，我買嗰時十幾蚊，而家百幾蚊。咁佢而家升10%，等於我「最初」嘅投資一個開了。呢啲就係……複利嘅威力。但必定係要時間。時間係投資者嘅朋友，但偏偏好多人係主動去趕佢走的，好似聽日末日審判咁，十分不智。

（＊＊） 認真，英國最大市值嘅公司Astrazeneca，細過愛爾蘭嘅Medtronic或者Accenture（又一走寶）。咁當然你可以話呢兩間都唔係真係「愛爾蘭」公司。走稅嘛，你懂的。咁但，Astrazeneca就肯定細過印度嘅Reliance 或者 Tata，甚至細過坡仔間冬海SEA（東南亞小騰訊喎，又一走寶，寫過但冇買）。脫歐真好。

（＊＊＊）呢個亦係我教書教會考班嗰時成日講嘅嘢，好多人根本係去到自爆的。固然我「鍾意」教精英班（我鍾意Stephy 鍾意李佳芯添），但亦教過Repeaters 之類，我都同佢地講，唔好同我講「冇數學天份」「由細到大好怕數學」「之前啲嘢都唔識」之類，固然呢啲都係問題，但大佬我唔係要你拎個A嘛，要你拎個合格，就真係唔難，差不多人人畀啲心機都可以。但你去到A Level就唔係呢回事啦，「因為會無啦啦自爆嗰班友已經消失咗」。同一個道理放落好多嘢都係咁。打工如是，投資如是。我本書都係講呢啲嘢。固然好多嘢唔係你控制，我亦都知道要講天份。但在好多遊戲，金字塔嘅底層，你只要稍為認真玩，稍為下啲苦功，已經勝過好多會自爆嘅人。當然你去到高層就唔係鬥呢啲了，上得嚟嘅個個都努力個個都有基本功架啦。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［大師冇點你］誰明白嘉年華創辦人行樂的精神

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月中開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 拿，真係大師冇點你，呢度都貼過，亦唔少讀者跟咗。星期一在蘋果直播都有講（但當然係 Patreon讀者最先知），寫嗰時21蚊，而家30蚊，差不多50%，兩個星期咋。

2. 更難得嘅係，呢兩日都係美股跌，而呢堆嘢逆市升。講真的，上星期三定四標普指數先搶新高，然後又有人話股災！回調5%都唔到咋，明顯只係佢渣嘅股災，梗係成手meme股（＊）。本身進取冇問題，買大賠大啫，但食得鹹魚抵得渴嘛，有日日升一兩成咁爽，就自然有返日日跌一兩成嘅日子架啦。咁嘅市都叫救命話股災嘅，咪證明你受唔到咁嘅風險咯。

3. 升市就股神，跌市就煙奴神，唔得嘅。何況股市已經係升多過跌，而升幅又多過跌幅，美股更明顯。

4. 不過真係有講點解，你見呢排都係明顯舊經濟股跑贏晒。經濟反彈，旅遊重開，通脹重臨。某程度上令債息之前急升，震散啲離地估值嘅meme股。咁你話舊經濟郵輪股又唔跌？因為估值殘。

5. 近日啲發展都係向呢個方向，美國話5月前可以夠疫苗畀所有成人打（小朋友呢？唔怕啩），另外，話分分鐘首季GDP可以反彈10%！美國喎，真係好多人有生之年未見過—但唔奇，因為舊年基數低，特別係3月。

6. 最後，唯一擔心嘅係，啲友會唔會唔敢搭郵輪啫。咁我最初都以為唔會，但講咗好多次唔好用你自己嘅喜好估個世界。Seeing is believing，Carnival 業績有講啲訂單好強，早排見其他公司出嗰啲180日郵輪，400萬一位（最高級啫，低級嘅40萬有）都極速賣晒。固然佢會分段唧啲出嚟賣，好似賣一手樓咁，但都係證明好多人「報復性消費」。況且派咗咁多錢。

7. 我就冇乜嘢貪，自己亦冇買，但讀者贏到錢。咁我而家最想就係升多兩三日，下星期我上蘋果節目可以鳩威下。

8. 呀順便講埋實戰，之前都有讀者（我貼過的）見市況好波動沽咗一半，但咁咪醒咯，斬邊留邊嘛，沽晒的話而家就dup春。係呀，唔科學的，純係人性嘅bias—但人就係咁嘛，你同我都係人。本人Master時其中一個研究領域（＊＊）就係behavioral finance 嘛（＊＊＊）。

（＊）雖然得一個音節，但都係讀 咪咪 親切啲。不能雪的咪咪

（＊＊）講到好似好多個「研究領域」咁，而所撚謂嘅「研究領域」都不過係睇過十本八本書，幾十份Paper咁。如果睇十本八本書就可以係「研究領域」，咁應該火麒麟都係我研究領域，肯定唔止睇過十本八本。真係可以做傳說中嘅PhD in （睇人）吹蕭 （文學加工啫，睇過港產鹹書，甚至未睇過嘅都知，點會有吹蕭睇？）

（＊＊＊）但嗰時「師傅」（行內都有啲人識架）有十分婉轉咁話我知，研究behavioral finance呢啲真係冇乜出頭天，永遠只係啲專欄作家嘅消閒讀物。佢明示或暗示我應該利用自己嘅數學能力，去做stochastic calculus 方面嘅嘢。咁我當然耶耶托尼耶耶耶，但陽奉陽違啦，咁佢又總唔會阻止我，都係畀啲意見啫，你想去死唔通阻你去死咩。但三樣嘢：第一，老細，我唔係要出頭天，唔係要讀PhD in whatever，本人諗住快手撈埋個Master返香港咋，冇盤川啦。第二，數學能力嘅嘢，我同你啲網友比就梗係勁啦，但即係籃球隊校隊隊長咁，出去校際就畀人數架啦，so many guys like you all over the world．天外有天，我嘅優點係唔叻但知道咩人叫做叻，見過勁人咪知自己廢，邊夠啲印度仔大陸仔嚟（嗰啲友癲的，個個都華羅庚陳省身 Ramanujan再世）。而最重要係第三：我有數學能力啫，但電腦盲嘛！編程盲嘛！咁當然可以淨做白紙stochastic calculus嗰啲純數統計PDF嘢（唔係Adobe，偏微分方程呀小朋友），但，屌，咪又係變咗冇發圍，咁不如都係behavioral finance算，快靚正—所以我咪做唔到quant 做唔到學術研究咯。你以為考個A Level一半時間做晒兼且知道滿分實A好撚勁（正是區區在下我本人），殊不知，又要講「足球小將」早田誠剃刀射球。呀大佬，呢啲嘢人地歐洲南美球員真係十分基本，最低消費啦。

而Warwick 甚至都唔係英國數學最頂尖嘅大學，你當李斯特城咁，歐霸位咋。不錯，本校同李斯特大學幾frd，一齊搞間醫學院添，當年Warwick冇醫學院的，由李斯特同Warwick合作搞一間，之後功成身退甩名—而Warwick 醫學院而家所在地，就係當年我上堂嘅地方！啲數撚畀人唔知踢咗去邊了。

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

【確認偏誤-投資陷阱】
聽說這檔股票會漲!我該買嗎?
在回答這問題前，先帶你認識
【確認偏誤】(Confirmation bias)

生活中常見的例子包括了:
【宗教信仰-(Religious faith)】
【目擊者的描述-(Eyewitness accounts)】
【媒體、資訊傳播-(News and information)】
以上三個舉例是在強調:
每個人的立場不同，看待事情的想法
一定會有分歧，導致【確認偏誤】的出現。

在投資時，我們一般會出現哪些確認偏誤的問題呢？
1.收集資訊的偏誤
2.理解資訊的偏誤
3.記憶資訊的偏誤

降低偏誤的方法?
學習知名代數學家
卡爾・雅各比提倡的【逆向思維】

1.檢視資訊來源
2.蒐集反面的觀點
3.跨出自己的知識圈

感謝閱讀:資料有誤、建議、想法等，都歡迎交流!

資料來源:維基百科、GuruFocus、NESS LABS、窮查理的普通知識(書)

圖片來源:
https://www.flaticon.com/authors/eucalyp
https://www.flaticon.com/authors/monkik
https://www.flaticon.com/authors/iconixar
https://www.flaticon.com/authors/vectors-market%20
https://www.flaticon.com/%20
https://www.flaticon.com/authors/freepik%20
https://www.flaticon.com/authors/
https://www.flaticon.com/free-icon/school_2412032