【玩物】BE@RBRICK x 歌川國芳浮世繪系列第三彈 今次係「相馬の古内裏」！ 日本玩具廠牌MEDICOM TOY所創作嘅BE@RBRICK，自2001年問世開始，就積極同各個界別合作，無論至今共推出超過吸引唔少名人、潮流Icon以及玩具迷收藏。繼聯乘浮世繪畫家歌川國芳《金魚づくし》、《猫飼好五十三疋》兩幅作品後，日前官方宣布推出第三彈，今次係以妖怪為主題嘅名作《相馬の古内裏》。 《相馬の古内裏》出自江戶時代浮世繪畫家「歌川國芳」手筆，內容取材至山東京傳小說《善知安方忠義傳》，描繪「平將門」之女「瀧夜叉姬」同手下「荒井丸」召喚出骸骨妖怪「餓者髑髏」，襲擊源氏家臣「大宅太郎光國」嘅場面。 今次嘅BE@RBRICK無論係手持捲軸嘅「瀧夜叉姬」、陷入死鬥嘅「荒井丸」同「大宅太郎光國」、定抑或喺巨型妖怪「餓者髑髏」都得一一還原，而且公仔背面更印上「歌川國芳」嘅綽號「一勇齋」。如果你本身好鍾意浮世繪，又或者已經擁有前兩作嘅BE@RBRICK（圖6），相信見到今次嘅作品都會心郁郁！ BE@RBRICK 歌川国芳「相馬の古内裏」系列共有1000%、400%及100%三種尺寸，1000%尺寸售價為63,800日元（約$4,510港幣）；400%及100%尺寸會以組合套裝形式發售，售價為16,500日元（約$1,160港幣），預計2022年1月發售。 #medicomtoy #bearbrick #歌川國芳 #浮世繪