一一依家有自己主意，會有自己想法想玩甚麼，細個的時候好嫌棄玩泥膠同沙，但有一日我發現佢拎咗我買的Pizza輕黏土材料包，自己開youtube跟住學整Pizza。

原來緣份到了就唔會怕污糟啦😂見佢有興趣我就投資少少買啲材料同用具啦，上網做下research，又問咗我個手工達人朋友，知道了坊間的workshop都係會用哪一種牌子，發現日本製的好少網店搵到，於是乎決定岀去中南書局走一趟。

一去到就見到我想搵的日本銀鳥小麥黏土同Hearty輕黏土，前者有好多好吸引的手工包，簡單易用，主題仲好吸引。後者係手工達人推薦，適合自由創作同前者補給物資用😂

#點解揀小麥黏土或輕黏土❓

小麥黏土同輕黏土相對泥膠無咁黏手，無咁碎，媽媽會覺得放心一啲，小麥黏土用小麥/米、水加鹽做成，小朋友就算不小心呑食都無咁驚(不代表無害呢！) 輕黏土製成品仲可以風乾定形，但缺點都係會乾，小朋友不能重複使用。

#黏土工具🧰

玩黏土周圍都有好多工具買，包括材料包附送的，Aeon Living plaza的，甚至乎係其他牌子的黏土套裝，其實小朋友大了，煮飯仔玩具都可以成為工具，再加幾把雕花刀就可以，玩黏土可以訓練小朋友學習運用不同工具，如果放手比小朋友Free Play，可以訓練小朋友的創造力和解難能力😄

一一因為BLW的關係，手指比較靈活，如果大家想比小朋友練小手肌，可以多啲玩黏土架~對於之後執筆寫字、用筷子都一定有幫助💖

照顧埋想網購的朋友，想買玩得來又有教育意義，可以考慮Playfoam，唔會乾同不黏手：

https://www.poppintoyshk.com/search-results/q-Playfoam (找我落單有85折)

或者係Eric Carle系列：
Eric Carle Dough 123 Count With Me
http://bit.ly/3bKt87i

喜歡食物的，可以考慮快餐套裝：
http://bit.ly/3bQxcmk

#玩黏土的約法三章

雖然說Free Play，但Free Play不等於亂來，都要在一個守規矩的環境下進行，每次同一一玩黏土，我都要她守規則：

1.不可以將黏土放入口

2.不會因為顏色混合了就再買新的，除非是乾了或用完了

3.每次玩完一定要清潔好

當然一一唔會咁乖守哂規矩，但都係一個學習的過程，無得返學唔等於無王管😆

講下講下，仲有一個月就放暑假了，之前儲落咁多手工小玩意，突然間覺得2個月長的暑假已不算甚麼了，大家同意嗎？

#一一小手作 #一一細說bb生活
#搓泥膠同搓麵粉差不多

【在家之日常：開心發現！食得落肚🇺🇸泥膠】
趁湯丸在家休養，開咗Little Pony HK - Pony Friends
韓國製圍欄一物三用，好動時可以瀡滑梯
又可以入籃籃 ⛹ 訓練吓大肌肉

講開大肌肉，自然就訓練埋小肌肉同手指靈活度🖐🏻
#玩泥膠 就最啱喇！刺激埋BB觸感

梵高爸爸帶開 #幼兒五感藝術探索班，深明BB玩得嘅
泥膠除咗手感，仲要安全，最好係食用級
今次俾我搵到一隻牌子 eco-kids

🇺🇸 美國製造
⚠️ 全天然
⚠️ 全人手製
⚠️ 顏色全取自植物及蔬果🍀
成份包括：胭脂樹紅、藍梔子、薑／薑黃素、紫薯、麵粉、鹽、有機玫瑰花油、大豆油等
⚠️ 顏色5⃣款
包括：紅、藍、黃、綠、紫

一盒五款泥膠，獨立tube裝，要封好
打開時濕潤度適中，如果偏乾，可以加椰子油搓軟

購自 Once Upon A Babe 歐美代購百貨店
上次買 playfoam 搭單入貨
爬文：https://www.facebook.com/story.php?story_fbid=2766617776732814&id=1655872061140730

免揉黑八寶麵包

回來已過了兩天，時差也調的差不多了，精神還不錯，就先來寫台灣做的食譜，在台灣没添購很多工具，所以做的東西也相對簡單，想自己做麵包給老爸吃，就用免揉的做法，可以不用揉麵也輕鬆，雖然沒揉麵團，但一樣可以做出鬆軟的口感，這次的麵包，我用市售的黑八寶粥，來簡化材料，八寶粥裡面也還有不少料，所以混入麵團裡，做出的麵包感覺也很有料，我有多加葡萄乾，所以口感及味道也會更豐富，切開做好的麵包，還看的到紅豆顆粒及紫米，也有淡淡的黑糖味，黑八寶是家裡現有的，雖然市售八寶粥牌子不少，但老爸喜歡有黑糖味的黑八寶，我就用家裡現成的材料做，想用其他牌子的八寶粥也行，我沒試過其他牌子，不知道裡面含水量是否相同，這是免揉麵團，做法相對簡單，只要拌成濕黏麵團即可，所以可以自己視情况調整麵粉的量。

材料： 高筋麵粉 240g 鹽 1/2tsp 速發酵母 1tsp 黑八寶 1罐 葡萄乾 60g 橄欖油 15g(用其他液體植物油或融化奶油皆可)

https://rulichsu.pixnet.net/blog/post/468923147-%e9%bb%91%e5%85%ab%e5%af%b6%e9%ba%b5%e5%8c%85

時間，魔力無邊。

醬料雜貨店正和隆，主打自家豉油、麵豉、甜醋，在上水石湖墟65年，如長流細水陪伴街坊每餐家常飯：蘸豉油魚更鮮，兩磚腐乳夠佐粥下飯；逢時過節爆薑下醬炆豬肉煮雞，豐腴滋味比得上酒樓大菜。

街坊就是鍾情這家醬料；但此情，差點成追憶！
想當年，老闆陳璧堃十足指腹為婚，不情不願從父親手上接過正和隆。做醬煮醋幾十年，沒有仇，卻賺得一身痛、半點恨；捱到65歲，把心一橫，擬於去年12月31日退休結業「脫苦海」。
怎料日月發酵，恨愛相生；準備離開，竟是徹底的歸來。

上水石湖墟巡撫街，水喉五金、紙紮、文具……生活小店當中有正和隆。店前西斜，老闆陳璧堃掛起紙皮遮光擋熱，裏外互相看不見，街坊是識途老馬，熟練地撥簾進出。小店不夠百呎，鮮有地整齊：樽樽罐罐不見有塵，豆類、雜穀一格格井然有序。所賣醬醋各有三五個品牌，店家出品的生抽老抽、原曬豉磨豉、甜醋和腐乳，售價貴幾元，卻最多人要。

「麵豉嗰日炆豬手炆得好靚，好食。」老街坊陳太一屁股坐在片糖缸改成的櫈子上，又告訴陳老闆：「我起碼一個月之後先行出嚟喇，因為腳痛要入院做手術。」今天她特意來入貨，買麵豉、豉油。

豉油，又恨又愛

陳璧堃，街坊都叫他「豉油佬」，皆因正和隆做豉油起家，他是第二代。上世紀40年代，父親陳根秀由南海來港，投靠開醬園的親戚做豉油；50年代初自設小工場做豉油、麵豉和甜醋，並在石湖墟開鋪。1955、56年間石湖墟被兩次大火吞噬，57年逐步重建，正和隆也在巡撫街現址重新啟業。

陳璧堃有四個姊妹，他是老三、排中間。「細細個住木屋，又是工場又是住家。兩個家姐睇鋪，我就周圍走，好百厭。」他怕父親，從來沒問過店名由來，只記得過年家中總掛一對對聯：「正直好生意 　和氣定興隆」。
「老竇無咩讀過書，點作到咁好嘅對聯呢？」他哈哈大笑，轉瞬又皺眉：「做豉油做醬好辛苦，畀我揀我唔會做，但我讀書唔成，無得走！」他是唯一的兒子，二十多歲結婚後即接手店鋪；太太負責鋪面，他負責生產。

「做豉油會有一陣罨味，以前真係要用手去攪，一攪，陣味就出嚟，我都接受唔到；不過，呢啲係錢嚟㗎！」
他的工場在上水搬過幾次，90年代初因為業主收地被迫結束，自此在古洞一間豉油廠掛單租場，只做半加工。譬如豉油，已交給豉油廠師傅做，仍用自家招紙。
「做豉油最緊要用料靚用料足，夏天有熱頭曬就香啲。」他說。當年他試過十幾間豉油廠，找到一間的味和香跟自己做的相似。「我知道佢哋用加拿大非基因改造黃豆，發璜（按：煮好的黃豆混入麴菌、麵粉）撈美國麵粉，比日本麵粉膠質重啲、好啲；我自己一個人做太辛苦喇！雖然利潤無咁高，我寧願用佢嘅豉油。」
現在店中賣兩款自家頭抽和一款老抽，其中一款頭抽名為「鮮味生抽」，用豆比一般的多三分之一，濃稠如漿，鮮而豉味極重，可算鎮店之作。

麵豉甜醋，親手做

豉油外判了，只有麵豉和甜醋，他至今堅持親手做。
麵豉，一般貨色是發酵豉油剩餘的豆渣，鮮味盡去，很多時需加味精增味。但他做的賣的兩款麵豉：原曬豉和磨豉醬（前者仍見豆狀，後者是磨爛幼滑版）都沒抽製過豉油，保持原汁原味。「以前我啲磨豉係出咗豉油嘅，價錢平啲，主要交畀酒樓整叉燒；後來我只做零售，銷量少，乾脆用原曬豉攪磨，一樣係靚。」
市面常見的麵豉都是啡黃色，他的麵豉卻深啡色，驟眼看黑糊糊。他解畫：「麵豉好似人一樣，曬得愈耐會愈黑，愈黑就愈香。生曬啲豆喺豉油缸入面，上面曬到黑，下面嘅較黃，所以要成日翻佢，將底下嘅翻上面，不斷循環。」
他65歲了，依然記得父親當年的話：「醬，做就好易，打理好難。」
「你做，用料十足，曬得夠，一定做得好。不過擺耐咗就會有罨味，你點可以調番正呀？所以，唔係整好之後就冚埋，你要時不時拎出嚟曬，畀啲醬見下陽光會香啲。」
醬沒加防腐劑，放不久，所以他每次只做一小批。現在天時暑熱，醬賣少了，他也做少一些，「過咗中秋慢慢好，麵豉賣得最好，啲人有番胃口，多咗炆嘢；我都做得密啲，每次過千斤豆，一個月多啲就要做一次。」

講到做醬，最辛苦的步驟還數煮醬消毒。「唉！我做一次，就痛一次。」 他摸摸腰部，肌肉已成硬塊，隱隱作痛。
「啲醬容易黐底容易燶，要不斷剷，隻鑊又大，你要伸手彎住腰剷。室溫又高，得把牛角扇吹吹下，我一個人連續煮幾個鐘頭，不停流汗，煮一次起碼要飲4公升水。」最後洗鑊更辛苦，因為腰彎得更低。幸好十多年前起，煮醬有機器輔助，輕鬆了，但幾十年積下的舊患，纏身不去。

煮甜醋，相對沒那麼費勁，但一樣要忍。他採用本地酒房出產的白醋，加薑、桂皮、陳皮、丁香等等藥材做成甜醋。「煮呢個醋，一大鑊，嗰種藥材味好犀利，十足催淚彈，醃眼！咳！」
甜醋，他賣自家的，也賣其他品牌，「各有各鍾意啦，人哋要八珍，你無，佢會走咗去；我哋自家牌子就賣貴五六蚊。」
這日街坊王太帶了手拉車來買醋，「我孫仔啱啱出世，買去觀塘畀個新抱。」她嫌其他牌子太甜，「呢間鋪頭出嘅特別香，舊年冬天隔籬個事頭婆用佢煲薑，成條街都香晒。」
有人記住，陳璧堃笑瞇瞇，說：「到天時冷，啲人鍾意煲薑醋食下；事實上年尾多人結婚，到第二年10月、11月就有BB出世，甜醋特別好賣。」
以前煮完甜醋，五六桶藥材他當垃圾倒了，後來有朋友老遠從跑馬地來上水要「下欄」甜醋陳皮，他才識寶，現在煮完醋會挑回陳皮，但為非賣品，「而家?下人，有熟客寒咳唔係好囉！」

老店，差點結業

做醬煮甜醋，入缸，搬貨，幾十年陳璧堃獨力做，「我哋小型生產，唔請人。無辦法！為咗……我唔知點講呀！」他瞄瞄跟前在幫手的大女兒和二女兒，苦笑：「賺到痛，之外都係痛！近十幾年，我個個禮拜日就好似返學咁，要去做推拿。」
去年他和太太邁向65歲，本擬12月31日退休結束正和隆；就在12月中煮甜醋時，從不在工場拍攝的他，忍不住拿手機拍下那鑊滾滾冒煙的甜醋，題記：「人生最後一次」。
「唔捨得㗎！」說着，他眼圈紅起來，思緒飛回去年底：「瞓唔着囉！直情神經衰弱。」有個星期天，他試不去推拿留在家，「電視睇完又睇睇完又睇，無地方去。」以前他想像退休「呢度去嗰度去」，事實上英國朋友早邀他去歐洲玩，他又買了「200蚊深圳通」，偏偏成行在即已失去興趣，一副心神無處安放。

決心分手，原來放不下。他三個女兒，十多年前已表明不想接手家業，臨別秋波，也發現情難捨。
店一直由他和太太合力支撑，沒請人。二女兒陳敏怡（Agnes）說，每逢過年店就最忙，三姊妹必定預留整個星期的假回來幫手，想不到自己成為了第三代傳人。陳璧堃笑言，由1月1日起店轉了她名下，自己變做顧問兼打雜。
70後的Agnes在銀行做了十多年，連MBA也讀了，兩年前工作太辛苦辭了職，「嗰時爸爸媽媽正計劃退休，我哋三姊妹都好開心，因為新年終於唔使返鋪頭喇！」
去年年底，他們通知熟客和包租婆不做，「啲客人同爸爸講：『你退休，咁我哋去邊呀？我由做女食到而家喇！』我聽到，突然之間好唔捨得。呢個招牌六十幾年喇！」
她問爸爸取帳簿算了一番，「都ok嘅！我想留住個招牌。」又游說從事文職的大家姐陳敏慧回來幫手看鋪，自己負責市場推廣。姊妹同心，盼可斷金，帶着正和隆走進2017年。

十年如一日

陳璧堃搖搖頭說：「我準備退休，以為可以脫苦海啦！結果有啲抑鬱，百無聊賴，個女話做番，我又好似開心啲。」
不過，他認為做醬這行式微了，尤其新界東北發展如箭在弦，古洞的豉油廠分分鐘無得做。「一收地，你一係返大陸做，但水準、原料難控制，而且豆都係外國嘅靚啲。」女兒正在搶時間，找新貨源、拓客路，像早前便去了樂富街市擺車仔檔，臚列自家品牌豉油、醬醋和腐乳。
幾十年來，陳璧堃和朋友合作生產腐乳。十多年前朋友搬廠上深圳，招紙也「均真」地印着「Made in China」，同屬正和隆招牌貨，輕柔鬆化而不死鹹。

醬料之外，40多年前陳璧堃接手時已兼賣雜貨。今天雜貨不多也不雜，而每種乾貨他只賣一款，都是精挑細選，譬如蝦子麵，找到第四五個供應商才敲定。
「搭下貨囉，要維持到租金嘛，而家都要1000蚊一日㗎！」陳璧堃說。
除了鋪租，過去半世紀上水翻天覆地，但對正和隆和陳璧堃而言，只是微細的漣漪，就像醬醋味道，始終如一。
「雖然間中都有自由行嚟幫襯，我哋主要做街坊熟客。有人搬咗出九龍、港島、大嶼山都返嚟買醬，甚至移民去外國，都會帶啲醬過去。附近有圍村，新年依舊會煮盆菜，用好多醬。」
七八十年代，他的豉油、麵豉曾交給酒樓，但經常被人拖數、走數，「好多次喇！千幾蚊都彈票，嗰個年代唔算少數目。咪搞啦！我寧願淨做門市，收一蚊就係一蚊。」弱水三千，他只取一瓢。知足，常樂。

夏日炎炎，酸梅麵豉蒸排骨夠醒胃，有街坊要炆肉，大喊一聲「混醬，唔該！」只見陳老闆從五個醬缸輪流舀出小半勺倒入透明膠袋，用繩一紮，遞與客人，叮囑道：「返去放雪櫃，呢幾日好用喇！唔係會變酸。混醬鹹㗎，加啲冰糖，炆鴨炆腩肉都快啲腍。」這混醬，有自家磨豉、黑赭油（類似星馬的黑豉油）、甜醬、麻醬和南乳，即叫即混，也是父親傳下來的基本味道，就在日月蒸煮當中，摻着陳璧堃幾十年調出來的小變奏。

正和隆
地址： 新界上水石湖墟巡撫街2號A
電話： 2670 3486