Bb做助教❤️
諗住呢個星期咩都唔做
淨係專心同佢戒人奶
俾多啲安全感佢
但唔記得咗仲要教瑜伽
我出門口既時候佢喊到失聲
最後連我嘅學生
都叫我放佢喺房到由佢玩
帶埋個仔上堂真係第一次🙈
好彩佢都唔係好嘈
#多謝體諒😘
#好多人問瑜伽堂
#但我已經無再收新學生😘

「太太，經過我地醫生疹斷之後，有個壞消息要告訴妳…」

這是我將要被推出去，進行腦部掃描的時候，胡思亂想出來的最後結果！我好驚！好驚電視劇的橋段真的會發生自己身上…

如果醫生話我腦內有個瘤點算？如果醫生話我之後只有幾年命點算？仔仔老公冇左我點算？

一連串自己嚇自己的幻想令正在做腦掃瞄的我喊到失聲，在旁的醫生嚇得以為弄痛了我那裡！

曾經，我好討厭老公對我說的一句話：
「BB訓左覺，你點解唔跟住訓？仲係度玩手機？」

作為全職媽媽，由早上起身一直照顧BB到晚上，一眼都沒離開過BB, 到晚上終於可以有少少時間，還我一丁點自由，去做自己想做的事，真的如此過份嗎？

當然，要在照顧BB, 工作再加上要有自己時間，當中要犧牲一點睡眠時間來成就Me Time是少不免的！

經歷了一整天作為超人媽媽的工作後，終於脫去了那強悍的外套，趕緊找時間做個mask, 上上網，碌下Facebook, 睇下YouTube，睇下書，寫下文，放鬆一下心情，再為明天儲起好心情的能量，犧牲點點睡眠時間也很值得呀！

原來，我錯了！

前幾天，已經是深夜12點多，我訓在床上輾轉反側實在睡不著，趁老公已睡得呼呼聲，我偷偷地打開電話睇YouTube，睇到累了才睡！

第二朝一早起床，我打開眼就感到天旋地轉，頭暈得下不了床，以為太累再讓自己休息一會，正至下午，開始感到呼吸困難，情況很不正常，我決定叫老公call 白車！

入了醫院，我連雙眼也不能睜開，因為一睜開就會暈，成個畫面就好像一個會轉的波板糖一樣不停在轉！因為暈，令我不停嘔吐，身體軟弱到連說話都很艱難！

我以為我得了什麼怪病！

直至醫生要我做腦掃瞄，我一直的不安去到了臨界點，一下子爆發出來！

幸好，最後報告一切正常，醫生估計是我耳水不平衡，耳石因黏膜減少而移位！經過幾天的休息，加上做物理治療，現在正康復中！

我相信這是平時透支了睡眠時間的惡果！原來健康可以一下子沒有了，毫無先兆，從你身上奪去！

在我嘔吐到好像內臟都要淘空的時候，我真的好後悔，沒有好好注意自己健康，自以爲身體一直沒毛病，就每天透支睡眠時間，平常又沒有多做運動，以後一定會好好注意！

今次的經歷是身體給我的警號，也希望給媽媽們一個借鏡，在平衡所有時間的分配，照顧BB之餘，享受Me Time之餘，最緊要有足夠睡眠和注意自己的健康！

我們要先照顧好自己，才能照顧好身邊人！作為媽媽，健康的身體真的好重要！我們有健康的體魄，才能令BB健康成長！希望我快d康復，可以快d和仔仔出去玩啦！

（謝謝老公和媽媽這幾天的照顧！）