[唱片烘]小弟係一個無乜購物慾既人,唯一一個嗜好係儲唱片。上過我地Band房既朋友都知,我有個CD Library 💽 (見圖,上下仲有一兩格)呢度大概係我2/3 Collection,屋企其實仲有🙊,都唔係太知自己其實總共有幾多隻(I think 1xxx),讀書嗰陣時就開始儲,以前中學嗰啲廣東歌...
[唱片烘]小弟係一個無乜購物慾既人,唯一一個嗜好係儲唱片。上過我地Band房既朋友都知,我有個CD Library 💽 (見圖,上下仲有一兩格)呢度大概係我2/3 Collection,屋企其實仲有🙊,都唔係太知自己其實總共有幾多隻(I think 1xxx),讀書嗰陣時就開始儲,以前中學嗰啲廣東歌碟都仲係屋企。
啲碟分哂Genre、排哂alphabetic order,我成日講笑話,如果有一日世界大災難Internet滅亡,咁我既唱片絕對係人類音樂文化救生艇之一 🤣 實體儲存!其實自從有咗Streaming我係停咗幾年冇乜點買,直至前兩年朋友送左一部舊Hi-Fi俾我地band房,feel到真係有唔同,好享受,自己家中都添置左一部Mini-Hifi 嘆下碟。☕️ 就算用iPod聽配合好嘅耳機,把CD轉成無損檔(mp3不了)似乎更加能夠聽到歌曲的細節和溫度。
其實儲碟有好多樂趣,unlike digital platform,例如你要打理、間中攞出嚟抹,打理得唔好會發霉或者跳線🔥 對於收藏者來講,要定時排列整理,因為你想搵一隻專輯來聽,亂起上嚟有機會搵唔到 (唔係話求其打個歌名search就解決到)
又例如你長年累月,慢慢去搜羅、集齊你目標既唱片、或者儲某啲artist既collection,要諗點樣用最低嘅成本去集齊,平時留意邊度有減價,周圍格價,留意線上店,and喺二手唱片店一堆堆鋪晒塵嘅貨入邊「尋寶」~ 如果用好平嘅價錢買到你想要嘅嘢,嗰種滿足感真係~🎶 當中嘅收藏係港九新界不同地方買,有部份已經結業了,但我仍然記得購買它們的地方。有些特地在外地訂購,比較偏門的可能香港也沒有多少人擁有。
有啲人會覺得佢哋係過時嘅產物,我就會覺得係一個寶藏;有人會覺得以上嘅嘢係一種麻煩,但係我認為係一種樂趣😌 現代人太容易access音樂,有時會令人唔識珍惜,其實每張好既唱片都係製作人、歌手還有唱片公司的心血,你聽果50/60分鐘,其實係聽緊精心傑作。
啊,還有,我明白這是個單曲的時代,種種原因,大家對於唱片嘅形式不再那麼執着。但我個人還是比較喜歡整張唱片來聽, 3分鐘的單曲其實不能交代一個歌手/樂隊的個性和想法,能做的很有限,若有耐性把唱片由頭聽一次(尤其是經典和高質的),那是一個截然不同的經驗。有更多時間的話,更加可以把他完整的catalog重溫,有時從中,你也感受到藝人的成長、演變和各種嘗試。
聽唱片和聽Streaming,有點像按餐牌點菜和放題的分別。我大概不會記得串流平台上聽過的所有歌,但是對於精心挑選的收藏,會有更深的印象吧。每拿起一隻碟,我也能記起那張唱片的好聽之處,如果要講經介紹,可以講七七四十九日,呢隻好聽、嗰隻好聽,聽極都聽唔完,真係好幸福。
我希望第時有個房間,係可以用來做聽歌房,將家中和公司的碟整合,買部勁靚聲天堂級膽機,同一張沙發,做埋隔音acoustic,哇,咁就正。🙌🏻😎 (有錢啲嘅真係想儲黑膠,but太貴太奢侈)
又或者如果有一日我做唔掂呢度,其實開間唱片舖我都會好開心,日日喺度執碟、播歌、介紹有咩好聽都唔錯🤣🤣 可惜啦,市道艱難,深深明白這也是夕陽工業,都係做返個private collection,好好享受自己的珍藏~
#唱片