我：「你會用咩去形容呢幾年逼科嘅生活？」

朋友：「開心。」

我：「第一係熱血，第二係開心。」

朋友：「熱血？我以為你唔鍾意audit 添。」

我： 「人總是在欺騙自己吧，畢竟真實的感覺往往被隱藏住。」

大學的數年，是思想最自由自在的三年，未畢業，什麼能力和求生能力也沒有，但卻擁有最可貴的夢想，那一個只會向前衝但不怕輸的自己，在一無所有之時，更顯得彌足珍貴。到現在回想起來，看似一無所有，但青春、時間和機會，卻是你用再多的錢，再也不能買回來。

那時的一無所有，但我們卻擁有了全世界。

畢業後，在逼科的工作，重覆，辛苦，但每天都有不同的新挑戰。未入行，前輩不停在說逼科有多恐怖，只有返工沒有放工的日子，同事間的競爭，OT無補水， 俾人捽到不似人形，所有的形容又真係太正確了。

但那數年的回億，到底又想起了什麼呢？

居無定所的生活，只有要WiFi 和電腦的地方，就是工作的地方。

帶着我的戰友（電腦）遊走在中國大江南北，審核客戶的財務狀況和報表。

有試過早兩個小時，被告知我要立即飛離開香港，養成那種我即刻就可以pack gip 撘飛機走的態度。

有試過去到機場，發現錯機票，要立即買過機票。

有試過滯留在鄭州機場8 個鐘，又無助又無聊。

有試過有次大病，還勉強着自己上中國跑field，繼續無盡的OT，到現在我只覺得「係咪為左工作可以命都唔要？」

人在決定之際，才決定誠實面對自己。

其實那些年跑field，沒天沒日的OT，呢種生活真係幾精彩，幾熱血。

如果你真的討厭一件事，你沒法做數年之久。

如果你地問：「audit係咪好辛苦？」

其實無一份工作不辛苦，亦沒有一份工作是不委屈的，但只有開心與否的考慮。

過程是難過的，每天被不同的parties 壓榨，每天被上司捽，當然亦有想哭的時候，覺得不值得的時候，覺得無奈的時候。

但時間走著走著，回憶留下來的，是什麼呢？

不是被壓榨的場景；
不是難過想哭的心情；
不是被誣蔑的無辜心情，
而是一個又一個的笑臉。

我想，我答得很清楚了。

IG: Fakemanching1607

27/10/2016: 不負責任感想

文：梧杞杬

（長文慎入）

趁仲未上機，同呢個page嘅讀者朋友分享下自己嘅一啲啲personal野。

係，雖然在下覺得唔係好應該亦唔係好想喺呢個page講啲非finance嘅野（例如關於本土政治嘅嘢），不過呢度有好多跟咗呢個page好耐嘅朋友，雖然有啲見過面亦有更多朋友只係神交，但係在下都當大家係朋友，咁講少少personal野應該無壞嘅。一路以黎都有唔少朋友問過在下究竟我呢條路係點樣行出黎，在下而家嘗試同大家分享下。

坐喺個lounge度望鳩住啲飛機嘅同時，在下仲好清楚記得——十幾年前離開英國呢個地方嘅時候，乜春都無，可以用嘅現錢真係唔多，主要係從獎學金+贊助洗費裡面死慳死抵儲落嘅。在下當年undergrad同postgrad都係讀physics（以前寫How my trading is done嘅時候都寫過），所以其實當年決定返得香港都係預咗要轉行⋯⋯屌唔通匿喺科大做成世研究咩？

在下畢業走嘅時候，其實真係幾撚憎英國呢個地方，因為在下唔係含住金鎖匙出世，母親死借爛借先夠錢供在下過去讀書，可惜在下當年少不更事亂鳩咁洗錢，最後因為家庭財力有限同父母相繼過身，在下就要好似當時啲正常留學生咁邊返學邊做打雜，邊似得而家某國啲留學生day day瘋狂shopping瘋狂去玩咁咁Hi把炮。英國乜嘢都貴特別係倫敦，如果你無錢嘅話你會生活得好撚痛苦，同而家嘅香港一樣。

記得從希斯路機場離開嘅時候，在下同自己講過無數咁多次：1）仆街我以後都唔會再食腐乳撈白粥同蠔油腸仔撈飯（呢兩樣野在下當晚餐食食咗足足兩年），2）喺我可以衣錦還鄉之前我係絕對唔撚會返黎英國。

當年21歲仔嘅氣焰，結果一走就走咗十幾年。

以前係無錢有時間所以返唔到去，而家係有錢無時間都係返唔到去，拖到今年先叫做有時間返去兩個禮拜（都無）。

當然啦，真係好命嘅話洗鬼等咁耐先可以衣錦還鄉返去咩？所以在下完全無炫燿嘅意思；在下最初返到黎香港嘅時候無咩人脈，際遇亦唔算十分好，工作轉嚟轉去，由打雜到入行做audit，轉到sell-side再轉到三四年前先至可以開始做自己想做嘅野，叫做開始發展自己嘅事業同其他side business。如果有人問what drives me嘅話，在下一定係咁答：與其留喺英國某大學做research教書庸庸碌碌過埋下半生，我寧願博一舖返香港闖一番事業。用layman terms就係要博到單車變摩托。

N咁多個人曾經問過我：「哇你有Physics PhD唔讀返黎香港做Accounting & Finance會唔會徙咗啲？」啲Interviewer 當年最撚鍾意問埋呢啲濕鳩野。屌，呢啲咁嘅野在下梗係有晒Model answer啦，不過今日想同大家講嘅係決心同堅持——一路喺Big 4少林寺做audit一路考CPA一路讀Econ BSc，三樣野同時間做無咩點放過假，呢個情況維持咗6年。決心唔難有，堅持到尾先至難。所以在下同大家講，做任何野咩都係假，最重要一定係堅持。

曾經有前輩同在下講：「磨劍十年待起時」，後生嘅時候為咗想好似索羅斯咁撚有型咁做macro trading（大佬佢做低過英倫銀行），在下呢把劍磨咗成有十幾年（仲磨緊）。當初就係大學時期開始學人睇blog（嗰陣時開始興）：當年末日博士魯賓尼都有開Blog（同Brad Setser一齊開，後尾開埋economic consultancy 公司），Brad Delong（UC Berkeley），當然仲有Calculated Risk呀等等，在下亦係因為睇唔明佢地up乜春（索老嘅Alchemy of Finance在下當年都睇唔撚明）先會去讀Econ。咁當然啦，嗰陣喺英國做緊學生，咁諗住幾hea讀多啲書無難度吖嘛（在下仲要無fast track讀少幾個Unit，成個BSc由頭讀起)，點知後尾返咗香港做Audit又要考牌又盛，其實嗰陣真係有諗過放棄⋯⋯結果讀呢個degree一波三折，在下讀咗足足7年，其中有一年仲要因為人在三藩市出緊job（嗰陣仲做緊Audit）結果absent無考到徙鳩咗一年時間同考試費。

所以在下不停咁同人講——只要肯下苦功鑽研一樣野嘅話，假以時日一定會專，但係嗰日未嚟到之前，就唯有堅持落去。點會唔得？屌在下就係咁樣一條友一路踩地雷一路捱過去。

而在下清楚知道，人往往覺得最難捱嘅都唔係「苦海無涯」嗰種感覺，而係因為見唔到盡頭而堅持唔到「唯勤是岸」。呢樣嘢無捷徑亦無得教，所以好彩嘅咪磨三五七年，唔好彩嘅可能十幾廿年都唔止。

講完無聊野講返啲正經野。

今個月成個月無同大家鳩寫不負責任感想（連update都少），主要原因唔係因為在下懶（忙到Hi auntie呀屌你），而係今個月注定係無咩大event——在下之前喺酒吧找數嘅時候都同有出席嘅朋友講咗（無出現嘅朋友真係missed out咗），今個月無寫野係因為個市唔會大郁所以無野好寫亦費事夾硬寫；今個月嘅情況其實就係暴風雨前嘅寧靜。

去到呢一刻（聽日係期指結算），其實2016年終於得返兩個月，而且最勁嘅戲玉亦將於11月9號揭盅——講緊嘅當然係美國總統大選。不過，在下相信一點嘅係——11月起個市應該開始會增加volatility，所以在下極有可能會喺酒店撩幾隻龜同大家分享下感想；同埋，11月2號（香港3號朝早）係FOMC議息結果，雖然在下同全世界都認為會係non-event但係剩返嘅2016年呢兩個月可以講係危機四伏。

到而家，在下都係嗰句——唔好咁老定以為Crooked Hillary一定會順利贏（在下賭Trump但係心入面其實都想Hillary贏）。雖然美國所有嘅媒體晨早歸晒邊，而poll ratings嘅可信性近年黎亦大大降低咗（主要係因為Brexit），不過最近FT有啲on the ground嘅報道其實幾Thought-provoking（BBC等其實都有類似報道），大意就係contrary to popular belief，其實Trump都有為數不少女性支持者，而且Trump vs Hillary某程度上已經演變成為「世代之爭」。唔係純粹用年齡做分界嗰種，而係用Old America（Trump） vs New America（Clinton）去做分界。基於游離票眾多，而且在下相信未來呢兩個禮拜會有勁多黑材料爆出黎，未到最後一天投完之前大家都唔可以掉以輕心。講過N咁撚多次，小心啲其實真係無咩壞囉。

在下今次返英國係渡假（同埋shopping）成份居多，所以喺6號在下返香港之前都唔會點睇鋪（但係8號前一定要出現喺香港）。當然啦，如果大家係都要睇在下曬命去邊度玩去邊度豪飲豪食嘅話，只能夠講句唔好意思LOL，要你地失望鳥。

梧：少年，你太天真了 LOL~



注意事項：
首先，請不要抱著 Auditor是籮底橙的想法，在人家選擇你時，你也作了接受的決定。
第二，不要問Interviewee，因為他們為了OFFER，什麼謊話都會說出口，e.g. "我愛審計"。
第三，不要問你老闆，因為他們為了請人/留住員工，什麼謊話都會說出口，e.g."呢份工係為左你將來既De~ve~lop~ment"。

要問就問現職的Auditor，我這個新丁厚著臉皮問了不少Senior、經理、師兄、師姐、同行們。雖然Population 不夠大，做不了一個客觀的統計，但有不少答案也是挺勵志的。

我剛進來時問了一個比我大一年的師兄。
他說:「你就當上支莊吧，每晚與莊員奮鬥再奮鬥。」他享受跟同事一齊WOK的衝勁，這跟他以前在大學上宿生會的經歷差不多。不多公司的員工年齡層集中在廿歲至三十歲，大家都是年輕人，同聲同氣。出JOB時一齊槍口對外，夾手夾腳清老闆Q，KO個Client。完JOB後去食飯唱K慶功，有些甚至會成為朋友。

另一位師姐說是為了安穩前的搏殺。
她就是那位對我說「阿妹，要堅持呀！」的經理 (詳見: 新丁夢一場)。她喜歡這種極速成長的訓練，做過五六年都是時候嫁人了，生活從此就會逐漸安穩。因此，我們應要在未有家庭負擔時多嘗試，在短時間累積多點經驗。當了人家太太或媽媽後，出Trip都可能有較多顧慮。

我的大佬In-charge說是為了滿足感。
「當見到這份Announcement、那份Prospectus出街，而你是有份的，會不自覺有種滿足感。」
我挺贊同這說法，尤其有人滿意你的表現，讚賞你時，我都會樂上半天。只是，你肯花多少努力汗水淚水來換這份認同和滿足感呢?

我有一位同期入職的同事很會為自己計劃。
「作為一位Fresh Graduate，這份工帶來的經驗是其他工作帶不到的。」
他每次做完一個Engagement都會問In-charge和Manager 拿Feedback，看看自己有什麼方面可以改進。老實說，我看不出他對會計或審計有多大的熱誠，更可能是為了下份工鋪路，但至少他很珍惜一切自我增值的機會。

剩下的大部分是為錢為考牌的。Auditor入行的人工是頗低，十多年前入行是大概HK$10k，現在都是比這個水平高少少。不過之後的升幅確實是挺可觀的，考牌後的叫價相信可以更高，如果你捱到的話。

公司還有很多真心愛Audit，真心愛會計的同事。自問拍馬也追不上的，都請不要灰心。尤其某些人的Major不是會計，他們入行的動力和決心更大。哪怕你說以上在職的都在找藉口自欺欺人，至少比那些每天把「我要Quit」掛在口邊，卻遲遲沒有Guts 辭工的人來得踏實貼地。如果你當初是因為沒有其他OFFER而進來的，那就衷心祝你早點找到自己心愛的工作吧。

=================================
<新丁夢一場 - 淚> https://goo.gl/iuaYPT