一看就知假的假 ARAI系列
帽型、面鏡、面鏡冚、沒有面鏡鎖扣、通風口，與正貨完全不同。

如果稍有認識日本ARAI頭盔的車友，第一眼見到此「所謂ARAI」系列的頭盔，唔駛任何FACT CHECK(事實核查)就知道是假貨。

未明的新手朋友或許不知，日本ARAI一直沿用「偏圓」的帽型，對頭盔保護性堅持與執著，創廠至今沒有任何改變，所以獲得許多忠實用家信任 。

對於今次介紹的「一看就知假的假 ARAI」，帽型修長，沒有偏圓的孤度，採用一般的的面鏡，沒有了ARAI專屬面鏡的可開合透氣口，沒有了面鏡的鎖扣，兩側的面鏡冚形態與原裝正貨完全不同。仲有下巴兩側的通風口，原裝是在背後的。

還有最好笑的是一款頭盔背後用上「SZ-RAM3圖案」，其實SZ-RAM3是ARAI舊款開面頭盔的型號，又點會印於面全頭盔背後呢？做假 ARAI或售賣假的不法人士，根本不會了解每品牌的細節、原則與堅持，無視使用騎士的安全，眼中只有金錢吧﹗

圖片下方展出正貨的ARAI RX-7X 帽型，大家可以簡單對比一下。

相關內容：
了解更多 ARAI 小知識集
http://moto-one.com.hk/Products.php?id=8258

(((ARAI「偏圓」帽型的詳細解釋)))
發生意外時，如障礙物在頭盔表面上擦過而非直接撞擊，可減少傳遞到頭盔的撞擊能量。 Arai稱之為“擦過”(Glancing Off) 屬性。 具有尖角或固定突出通風的外殼會降低頭盔的擦過性能，從而向頭盔傳遞撞擊能量，甚至產生旋轉能危害騎士頸部。 為了最大程度地減少撞擊能量進入頭盔，最理想的頭盔外形是偏圓，表面光滑的R75形狀，在意外時更容易“擦過”障礙。(R75代表外殼孤度半徑75mm以上, 確保頭盔外殼圓滑)

Arai 頭盔中國,香港及澳門總代理
鴻興公司 Hung Hing Co.
香港九龍城聯合道3號地下
G/F, 3 Junction Road, Kowloon City, Hong Kong
Tel: +852 2337 2463

網絡銷售假頭盔新手法 - 升提價格，讓新手用家以為是真貨
港幣880元正的頭盔，叫價2300元？？？

又係熱心的朋友，發放這段「$6 - HJC头盔 ，原装正品」通訊內容給予小編，手法與常一用，開價$1至$6不等，讓買家查詢後，才發出正真的售價。不過今次發出的2300元的售價，遠超過往，不合理度，令小編嘩然，必需出POST提提新手，小心小心。

過往，網絡賣假頭盔的最熱門品牌包括AGV、ARAI、SHOEI，不過隨著時間的發展， 假HJC、KYT 網絡銷售亦開始出現，只要有機會賺錢，騙徒就會出手。

說回今次的HJC頭盔，小編相當熟識此品牌，HJC全面頭盔有平價的入門級約HK$880至頂級賽車版約近HK$5,000，售價泛圍甚廣。

不過，小編第一眼看到此頭盔相，明確知道不是高階型號，其後再翻看資料，於2017年2月拍攝的HJC CS-15入門級全面頭盔，售價為港幣880元正。對於這位用簡體字的賣家，以入門級的HJC CS-15 頭盔，可以叫價2300元正，不得不佩服他的無恥程度，絕對係食水超深，還給新手用家以為是真貨呢﹗

根據過往的手法，最終收到的很大機會不是正貨頭盔，是淘寶假頭盔居多吧﹗小編見識過淘寶假頭盔，根本送都唔會戴，毫無保護性之餘，使用時有很大的風險。即使真的送上HJC CS-15 入門級全面頭盔，但原價都只是港幣880元正，用2300元來買，為嘜呢？？？

2017年2月的內容介紹
HJC CS-15 全新款實惠全面頭盔│迷彩、文字圖案等精美拉花抵港│售價HK$880
http://moto-one.com.hk/Products.php?id=5081

了解1元頭盔POST的行騙手法 - 無中生有的「SHOEI招財貓開面頭盔」，何來正貨呢？
http://moto-one.com.hk/Products.php?id=8307

ARAI VZ-RAM ORIENTAL 啞藍、亮黑│浮世繪/東方龍開面頭盔│鴻興發售
http://moto-one.com.hk/Products.php?id=8501

鴻興公司 Hung Hing Co.
香港九龍城聯合道3號地下
G/F, 3 Junction Road, Kowloon City, Hong Kong
Tel: +852 2337 2463

上一年，曾看過ARAI廠方以相同方法展示開面帽殼強硬與韌度，在舉重下電子磅顯示達約290磅，ARAI開面帽殼完全可以承受，強硬與韌度表現出色。近日，得到ARAI中港澳總代理鴻興公司允許，借來ARAI開面及全面頭盔帽殼實地測試。

小記個人體重 83kg(183磅)，在沒有任何依附借力下，仲係帽殼上加壓幾下，順利完成。由於睇過廠方片段，所以唔擔心帽殼會損壞，不過反而係要著重平衡吧﹗

最後，鴻興送贈一個ARAI開面頭盔帽殼給與本誌，留待日後其他的測試。

了解更多 ARAI 小知識集
http://moto-one.com.hk/Products.php?id=8258

ARAI中港澳總代理
鴻興公司
香港九龍城聯合道3號地下
G/F, 3 Junction Road, Kowloon City, Hong Kong
Tel: +852 2337 2463

#ARAI

了解1元頭盔POST的行騙手法
無中生有的「SHOEI招財貓開面頭盔」，何來正貨呢？
「SHOEI招財貓只有X14、Z7全面頭盔」

同片段一樣的口語化稿件
依家係FB市場，充斥好多假頭盔的現象，作為香港電單車業界的一員，有責任提提大家，小心假貨。近來，多咗好多靚女頭像的新賣家，專售名廠電單車頭盔，以ARAI、AGV、SHOEI最為常見，而行騙方法一般見有兩種：

第一種就係用超低的售價出價，用番ARAI RX-7X東方龍為例，佢係ARAI廠專為鴻興而製造，基本只有同鴻興有聯係，先會買到。另外，依頂RX-7X東方龍售價係HK$5,390元正，而佢地就表價HK$999，稍有留意市價都會知道有問題，世上真係有咁大隻「蛤乸」隨街跳？最後貨到付款，實係假野。

第二種就係1元頭盔POST，佢地冇展示售價，需要PM佢地，先知道售價。講番今次既主題「SHOEI MM93招財貓」，佢只有2017出既X14頂級賽車頭盔，同埋2020今年出既Z7，兩者都係全面頭盔。SHOEI廠方根本冇出過招財貓開面頭盔，所以係FB市場睇到既POST，可以肯到100%係假。

為咗令大家知道佢地點樣行騙，小記嘗試PM其中一間，得到以下的回覆。首先問佢地價啦？佢話「正品」1,200元，(心想開價比上述的ARAI更高，食水深咗)，小記再問係咪「SHOEI正品？」，佢都係話「正品」，反正心知係假，不再追問。

由於佢係FB市場標明地點係中西區，所以小記亦老作自己係中環返工，想試下睇現貨及購買。不過回覆一如想象，貨到付款，在無新意下，裝作考慮吧﹗正當小記無心戀戰下，佢為咗加強小記購買頭盔的信心，出示了一張有人落訂的銀行入數紙，仲講係保障佢的權益，利害利害。

如果真係完成交易，可以肯定得到一定翻版的SHOEI招財貓開面頭盔，價值幾多唔知，安全規格唔知，有冇勇氣戴出街都唔知，怕比人笑到面黃，安全問題亳無保障，又損失成一千蚊，可憐。最後，希望大家多分享依個POST，或提點身邊的新手，網絡好多假野，小心小心，最穩陣到係到實店或有實店的網站買吧﹗保證真貨正貨。其實係香港買頭盔，都係好方便。

最後，提提大家，本網託朋友幫手買咗頂假野，稍後進行實物測試，敬請留意。

ARAI VZ-RAM KIYONARI 清成龍一專屬拉花開面頭盔
同場加映ARAI RX-7X KIYONARI 清成龍一專屬拉花賽車頭盔
http://moto-one.com.hk/Products.php?id=8132