［獨守空房的男人］

昨日陳惜姿PM我，你又話你睇咗曼德拉自傳幾次至落筆寫「星期日生活」篇文，但你本書不是在我那裡嗎？

我才恍然大悟，原來我的男人，現在寄居在她的書架．

我記得我買過呢本書，我記得已經送咗畀人，但完全唔記得，果個係陳惜姿．

事緣係咁，我對曼德拉鍾情咗好耐，好多年前已經慕名去書店買咗佢本自傳Long Walk to Freedom，但我都係一個凡夫俗子，呢種書，係人人都會買，人人都會將佢放係書架，但人人都＿唔＿會＿睇．

我又何嘗唔係呢種俗人呢，所以幾年前，見到本書放在書架上發黃，就襯中大博群書節，執咗出來諗住捐，捐之前畀陳惜姿過目咗一下，佢就挑選咗呢本書，放在佢中大辦公室個書櫃度，當然，命運還是一樣，繼續等待被寵幸．

陳惜姿問我，你本書係我度，點寫文呢？

我用一個單字回答：Kindle.

買咗南非機票，訂咗阿伯個二千蚊tour，嫁妝都畀埋，仲唔九秒九download番本書來讀咩？又好神奇喎，本書開頭講童年鄉下非洲部落王帝呀果啲有點悶，一入到城市去抗爭，就讀得飛快，好容易明白，佢上庭抗辯同坐政治牢獄都好貼身，好易入口，當然，佢寫得非常好．

然後我就靠Kindle大概一到兩星期睇哂，還記得在cape town水清沙幼海邊一邊飲酒食甜品啃哂本書，第二日就同阿伯見面了，時間啱啱好．

陳惜姿話：你扔書扔得好狠，如果諗住將來要寫文，應該留番本書．
我話：只係證明，我對曼德拉既好感一直都係度，但意志力不夠，我以為不會看這本書了．

陳惜姿說：本書還夾了你的信用卡單據，你買書那間店，Page One都執埋笠，好懷舊．

我今日去探過本書一下，揭開張單，89.8，嘩，都幾貴．
看了那張單，已經是五年前的事了．

再摸一摸本書，感覺非常厚，足足有一寸半，但奇怪地，看電子書覺得沒那麼厚．幸好世界有Kindle，揹在路上輕便得多．

件事只證明，命運注定要邂逅的，緣份始終會讓你碰上．

傳送門：

https://news.mingpao.com/…/ar…/20180304/s00005/1520099726122

感謝 Yuen Chan 專業攝影