💍𝐌𝐲 𝐞𝐯𝐞𝐫𝐲𝐝𝐚𝐲 𝐣𝐞𝐰𝐞𝐥𝐥𝐞𝐫𝐲 𝐜𝐨𝐥𝐥𝐞𝐜𝐭𝐢𝐨𝐧💍 我相信飾物同化妝品一樣，入左坑就走唔番出嚟😌 已經有兩個月無出片 (真係佛系經營模式) 但都想係IG記錄番常用嘅飾物，等大家做個參考，始終日日番工就係哩堆心頭好到選妃咁，有平有中價，但要睇上身嘅圖一定要去YouTube💁🏻‍♀️ 𝐍𝐨𝐫𝐝𝐠𝐫𝐞𝐞𝐧 - 𝐏𝐡𝐢𝐥𝐨𝐬𝐨𝐩𝐡𝐞𝐫 - 𝐁𝐥𝐚𝐜𝐤 𝐕𝐞𝐠𝐚𝐧 𝐋𝐞𝐚𝐭𝐡𝐞𝐫 大家對Nordgreen會比較陌生，係一個丹麥品牌，非常注重可持續性，同時手錶設計保留簡約嘅一面。最近真係好迷黑色錶帶，番工用真係斯文又好襯，36mm會比較女仔少少(40mm係我日常會揀嘅首選）已經持續戴左一個月，Philosopher最特別係邊位做一個啞身設計，等我都有一個新嘗試 。依加大家去Nordgreen買手錶，用JENF85可享有85折，想買新手錶嘅朋友可以考慮下🥳 價位：$1500-2000 𝐀𝐏𝐌 𝐌𝐨𝐧𝐚𝐜𝐨 過去一年非常沈迷嘅品牌，主要走現代風格，再加上以南法嘅樂活態度作為設計靈感。自己最鍾意係Pavé Star吊牌頸鏈，同埋Festival系列嘅戒指同耳夾，當然佢嘅Triple Ring都超多人揀。我自己覺得佢地飾物真係好閃，睇到都令人心情超好。 戴左半年幾開始有小小氧化，要勤力少少清潔，不過都可以接受到嘅。每個月頭都會出新款，但有時太狂野太渡假Feel嘅系列就唔會考慮啦 🙈 價位：$600-$2000 (之前用Times square Coupon最抵) 𝐌𝐨𝐧𝐢𝐜𝐚 𝐕𝐢𝐧𝐚𝐝𝐞𝐫 我諗最鍾情但最唔捨得入手嘅品牌一定係Monica Vinader，英國嘅首飾品牌，設計一向簡潔優雅、手工精緻，質素都好好。同APM Monaco一樣有刻字服務，所以都愈來愈多朋友/情侶會揀哩個品牌。比較出名嘅款式Riva Ring同Havana Mini Friendship Bracelet，我想講哩幾日佢地有夏季6折優惠，有睇啱真係要入手！如果APM Monaco係休閒渡假風，Monica Vinader就係上班族知性美嘅定位，當然有鑽石嘅款可以去到一萬左右 💸💸 價位：$700-4000 (Onthelist 一年大約兩次減價/ 官方網站減價最抵） 𝐋𝐨𝐯𝐞 𝐁𝐲 𝐓𝐡𝐞 𝐌𝐨𝐨𝐧 之前已經介紹過，真係學生/小資女孩嘅好選擇！Love by the moon 係一個獨立品牌，透過唔同嘅飾物分享寶石嘅故事，好欣賞佢地可以俾顧客自由配搭頸鏈同長度，前面個扣仲可以自由配搭想要嘅吊嘴/自己Birthstone。仍然大推星座/ 字母系列，現時港澳台、日韓、新馬、英美都會寄送，亦有不同寄賣點，大家睇下有無興趣💕 價位： $300-700 𝐃𝐞𝐜𝐨𝐫𝐢𝐬.𝐡𝐤 最後真係私心推介，因為我睇一次愛一次，佢地嘅耳環都係日本/韓國入貨，好似圖中個啲都係日本JR嘅鋪頭會見到嘅耳環，特別鍾意個種通透感，其中3款係我日常番工帶得比較多，睇落去好高質又斯文。作為無耳洞女孩，超開心佢地有出改耳夾嘅服務🥳係透明U型夾，唔會痛，但除口罩唔好咁粗暴整到耳仔，唔係就會郁到！ 價位：$200-300 #hkbeautyblogger #hkbeautyshare #hkbeautyreview #日常穿搭 #飾物分享