咩事呀！我竟然睇晒呢篇潮文！😂

[今日買咗個籃球見女朋友家長，發生左意外 ( 上 ) ]

今晚本來應該同女朋友一家開心咁食晚餐
就係因為一個籃球，改變左今晚嘅結局
.
我本身約左6點接完女朋友再買d野上佢屋企嘅
大約6點1個字我見到我女朋友，跟住問佢應該買d咩比世伯伯母
點知女朋友一捉捉左我入一間籃球專門店，揀左個籃球比我
女朋友 :「送呢個啦！」
我 : 「見家長喎，送籃球？你係咪想潤我掛住打波無時間陪你呀？」
女朋友 :「唔係呀，送籃球岩架喇！」
我 :「好啦咁...」
.
.
一上到去係佢屋企門口，我聽到把男人聲係度大叫
我問女朋友 :「世伯咁快返嚟嘅？」
女朋友 :「咩呀，我老豆都未放工」
.
下！咁佢無兄弟姐妹，屋入邊個男人邊個嚟架....
一陣見家長變左捉姦就唔好啦..
我 :「不如一陣再入去，我醒起有d野未買。」
女朋友 :「唔洗啦，你諗多左喇，屋入邊果個係Lebron James嚟架...」
然後，我都仲未明佢講咩就比佢一手拉左入屋..
.
一入屋真係見到Lebron James，原來伯母睇緊佢d插水片.....
.
.
伯母一見到我 :「嚟左喇，坐啦，平時打開咩位置呀？」
我 :「文員仔...」
伯母 :「唔係呀，打後衛定前鋒呀？」
.
做咩佰母會咁問？一見到我問我打咩位..我唔明呀！！
但係都要答佢 :「前鋒」
佰母 :「幾好喎，有前途呀」
.
點解！點解佰母唔係問我做緊咩職業，唔係同我講做文員無前途....
我開始唔知點比反應....我表情變得好僵硬...
突然醒起買左野送比伯母
.
我唔知邊度嚟嘅勇氣 :「佰母，小小意思」
佰母 :「唔洗啦下次，求其買d護臂呀果d得啦，唔洗咁破費喎」
.
點解？！點解見家長唔係買果籃紅酒係買籃球...
我頂唔順喇 :「佰母，我上去洗手間」
我要冷靜，我入左廁所冷靜
.
.
.
突然聽到佰母係出邊大叫
佰母 :「個廁所係廿四秒進攻架，廿四秒去唔晒就foul你」
.
呀！！！！！！！！！！！！！！！！！！
.
.
去完個廁所冷靜，我出返大廳
我知就算幾唔正常，我都要食埋呢個晚餐
.
係呢個時候，女朋友煮緊飯
我真係無地方去，我唯有係廚房同佢一齊煮...
個廳不停傳來男人聲..Kobe..Wade..Howard..Lbj
無啦啦，門鐘響，世佰返嚟喇...
.
佰母岩岩開聲，世伯就係度屌
「老婆，個男人邊個嚟架」
伯母眼神有d心虛 :「無呀..你講咩呀..無男人呀」
.
係呢刻，我真係好想幫伯母解釋，世伯你無帶帽
我再次有勇氣衝口而出 :「世伯，果個唔係咩男人，係Lebron James呀」
.
.
竟然，伯母啤左我一下..好似想話我講多左咁
世伯屌喇 :「叫左你幾多次唔好睇Lbj，你係唔聽！你咁唔聽我說話，離婚啦！」
伯母呢個時候無出聲，眼濕源咁走返入房
我想上前安慰伯母，但係比世佰阻止
世伯 :「唔好理佢..比個衰婆自己反省下」
.
.
我心諗都岩嘅，比佢一個人靜下啦
點知，世伯突然同我講 :「你好鐘意我個女咩？你比唔比到助攻佢呀？」
.
.
咩事呀!!!!!!!!!
.
.
點解伯母有得入房靜，我都想一個人靜下呀而家....
正當我想話去洗手間嘅時候
世伯已經問左下一條問題
「我地屋企得一粒女，上次有個mk仔場均拎25分5個籃板，我連飯都唔比佢食呀，因為佢無助攻呀！」
.
呀！再係咁我痴線喇 ！
「放...放心啦世伯，我場均17分3個板9個助攻」
.
點解佢唔係問我月入嘅多，係想知我自爆場均幾多架！
.
世伯再問 :「當合格啦..咁嘅數據都有可能d中游球會有興趣嘅」
點解唔係問我幾時入大公司架！
.
世伯 :「講多次，我地得一粒女，你30歲前要promise我入到CBA，30歲前仲係打HKBA嘅你可以而家走，我有少少眼訓，女，食得飯叫我」
.
女朋友 :「得啦老豆，我幫你買晒所有熱火輸波嘅比賽DVD喇，你入廁所搞掂佢啦，你咁鬧媽咪..睇嚟幾日都唔洗旨意咩咩架喇」
.
世伯 :「衰女，有人係度呀....」
.
呀！男人出火唔係睇AV係睇熱火輸波DVD？咁佢同伯母點扑野呀！天呀！我想走呀！
.
.
.
世伯一入左廁所，伯母就立刻出房搵我傾計
屌！我而家真係想靜下，我都想入廁所呀世伯
.
伯母 :「你叫呀宗係咪？兩個人相處就係咁，無絕對嘅零容忍架，我就佢啦唯有，幾十年慣架喇」
.
突然，我覺得伯母好慘但係又好偉大
我 :「伯母，唔好咁啦，得閒可以搵個女傾計釋放下d壓力，唔好谷住自己呀！」
.
伯母 :「你估我唔想咩，我一同個女講多兩句姐，佢就t-foul我喇」
.
.
屌！屌你老母！我頂唔順你老母喇！！
.
.
女朋友呢個時候係廚戶拎住個哨子慢慢行出嚟，露出陰險嘅笑容
我..我識佢6年都未見過佢笑到咁陰森
「媽咪...零容忍呀，我炒埋個菜就食得架喇，你都唔係第一次，小心停賽呀...哈」
.
.
點解..我女朋友都...佢講咩話？停賽？零容忍？佢唔係唔睇波嘅咩？
我立即入廚房問我女朋友岩岩講咩
佢話 :「我同媽咪講小心條菜呀，佢食菜都可以啃親架....」
.
.
.
我信定唔信好呀，佢無啦啦有個哨子又點解釋？
.
.
我屌，呢間屋兩房一廳，我只係想靜下跟住食完晚餐拿拿聲走....
我決定去女朋友間房靜下！
.
一出廳，我震住咁行，我真係要d時間冷靜
突然，伯母問我去邊
我 :「幫呀玉拎入房少少野呀」
伯母 :「一陣先拎啦，埋嚟坐」
.
.
屌你老母！我要時間消化呀！
點知伯母捉住我勁細聲係我耳邊講 :「你要睇住我個女呀，佢經驗淺，d例都唔係好識吹，你係佢身邊提點佢呀，知道嗎？」
.
我真係唔想再講野，我唯有就咁點頭
點知佰母捉住我隻右手，好誠懇咁同我講 :「呀玉就交比你喇」
.
.
.
「Bi~~」吹雞聲？！
佢老豆褲都未著好突然係廁所走出嚟 : 「打手犯規！」
.
.
屌你老豆點解無啦啦會係廁所有個哨子，點解無啦啦會出嚟吹你老婆
我唔理喇，我真係要靜下，我一個箭步衝入廁所，連佢老豆都撞開埋，再立刻關門
係呢刻，我唯有係廁所入邊向世伯交待 :「對唔住呀世伯，我真係有需要用洗手間」
.
.
.
門外傳來伯母嘅雞聲 :「防守犯規！」
點知世伯大鬧 :「你盲左呀八婆?佢未入進攻有理區架！」
.
.
.
我掩住對耳，我唔聽，我唔想再聽，有無窗我要爬窗走呀！
.
.
.
我屈左自己係廁所唔記得幾多分鐘
我只係知個屎坑每隔24秒都會響鐘一次
跟住廁所外就會出現雞聲
.
.
.
啪啪啪，敲門了，伯母敲門了
「呀宗，食得喇，出嚟食野先啦」
我好驚，我寧願係廁所掘個窗口跳落街都唔想出去，但係唔到你唔出
.
.
我行出廁所，見到世伯同伯母都坐底左準備食晚餐
我心諗都係入廚房穩陣，於是我話 :「等..等我幫呀玉拎d野出嚟先」
.
入到廚房，呀玉笑住咁望我 : 「係廁所做咩呀，你唔舒服呀？」
我 :「唔係呀，我入廁所聽個電話姐」
呀玉 :「幫我拎呢碟雞扒出去先啦」
.
.
正當我就嚟出廚房門口，呀玉叫左我一聲
我回頭一望，我從未聽過呀玉咁溫柔咁叫我
.
.
.
.
.
.
「唔好走步呀～」
.
.
.
.
我屌，原來我條女都係同果兩隻老野一伙架
平時呃鳩我話自己唔睇波，原來一切都係佢扮架！
.
.
我係廚房門口望住個廳張食飯台，呢個距離點可以唔走步呀....
說時遲那時快，呀玉望左我一眼就拎住碟通菜一大步一小步跳左去飯台前
再用finger roll拋左碟菜上台......
.
.
.
係呢個時候，伯母面帶笑容咁向我同我碟雞扒招手.....
.
.
望住呀玉咁上菜...我有一刻真係企唔穩
但我知我唔可以跌左碟雞扒，我好驚，我唔想比佢老豆老母吹呀！
.
我好小心咁用兩步，一大步，一小步咁跳去食飯台
諗住用學呀玉用finger roll上左碟雞扒佢
.
yes！輕鬆呀！果然成功上左碟雞扒
.
.
.
下？點解？點解呀玉係呢一刻唔開心嘅??點解..點解世伯搖頭嘅？
.
.
世伯語氣好重 :「女仔就話上籃姐？你男人老狗空晒你都唔入樽？下一碟我唔要見到你再上籃，清楚未！」
.
呀玉突然上前 :「我幫你啦」
世伯阻止 :「幫咩呀，男人老狗自己的事自己做」
我見到呀玉咁擔心，唯有堅定咁望住呀玉 :「放心啦，唔會有事嘅」
.
.
.
我入返廚房，見到仲有兩碟
正當我想兩碟一齊拎出去，我醒起唔可以咁做...
一場比賽只可以同時用一個波，真係中得伏多就會學精..
.
呢一碟，我成功用入樽方式上菜
世伯望一望我，比左個都仲係失望嘅眼神我....
係咪我入樽無霸氣？佢係想睇我大風車入樽？
.
.
好，大風車就大風車，我廢事要呀玉失望！
.
.
.
最後一碟，最後一碟我就可以安樂咁食埋呢餐跟住走人！生生性性呀！
我就整個大風車你睇！我去了！
.
第一步，成功！
.
.
第二步，呀！唔好呀！地下咁濕嘅？唔好呀！我唔想cosplay羅意庭呀！
.
.
突然，一隻手捉住我將我扶起，係呀玉？
下，原來係伯母？
.
伯母呢個時候終於出聲 :「老公，呢球係我打佢手嘅，佢比我捉手犯規在先，你吹我啦」
.
.
.
呢個時候，我見到世伯收返埋個水樽，好大聲咁「哼」左一聲
再好唔願意咁大叫 :「打手犯規，老婆兩犯」
.
.
.
.
世伯你點解要玩我？伯母你做咩要救我？
我頂唔順喇！我唔想食再呀！我唔知點食呢餐呀！呀玉，咩事呀！
.
.
對於岩岩呢幾分鐘，我真係要時間消化，就算只係幾秒...
只係幾秒都好，我要冷靜呀！
.
我要行開下 :「世伯伯母，我去倒杯茶比你地啦！」
於是我行去茶水櫃，慢慢倒，呢段時間係我最享受嘅時間....
但杯，始終都會倒滿...我始終都要再面對世伯伯母
.
「Bi～」我先岩岩拎住杯茶轉身，又比世伯吹
吹咩呀??我犯左咩例呀又...係咪我岩岩想面對現實就即時打擊我呀!!
.
我強行淺笑 :「咩事呢世伯？」
世伯 :「你新手嚟架？無人教你8秒要過半場咩？你想控住杯茶控到天光係咪呀？」
.
.
8秒？你個茶壺出水位好似阿伯滴尿咁，8秒點倒好一杯再過半場比你呀？
好，我一於拎埋個茶壺去食飯台倒埋伯母果杯...
.
呀玉 見到情況都好識做 :「齊人就食飯先啦，大家食飯」
我 :「世伯伯母食飯，呀玉食飯」
.
.
我拎起碗飯，我好想安安靜靜咁食一啖...
但係世伯..世伯佢話我 :「你頭先做咩唔博and1 ？你比我老婆foul完就算唔洗拋碟野上台架？」
博and1？咩撚呀？！我上菜姐？我唔知點答了....你想我點呀世伯.....
.
點知世伯再問 :「你d屋企人，你老豆老母呀，打緊咩球隊呀？」
.
你查我家宅？你查家宅係問我屋企人打咩隊？
我 再次強行淺笑 :「阿爸打緊康文杯隊九哥豬肉檔，阿媽無打波，係個家庭煮婦...」
.
世伯嘆一口氣，跟住搖頭 :「我講左啦，我得一粒女，我地家族d人個個都有隊波嘅...點都叫正正當當啦，我都唔係要求你家人打到cba，但最低限度都應該有隊波掛？」
.
屌！正正當當？你期望個師奶打咩隊呀世伯？
.
.
點知世伯再講 :「你諗下你唔上進d，你配唔配得起我地家族呀?竹門對竹門，木門對木門，你咁無上進心，比人foul都唔博and1，你好好諗清楚點先同我個女做到門當戶對呢個境界！」
.
.
咩叫竹門對竹門，木門對木門呀...
世伯...大家都係住屋村，你住公屋，我住居屋呀!!
點解因為我老母唔打波..點解因為我老母無加入球隊就話我同你個女唔門當戶對呀！
.
.
係呢個時間，我依然一啖飯都未食...
我望左啖飯一秒，舉頭見到世伯又想出招喇....
.
.
正當世佰想開口之際，沉默左好耐嘅呀玉叫左一聲
「Timeout！」
跟住世伯，伯母立刻拎埋張凳同碗飯自己坐開左...
.
.
.
呀玉！叫得好呀！呢個Timeout叫得好呀！
多謝你比我用60秒食返啖飯呀
.
.
我一路望住個鐘，一路食
yes，我得左喇！係一分鐘之內我怒轟左25啖飯，搶到2塊雞扒同十條通菜呀！
.
.
「Bi～」
Timeout完畢，我望一望世伯，點解佢由不滿變到十分不滿嘅？....
.
沉靜幾秒後
世伯出聲了 :「比你狂轟到25啖飯，2塊雞扒，10條通葉又點？你拎到雙雙數據又點？你有無比過助攻呀玉！呀玉頭先空晒你見唔到？你自己獨食得啦咁....你仲要我個女做咩呀！」
.
.
.
Timeout緊呀世伯，你想我點呀！
-------------------------------------------------------------------------------
呢個故事我係討論區貼過，但係喺呢度欠大家一個結尾
所以而家先出上集，好快出下集！

歡迎 Like 和 Share