🎊真係無諗過，我能夠有此厚待？！
很高興和榮幸，報章邀請我撰寫專欄，竟然獲得社長及副社長親自邀請和接見，是對專欄作者最大的尊重。
傳媒界別，社長一職是編採的靈瑰，今次榮獲《AM730》社長盧覺麟和副社長馮振超聯合邀請，為《AM730》新專欄執筆，我當然深感榮幸。

🎉我的個人專訪，即將登場！
在我的專欄面世前，感謝兩位社長的特意安排，他們先為我進行個人專訪。我在專訪中透露了許多值得參考和探討的事情、特別的工作、即將發生的大計及展望等等，想知就記得要追看留意《AM730》各個社交平台。

✍️獨家分享，非一般內容！
至於，我的個人專欄內容，是什麼方向？放心，兩位社長給予的發揮空間非常廣闊，甚至笑言：「不限字數！」我當然盡我所能，圍繞我對優質生活的見解，題材會比我在facebook上的文章更廣泛。

同時，感謝報章編輯部對我的留意，知道我在facebook都有分享美容及食療以外的東西，令我有更大發揮空間；所以，大家可以盡情留言話我知，你想我寫甚麼？盡力滿足各位讀者！

❣️更多資訊請Follow我IG 👉 @yokotsangbeauty

//支持本Page最有效方法，就係Click入去篇文比Clap我賺錢呀！點解響Medium Clap文可以幫我賺錢？：https://goo.gl/uR1xBJ //

機緣巧合下出席咗《AM730》舉辦嘅「土地小辯論座談會」（多謝馮振超同盧覺麟兩位社長熱情招待），平心而論幾位講者都係準備充足，最重要嘅係講嘅內容都係一般人都能容易理解，唔係搞啲離地萬丈嘅「技術式分析」。雖然當中都係有自相矛盾之嫌：

例如關焯照話人口會響幾十年後去到峰值後回落，所以未必需要咁多土地供應，但後尾又話香港人均居住面積低於世界標準，咁你個土地供應足夠係咪建基於人人住檔房？另外施老闆指官商合營無必要，因為廢事觸怒民意、又話爭取解放軍用地應顧及各方感受；點知轉過頭又話哥爾夫球場係有佢嘅價值唔應該剷走佢（但而家問題係有價值個球會卻又唔肯比番價值相符嘅租金，佢又唔提），即使現實剷走佢係可以展示倒政府土地政策嘅決心，都唔應該咁做云云──搬夠龍門未呀？

不過綜觀成個座談會，都有一個意外同一個失望。意外嘅係雖然出席嘅四位嘉賓：關焯照徐家健兩位經濟學教授、聲稱個人不代表華懋 嘅集團行政總裁蔡宏興、仲有中原集團主席施永青，竟然都不約而同對於唔少左翼論點表示贊同：例如關焯照全力支持收回高爾夫球場、施永青好似上面所講反對公私合營、蔡宏興則認為開發郊野公園同填海有不可逆轉嘅破壞，免得過都唔好做──雖然唔係人人一樣，但原來左右兩邊陣營原來都有咁多相同意見同睇法，咁點解唔好好尋求共識、響某啲層面上面團結一致向政府爭取呢？

至於失望個位當然係雖然叫做「土地小辯論」，但在場四個講者無一個係左翼陣營代表，自然亦做唔倒辯論效果。其實掉番轉，本土研究社之類嘅左翼組織，亦一直搞好多論壇同研討會，但至少響我印象中，亦無真係邀請過有份量嘅右派學者出席，黎一場有質素嘅辯論，結果當然就係流於自說自話。

我同馮振超副社長講，其實響不知不覺間《am730》經已成為有質素嘅右翼論述重鎮， 渾水、 周顯、 經濟 3.0等專欄作者，係長期被本土研究社、梁啟智為首嘅左翼意見領袖「監控」，不時都會針對性作出反駁甚至踩場踢館──既然係咁，點解唔再踏出一步，直接面對面黎一次真正嘅「土地大辯論」？

即係我響度正式向 本土研究社 Liber Research Community、陳劍青、林芷筠、 Kai Chi Leung 梁啟智、 八鄉朱凱廸 Chu Hoi Dick 、 土地正義聯盟 等左翼意見領袖發出一封「戰書」，邀請你地同同樣有水平嘅右翼學者進行面對面嘅「交流戰」。小弟我人微言輕，但同經濟3.0都有多少交情，如果你地接納挑戰，我絕對可以代為邀請佢地派代表出席。至於舉辦方式，由我代表籌辦亦得，信唔過我嘅，你地自行舉辦決定地點時間、甚至由你地指定嘅第三中立方（當然要人地肯幫手先得）承辦都無問題。

我曾經同姚松炎有一次面對面交流經驗，感覺上就係相比起隔空交火、自說自話從來達唔到真正嘅交流同辯論效果，直接對質係會解開倒好多誤會同死結。與其沈溺響網絡口水戰，不如一次過面對面講清講楚，相信無論你立場係左定右，都會同意呢個說法。敬候你地嘅回覆！

*於此Post留言及Share者 (最好TAG一名朋友)，有機會免費得到小弟新書《零成本股息投資法》一本(名額十個)及加入投資先機Whatapps群組，得獎者我會PM你。

【小子新書正式出版】

小弟的新書《零成本股息投資法》正式於各大香港書店出售(三聯、中華、商務及誠品)，希望各位讀者多多支持。新書籌備一年多時間，已經成日被網友及朋友追問幾時出到書，因為小弟唔想馬馬虎虎出一本無內容及空洞既書，希望大家閱讀此書後有所得著，幫手推介比身邊好友。

書中核心理念是講解如何透過投資優質收息股，建立股息組合從而達致財務自由的狀態，絕對適合投資風格較穩健的讀者。此投資方法穩健且能為自己提供穩定的被動股息收入，小弟深信此投資策略於長線而言是行之有效的。

書中載有我對於如何挑選優質收息股的選股心心得，學會如何發掘穩定增長派息的優質公司是實踐股息投資法的關鍵因素。書中三大自創的投資理念 (一) 零成本投資法概念 、(二) M-G-S-D-F 收息股選股法則及 (三) 多角度股息率選股法，希望能為讀者提供一個新的投資思考角度。

本次是小弟首次出書，在此十分感激出版社格子盒作室的從旁指導及協助，出版社由編輯、內容組織及校對、封面設計都十分專業及嚴謹。特別要衷心多謝編輯陳卓賢(Michael)對於構思此書時要多配圖表的精僻建議，令此書內容更豐富及更易理解。此外，還要感謝答應小弟邀請，為此書寫推薦序的朋友(排名不分先後)。

陳卓賢 《股票投資All-in-1》作者
Bittermelon 《AM730》財經專欄作者
韓風 新新聞媒體集團創辦人
劉慧 慧悅財經創辦人
雲鎮謙 港股社交APP秒投創辦人 StockFlash 秒投