. [泰BL][以你的心詮釋我的愛] 《以你的心詮釋我的愛》第二季即將喺5月27日開播，除咗4月尾推出由主角PP同Billkin合唱嘅第二季OST之一《Safe Zone》連同MV造勢之外，喺琴日5月20日，即係第二季開播前一週，突然推出SP《Last Twilight in Phuket (แปลรักฉันด้วยใจเธอ Side Story)》。 長13分鐘嘅SP，時間設定喺第一季同第二季之間。第一季講兩位主角考大學前認清自己同彼此嘅訂情故事，第二季講佢哋去曼谷讀大學時嘅感情變化。SP所講嘅，就正如片段名稱一樣，係PP飾演嘅Oh-aew率先出發去曼谷之前，喺布吉嘅最後一日。 片裡面Oh-aew同Billkin飾演嘅Teh，重遊第一季各個經典場景，當中佢哋重遇嘅中文學校同埋爆發愛意嘅沙灘，已經有所變化未能重遊（現實中呢兩個地方都係私人地方，觀眾有機會去布吉都入唔到去），似乎預示咗兩位主角喺第二季嘅感情變化。Teh介意同Oh-aew喺街上面有親密少少嘅互動，亦都喺第二季開始前，為觀眾釐清咗Teh嘅狀態。 片段最後，Teh同Oh-aew喺舊城區一齊坐住買餸嗰架電單車睇日落（個車牌係520，即係條片upload當日）。Oh-aew話喺布吉嘅最後一日完咗時，Teh回應佢：「太陽冇咗，我哋就去睇月亮啦」，兩人對話承接咗第一季《I Told Sunset About You》同第二季《I Promised You The Moon》，希望第二季承接到第一季嗰種錐心感染力。 #劇名IPromisedYouTheMoon係咪已經預示咗結局 #第一季係Sun主線喺Billkin度 #第二季係Moon主線係咪變咗喺PP度 #BKPP #NadaoBangkok @nadaobangkok #NadaoMusic #以你的心詮釋我的愛 #แปลรักLastTwilightInPhuket #แปลรักฉันด้วยใจเธอPart2 #IPromisedYouTheMoon

【 對白筆記＃3 — 《I Told Sunset About You》】 _ 好的劇本、好的對白，能撫慰心靈，令觀眾釋懷。 _ 看罷頭四集後，拖拉差不多半年時間，日前清晨五更時份，終於扚起心肝，將《I Told Sunset About You》第五集大結局看完，落幕的那一刻，剛好天亮，正好呼應片尾那抹布吉島Promthep Cape的夕陽。 _ 這套由Nadao Bangkok出品、2020年10月首播的泰國BL劇，官方的中文譯名為《以你的心詮釋我的愛》，因為劇中的兩位男主角 ─ 阿德（Teh／Billkin飾）和歐兒（Oh-aew／PP Krit飾）透過互相教學中文詞彙和國語讀音而心生愛慕。 _ 有別於一般BL連續劇的毛病：故事牽強胡鬧、為派甜而派甜，角色塑造流於表面，《I Told Sunset About You》從頭到尾都圍繞兩位正值青春期的美男子，尤其是阿德，如何透過跟歐兒的相處、對談，甚至親密接觸，先確認自己的心意，繼而經歷無數基於社會傳統規範而衍生出來的自我否定和恐懼，最終肯定並認同自己的性取向，編劇以幾近深挖的方式，將阿德面對的心理關口，以不同方式呈現出來，可以是將椰肉放在掌心仔細的嗅，也可以是在房間裏的互相愛撫，抑或水中接吻，更多的，是錐心之痛，以及奪眶而出的熱淚。 _ 青春的疑惑，就在盛夏裏找到答案。 _ 真摯細膩的劇本、令人動容的演技、無敵帥氣的可人兒、目不暇給的拍攝場地、情意繚繞的原聲音樂與主題曲，拼湊出2020年最值得推介的年度泰劇，沒有之一，五集就是千錘百煉的精品，彰顯泰劇的質素足已傲視亞洲 ── 當然，也包括對性小眾的關顧。第五集，阿德在胞兄華哥（Hoon／Nat Kitcharit飾）細問下說出自己愛上了歐兒，華哥的回應，大概能夠安慰世上無數得不到家人認同、長期陷於情緒困境的同性戀者。 _ 阿德哭着說：「如果我跟男生交往，媽媽會接受嗎？她會怎麼想呀？我覺得她接受不了的！」 _ 華哥：「你先聽我說，聽我講，你怎能改變全世界人的想法呢？就算你和男生牽手走在大街上，有人可以接受你如此，也有人接受不了的，但我接受得了！如果我弟弟喜歡男生，我接受得了！媽媽那邊，如果有一天你準備好了，你便走到她面前跟她坦白吧，假如她能理解的話，你就算是很幸運了，對吧？！但如果媽媽不能理解，你也不要驚訝，你給她一點時間，到最後，如果媽媽知道你和不愛的人在一起，你根本就不快樂，媽媽也不會快樂。這是你的人生，你只要做一些能夠讓自己幸福的事就夠了。你喜歡誰都可以的，這並不奇怪。你本來說是喜歡誰都行的呀！」 _ 阿德幸運，有這樣的哥哥。 _ 我也慶幸，有這樣的家人。 _ （05052021） _ #游大東 #游大東影視筆記 #itoldsunsetaboutyou #billkin #ppkritt #bkpp #thailand #phuket #thaidrama #lgbtq #yautaitung #05052021 @hkgirltalkdrama @bkpp_taiwan_fc @bkpp_hkpenguin @bkpp.hk #natkitcharit @howardchan0627 #泰劇 @kongjiproduction @truethai9 @studythai.withme @theculttwins #以你的心詮釋我的愛

. [泰劇][I Told Sunset About You] #唔好意思因為太正所以兩連post 套劇本身各方面都高分之外，佢嘅網上宣傳都好勁。除咗平時個個都會做嘅出劇照、出片、製作特輯之外，仲要每集播完之後都upload嗰集OST嘅MV。啲MV唔係將劇集嘅片段剪埋一碟就算，而係另外再拍。除咗PP唱中文版主題曲個MV喺studio拍之外，其他都用唔少資源。 不過令我出呢個2 combo post嘅唔係MV/劇照/片段/製作特輯，而係圖中分別喺第4集同第5集大結局出街之前嘅宣傳圖。冇主角個樣，冇文字描述（嗰堆泰字係劇名），只係得幾條線，但宣傳效果一百分。至今兩張圖喺Facebook累積嘅reaction超過2.2萬同1.5萬。 第4集播之前嘅宣傳圖，畫咗每集兩條線，代表兩個主角嘅關係：第1集講細個好close，中間大家冇見，依家見返又close返。第2集兩個人係朋友關係。第3集Oh-aew同Teh互相靠近但保持距離，最後Teh開始避開Oh-aew。到第4集，Oh-aew同Teh嘅關係糾纏。 第5集播之前嘅宣傳圖，預告咗Oh-aew同Teh一齊喺日落前跑到布吉天涯海角還願。我見到張圖時真係叫出聲，但又怕佢唔係happy ending，非常糾結。 最正嘅係我根本唔識泰文，兩張圖完全超越咗文字語言嘅限制。當初製作團隊預咗面向國際，所以劇集同步放喺Vimeo On Demand畀泰國以外嘅觀眾睇。唔知呢兩張圖係咪專登為咗跨地域去製作，如果係就勁。如果唔係，都係神來之筆，值得鼓掌。 [Vimeo On Demand] http://vimeo.com/itoldsunsetaboutyou 劇集 EP1 12USD、EP2-5 @5.99USD 製作紀錄 EP1 3USD、EP3-8 @1.99USD #Nadao #NadaoBangkok #IToldSunsetAboutYou #แปลรักฉันด้วยใจเธอ #bkpp #Billkin #พุฒิพงศ์อัสสรัตนกุล #PP #กฤษฏ์อำนวยเดชกร #以你的心詮釋我的愛 #一心一譯