❤️ #相機食在尖沙咀 🌟 新派日本菜SUSOSHU @susoshu_hk 🇯🇵SUSOSHU以壽司、蕎麥麵同日本酒做主打，晚市套餐包11款日本新派菜式及甜品，一次過試齊呢三大元素🍣🍜🍶。. . Set Dinner($1280/位） 🥢櫻花蝦紫菜卷 🥢蟹肉甘蝦配土佐酢果凍 🥢宮城縣鮮帆立貝刺身 🥢鰹魚刺身 🥢松葉蟹肉茶碗蒸 🥢季節壽司 4貫 🥢金槍魚腹壽司 🥢海膽壽司 🥢煙燻熊本A4和牛 🥢蕎麥麵 🥢季節甜品. . 菜式賣相精緻😍我最印象深刻嘅係蟹肉甘蝦配土佐酢果凍🦀松葉蟹肉與甘蝦肉雙重鮮味，食之前將面頭嘅愛知縣食用花摘下混和蟹肉及蝦肉一齊食，食到陣陣怡人花香🌸蟹肉本身只以海鹽調味，可以食到食材原始鮮味，特別嘅地方在於墊喺底嘅wasabi葉🌱比平時磨咗嘅wasabi少咗一份攻鼻，但又有大大提鮮嘅效果😋 至於帆立貝係喺日本宮城縣撈起後就即用海水洗，送到香港仍然會收縮，非常新鮮😎 當晚壽司廚師發辦有千葉縣金目鯛、北海道鰤魚、醋漬小肌、秋刀魚，呢四款壽司都係而家時令，四款魚味都比較重，好啱我口味😚 由於食材都係日本直送，食材夠新鮮，所以基本上壽司味道一定唔會差。不過呢間係主打新派日本菜，我都係會期望壽司會多少少配搭及創新😅. . 第二元素『蕎麥麵』非常出色，用全蕎麥粉無添加小麥粉製成，蕎麥味道突出🍜而且口感彈牙爽滑，好食😗 我特別欣賞湯頭用上蝦乾，鮮甜濃郁🦐師傅建議蕎麥麵首先試下蘸蝦乾湯頭，接著加蔥試試傳統風味，最後加入少許香檸提鮮😉 每種食法都有不同風味，各有特色😌 . 另一道煙燻熊本A4和牛同樣有驚喜，熊本和王A4和牛以蘋果木煙燻，三成熟上碟，令和牛保留嫩滑juicy嘅肉質，同時不失濃郁嘅牛味，入口還散發陣陣煙燻香氣 💨 旁邊嘅沙律都好好食🥗因為師傅係用上有機水耕菜以及自家製菠蘿片，非常新鮮爽甜，配以牛骨熬成嘅燒汁，更添惹味🥬. . 最後嘅星空寒天甜品則配合「日本酒」主題🍶加入兩款日本清酒，酒香十足，味道不俗🤓我去之前睇IG一直以為呢個係富士山造型🗻，師傅糾正其實係星空主題呀，哈哈！ . #hkfoodie #food #hkfood #hkig#sharefood #foodiehk #foodinstagram #foodporn #foodlover#hkcafe #相機食先#美食#吃貨 #hkfoodblogger #hkiger #instafood #foodstagram #日本菜 #tstfood #尖沙咀美食 #japanesefood #sashimi #SUSOSHU #壽司 #蕎麥麵 #日本酒 #日本料理 #尖沙咀 #尖沙咀美食 #日本料理店