虎丸說生化數學 🌿見到前幾個post都好多人收藏 對大家有幫助就好了😛感謝大家 - ⛑🐵生物化學數學M2 我都不是最好的 所以可能方法未必係最好嘅🤘🏾 - 1. 生物答題同平時嘅操練 bio嘅標準答案比人心更難猜透 所以我地只可以靠平時儲經驗 有d chapter係比較重要我覺得係要識嘅 包括遺傳 植物維持生命的活動 光合呼吸機制 物質轉運 我地要平日訓練到睇分做題 一般3分題我會答4個point 因為比分係tick point嘅 (當然啦你前後唔可以矛盾) 第二要relate topic就要先自己分topic溫書 例如我一開始修生物係完全唔知要讀植物嘅 全部同植物有關我會一齊讀 生殖遺傳進化細胞週期又一齊讀 加上足夠嘅做題就無問題 第三就係要有比較意識 好多時候都需要你講到比較 例如點解綠色植物係陽光下淨放CO2 因為佢會行光合作用 咁就錯左啦 係因為佢光合作用速率快過呼吸作用速率 其實都係要靠做題培養嘅 另外MC就會考d偏少少又伏嘅野 我就會開一本錯題簿記底 考試前就睇返錯過d咩 有好多難嘅topic都會係MC成日錯 例如植物生殖 實驗目的 向光性個d 記住錯左下次唔錯就已經係進左步 - 2. 化學真係又多又難 點讀呀 我覺得自己必修部分 除左第八章其他都處理得到 首先你一定要好留心好留心好留心上堂 因為chem好鍾意出d書冇但又係課程嘅野 聽書一定比自己返去讀好好多 第二就係唔好飛曬d重點野 我化學書係用雅集嘅 記住唔好飛曬d SBA技巧同學習重點 因為化學係可以出實驗㗎 最重要都係操題 日校呀sir好好人分曬bytopic pp比我地 一星期又有2份小測做 又會講卷呀補課呀 見到好多人問我點抄chem notes 其實有時我係上堂邊聽邊寫嘅 返屋企用15分鐘望返就已經好足夠 計數部分只有做 因為你睇係唔會明嘅 尤其碳氫氧化合物同pH值可以好深 熱化學都係 我都唔掂所以要加把勁了 至於chem12章都可以環環相扣 大家可以試下畫個mindmap扣住課同課 可以考慮由微觀世界2開始 - 3. 數學(M2)點樣先最好最有效率 呢度要講清楚先 以下係我嘅睇法 虎丸完全沒有數學同M2超強轉數能力 只有小心謹慎同埋勤力 對於有數學底子而且不打算花時間讀數嘅你 請回吧 我嘅數學老師成日講 數學好要有4個條件 1. 計算準確 2. 計算速度 3. 概念清晰 4. 表達組織 以下就講下讀數同M2值得留意嘅地方 1. 計算準確 數學: 不要相信自己 相信cal機 M2: 根式運算 求導求積 逆矩陣 向量加減 不容有失 2. 計算速度 多做可以培養感覺 建議有d位就背左佢 例如1-20嘅2次就可以背 1 4 9 16 25 36 49 .... 用嘅方法都係重要嘅 我地要揀啱方法 例如: ABC為一三角形，D為BC上的一點使得AD垂直於BC。若AD=9cm及BC=4cm，則ABC面積為 方法1: 設BD=xcm, CD=(4-x)cm 用tan角同已知嘅AD解x 用畢氏定理求AB同AC再用希羅公式 方法2: 面積=9x4/2=18cm2 呢個例子好極端但我想講嘅係 一定要用個快嘅方法 3. 概念清晰 有d野係真係要背㗎 概念係要清晰先得 你冇concept但係有計算準確同速度都冇用 唔清concept最容易mc死曬 例如咩叫形心 咩叫立體嘅旋轉對稱軸 咩叫面同線嘅交角 咩叫標準分 要背要背 對於我地冇數底嘅就要背 ASGS呀統計呀b^2-4ac都要背 4. 表達組織 唔係中文卷三呀 數學都有表達分攞 睇過下pp answer就會見到好多 留意 考慮 假定 (and also in eng version) 答題都可以試下用 會有幫助嘅 而且好型即刻昇華左個層次🤤 最後 點解我會話自己好小心 除左我會sub數檢查答案 我係一定會寫單位嘅 係一定 最後最後 我地唔係數學天才 寫步驟答案錯都係會有分嘅 所以一定唔好跳步跳到錯左仲要漏埋unit呀 !! 大概係咁啦 總結 biochem數學都係 多做->記錯咩->下次唔錯 清concept->睇answer做法 學下->下次就識->進步->大學見 🤤thanks #cloudrocky