之前係呢間餐廳食過晚飯，一試難忘，今次佢地搬鋪重新開張就緊係要再黎💕 新店環境有格調得黎又帶俾人一種舒適感，仲設有卡拉OK套房𠻹 📣📣依家仲做緊promotion 👉🏻由即日起至30/9/2021，Order 1 打生蠔即送半打生蠔或 1️⃣枝Prosecco（星期五及星期六不適用） 呢到嘅生蠔真係好正㗎‼️我就鍾意加少許檸檬汁一齊食，由淡海水味到比較重海水味食起 隻隻都好飽滿好鮮甜，size剛剛好，一啖過，而且呢到每一隻生蠔🦪都係會成隻起晒殼，確保過生蠔嘅質素後，先至送到客人手上 我個人就比較鍾意來自法國嘅Ancelin，佢個口感整體上都比較平均，唔會太creamery ，肥美得黎又唔會太重海水味，啱晒我口味😋 配上白酒嘅生蠔更加係冇得輸，枝酒嘅after taste 仲有香甜嘅果味，認真唔錯 小食試咗個甜辣糖衣無骨雞翼，雖然賣相睇唔出係雞翼，但食落好嫩滑，一啲雪味都冇，加埋米通一齊食，口感豐富 如果大家想食正宗嘅卡邦尼意粉🍝係到就可以食到，個醬汁係冇落cream，啱晒on diet 嘅朋友，蛋加芝士嘅醬汁配上意粉，食落好滋味，不過如果鍾意食軟身意粉嘅朋友就最好同侍應mention返🤗平時我食呢個意粉都會撚走啲煙肉，呢度用豬面頰肉代替煙肉，正合我心意💕 必試嘅除咗生蠔之外，A4日本和牛都一定要試吓，兩塊加埋🈶 7安士左右，配牛肉汁同埋焦糖乾蔥，五成熟個口感超正👍🏻外層有烤過嘅坑紋，一啖咬落去就充滿肉汁，肉同脂肪比例剛剛好，食落唔會過於油膩 甜品有2️⃣款，一款係自家製意大利芝士餅，由頭𢳂到尾一齊食，會食到香滑嘅cream加朱古力咖啡粉同埋蛋糕，甜度適中 另一款係自家製士多啤梨🍓慕斯配綠茶雪糕，賣相都好吸引，旁邊有開心果粒，中間嘅mousse 有少許士多啤梨醬，食落酸酸甜甜，幾開胃，加埋綠茶雪糕一齊食，口感更滑更清新 📍RB8 Address: G/F, No. 52 Bonham Strand West, Sheung Wan