#NonLoveStory #story24280
[「A0女—player」]

女仔A0有幾個原因，但其實A0都有一部分其實係想食仔既女或者真·player。呢篇主要講玩仔既女既特點，未必太關A0事。

1. 可能係假A0，純粹自己聲稱。Status真假難trace, 基本上可以任你up. 見過唔少o緊既女都話自己A或A0, 等人以為自己係乖個類，方便自己食其他仔。

2. 女Player技術上A0, 實質上A380. 好多女仔都好識flirt仔，透過言語同曖味既身體接觸玩弄男仔，但有時又discourage下你，等男仔唔會全力去追，可以玩耐啲。未必同任何一個男仔拍過拖發展過，但flirt人無數。

3. 對男人好有套路，知道佢地受咩吸引，特登顯露多啲呢種吸引力出嚟迷仔。可能係溫柔甜美既笑容、一陣一陣既香氣、體貼既舉動（願意AA, 幫你抹走污糟野等），用眼神同言語令你沉船。但其實好多係扮出黎，一切做黎都係為左吸引男仔。恐怖在於好難分真定假。

4. 食仔無非為兩個原因：一，玩。player可以係娘娘，但兩者唔一定相等。娘娘鍾意係兵度攞著數，而player係主要鍾意人地為佢沉船既感覺，累積愈多人愈好；覺得溝好多個人好刺激，兵既數目愈多表示自己魅力愈大，幾多人鍾意佢佢永不嫌少。

5. 承上。二，性。對外型好既仔同處男特別有興趣。同普通女仔搵sp唔同，佢地追求既係難度，難得到既愈想食到。靚仔/身材好可以滿足佢地視覺既慾求；亦有好多女鍾意食處男，用拍拖既過程慢慢逐步進攻，製造機會引誘，最享受得到對方既第一次，食到就一句大家唔岩然後88。注意就算處女都可以係player, 唔搞都可以玩錫等等既身體接觸，有啲女係好熱衷於累積掂過幾多款既仔，或再詳看上一個point.

6. 同上一個pt有啲似， 特別鍾意食某一類仔，而對佢地同對其他仔會好唔同。其實個個女都鍾意食靚仔，但player會更有技巧subtle地引佢地，好多時純粹為左食唔係真係鍾意。如果察覺女仔對唔同既男仔有唔同態度同做法，同埋不時製造單獨既機會，要小心。

總結：女仔心機普遍較重，其實識玩仔既女真係唔少，防不勝防。再補一句仆街笠人綠帽者死全家

#薄扶林大學 #HKU

===============================
===============================
:) 分享你嘅小秘密 ==>【 http://bit.ly/sharesomething 】
B-) 成為專欄作家，讓更多人睇到你嘅作品 ==>【 http://dry.hk/beblogger/ 】

【你揀呀，揀儲錢結婚定分手？】

喺一啲深夜邪惡食店附近，最多潛在客人嘅地方，我將車頭燈調去細燈，碌住FACEBOOK靜待客人來臨。

天氣愈凍，去食宵夜嘅人愈多，務求將各自歸家嘅時間盡量推遲。睇住四對男女進入之後，終於有一對男女出黎，兩個都戴住同一款貨車帽，似乎係真實情侶。一見咁嘅情況，我即刻關上窗開暖氣，務求唔好流失顧客。

「搭的士好貴呀，你慳啲得唔得？」車門一開，傳來女乘客不耐煩嘅聲音，仲身體力行拉住男人停一停諗一諗，唔似啲口裡說不身體卻誠實地上車嘅女子。不過，男人堅持趕個女人上車：「最多慳啲，去我度先好唔好？咁凍唔好喺街行喇。」溫暖嘅舉動，令我暗暗為呢位暖男喝一聲彩。「梗係啦，唔通仲兜個大圈咩。司機麻煩你先去荃灣再入屯門。」慳家女輸咗上唔上車嘅爭拗，贏返路線決定權，男女相爭司機得利。

落旗開車之後，生米已成熟飯，慳家女都未肯放過暖男：「講極你都係咁嘅，成日話應使則使，咩鬼都應使，你講丫，呢個星期使咗幾多應使嘅錢丫？」暖男尚未構思到適當對答，已經遭受第二波攻擊：「又同呀Silver佢哋打邊爐，又要買新GAME，又話要換季，有邊樣係應該使㗎？頭先又去⋯⋯」慳家女逐樣數返暖男嘅生活開支，由理工大學講到上加士居道天橋，暖男終於搵到機會插口：「呢啲都係使一次啫，好多都係同你出去先使嘅。」唉，少年，第一句都還可以，尾嗰句簡直係花式自殺，點可以喺女人怒火沖天嘅時候將責任分去佢身上呢？就算係事實都唔會被接受。果然，火水一灑，火花四射：「使一次唔係使呀？咩都係使一次，使吓使吓咪使晒囉。淨係話拍拖要用錢，咁第時結婚唔使錢嘅，你係咪想淨係將錢要黎拍拖唔同我結婚呀？你揀呀，揀儲錢結婚定分手？」重磅炸彈一出，車廂唔係即時陷入沈默，而係暖男嘅哈哈聲：「哈哈，點會揀分手呢？我梗係想同你結婚啦，我哋仲要生兩隻豬仔㗎嘛。」嬉笑似乎係暖男常用嘅安撫方法，唔知有無用呢？「你究竟有無概念結婚要用幾多錢？你平時又使咗幾多錢？唔係話唔俾你去街，唔俾你買嘢，你都要知道究竟使咗幾多錢，又有幾多錢係儲起FOR將來用㗎。」慳家女開始無咁激動，睇黎笑容攻勢開始生效。「總之我應承你會儲錢，我哋會有將來。我有諗過㗎，擺酒擺一萬蚊一圍以下嗰啲，實回到本，結婚之後，租屯門啲村屋住住先，儲夠四十萬再加我哋屋企人借啲，咁就買到樓。」認真，從來係最有效手段，聽到暖男咁樣講，慳家女終於肯轉移話題。

抵達荃灣後，暖男先落車，臨落車又要嘴兩啖，浪費我嘅金錢。
暖男落車後仲要一步三回頭，我懶理佢，馬上俾油走。
上到屯門公路，慳家女忽然懶嬌俏咁講：「司機哥哥呀，我哋去咁遠，可唔可以俾個折我呀？」我心諗，你真係咁慳頭先就堅持企硬啲搭巴士啦，翻譯返可以對客嘅語言就變成咁：「ER⋯⋯唔可以呀，我都要儲錢結婚，搵多一蚊得一蚊呀。」慳家女感受到我嘅堅決，都無堅持要折，只係自嘲：「唉，咁我都明嘅，我只係想儲多啲錢啫。你都聽到㗎啦，佢又麻麻煩煩咁，係咪個個男人都係咁玩玩下㗎？」又係呢啲個個男人都係咁嘅言論，家陣你A380咩？點知其他男人點？「唔係㗎，我識好多行家都有儲錢喎，我哋日日現金出糧，唔搵個方法儲錢好易用晒，邊個記得每日每更搵幾多。可能你男朋友有錢先無我哋咁大危機感啦。」眾所週知，好多的士佬呢頭搵嗰頭賭，儲錢真係唔易。「咁你講丫，你哋點儲錢？等我調教吓佢。」慳家女真係唔放過任何一個機會。「好多方法嗰喎，不過主要都係記低收支先囉，仲要有個目標，啲錢儲黎做咩，好似你儲錢結婚咁，咪儲幾多萬影相，幾多萬FOR擺酒。你知啦，我哋搵錢唔多，一個大數咁儲，只會係永遠都達唔到嘅目標，拆散黎儲就好好多。儲得一蚊得一蚊。」「希望佢會儲啦，唔肯儲咩方法都無用。唔儲真係要轉會，我都二十八歲，無幾多時間陪佢癲。」呢句自言自語，相信係慳家女喺車上最真心嘅一句話。講到轉會，我都唔敢搭嘴，專心揸車，漫長嘅屯門公路，喺深夜時分好快就行完。

「到喇，嗰五毫子就算啦，咪話唔益你。攞返張單啦，記低你哋使咗幾多錢呀。」收少五毫主要係懶得找，反正都過二百蚊落袋，唔差在啦。

袋好，MARK低呢程車錢先，乘客嘅開支就係小弟嘅收入呀。吉車返市區時，反思返儲錢真係好重要，希望無儲錢習慣嘅男人睇到啦，如果唔係被人撇咗都唔知咩事。儲錢方法有好多種，我一直用緊『錢家有道』個APPS都方便，睇到呢度嘅都係FANS，俾埋個LINK方便大家：

IOS: https://goo.gl/29MyGc
Android: https://goo.gl/VRX4np

#儲錢結婚 #錢家有道 #儲起嘅個案終於有用
#lazytaxi #我的你的紅的 #的士 #taxi

｜A0女神｜30追求者全被Friend zone 靚女難拍拖？ 心理學家：男賺女蝕性邏輯各位讀者身邊有沒有一些美女朋友，你以為她愛情經驗豐富，怎知拍拖的次數是零，或是很久都沒有拍拖呢？23歲的雍榕在美國的大學主修Business law（商業法），副修Criminology and criminal justice（犯罪學及刑事司法），可以說是一名「難攻不落」的A0女神，23年人生有近30人向她表白但全員慘被Friend Zone，她笑容可掬，活潑開朗，又……嗯，各位讀者直接看片好過用筆墨形容，但令人震驚的是雍榕竟然是A0（沒拍過拖）。「好多人以為我A380，其實我是A0。」雍榕苦笑道。

雍榕中學時唸女校，畢業後到美國唸大學，但她在橫跨半個地球後始終都沒有遇到絕配的戀人，最後「A住grad」（單身到畢業）。「印象中差不多有30人曾追求過我或向我表白，但追得非常賣力的應該有10多人。」首先雍榕的擇偶條件是要「高、比自己年長得多、樣貌就不要太帥」，她指自己追求的愛情是可以在過程中互相成長，每次交流都是「有養份」，儘管相對無言時依然感到氣氛舒服，而且手藝很好，向他求救時甚麼都懂得維修，這個理想中的對象清單深受她自己的爸爸所影響，「我爸爸都是一個頗完美的男人，除了外表方面是完全不符合我的理想。」因為雍榕即將修讀法學博士（Juris Doctor）並以律師執照為目標，所以希望她的另一半是與她完全不一樣專業的男生，「我上班已經常面對着這些，我喜歡與我擅長的東西不同以及有手藝的男人，我電話、電腦壞了他懂得砌好，我不擅長不懂的東西他全都會，這種感覺很有型， 比起那些送花來打動我是完全不同的。」

https://hk.appledaily.com/lifestyle/20210610/S4EUYOHXDNCR3NHLC26RQD6PSY/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#女神 #心理學 #美國 #A0 #大學
#果籽 #StayHome #WithMe #跟我一樣 #宅在家