(真人真事)
　
話說上年自己一個睇完電影返屋企時侯，突然有人喺後面嗌住我
　
「明哥明哥!好耐無見!」原來係我同學個細佬。
　
呢個男仔一直都對我好客氣，好尊敬佢阿哥嘅朋友。但其實我唔係好想喺街到「應酬」人，所以有得避就避，但呢刻無得避啦，就焗住同佢傾下計。
　
咁我見佢成身汗，就問佢攪咩嚟。佢就話岩岩放工，去咗打波。我話咁健康唔洗溫書咩?
　
佢就笑說:「我細你幾年咋!出咗嚟做野成年喇!」
　
突然間佢就轉咗話題，佢就話:「明哥!你就好喇!你呢行咁多女仔!一定識唔少喇!唉!我就無喇!」
　
我就話:「我呢行多女仔，但唔代表我識到女仔架嘛!係咪先!」
　
「我仲好記得你之前同我講，你話男人最緊要專一!要對女仔好!正正常常咁追女仔就得!但係.....好似好難咁。」
　
我心諗，原來我有咁講過呢啲野咩?
　
我見佢好似幾迷茫，話唔定我當年一句說話真係影響咗佢。
　
佢問我點算好? 我心諗我自己都無，仲教你?!
　
於是我就指住前面有對情侶，我就問佢睇到啲咩。
　　
佢望咗兩望，就話:「睇到有個靚女!」
　　
「咁呢個靚女做你女朋友你肯唔肯?」
　
「Um....食煙架喎!MK妹....唔喇!唔係好岩我。」
　
我就問:「MK妹唔好咩? 不知幾正喎!」
　
「唔係唔好!係我唔好姐!MK妹點會鐘意我呢啲男仔丫!」
　
我再叫佢望下個男仔，問佢見到啲咩。
　
佢望兩望，就話對方係MK仔。
　
我就話:「MK仔配MK妹!人地互相欣賞，一支煙兩份煲，不知幾開心，MK妹配你，大攬都扯唔埋喇!」
　
「咁姐係點?」佢好似唔係好明。
　
「姐係你咪要等下，等一個識得欣賞你嘅人囉!屌你!你估人地咁易搵到你咩!」
　
佢聽完後好似恍然大悟，但我其實唔知自己講緊咩。
　
行到見到有間7仔，我話不如買支野飲。佢就話唔好喇~要慳錢，要返屋企飲水。
　
最後我就話請咗佢飲，佢都唔肯!要我夾硬買比佢先肯接受。
　
佢就多謝我，之後就拜拜。呢下我覺得咁多年佢都仲係咁好仔。
　
事隔一年，佢終於拍到拖，對方仲要幾靚女!!!
真心恭喜佢，佢終於等到有人搵佢。
　
所以忠於自己，總有一日會有人欣賞你。
　
　
　
　
　
　
　
　
　
　
　
講呢啲!收皮喇!

【懷舊系列：Viennetta雪糕】
嗚呀～小編細細個嗰時好鍾意食Viennetta雪糕架！！！有無人都係？
（um……係咪曝露咗小編年齡嘅秘密？）
===========================================
【精彩文章】編輯試食！9間雪糕、雪條店大比併：http://mycg.hk/1hVr00W

想睇更多精彩內容，立即follow CosmoGIRL!官方Instagram！
Follow us on Instagram: http://instagram.com/cosmogirl_hk ( id: cosmogirl_hk)
#cosmogirlhk