【闊腳速度型波Boot：Ultra 1.1 FG/AG】 . PUMA今年度推出了相當令人期待嘅Ultra系列，而Ultra系列亦正式取代One系列。雖然話係取代，但係實質上所走嘅路線相當唔同。Puma於Ultra系列上面，以基沙文以及阿古路等進攻球員代言，並以速度為主打，透過Ultra撕破對手防線。今次阿靴腳上嘅Ultra，就係推出咗唔係好耐嘅Turbo Pack，個Pack以螢光粉紅色為主色。Future 6.1 嘅全螢光粉紅固然吸引，不過Ultra 1.1嘅用色阿靴亦非常喜歡，佢以黑色為底色，並配上螢光粉紅及多隻顏色嘅織線放於鞋頭及鞋身上，相當富藝術感，而腳前掌嘅鞋釘亦是螢光粉紅。今日，阿靴亦會同大家深入實測Ultra 1.1 FG/AG。 . Ultra 1.1 FG/AG 鞋面用上PUMA嘅新科技MATRYXEVO，佢係一塊非常薄嘅織布，而且由碳同纖維組成，期望給予大家輕巧和速度嘅踢球體驗，波Boot鞋頭及兩側亦用上一層薄薄嘅Grip Control Pro塗層，期望曾強耐用度及球感。Ultra 1.1 FG/AG鞋身同樣用上襪套式設計，期望令鞋身更貼腳背。最後，於鞋釘上，佢用上較輕巧嘅物料，鞋釘亦啟發至短跑跑鞋，佢前掌鞋釘為箭嘴型釘，期望帶備大家更強大嘅速度感。 . 阿靴就著住Ultra 1.1 FG/AG 進行了數場友賽，順便實測下Ultra 1.1 FG/AG嘅性能。阿靴最滿意嘅係波Boot帶黎既盤扭發揮，Ultra 1.1 FG/AG 穿著感相當輕巧，加上無筒嘅設計令盤扭相當暢順。輕巧嘅質料，加上箭咀型釘俾到一種田徑場上短跑嘅感覺，速度感相當強，亦帶來相當高質嘅靈活感。不過，可惜嘅係Ultra 1.1 FG/AG 嘅鞋型較闊，並唔係阿靴嘅中腳形，唔係嘅話，相信Ultra 1.1 FG/AG嘅發揮就會更加頂級。 . 此外，控球上阿靴亦相當滿意，Ultra 1.1 FG/AG帶來高質嘅赤足體驗，無論長短傳亦可以較輕鬆控下，雖然Ultra 1.1 FG/AG 鞋面無咩特別紋理而較為平滑，不過阿靴就幾喜歡呢種感覺，而控球嘅感覺亦會較自然。 . 長傳上阿靴就認為佢屬於一般，始終Ultra 1.1 FG/AG較為輕巧，力量感相對Future會較遜色，而且佢鞋型屬於闊腳，中腳型嘅阿靴會覺得佢斬波時唔夠食力；長傳球感上，Ultra 1.1 FG/AG鞋身較平滑，因此球感上亦屬於一般。不過於中距離短距離嘅傳球上，阿靴就感到滿意，佢較薄嘅質料令短傳質感變得爽朗，另外鞋頭及兩側嘅塗層，亦為腳內/外檔拉西嘅傳送帶來適中嘅球感。 . 射門上會係Ultra 1.1 FG/AG較遜色嘅地方，始終阿靴腳形上同波Boot有啲唔同，會較難射出食得應嘅射門，亦因此需要時間適應及調節。於腳內檔射門上，Ultra 1.1 FG/AG唔會帶來強. . 整體嚟講，阿靴認為Ultra 1.1 FG/AG係阿靴一對相當期待嘅波Boot，畢竟Puma重推速度型嘅波Boot，而且鞋面亦用上全新嘅Knit質料，佢亦令阿靴諗起舊時Evospeed Fresh嘅質感。不過要提醒一點嘅係，Ultra 1.1 FG/AG鞋面的確較薄，保護性亦會較弱，加上塗層位置較小，落雨嘅話對Boot亦會較易入水。 . 於Size上，Ultra 1.1 FG/AG無偏大或偏細，大家選擇翻正常Size就可以，鞋型上Ultra 1.1 FG/AG就屬於闊腳。 . Puma Ultra 1.1 FG/AG 實測報告： 盤球：●●●●◐ 控球：●●●● 短傳：●●●● 長傳：●●●◐ 射門：●●●◐ 舒適：●●●● 保護：●●● . 感謝 @pumahk 提供嘅波Boot。 . ——————————————— Follow me🔹 @hkfootballreview ——————————————— #pumahk #pumafootballhk #pumaultra #pumafootball #turbopack #靴實測_puma