🥃中環歐式復古風酒吧🍸 - 之前餐廳開左無耐，已經bookmark 左，皆因男神Daniel 進攻飲食界😍 就算見唔到真人，都想試下食物嘅水準~ 酒吧設計非常有格調，參考左歐式嘅豪華火車設計，一入門口reception位見到嘅復古行李箱設計就已經感受到🧳 今次就同同事一齊去食返個lunch，順便試埋佢哋主打嘅cocktails- Highball 🤩 - Salted egg chicken crackling ($68) 待應哥哥推薦，送酒真係一流🍻 外層沾滿鹹蛋黃，雞皮食落好酥脆而且一啲都唔油，忍唔住一塊接一塊咁食！ * Unagi Avocado Roll ($88) 外層用crêpe 包住左鰻魚同牛油果🥑，面層住鋪滿蟹籽，食落帶小清新 * 日式黑松露叉燒鵝肝銷魂飯($148, 包餐飲) 依個飯中西合壁，個醬用上中式叉燒甜醬油，叉燒就係日本拉麵嘅叉燒，超入味，濃味左啲，但就超啱送飯😍 鵝肝輕輕煎過，幾香，但黑松露味就唔夠出眾 * 鮑魚雞煲飯($158) 同樣中日fusion ，日式照燒雞配中式煲仔飯，上面仲有原隻鮑魚😋 整體味道唔錯，但就少左煲仔飯嘅要點，飯焦😟 有嘅話會加唔少分 * 北海道吉列牛肉餅三文治($110) 兩面烘得焦脆，入面嘅吉列牛肉餅調味唔錯，外層薄而脆😗 加埋旁邊嘅沙律菜，減卻左油膩感 * 飲品方面幾推薦Tatanka($110) 同 Year of Rat($136) Tatanka係Highball其中嘅一款，用烈酒作base，再mix其他酒類同soda😌 依杯就用左Bison Grass Vodka為底，再加左Apple wine, Honey whiskey , chocolate bitters同soda。飲落明顯帶蘋果嘅清新，幾易入口，女仔都啱飲😚 Year of Rat係杯幾趣致嘅cocktail. Tequila 溝益力多，上面仲落左少少話梅粉。配搭新穎，鹹鹹甜甜咁，而且同樣幾易入口👍🏻 - 食完嘢仲有小遊戲玩，揀啱鎖匙開個酒櫃門，就有免費一杯清酒shot🍶 遊戲tips記住問下待應哥哥啊~ - The ThirtySix (中環) 中環蘇豪荷李活道23號金珀苑2樓

男神吳彥祖在中環開的酒吧餐廳 其實我都好期待會係餐廳見到佢😇 一入門口前已經見到好多酒放喺酒櫃 鍾意飲酒嘅你真係唔可以錯過 一坐底已經忍唔住叫左2杯cocktails 女仔怕酒精太重的話可以試吓呢杯 Downtown Daiquiri 甜甜地好重果汁味 男仔鐘意飲酒的就要試吓得獎酒 Specialty highballs - Tatanka🥃 用上2018 的World Vodka Awards 的 Zubrowka Blson Grass Vodka 然後入到餐廳仲有一個鎖住左嘅酒櫃 店員表示只要從36把鎖匙中 選中一把對的鎖匙開鎖就可以獲得免費shot了🥂 食物方面絕對係高質有水準而且價錢合理 全部菜式都好特別出面好小見 餐廳主打日本🇯🇵居酒屋食物 大部份食物都是用來配酒的🍹🍷 店內王牌菜式絕對是 Salted egg chicken 🐓 crackling 感覺似新加坡的鹹蛋魚皮 鹹蛋黃味和雞皮非常香脆 食落完全無油膩感覺 送酒簡直一流😋 Old Fashioned Bourbon Burger🍔 是將經典的雞尾酒變成漢堡的味道 混合苦橙和車厘子果醬 冇諗過係完全沒有用酒精的情況下 也能把雞尾酒的味道帶入漢堡中 燒過的芝士配上好juicy 好多肉汁的牛肉 Brandy Blue Cheese Burger🍔 一聽到Blue Cheese 第一感覺 是擔心味道會不會有點太濃烈 的確未食第一口前已經聞到藍芝士的味道 可能加左洋蔥同酸瓜的配料 食落感覺又可以接受 Yakiniku Chicken wing 🐔 單骨雞翼配上日式醬汁 雖然比較普通...但也算是飲酒滋味小食之一 Tomato bruschetta 蕃茄蓉蒜蓉配上少許wasabi 竟然唔會好辣而且仲好開胃 法包 外脆內軟 最重要唔會硬同𠝹口 又是送酒一流的小食 Rice Crackers with Veggies Mocktail Mousseline 這份脆米餅的特色所在 就是在它的五層醬汁 分別用上牛油果、紅椒、茄子、 意大利黃瓜和洋蔥紅蘿蔔做成 店員介紹一定要把五層醬汁塗在米餅上 Unagi avocado roil 用蛋卷皮包住鰻魚、牛油果、蟹籽和青瓜 食落好有口感，食材好新鮮而且味道很夾 #thethirtysix #thethirtysixhk #central #soho #drink #drinks #slurp #pub #bar #liquor #yum #yummy #instagood #cocktail #cocktails #drinkup #drinking #glass #photooftheday #enjoy #wine #sweet

💭【#SK西餐篇】 . 男神吳彥祖所開既酒吧餐廳😍必食果醬Buregr 🍔同招牌Highball，有機會仲可以見到男神添！ ___________________ 1/ Old-Fashioned Bourbon Burger $138 必點招牌，將經典既Old-Fashioned 雞尾酒原素變成漢堡🤤，再混合左苦橙同車厘子果醬，創意十足！用上澳洲牛肉，望落去用料簡單，咬落去車厘子果醬既作用就好似藍莓cheesecake上面塗上一層藍莓醬咁，畫龍點睛既效果，個人比較喜歡甜味，當牛肉漢堡扒配上車厘子果醬可以降低油膩感，再加芝士，濃味Burger👏🏻 . 2/ Brandy Blue Cheese Burger $158 同樣都係用上澳洲牛肉，但就配Blue Cheese、無花果醬及醋醃過既洋蔥。Blue Cheese唔係人人接受到，我自己其實都唔鍾意就咁食Blue Cheese，覺得味道太強勁，但配Burger又覺得好特別所以試下。同樣係甜口味既Burger，因為有無花果醬，當咬到無花果醬及Blue Cheese，兩者完美地混合😭！無花果醬完全將Blue Cheese果種羶化解，再加醋醃洋蔥，十分滋味，高度評價！ . 3/ Salted Egg Chicken crackling $68 聽聞係男神吳彥祖最愛😂鹹蛋黃炸雞皮，用嚟佐酒一流，食落其實都似魚皮，但就薄身啲。 . 4/ Scallops in Pesto $72 燒帶子燒得香口😌，配上意大利青醬，但唔點醬都好夠味。 . 5/ Chicken Satay $49 燒既時間耐左少少，肉質有啲老咗，同埋可以更多沙嗲醬。 . 6/ Spanish Pork Belly Kimchi Roll $48 西班牙既Pork Belly遇上韓國Kimchi會如何？估唔到咁夾！岀面用煙肉包住，入面既Pork Belly燒至十分香口，配上酸辣Kimchi，中和Pork Belly既肥膩，十分推薦！ . 7/ Unagi Avocado Roll $78 原來係蛋卷，岀面係幾層蛋餅卷成，內裡就係鰻魚、蟹籽及牛油果。蛋層好厚，有濕潤度唔乾身，配上爽口蟹籽，口感增加，唯牛油果唔算多，蛋層整薄少少可以更突岀鰻魚味道😎 . 8/ Tatanka $110 餐廳以Highball 做賣點，呢款Tatanka所用既係2018 獲獎Vodka, Apple Wine, Honey等。味道易入口，加上Apple Wine, Honey等女士岩飲。 ___________________ #SK中環區 餐廳：The ThirtySix @thethirtysixbar 地址：中環蘇豪荷李活道23號金珀苑2樓 營業時間：星期一至四17:00-01:00；星期五六17:00-02:00；星期日休息